আদিপর্ব – অধ্যায় ২২৭

আদিপর্ব – অধ্যায় ২২৭

॥ শ্রীঃ ॥

১.২২৭. অধ্যায়ঃ ২২৭

Mahabharata – Adi Parva – Chapter Topics

দ্রৌপদ্যা নমস্কৃতয়া গান্ধার্যা তদ্রূপদর্শনেন তস্যাঃ স্বপুত্রমৃত্যুৎববিতর্কঃ॥ ১ ॥ ধৃতরাষ্ট্রেণ যুধিষ্ঠিরস্য ধর্মরাজ্যেঽভিষেকঃ॥ ২ ॥ পাণ্ডবানাং খাণ্ডবপ্রস্থগমনম্॥ ৩ ॥ শ্রীকৃষ্ণচিন্তিতেনেন্দ্রেণ বিশ্বকর্মণঃ প্রেষণম্॥ ৪ ॥ বিশ্বকর্মণা ইন্দ্রপ্রস্থপুরনির্মাণম্॥ ৫ ॥ তত্রাগতানাং সর্বেষাং বিসর্জনম্॥ ৬ ॥

Mahabharata – Adi Parva – Chapter Text

১-২২৭-০ (৯৮০৯)
`বৈশম্পায়ন উবাচ। ১-২২৭-০x (১২৪০)
দুর্যোধনস্য মহিষী কাশিরাজসুতা তদা।
ধৃতরাষ্ট্রস্য পুত্রাণাং বধূভিঃ সহিতা তদা॥ ১-২২৭-১ (৯৮১০)
পাঞ্চালীং প্রতিজগ্রাহ সাধ্বীং শ্রিয়মিবাপরাম্।
পূজয়ামাস পূজার্হাং শচীদেবীমিবাগতাম্॥ ১-২২৭-২ (৯৮১১)
ববন্দে তত্র গান্ধারীং কৃষ্ণয়া সহ মাধবী।
আশিষশ্চ প্রয়ুক্ৎবা তু পাঞ্চালীং পরিষস্বজে॥ ১-২২৭-৩ (৯৮১২)
পরিষ্বজ্যৈব গান্ধারী কৃষ্ণাং কমললোচনাম্।
পুত্রাণাং মম পাঞ্চালী মৃত্যুরেবেত্যমন্যত॥ ১-২২৭-৪ (৯৮১৩)
সংচিন্ত্য বিদুরং প্রাহ যুক্তিতঃ সুবলাত্মজা।
কুন্তীং রাজসুতাং ক্ষত্তঃ সবধূং সপরিচ্ছদাম্॥ ১-২২৭-৫ (৯৮১৪)
পাণ্ডোর্নিবেশনং শীঘ্রং নীয়তাং যদি রোচতে।
করণেন মুহূর্তেন নক্ষত্রেণ শুভে তিথৌ॥ ১-২২৭-৬ (৯৮১৫)
যথা সুখং তথা কুন্তী রংস্যতে স্বগৃহে সুতৈঃ।
তথেত্যেব তদা ক্ষত্তা কারয়ামাস তত্তথা॥ ১-২২৭-৭ (৯৮১৬)
পূজয়ামাসুরত্যর্থং বান্ধবাঃ পাণ্ডবাংস্তদা।
নাগরাঃ শ্রেণিমুখ্যাশ্চ পূজয়ন্তি স্ম পাণ্ডবান্॥ ১-২২৭-৮ (৯৮১৭)
ভীষ্মো দ্রোণঃ কৃপঃ কর্ণো বাহ্লীকঃ সসুতস্তদা।
শাসনাদ্ধৃতরাষ্ট্রস্য অকুর্বন্নতিথিক্রিয়াম্॥ ১-২২৭-৯ (৯৮১৮)
