আদিপর্ব – অধ্যায় ২২৯

আদিপর্ব – অধ্যায় ২২৯

॥ শ্রীঃ ॥

১.২২৯. অধ্যায়ঃ ২২৯

Mahabharata – Adi Parva – Chapter Topics

সুন্দোপসুন্দকথা–সুন্দোপসুন্দয়োর্ব্রহ্মণো বরলাভঃ॥ ১ ॥

Mahabharata – Adi Parva – Chapter Text

১-২২৯-০ (৯৯৭২)
নারদ উবাচ। ১-২২৯-০x (১২৫৪)
শণু মে বিস্তরেণেমমিতিহাসং পুরাতনম্।
ভ্রাতৃভিঃ সহিতঃ পার্থ যথা বৃত্তং যুধিষ্ঠির॥ ১-২২৯-১ (৯৯৭৩)
মহাসুরস্যান্ববায়ে হিরণ্যকশিপোঃ পুরা।
নিকুম্ভো নাম দৈত্যেন্দ্রস্তেজস্বী বলবানভূৎ॥ ১-২২৯-২ (৯৯৭৪)
তস্য পুত্রৌ মহাবীর্যৌ জাতৌ ভীমপরাক্রমৌ।
সুন্দোপসুন্দৌ দৈত্যেন্দ্রৌ দারুণৌ ক্রূরমানসৌ॥ ১-২২৯-৩ (৯৯৭৫)
তাবেকনিশ্চয়ৌ দৈত্যাবেককার্যার্থসংমতৌ।
নিরন্তরমবর্তেতাং সমদুঃখসুখাবুভৌ॥ ১-২২৯-৪ (৯৯৭৬)
বিনাঽন্যোন্যং ন ভুঞ্জাতে বিনাঽন্যোন্যং ন জল্পতঃ।
অন্যোন্যস্য প্রিয়করাবন্যোন্যস্য প্রিয়ংবদৌ॥ ১-২২৯-৫ (৯৯৭৭)
একশীলসমাচারৌ দ্বিধৈবৈকোঽভবৎকৃতঃ।
তৌ বিবৃদ্ধৌ মহাবীর্যৌ কার্যেষ্বপ্যেকনিশ্চয়ৌ॥ ১-২২৯-৬ (৯৯৭৮)
ত্রৈলোক্যবিজয়ার্থায় সমাধায়ৈকনিশ্চয়ম্।
দীক্ষাং কৃৎবা গতৌ বিন্ধ্যং তাবুগ্রং তেপতুস্তপঃ॥ ১-২২৯-৭ (৯৯৭৯)
তৌ তু দীর্ঘেণ কালেন তপোয়ুক্তৌ বভূবতুঃ।
ক্ষুৎপিপাসাপরিশ্রান্তৌ জটাবল্কলধারিণৌ॥ ১-২২৯-৮ (৯৯৮০)
মলোপচিতসর্বাঙ্গৌ বায়ুভক্ষৌ বভূবতুঃ।
আত্মমাংসানি জুহ্বান্তৌ পাদাঙ্গুষ্ঠাগ্রধিষ্ঠিতৌ।
ঊর্ধ্ববাহূ চানিমিষৌ দীর্ঘকালং ধৃতব্রতৌ॥ ১-২২৯-৯ (৯৯৮১)
তয়োস্তপঃপ্রভাবেণ দীর্ঘকালং প্রতাপিতঃ।
ধূমং প্রমুমুচে বিন্ধ্যস্তদ্ভুতমিবাভবৎ॥ ১-২২৯-১০ (৯৯৮২)
ততো দেবা ভয়ং জগ্মুরুগ্রং দৃষ্ট্বা তয়োস্তপঃ।
তপোবিঘাতার্থমথো দেবা বিঘ্নানি চক্রিরে॥ ১-২২৯-১১ (৯৯৮৩)
রত্নৈঃ প্রলোভয়ামাসুঃ স্ত্রীভিশ্চোভৌ পুনঃপুনঃ।
ন চ তৌ চক্রতুর্ভঙ্গং ব্রতস্য সুমহাব্রতৌ॥ ১-২২৯-১২ (৯৯৮৪)
অথ মায়াং পুনর্দেবাস্তয়োশ্চক্রুর্মহাত্মনোঃ।
ভগিন্যো মাতরো ভার্যাস্তয়োশ্চাত্মজনস্তথা॥ ১-২২৯-১৩ (৯৯৮৫)
প্রপাত্যমানা বিস্রস্তাঃ শূলহস্তেন রক্ষসা।
ভ্রষ্টাভরণকেশান্তা ভ্রষ্টাভরণবাসসঃ॥ ১-২২৯-১৪ (৯৯৮৬)
অভিভাষ্য ততঃ সর্বাস্তৌ ত্রাহীতি বিচুক্রুশুঃ।
ন চ তৌ চক্রতুর্ভঙ্গং ব্রতস্য সুমহাব্রতৌ॥ ১-২২৯-১৫ (৯৯৮৭)
যদা ক্ষোভং নোপয়াতি নার্তিমন্যতরস্তয়োঃ।
ততঃ স্ত্রিয়স্তা ভূতং চ সর্বমন্তরধীয়ত॥ ১-২২৯-১৬ (৯৯৮৮)
