আদিপর্ব – অধ্যায় ২৪৯
॥ শ্রীঃ ॥
১.২৪৯. অধ্যায়ঃ ২৪৯
Mahabharata – Adi Parva – Chapter Topics
খাণ্ডববনদহনার্থং কৃষ্ণার্জুনৌপ্রতি অগ্নেঃ প্রার্থনা॥ ১ ॥ জনমেজয়স্য অগ্নিকৃতখাণ্ডবদাহপ্রার্থনাকারণপ্রশ্নানুরোধেনবৈশম্পায়নেন শ্বেতকিরাজোপাখ্যানকথনম্॥ ২ ॥ বহূনি বর্ষাণ্যবিচ্ছিন্নং যজতঃ শ্বেতকের্যাগেন শ্রান্তৈর্ঋৎবিগ্ভিঃ পুনর্যাজনা নঙ্গীকরণম্॥ ৩ ॥ আরাধিতস্য শঙ্করস্যাজ্ঞয়া দ্বাদশবর্ষপর্যন্তং সংততাজ্যধারয়াঽগ্নেস্তোষণম্॥ ৪ ॥ পুনরারাধিতস্য শঙ্করস্যাজ্ঞয়া দুর্বাসসঃ সাহায়্যেন যজতো রাজ্ঞো মখে বহুহবির্ভোজনেনাগ্নের্গ্লানিঃ॥ ৫ ॥ তৎপরিহারার্থং প্রার্থিতেন ব্রহ্মণা খাণ্ডবভক্ষণবিধানম্॥ ৬ ॥ খাণ্ডবং দগ্ধুং সপ্তকৃৎবো যতিতবতোঽপ্যগ্নেঃ তত্রত্যৈর্গজাদিসৎবৈর্জলসেকেন নির্বাপণম্॥ ৭ ॥
Mahabharata – Adi Parva – Chapter Text
১-২৪৯-০ (১০৮২০)
বৈশম্পায়ন উবাচ। ১-২৪৯-০x (১৩১৭)
সোঽব্রবীদর্জুনং চৈব বাসুদেবং চ সাৎবতম্।
লোকপ্রবীরৌ তিষ্ঠন্তৌ কাণ্ডবস্য সমীপতঃ॥ ১-২৪৯-১ (১০৮২১)
ব্রাহ্মণো বহুভোক্তাঽস্মি বুঞ্জেঽপরিমিতং সদা।
ভিক্ষে বার্ষ্ণেয়পার্থৌ বামেকাং তৃপ্তিং প্রয়চ্ছতম্॥ ১-২৪৯-২ (১০৮২২)
এবমুক্তো তমব্রূতাং ততস্তৌ কৃষ্ণপাণ্ডবৌ।
কেনান্নেন ভবাংস্তৃপ্যেত্তস্যান্নস্য যতাবহে॥ ১-২৪৯-৩ (১০৮২৩)
এবমুক্তঃ স ভগবানব্রবীত্তাবুভৌ ততঃ।
ভাষমাণৌ তদা বীরৌ কিমন্নং ক্রিয়তামিতি॥ ১-২৪৯-৪ (১০৮২৪)
ব্রাহ্মণ উবাচ। ১-২৪৯-৫x (১৩১৮)
নাহমন্নং বুভুক্ষে বৈ পাবকং মাং নিবোধতম্।
যদন্নমনুরূপং মে তদ্যুবাং সংপ্রয়চ্ছতম্॥ ১-২৪৯-৫ (১০৮২৫)
ইদমিন্দ্রঃ সদা দাবং খাণ্ডবং পরিরক্ষতি।
ন চ শক্নোম্যহং দগ্ধুং রক্ষ্যমাণং মহাত্মনা॥ ১-২৪৯-৬ (১০৮২৬)