এবং বিহরতাং তেষাং পাণ্ডবানাং মহাত্মনাম্।
নেতা সর্বস্য কার্যস্য বিদুরো রাজশাসনাৎ॥’ ১-২২৭-১০ (৯৮১৯)
বিশ্রান্তাস্তে মহাত্মানঃ কংচিৎকালং সকেশবাঃ।
আহূতা ধৃতরাষ্ট্রেণ রাজ্ঞা শান্তনবেন চ॥ ১-২২৭-১১ (৯৮২০)
ধৃতরাষ্ট্র উবাচ। ১-২২৭-১২x (১২৪১)
ভ্রাতৃভিঃ সহ কৌন্তেয় নিবোধেদং বচো মম।
`পাণ্ডুনা বর্ধিতং রাজ্যং পাণ্ডুনা পালিতং জগৎ॥ ১-২২৭-১২ (৯৮২১)
শাসনান্মম কৌন্তেয় মম ভ্রাতা মহাবলঃ।
কৃতবান্দুষ্করং কর্ম নিত্যমেব বিশাংপতে॥ ১-২২৭-১৩ (৯৮২২)
তস্মাত্ৎবমপি কৌন্তেয় শাসনং কুরু মা চিরম্।
মম পুত্রা দুরাত্মানঃ সর্বেঽহংকারসংয়ুতাঃ॥ ১-২২৭-১৪ (৯৮২৩)
শাসনং ন করিষ্যন্তি মম নিত্যং যুধিষ্ঠির।
স্বকার্যনিরতৈর্নিত্যমবলিপ্তৈর্দুরাত্মভিঃ॥’ ১-২২৭-১৫ (৯৮২৪)
পুনর্বৈ বিগ্রহো মা ভূৎখাণ্ডবপ্রস্থমাবিশ।
ন হি বো বসতস্তত্র কশ্চিচ্ছক্তঃ প্রবাধিতুম্॥ ১-২২৭-১৬ (৯৮২৫)
সংরক্ষ্যমাণান্পার্থেন ত্রিদশানিব বজ্রিণা।
অর্ধরাজ্যং তু সংপ্রাপ্য খাণ্ডবপ্রস্থণাবিশ॥ ১-২২৭-১৭ (৯৮২৬)
`কেশবো যদি মন্যতে তৎকর্তব্যমসংশয়ম্॥’ ১-২২৭-১৮ (৯৮২৭)
বৈশম্পায়ন উবাচ। ১-২২৭-১৯x (১২৪২)
প্রতিগৃহ্য তু তদ্বাক্যং নৃপং সর্বে প্রণম্য চ।
`বাসুদেবেন সংমন্ত্র্য পাণ্ডবাঃ সমুপাবিশন্॥ ১-২২৭-১৯ (৯৮২৮)
ধৃতরাষ্ট্র উবাচ। ১-২২৭-২০x (১২৪৩)
অভিষেকস্য সংভারান্ক্ষত্তরানয় মা চিরম্।
অভিষিক্তং করিষ্যামি হ্যদ্য বৈ কুরুনন্দনম্॥ ১-২২৭-২০ (৯৮২৯)
ব্রাহ্মণা নৈগমশ্রেষ্ঠাঃ শ্রেণীমুখ্যাশ্চ সর্বতঃ।
আহূয়ন্তাং প্রকৃতয়ো বান্ধবাশ্চ বিশেষতঃ॥ ১-২২৭-২১ (৯৮৩০)
পুণ্যাহং বাচ্যতাং তাত গোসহস্রং প্রদীয়তাম্।
গ্রামমুখ্যাশ্চ বিপ্রেভ্যো দীয়ন্তাং বহুদক্ষিণাঃ॥ ১-২২৭-২২ (৯৮৩১)