ততঃ পিতামহঃ সাক্ষাদভিগম্য মহাসুরৌ।
বরেণ চ্ছ্দয়ামাস ক্বলোকহিতঃ প্রভুঃ॥ ১-২২৯-১৭ (৯৯৮৯)
ততঃ সুন্দোপসুন্দৌ তৌ ভ্রাতরৌ দৃঢবিক্রমৌ।
দৃষ্ট্বা পিতামহং দেবং তস্থতুঃ প্রাঞ্জলী তদা॥ ১-২২৯-১৮ (৯৯৯০)
ঊচতুশ্চ প্রভুং দেবং ততস্তৌ সহিতৌ তদা।
আবয়োস্তপসাঽনেন যদি প্রীতঃ পিতামহঃ॥ ১-২২৯-১৯ (৯৯৯১)
মায়াবিদাবস্ত্রবিদৌ বলিনৌ কামরূপিণৌ।
উভাবপ্যমরৌ স্যাবঃ প্রসন্নো যদি নৌ প্রভুঃ॥ ১-২২৯-২০ (৯৯৯২)
ব্রহ্মোবাচ। ১-২২৯-২১x (১২৫৫)
ঋতেঽমরৎবং যুবয়োঃ সর্বমুক্তং ভবিষ্যতি।
অন্যদ্বৃণীতং মৃত্যোশ্চ বিধানমমরৈঃ সম্॥ ১-২২৯-২১ (৯৯৯৩)
প্রভবিষ্যাব ইতি যন্মহদভ্যুদ্যতং তপঃ।
যুবয়োর্হেতুনানেন নামরৎবং বিধীয়তে॥ ১-২২৯-২২ (৯৯৯৪)
ত্রৈলোক্যবিজয়ার্থায় ভবদ্ভ্যামাস্থিতং তপঃ।
হেতুনাঽনেন দৈত্যেন্দ্রৌ ন বাং কামং করোম্যহম্॥ ১-২২৯-২৩ (৯৯৯৫)
সুন্দোপসুন্দাবূচতুঃ।
ত্রিষু লোকেষু যদ্ভূতং কিংচিৎস্থাবরজঙ্গমম্।
সর্বস্মান্নৌ ভয়ং ন স্যাদৃতেঽন্যোন্যং পিতামহ॥ ১-২২৯-২৪ (৯৯৯৬)
পিতামহ উবাচ। ১-২২৯-২৫x (১২৫৬)
যৎপ্রার্থিতং যথোক্তং চ কামমেতদ্দদানি বাম্।
মৃত্যোর্বিধানমেতচ্চ যথাবদ্বা ভবিষ্যতি॥ ১-২২৯-২৫ (৯৯৯৭)
নারদ উবাচ। ১-২২৯-২৬x (১২৫৭)
ততঃ পিতামহো দত্ৎবা বরমেতত্তদা তয়োঃ।
নিবর্ত্য তপসস্তৌ চ ব্রহ্মলোকং জগাম হ॥ ১-২২৯-২৬ (৯৯৯৮)
লব্ধ্বা বরাণি দৈত্যেন্দ্রাবথ তৌ ভ্রাতরাবুভৌ।
অবধ্যৌ সর্বলোকস্য স্বমেব ভবনং গতৌ॥ ১-২২৯-২৭ (৯৯৯৯)
তৌ তু লব্ধবরৌ দৃষ্ট্বা কৃতকামৌ মনস্বিনৌ।
সর্বঃ সুহৃঞ্জনস্তাভ্যাং প্রহর্ষমুপজগ্মিবান্॥ ১-২২৯-২৮ (১০০০০)
ততস্তৌ তু জটা ভিত্ৎবা মৌলিনৌ সংবভূবতুঃ।
মহার্হাভরণোপেতৌ বিরজোম্বরধারিণৌ॥ ১-২২৯-২৯ (১০০০১)
অকালকৌমুদীং চৈব চক্রতুঃ সার্বকালিকীম্।
নিত্যঃ প্রমুদিতঃ সর্বস্তয়োশ্চৈব সুহৃঞ্জনঃ॥ ১-২২৯-৩০ (১০০০২)
ভক্ষ্যতাং ভুজ্যতাং নিত্যং দীয়তাং রম্যতামিতি।
গীয়েতাং পীয়তাং চেতি শভ্দশ্চাসীদ্গৃহে গৃহে॥ ১-২২৯-৩১ (১০০০৩)
তত্রতত্র মহানাদৈরুৎকৃষ্টতলনাদিতৈঃ।
হৃষ্টং প্রমুদিতং সর্বং দৈত্যানামভবৎপুরম্॥ ১-২২৯-৩২ (১০০০৪)
তৈস্তৈর্বিহারৈর্বহুভির্দৈত্যানাং কামরূপিণাম্।
সমাঃ সংক্রীডতাং তেষামহরেকমিবাভবৎ॥ ॥ ১-২২৯-৩৩ (১০০০৫)

ইতি শ্রীমন্মহাভারতে আদিপর্বণি বিদুরাগমনরাজ্যলাভপর্বণি একোনত্রিংশদধিকদ্বিশততমোঽধ্যায়ঃ॥ ২২৯ ॥