বসত্যত্র সখা তস্য তক্ষকঃ পন্নগঃ সদা।
সগণস্তৎকৃতে দাবং পরিরক্ষতি বজ্রভৃৎ॥ ১-২৪৯-৭ (১০৮২৭)
তত্র ভূতান্যনেকানি রক্ষ্যন্তেঽস্য প্রসঙ্গতঃ।
তং দিধক্ষুর্ন শক্নোমি দগ্ধুং শক্রস্য তেজসা॥ ১-২৪৯-৮ (১০৮২৮)
স মাং প্রজ্বলিতং দৃষ্ট্বা মেঘাম্ভোভিঃ প্রবর্ষতি।
ততো দগ্ধুং ন শক্নোমি দিধক্ষুর্দাবমীপ্সিতম্॥ ১-২৪৯-৯ (১০৮২৯)
স যুবাভ্যাং সহায়াভ্যামস্ত্রবিদ্ভ্যাং সমাগতঃ।
দহেয়ং খাণ্ডবং দাবমেতদন্নং বৃতং ময়া॥ ১-২৪৯-১০ (১০৮৩০)
যুবাং হ্যুদকধারাস্তা ভূতানি চ সমন্ততঃ।
উত্তমাস্ত্রবিদৌ সম্যক্সর্বতো বারয়িষ্যথঃ॥ ১-২৪৯-১১ (১০৮৩১)
জনমেজয় উবাচ। ১-২৪৯-১২x (১৩১৯)
কিমর্থং ভগবানগ্নিঃ খাণ্ডবং দগ্ধুমিচ্ছতি।
রক্ষ্যমাণং মহেন্দ্রেণ নানাসৎবসমায়ুতম্॥ ১-২৪৯-১২ (১০৮৩২)
ন হ্যেতৎকারণং ব্রহ্মন্নল্পং সংপ্রতিভাতি মে।
যদ্দদাহ সুসংক্রুদ্ধঃ খাণ্ডবং হব্যবাহনঃ॥ ১-২৪৯-১৩ (১০৮৩৩)
এতদ্বিস্তরশো ব্রহ্মন্শ্রোতুমিচ্ছামি তত্ৎবতঃ।
খাণ্ডবস্য পুরা দাহো যথা সমভবন্মুনে॥ ১-২৪৯-১৪ (১০৮৩৪)
বৈশম্পায়ন উবাচ। ১-২৪৯-১৫x (১৩২০)
শৃণু মে ব্রুবতো রাজন্সর্বমেতদ্যথাতথম্।
যন্নিমিত্তং দদাহাগ্নিঃ খাণ্ডবং পৃথিবীপতে॥ ১-২৪৯-১৫ (১০৮৩৫)
হন্ত তে কথয়িষ্যামি পৌরাণীমৃষিসংস্তুতাম্।
কথামিমাং নরশ্রেষ্ঠ খাণ্ডবস্য বিনাশিনীম্॥ ১-২৪৯-১৬ (১০৮৩৬)
পৌরাণঃ শ্রূয়তে রাজন্রাজা হরিহয়োপমঃ।
শ্বেতকির্নাম বিখ্যাতো বলবিক্রমসংয়ুতঃ॥ ১-২৪৯-১৭ (১০৮৩৭)
যজ্বা দানপতির্ধীমান্যথা নান্যোঽস্তি কশ্চন।
`জগ্রাহ দীক্ষাং স নৃপঃ তদা দ্বাদশবার্ষিকীম্॥ ১-২৪৯-১৮ (১০৮৩৮)
তস্য সত্রে সদা তস্মিন্সমাগচ্ছন্মহর্ষয়ঃ।
বেদবেদাঙ্গবিদ্বাংসো ব্রাহ্মণাশ্চ সহস্রশঃ॥’ ১-২৪৯-১৯ (১০৮৩৯)
ঈজে চ স মহায়জ্ঞৈঃ ক্রতুভিশ্চাপ্তদক্ষিণৈঃ॥ ১-২৪৯-২০ (১০৮৪০)