অঙ্গদে মকুটং ক্ষত্তর্হস্তাভরণমানয়।
মুক্তাবলীশ্চ হারং চ নিষ্কাণি কটকানি চ॥ ১-২২৭-২৩ (৯৮৩২)
কটিবন্ধশ্চ সূত্রং চ তথোদরনিবন্ধনম্।
অষ্টোত্তরসহস্রং তু ব্রাহ্মণাধিষ্ঠিতা গজাঃ॥ ১-২২৭-২৪ (৯৮৩৩)
জাহ্নবীসলিলং শীঘ্রমানীয়ন্তাং পুরোহিতৈঃ।
অভিষেকোদকক্লিন্নং সর্বাভরণভূষিতম্॥ ১-২২৭-২৫ (৯৮৩৪)
ঔপবাহ্যোপরিগতং দিব্যচারমরবীজিতম্।
সুবর্ণমণিচিত্রেণ শ্বেতচ্ছত্রেণ শোভিতম্॥ ১-২২৭-২৬ (৯৮৩৫)
জয়েতি দ্বিজবাক্যেনু স্তূয়মানং নৃপৈস্তথা।
দৃষ্ট্বা কুন্তীসুতং জ্যেষ্ঠমাজমীঢং যুধিষ্ঠিরম্॥ ১-২২৭-২৭ (৯৮৩৬)
প্রীতাঃ প্রীতেন মনসা প্রশংসন্তু পরে জনাঃ।
পাণ্ডোঃ কৃতোপকারস্য রাজ্যং দৎবা মমৈব চ॥ ১-২২৭-২৮ (৯৮৩৭)
প্রতিক্রিয়া কৃতমিদং ভবিষ্যতি ন সংশয়ঃ।
ভীষ্মো দ্রোণঃ কৃপঃ ক্ষত্তা সাধুসাধ্বিত্যথাব্রুবন্॥ ১-২২৭-২৯ (৯৮৩৮)
শ্রীবাসুদেব উবাচ। ১-২২৭-৩০x (১২৪৪)
যুক্তমেতন্মহাভাগ কৌরবাণাং যশস্করম্।
শীঘ্রমদ্যৈব রাজেন্দ্র ৎবয়োক্তং কর্তুমর্হসি॥ ১-২২৭-৩০ (৯৮৩৯)
ইত্যেবমুক্তো বার্ষ্ণেয়স্ৎবরয়ামাস তত্তদা।
তথোক্তং ধৃতরাষ্ট্রেণ কারয়ামাস কেশবঃ॥ ১-২২৭-৩১ (৯৮৪০)
তস্মিন্ক্ষণে মহারাজ কৃষ্ণদ্বৈপায়নস্তদা।
আগত্য কুরুভিঃ সর্বৈঃ পূজিতঃ সসুহৃদ্গণৈঃ॥ ১-২২৭-৩২ (৯৮৪১)
মূর্ধাভিষিক্তৈঃ সহিতো ব্রাহ্মণৈর্বেদপারগৈঃ।
কারয়ামাস বিধিবৎকেশবানুমতে তদা॥ ১-২২৭-৩৩ (৯৮৪২)
কৃপো দ্রোণশ্চ ভীষ্মশ্চ ধৌম্যশ্চ ব্যাসকেশবৌ।
বাহ্লীকঃ সোমদত্তশ্চ চাতুর্বেদ্যপুরস্কৃতাঃ॥ ১-২২৭-৩৪ (৯৮৪৩)
অভিষেকং তদা চক্রুর্ভদ্রপীঠে সুসংস্কৃতম্॥ ১-২২৭-৩৫ (৯৮৪৪)
ব্যাস উবাচ। ১-২২৭-৩৬x (১২৪৫)
জিৎবা তু পৃথিবীং কৃৎস্নাং বশে কৃৎবা নৃপান্ভবান্।
রাজসূয়াদিভির্যজ্ঞৈঃ ক্রতুভির্বরদক্ষিণৈঃ॥ ১-২২৭-৩৬ (৯৮৪৫)