তস্য নান্যাঽভবদ্বুদ্ধির্দিবসে দিবসে নৃপ।
সত্রে ক্রিয়াসমারম্ভে দানেষু বিবিধেষু চ॥ ১-২৪৯-২১ (১০৮৪১)
ঋৎবিগ্ভিঃ সহিতো ধীমানেবমীজে স ভূমিপঃ।
ততস্তু ঋৎবিজশ্চাস্য ধূমব্যাকুললোচনাঃ॥ ১-২৪৯-২২ (১০৮৪২)
কালেন মহতা খিন্নাস্তত্যজুস্তে নরাধিপম্।
ততঃ প্রসাদয়ামাস ঋৎবিজস্তান্মহীপতিঃ॥ ১-২৪৯-২৩ (১০৮৪৩)
চক্ষুর্বিকলতাং প্রাপ্তা ন প্রপেদুশ্চ তে ক্রতুম্।
ততস্তেষামনুমতে তদ্বিপ্রৈস্তু নরাধিপঃ॥ ১-২৪৯-২৪ (১০৮৪৪)
সত্রং সমাপয়ামাস ঋৎবিগ্ভিরপরৈঃ সহ।
তস্যৈবংবর্তমানস্য কদাচিৎকালপর্যযে॥ ১-২৪৯-২৫ (১০৮৪৫)
সত্রমহার্তুকামস্য সংবৎসরশতং কিল।
ঋৎবিজো নাভ্যপদ্যন্ত সমাহর্তুং মহাত্মনঃ॥ ১-২৪৯-২৬ (১০৮৪৬)
স চ রাজাঽকরোদ্যত্নং মহান্তং সসুহৃজ্জনঃ।
প্রণিপাতেন সান্ৎবেন দানেন চ মহায়শাঃ॥ ১-২৪৯-২৭ (১০৮৪৭)
ঋৎবিজোঽনুনয়ামাস ভূয়ো ভূয়স্ৎবতন্দ্রিতঃ।
তে চাস্য তমভিপ্রায়ং ন চক্রুরমিতৌজসঃ॥ ১-২৪৯-২৮ (১০৮৪৮)
স চাশ্রমস্থান্রাজর্ষিস্তানুবাচ রুষান্বিতঃ।
যদ্যহং পতিতো বিপ্রাঃ শুশ্রূষায়াং ন চ স্থিতঃ॥ ১-২৪৯-২৯ (১০৮৪৯)
আশু ত্যাজ্যোঽস্মি যুষ্মাভির্ব্রাহ্মণৈশ্চ জুগুপ্সিতঃ।
তন্নার্হথ ক্রতুশ্রদ্ধাং ব্যাঘাতয়িতুমদ্য তাম্॥ ১-২৪৯-৩০ (১০৮৫০)
অস্থানে বা পরিত্যাগং কর্তুং মে দ্বিজসত্তমাঃ।
প্রপন্ন এব বো বিপ্রাঃ প্রসাদং কর্তুমর্হথ॥ ১-২৪৯-৩১ (১০৮৫১)
সান্ৎবদানাদিভির্বাক্যৈস্তত্ৎবতঃ কার্যবত্তয়া।
প্রসাদয়িৎবা বক্ষ্যামি যন্নঃ কার্যং দ্বিজোত্তমাঃ॥ ১-২৪৯-৩২ (১০৮৫২)
অথবাঽহং পরিত্যক্তো ভবদ্ভির্দ্বেষকারণাৎ।
ঋৎবিজোঽন্যান্গমিষ্যামি যাজনার্থং দ্বিজোত্তমাঃ॥ ১-২৪৯-৩৩ (১০৮৫৩)
এতাবদুক্ৎবা বচনং বিররাম স পার্থিবঃ।
যদা ন শেকূ রাজানং যাজনার্থং পরন্তপ॥ ১-২৪৯-৩৪ (১০৮৫৪)
ততস্তে যাজকাঃ ক্রুদ্ধাস্তমূচুর্নৃপসত্তমম্।
তব কর্মাম্যজস্রং বৈ বর্তন্তে পার্থিবোত্তম॥ ১-২৪৯-৩৫ (১০৮৫৫)
ততো বয়ং পরিশ্রান্তাঃ সততং কর্মবাহিনঃ।
শ্রমাদস্মাৎপরিশ্রান্তান্স ৎবং নস্ত্যক্তুমর্হসি॥ ১-২৪৯-৩৬ (১০৮৫৬)
বুদ্ধিমোহং সমাস্থায় ৎবরাসংভাবিতোঽনঘ।
গচ্ছ রুদ্রসকাশং ৎবং সহি ৎবাং যাজয়িষ্যতি॥ ১-২৪৯-৩৭ (১০৮৫৭)
সাধিক্ষেপং বচঃ শ্রুৎবা সংক্রুদ্ধঃ শ্বেতকির্নৃপঃ।
কৈলাসং পর্বতং গৎবা তপ উগ্রং সমাস্থিতঃ॥ ১-২৪৯-৩৮ (১০৮৫৮)
আরাধয়ন্মহাদেবং নিয়তঃ সংশিতব্রতঃ।
উপবাসপরো রাজন্দীর্ঘকালমতিষ্ঠত॥ ১-২৪৯-৩৯ (১০৮৫৯)
কদাচিদ্দ্বাদশে কালে কদাচিদপি ষোডশে।
আহারমকরোদ্রাজা মূলানি চ ফলানি চ॥ ১-২৪৯-৪০ (১০৮৬০)
ঊর্ধ্ববাহুস্ৎবনিমিষস্তিষ্ঠন্স্থাণুরিবাচলঃ।
ষণ্মাসানভবদ্রাজা শ্বেতকিঃ সুসমাহিতঃ॥ ১-২৪৯-৪১ (১০৮৬১)
তং তথা নৃপশার্দূলং তপ্যমানং মহত্তপঃ।
শঙ্করঃ পরমপ্রীত্যা দর্শয়ামাস ভারত॥ ১-২৪৯-৪২ (১০৮৬২)
উবাচ চৈনং ভগবান্স্নিগ্ধগম্ভীরয়া গিরা।
প্রীতোঽস্মি নরশার্দূল তপসা তে পরন্তপ॥ ১-২৪৯-৪৩ (১০৮৬৩)
বরং বৃণীষ্ব ভদ্রং তে যং ৎবমিচ্ছসি পার্থিব।
এতচ্ছ্রুৎবা তু বচনং রুদ্রস্যামিততেজসঃ॥ ১-২৪৯-৪৪ (১০৮৬৪)
প্রণিপত্য মহাত্মানং রাজর্ষিঃ প্রত্যভাষত।
যদি মে ভগবান্প্রীতঃ সর্বলোকনমস্কৃতঃ॥ ১-২৪৯-৪৫ (১০৮৬৫)
স্বয়ং মাং দেবদেবেশ যাজয়স্ব সুরেশ্বর।
এতচ্ছ্রুৎবা তু বচনং রাজ্ঞা তেন প্রভাষিতম্॥ ১-২৪৯-৪৬ (১০৮৬৬)
উবাচ ভগবান্প্রীতঃ স্মিতপূর্বমিদং বচঃ।
নাস্মাকমেতদ্বিষয়ে বর্ততে যাজনং প্রতি॥ ১-২৪৯-৪৭ (১০৮৬৭)
ৎবয়া চ সুমহত্তপ্তং তপো রাজন্বরার্থিনা।
যাজয়িষ্যামি রাজংস্ৎবাং সময়েন পরন্তপ॥ ১-২৪৯-৪৮ (১০৮৬৮)