স্নাৎবা হ্যবভৃথস্নানং মোদতাং বান্ধবৈঃ সহ।
এবমুক্ৎবা তু তে সর্বে আশীর্ভিরভিপূজয়ন্॥ ১-২২৭-৩৭ (৯৮৪৬)
মূর্ধাভিষিক্তঃ কৌরব্যঃ সর্বাভরণভূষিতঃ।
জয়েতি সংস্তুতো রাজা প্রদদৌ ধনমক্ষয়ম্॥ ১-২২৭-৩৮ (৯৮৪৭)
সর্বমূর্ধাভিষিক্তৈশ্চ পূজিতঃ কুরনন্দনঃ।
ঔপবাহ্যমথারুহ্য শ্বেতচ্ছত্রেণ শোভিতঃ॥ ১-২২৭-৩৯ (৯৮৪৮)
ররাজ রাজাভিমতো মহেন্দ্র ইব দৈবতৈঃ।
ততঃ প্রদক্ষিণীকৃত্য নগরং নাগসাহ্বয়ম্॥ ১-২২৭-৪০ (৯৮৪৯)
প্রবিবেশ তদা রাজা নাগরৈঃ পূজিতো গৃহম্।
মূর্ধাভিষিক্তং কৌন্তেয়মভ্যগচ্ছন্ত কৌরবাঃ॥ ১-২২৭-৪১ (৯৮৫০)
গান্ধারিপুত্রাঃ শোচন্তঃ সর্বে তে সহ বান্ধবৈঃ।
জ্ঞাৎবা শোকং চ পুত্রাণাং ধৃতরাষ্ট্রোঽব্রবীদিদং॥ ১-২২৭-৪২ (৯৮৫১)
সমক্ষং বাসুদেবস্য কুরূণাং চ সমক্ষতঃ।
অভিষেকস্ৎবয়া প্রাপ্তো দুষ্প্রাপো হ্যকৃতাত্মভিঃ॥ ১-২২৭-৪৩ (৯৮৫২)
গচ্ছ ৎবমদ্যৈব নৃপ কৃতকৃত্যোঽসি কৌরব।
আয়ুঃ পুরূরবা রাজন্নহুষেণ যয়াতিনা॥ ১-২২৭-৪৪ (৯৮৫৩)
তত্রৈব নিবসন্তি স্ম খাণ্ডবে তু নৃপোত্তম।
রাজধানী তু সর্বেষাং পৌরবাণাং মহাভুজ॥ ১-২২৭-৪৫ (৯৮৫৪)
বিনাশিতং মুনিগণৈর্লোভাদ্বুধসুতস্য বৈ।
তস্মাত্ৎবং খাণ্ডবপ্রস্থং পুরং রাষ্ট্রং চ বর্ধয়॥ ১-২২৭-৪৬ (৯৮৫৫)
ব্রাহ্মণাঃ ক্ষত্রিয়া বৈশ্যাঃ শূদ্রাশ্চ কৃতলক্ষণাঃ।
ৎবদ্ভক্ত্যা জন্তবশ্চান্যে ভজন্ত্যেব পুরং শুভম্॥ ১-২২৭-৪৭ (৯৮৫৬)
পুরং রাষ্ট্রং সমৃদ্ধং বৈ ধনধান্যসমাকুলম্।
তস্মাদ্গচ্ছস্ব কৌন্তেয় ভ্রাতৃভিঃ সহিতোঽনঘ॥ ১-২২৭-৪৮ (৯৮৫৭)
বৈশম্পায়ন উবাচ। ১-২২৭-৪৯x (১২৪৬)
প্রতিগৃহ্য তু তদ্বাক্যং তস্মৈ সর্বে প্রণম্য চ।
রথৈর্নাগৈর্হয়ৈশ্চাপি সহিতাস্তু পদাতিভিঃ॥ ১-২২৭-৪৯ (৯৮৫৮)
প্রতস্থিরে ততো ঘোষসংয়ুক্তৈঃ স্যন্দনৈর্বরৈঃ।