সমা দ্বাদশ রাজেন্দ্র ব্রহ্মচারী সমাহিতঃ।
সততং ৎবাজ্যধারাভির্যদি তর্পয়সেঽনলম্॥ ১-২৪৯-৪৯ (১০৮৬৯)
কামং প্রার্থয়সে যং ৎবং মত্তঃ প্রাপ্স্যসি তং নৃপ।
এবমুক্তশ্চ রুদ্রেণ শ্বেতকির্মনুজাধিপঃ॥ ১-২৪৯-৫০ (১০৮৭০)
তথা চকার তৎসর্বং যথোক্তং শূলপাণিনা।
পূর্ণে তু দ্বাদশে বর্ষে পুনরায়ান্মহেশ্বরঃ॥ ১-২৪৯-৫১ (১০৮৭১)
দৃষ্টৈব চ স রাজানং শঙ্করো লোকভাবনঃ।
উবাচ পরমপ্রীতঃ শ্বেতকিং নৃপসত্তমম্॥ ১-২৪৯-৫২ (১০৮৭২)
তোষিতোঽহং নৃপশ্রেষ্ঠ ৎবয়েহাদ্যেন কর্মণা॥
যাজনং ব্রাহ্মণানাং তু বিধিদৃষ্টং পরন্তপ॥ ১-২৪৯-৫৩ (১০৮৭৩)
অতোঽহং ৎবাং স্বয়ং নাদ্য যাজয়ামি পরন্তপ।
মমাংশস্তু ক্ষিতিতলে মহাভাগো দ্বিজোত্তমঃ॥ ১-২৪৯-৫৪ (১০৮৭৪)
দুর্বাসা ইতি বিখ্যাতঃ স হি ৎবাং যাজয়িষ্যতি।
মন্নিয়োগান্মহাতেজাঃ সংভারাঃ সংভ্রিয়ন্তু তে॥ ১-২৪৯-৫৫ (১০৮৭৫)
এতচ্ছ্রুৎবা তু বচনং রুদ্রেণ সমুদাহৃতম্।
স্বপুরং পুনরাগম্য সংভারান্পুনরার্জয়ৎ॥ ১-২৪৯-৫৬ (১০৮৭৬)
ততঃ সংভৃতসংভারো ভূয়ো রুদ্রমুপাগমৎ।
`উবাচ চ মহিপালঃ প্রাঞ্জলিঃ প্রণতঃ স্থিতঃ।’
সংভৃতা মম সংভারাঃ সর্বোপকরণানি চ॥ ১-২৪৯-৫৭ (১০৮৭৭)
ৎবৎপ্রসাদানমহাদেব শ্বো মে দীক্ষা ভবেদিতি।
এতচ্ছ্রুৎবা তু বচনং তস্য রাজ্ঞো মহাত্মনঃ॥ ১-২৪৯-৫৮ (১০৮৭৮)
দুর্বাসসং সমাহূয় রুদ্রো বচনমব্রবীৎ।
এষ রাজা মহাভাগঃ শ্বেতকির্দ্বিজসত্তম॥ ১-২৪৯-৫৯ (১০৮৭৯)
এনং যাজয় বিপ্রেন্দ্র মন্নিয়োগেন ভূমিপম্।
বাঢমিত্যেব বচনং রুদ্রং ৎবৃষিরুবাচ হ॥ ১-২৪৯-৬০ (১০৮৮০)
ততঃ সত্রং সমভবত্তস্য রাজ্ঞো মহাত্মনঃ।
যথাবিধি যথাকালং যথোক্তং বহুদক্ষিণম্॥ ১-২৪৯-৬১ (১০৮৮১)
তস্মিন্পরিসমাপ্তে তু রাজ্ঞঃ সত্রে মহাত্মনঃ।
দুর্বাসসাঽভ্যনুজ্ঞাতা বিপ্রতস্থুঃ স্ম যাজকাঃ॥ ১-২৪৯-৬২ (১০৮৮২)
যে তত্র দীক্ষিতাঃ সর্বে সদস্যাশ্চ মহৌজসঃ।
সোঽপি রাজন্মহাভাগঃ স্বপুরং প্রাবিশত্তদা॥ ১-২৪৯-৬৩ (১০৮৮৩)
পূজ্যমানো মহাভাগৈর্ব্রাহ্মণৈর্বেদপারগৈঃ।
বন্দিভিঃ স্তূয়মানশ্চ নাগরৈশ্চাভিনন্দিতঃ॥ ১-২৪৯-৬৪ (১০৮৮৪)
এবংবৃত্তঃ স রাজর্ষিঃ শ্বেতকির্নৃপসত্তমঃ।
কালেন মহতা চাপি যয়ৌ স্বর্গমভিষ্টুতঃ॥ ১-২৪৯-৬৫ (১০৮৮৫)
ঋৎবিগ্ভিঃ সহিতঃ সর্বৈঃ সদস্যৈশ্চ সমন্বিতঃ।
তস্য সত্রে পপৌ বহ্নির্হবিদ্বার্দশবৎসরান্॥ ১-২৪৯-৬৬ (১০৮৮৬)
সততং চাজ্যধারাভিরৈকাত্ম্যে তত্র কর্মণি।
হবিষা চ ততো বহ্নিঃ পরাং তৃপ্তিমগচ্ছত॥ ১-২৪৯-৬৭ (১০৮৮৭)
ন চৈচ্ছৎপুনরাদাতুং হবিরন্যস্য কস্যচিৎ।
পাণ্ডুবর্ণো বিবর্ণশ্চ ন যতাবৎপ্রকাশতে॥ ১-২৪৯-৬৮ (১০৮৮৮)
ততো ভঘবতো বহ্নের্বিকারঃ সমজায়ত।
তেজসা বিপ্রহীণশ্চ গ্লানিশ্চৈনং সমাবিশৎ॥ ১-২৪৯-৬৯ (১০৮৮৯)
স লক্ষয়িৎবা চাত্মানং তেজোহীনং হুতাশনঃ।
জগাম সদনং পুণ্যং ব্রহ্মণো লোকপূজিতম্॥ ১-২৪৯-৭০ (১০৮৯০)
তত্র ব্রহ্মাণমাসীনমিদং বচনমব্রবীৎ।
ভগবন্পরমা প্রীতিঃ কৃতা শ্বেতকিনা মম॥ ১-২৪৯-৭১ (১০৮৯১)
অরুচিশ্চাভবত্তীব্রা তাং ন শক্নোম্যপোহিতুম্।
তেজসা বিপ্রহীণোঽস্মি বলেন চ জগৎপতে॥ ১-২৪৯-৭২ (১০৮৯২)
ইচ্ছেয়ং ৎবৎপ্রসাদেন স্বাত্মনঃ প্রকৃতিং স্থিরাম্।
এতচ্ছ্রুৎবা হুতবহাদ্ভগবান্সর্বলোককৃৎ॥ ১-২৪৯-৭৩ (১০৮৯৩)
হব্যবাহমিদং বাক্যমুবাচ প্রহসন্নিব।
ৎবয়া দ্বাদশ বর্ষাণি বসোর্ধারাহুতং হবিঃ॥ ১-২৪৯-৭৪ (১০৮৯৪)
উপয়ুক্তং মহাভাগ তেন ৎবাং গ্লানিরাবিশৎ।
তেজসা বিপ্রহীণৎবাৎসহসা হব্যবাহন॥ ১-২৪৯-৭৫ (১০৮৯৫)
মাগমস্ৎবং ব্যথাং বহ্নে প্রকৃতিস্থো ভবিষ্যসি।
অরুচিং নাশয়িষ্যেঽহং সময়ং প্রতিপদ্য তে॥ ১-২৪৯-৭৬ (১০৮৯৬)
পুরা দেবনিয়োগেন যত্ৎবয়া ভস্মসাৎকৃতম্।