তান্দৃষ্ট্বা নাগরাঃ সর্বে ভক্ত্যা চৈব প্রতস্থিরে॥ ১-২২৭-৫০ (৯৮৫৯)
গচ্ছতঃ পাণ্ডবৈঃ সার্ধং দৃষ্ট্বা নাগপুরালয়াৎ।
পাণ্ডবৈঃ সহিতা গন্তুং নার্হতেতি চ নাগরান্॥ ১-২২৭-৫১ (৯৮৬০)
ঘোষয়ামাস নগরে ধার্তরাষ্ট্রঃ সসৌবলঃ।’
ততস্তে পাণ্ডবাস্তত্র গৎবা কৃষ্ণপুরোগমাঃ॥ ১-২২৭-৫২ (৯৮৬১)
মণ্ডয়াঞ্চক্রিরে তদ্বৈ পুরং স্বর্গাদিব চ্যুতম্।
`বাসুদেবো জগন্নাথশ্চিন্তয়ামাস বাসবম্॥ ১-২২৭-৫৩ (৯৮৬২)
মহেন্দ্রশ্চিন্তিতো রাজন্বিশ্বকর্মাণমাদিশৎ।
বিশ্বকর্মন্মহাপ্রাজ্ঞ অদ্যপ্রভৃতি তৎপুরম্॥ ১-২২৭-৫৪ (৯৮৬৩)
ইন্দ্রপ্রস্থমিতি খ্যাতং দিব্যং ভূম্যাং ভবিষ্যতি।
মহেন্দ্রশাসনাদ্গৎবা বিশ্বকর্মা তু কেশবম্॥ ১-২২৭-৫৫ (৯৮৬৪)
প্রণম্য প্রণিপাতার্হং কিং করোমীত্যভাষত।
বাসুদেবস্তু তচ্ছ্রুৎবা বিশ্বকর্মাণমূচিবান্॥ ১-২২৭-৫৬ (৯৮৬৫)
কুরুষ্ব কুরুরাজস্য মহেন্দ্রপুরসন্নিভম্।
ইন্দ্রেণ কৃতনামানমিন্দ্রপ্রস্থং মহাপুরম্॥ ১-২২৭-৫৭ (৯৮৬৬)
বৈশম্পায়ন উবাচ।’ ১-২২৭-৫৮x (১২৪৭)
ততঃ পুণ্যে শিবে দেশে শান্তিং কৃৎবা মহারথাঃ।
স্বস্তিবাচ্য যথান্যায়মিন্দ্রপ্রস্থং ভবৎবিতি॥ ১-২২৭-৫৮ (৯৮৬৭)
তৎপুরং মাপয়ামাসুর্দ্বৈপায়নপুরোগমাঃ।
`ততঃ স বিশ্বকর্মা তু চকার পুরমুত্তমম্॥’ ১-২২৭-৫৯ (৯৮৬৮)
সাগরপ্রতিরূপাভিঃ পরিখাভিরলঙ্কৃতম্।
প্রাকারেণ চ সংপন্নং দিবমাবৃত্য তিষ্ঠতা॥ ১-২২৭-৬০ (৯৮৬৯)
পাণ্ডুরাভ্রপ্রকাশেন হিমরশ্মিনিভেন চ।
শুশুভে তৎপুরশ্রেষ্ঠং নাগৈর্ভোগবতী যথা॥ ১-২২৭-৬১ (৯৮৭০)
দ্বিপক্ষগরুডপ্রখ্যৈর্দ্বারৈঃ সৌধৈশ্চ শোভিতম্।
গুপ্তমভ্রচয়প্রখ্যৈর্গোপুরৈর্মন্দরোপমৈঃ॥ ১-২২৭-৬২ (৯৮৭১)
বিবিধৈরপি নির্বিদ্ধৈঃ শস্ত্রোপেতৈঃ সুসংবৃতৈঃ।
শক্তিভিশ্চাবৃতং তদ্ধি দ্বিজিহ্বৈরিব পন্নগৈঃ॥ ১-২২৭-৬৩ (৯৮৭২)
তল্পৈশ্চাভ্যাসিকৈর্যুক্তং শুশুভে যোধরক্ষিতম্।
থীক্ষ্ণাঙ্কুশশতঘ্নীভির্যন্ত্রজালৈশ্চ শোভিতম্॥ ১-২২৭-৬৪ (৯৮৭৩)
আয়সৈশ্চ মহাচক্রৈঃ শুশুভে তৎপুরোত্তমম্।
সুবিভক্তমহারথ্যং দেবতাবাধবর্জিতম্॥ ১-২২৭-৬৫ (৯৮৭৪)
বিরোচমানং বিবিধৈঃ পাণ্ডুরৈর্ভবনোত্তমৈঃ।
তত্ত্রিবিষ্টপসংকাশমিন্দ্রপ্রস্থং ব্যরোচত॥ ১-২২৭-৬৬ (৯৮৭৫)
মেঘবৃন্দমিবাকাশে বিদ্ধং বিদ্যুৎসমাবৃতম্।
তত্র রম্যে শিবে দেশে কৌরব্যস্য নিবেশনম্॥ ১-২২৭-৬৭ (৯৮৭৬)
শুশুভে ধনসংপূর্ণং ধনাধ্যক্ষক্ষয়োপমম্।
তত্রাগচ্ছন্দ্বিজা রাজন্সর্ববেদবিদাং বরাঃ॥ ১-২২৭-৬৮ (৯৮৭৭)
নিবাসং রোচয়ন্তি স্ম সর্বভাষাবিদস্তথা।
বণিজশ্চায়যুস্তত্র নানাদিগ্ভ্যো ধনার্থিনঃ॥ ১-২২৭-৬৯ (৯৮৭৮)
সর্বশিল্পবিদস্তত্র বাসায়াভ্যাগমংস্তদা।
উদ্যানানি চ রম্যাণি নগরস্য সমন্ততঃ॥ ১-২২৭-৭০ (৯৮৭৯)
আম্রৈরাম্রাতকৈর্নীপৈরশোকৈশ্চম্পকৈস্তথা।
পুন্নাগৈর্নাগপুষ্পৈশ্চ লকুচৈঃ পনসৈস্তথা॥ ১-২২৭-৭১ (৯৮৮০)
শালতালতমালৈশ্চ বকুলৈশ্চ সকেতকৈঃ।
মনোহরৈঃ সুপুষ্পৈশ্চ ফলভারাবনামিতৈঃ॥ ১-২২৭-৭২ (৯৮৮১)
প্রাচীনামলকৈর্লোধ্রৈরঙ্কোলৈশ্চ সুপিষ্পিতৈঃ।
জম্বূভিঃ পাটলাভিশ্চ কুব্জকৈরতিমুক্তকৈঃ॥ ১-২২৭-৭৩ (৯৮৮২)
করবীরৈঃ পারিজাতৈরন্যৈশ্চ বিবিধৈর্দ্রুমৈঃ।
নিত্যপুষ্পফলোপেতৈর্নানাদ্বিজগণায়ুতৈঃ॥ ১-২২৭-৭৪ (৯৮৮৩)
মত্তবর্হিণসংঘুষ্টকোকিলৈশ্চ সদামদৈঃ।
গৃহৈরাদর্শবিমলৈর্বিবিধৈশ্চ লতাগৃহৈঃ॥ ১-২২৭-৭৫ (৯৮৮৪)
মনোহরৈশ্চিত্রগৃহৈস্তথাঽজগতিপ্রবতৈঃ।
বাপীভির্বিবিধাভিশ্চ পূর্ণাভিঃ পরমাম্ভসা॥ ১-২২৭-৭৬ (৯৮৮৫)
সরোভিরতিরম্যৈশ্চ পদ্মোৎপলসুগন্ধিভিঃ।
হংসকারণ্ডবয়ুতৈশ্চক্রবাকোপশোভিতৈঃ॥ ১-২২৭-৭৭ (৯৮৮৬)
রম্যাশ্চ বিবিধাস্তত্র পুষ্করিণ্যো বনাবৃতাঃ।