আলয়ং দেবশত্রূণাং সুঘোরং খাণ্ডবং বনম্॥ ১-২৪৯-৭৭ (১০৮৯৭)
তত্র সর্বাণি সৎবানি নিবসন্তি বিভাবসো।
তেষাং ৎবং মেদসা তৃপ্তঃ প্রকৃতিস্থো ভবিষ্যসি॥ ১-২৪৯-৭৮ (১০৮৯৮)
গচ্ছ শীঘ্রং প্রদগ্ধুং ৎবং ততো মোক্ষ্যসি কিল্বিষাৎ।
এতচ্ছুৎবা তু বচনং পরমেষ্ঠিমুখাচ্চ্যুতম্॥ ১-২৪৯-৭৯ (১০৮৯৯)
উত্তমং জবমাস্থায় প্রদুদ্রাব হুতাশনঃ।
আগম্য খাণ্ডবং দাবমুত্তমং বীর্যমাস্থিতঃ।
সহসা প্রাজ্বলচ্চাগ্নিঃ ক্রুদ্ধো বায়ুসমীরিতঃ॥ ১-২৪৯-৮০ (১০৯০০)
প্রদীপ্তং খাণ্ডবং দৃষ্ট্বা যে স্যুস্তত্র নিবাসিনঃ।
পরমং যত্নেমাতিষ্ঠন্পাবকস্য প্রশান্তয়ে॥ ১-২৪৯-৮১ (১০৯০১)
করৈস্তু করিণঃ শীঘ্রং জলমাদায় সৎবরাঃ।
সিষিচুঃ পাবকং ক্রুদ্ধাঃ শতশোঽথ সহস্রশঃ॥ ১-২৪৯-৮২ (১০৯০২)
বহুশীর্ষাস্ততো নাগাঃ শিরোভির্জলসন্ততিম্।
মুমুচুঃ পাবকাভ্যাশে সৎবরাঃ ক্রোধমূর্চ্ছিতাঃ॥ ১-২৪৯-৮৩ (১০৯০৩)
তথৈবান্যানি সৎবানি নানাপ্রহরণোদ্যমৈঃ।
বিলয়ং পাবকং শীঘ্রমনয়ন্ভরতর্ষভ॥ ১-২৪৯-৮৪ (১০৯০৪)
অনেন তু প্রকারেণ ভূয়োভূয়শ্চ প্রজ্বলন্।
সপ্তকৃৎবঃ প্রশমিতঃ খাণ্ডবে হব্যবাহনঃ॥ ॥ ১-২৪৯-৮৫ (১০৯০৫)
ইতি শ্রীমন্মহাভারতে আদিপর্বণি খাণ্ডবদাহপর্বণি ঊনপঞ্চাশদধিকদ্বিশততমোঽধ্যায়ঃ॥ ২৪৯ ॥
Mahabharata – Adi Parva – Chapter Footnotes
১-২৪৯-২০ ইক্ষ্বাকূণামধিরথো যজ্বা বিপুলদক্ষিণঃ ইতি ঙ. পাঠঃ॥ ১-২৪৯-৩৭ ৎবরাসংভাবিতঃ ৎবরায়ুক্তঃ॥ ১-২৪৯-৭৩ প্রকৃতিং স্বভাবম্॥ ১-২৪৯-৭৪ বসোর্ধারা পাত্রবিশেষঃ। যেন হূয়মানং ঘৃতদ্রব্যং সংততধারারূপেণ ক্ষরতি। তেন হুতং হবিরর্থাদ্ধৃতমেব বসোর্ধারাং জুহোতীত্যুপক্রম্য ঘৃতস্য বা এবমেষা ধারেতি বাক্যশেষাৎ॥ ১-২৪৯-৭৫ উপয়ুক্তং ভুক্তম্॥ ঊনপঞ্চাশদধিকদ্বিশততমোঽধ্যায়ঃ॥ ২৪৯ ॥