তডাগানি চ রম্যাণি বৃহন্তি সুবহূনি চ॥ ১-২২৭-৭৮ (৯৮৮৭)
`নদী চ নন্দিনী নাম সা পুরীমুপগূহতি।
চাতুর্বর্ণ্যসমাকীর্ণমন্যৈঃ শিল্পিভিরাবৃতম্॥ ১-২২৭-৭৯ (৯৮৮৮)
সর্বদাভিসৃতং সদ্ভিঃ কারিতং বিশ্বকর্মণা।
উপভোগসমৃদ্ধৈশ্চ সর্বদ্রব্যসমাবৃতম্॥ ১-২২৭-৮০ (৯৮৮৯)
নিত্যমার্যজনোপেতং নরনারীগণৈর্যুতম্।
বাজিবারণসংপূর্ণং গোভিরুষ্ট্রৈঃ খরৈরজৈঃ॥ ১-২২৭-৮১ (৯৮৯০)
তত্ত্রিবিষ্টপসঙ্কাশমিন্দ্রপ্রস্থং ব্যরোচত।
পুরীং সর্বগুণোপেতাং নির্মিতাং বিশ্বকর্মণা॥ ১-২২৭-৮২ (৯৮৯১)
পৌরবাণামধিপতিঃ কুন্তীপুত্রো যুধিষ্ঠিরঃ।
কৃতমঙ্গলসৎকারৈর্ব্রাহ্মণৈর্বেদপারগৈঃ॥ ১-২২৭-৮৩ (৯৮৯২)
দ্বৈপায়নং পুরস্কৃত্য ধৌম্যস্যাভিমতে স্থিতঃ।
ভ্রাতৃভিঃ সহিতো রাজা রাজমার্গমতীত্য চ॥ ১-২২৭-৮৪ (৯৮৯৩)
ঔপবাহ্যগতো রাজা কেশবেন সহাভিভূঃ।
তোরণদ্বারসুমুখং দ্বাত্রিংশদ্দ্বারসংয়ুতম্॥ ১-২২৭-৮৫ (৯৮৯৪)
বর্ধমানপুরদ্বারাৎপ্রবিবেশ মহাদ্যুতিঃ।
শঙ্খদুন্দুভিনির্ঘোষাঃ শ্রূয়ন্তে বহবো ভৃশম্॥ ১-২২৭-৮৬ (৯৮৯৫)
জয়েতি ব্রাহ্মণগিরঃ শ্রূয়ন্তে চ সহস্রশঃ।
সংস্তূয়মানো মুনিভিঃ সূতমাগধবন্দিভিঃ॥ ১-২২৭-৮৭ (৯৮৯৬)
ঔপবাহ্যগতো রাজা রাজমার্গমতীত্য চ।
কৃতমঙ্গলসৎকারং প্রবিবেশ গৃহোত্তমম্॥ ১-২২৭-৮৮ (৯৮৯৭)
প্রবিশ্য ভবনং রাজা নাগরৈরভিসংবৃতঃ।
প্রহৃষ্টমুদিতৈরাসীৎসৎকারৈরভিপূজিতঃ॥ ১-২২৭-৮৯ (৯৮৯৮)
পূজয়ামাস বিপ্রেন্দ্রান্কেশেন মহাত্মনা।
ততস্তু রাষ্ট্রং নগরং নরনারীগণায়ুতম্॥ ১-২২৭-৯০ (৯৮৯৯)
গোধনৈশ্চ সমাকীর্ণং সস্যৈর্বৃদ্ধিং তদাগমৎ॥’ ১-২২৭-৯১ (৯৯০০)
তেষাং পুণ্যজনোপেতং রাষ্ট্রমাবিশতাং মহৎ।
পাণ্ডবানাং মহারাজ শশ্বৎপ্রীতিরবর্ধত॥ ১-২২৭-৯২ (৯৯০১)
`সৌবলেন চ কর্ণেন ধার্তরাষ্ট্রৈঃ কৃপেণ চ।’
তথা ভীষ্মেণ রাজ্ঞা চ ধর্মপ্রণয়িনা সদা॥ ১-২২৭-৯৩ (৯৯০২)
পাণ্ডবাঃ সমপদ্যন্ত খাণ্ডবপ্রস্থবাসিনঃ।
পঞ্চভিস্তৈর্মহেষ্বাসৈরিন্দ্রকল্পৈঃ সমাবৃতম্॥ ১-২২৭-৯৪ (৯৯০৩)
শুশুভে তৎপুরশ্রেষ্ঠং নাগৈর্ভোগবতী যথা।
`ততস্তু বিশ্বকর্মাণং পূজয়িৎবা বিসৃজ্য চ॥ ১-২২৭-৯৫ (৯৯০৪)
দ্বৈপায়নং চ সংপূজ্য বিসৃজ্য চ নরাধিপঃ।
বার্ষ্ণেয়মব্রবীদ্রাজা গন্তুকামং কৃতক্ষণম্॥ ১-২২৭-৯৬ (৯৯০৫)
তব প্রসাদাদ্বার্ষ্ণেয় রাজ্যং প্রাপ্তং ময়াঽনঘ।
প্রসাদাদেব তে বীর শূন্যং রাষ্ট্রং সুদুর্গমম্॥ ১-২২৭-৯৭ (৯৯০৬)
তবৈব তু প্রসাদেন রাজ্যস্থাশ্চ ভবামহে।
গতিস্ৎবমাপৎকালেঽপি পাণ্ডবানাং চ মাধব॥ ১-২২৭-৯৮ (৯৯০৭)
জ্ঞাৎবা তু কৃত্যং কর্তব্যং কারয়স্ব ভবান্হি নঃ।
যদিষ্টমনুমন্তব্যং পাণ্ডবানাং ৎবয়াঽনঘ॥ ১-২২৭-৯৯ (৯৯০৮)
শ্রীবাসুদেব উবাচ। ১-২২৭-১০০x (১২৪৮)
ৎবৎপ্রভাবান্মহারাজ্যং সংপ্রাপ্তং হি স্বধর্মতঃ।
পিতৃপৈতামহং রাজ্যং কথং ন স্যাত্তব প্রভো॥ ১-২২৭-১০০ (৯৯০৯)
ধার্তরাষ্ট্রা দুরাচারাঃ কিং করিষ্যন্তি পাণ্ডবান্।
যথেষ্টং পালয় জগচ্ছশ্বদ্ধর্মধুরং বহ॥ ১-২২৭-১০১ (৯৯১০)
পুনঃ পুনশ্চ সংহর্ষাদ্ব্রাহ্মণান্ভর পৌরব।
অদ্যৈব নারদঃ শ্রীমানাগমিষ্যতি সৎবরঃ॥ ১-২২৭-১০২ (৯৯১১)
আদৎস্ব তস্য বাক্যানি শাসনং কুরু তস্য বৈ।
এবমুক্ৎবা ততঃ কুন্তীমভিবাদ্য জনার্দনঃ॥ ১-২২৭-১০৩ (৯৯১২)
উবাচ শ্লক্ষ্ণয়া বাচা গমিষ্যামি নমোস্তু তে। ১-২২৭-১০৪ (৯৯১৩)
কুন্ত্যুবাচ।
জাতুষং গৃহমাসাদ্য ময়া প্রাপ্তং যদানঘ॥ ১-২২৭-১০৪x (১২৪৯)
আর্যেণ সমভিজ্ঞাতং ৎবয়া বৈ যদুপুঙ্গব।
ৎবয়া নাথেন গোবিন্দ দুঃখং তীর্ণং মহত্তরম্॥ ১-২২৭-১০৫ (৯৯১৪)
ৎবং হি নাথস্ৎবনাথানাং দরিদ্রাণাং বিশেষতঃ।
সর্বদুঃখানি শাম্যন্তি তব সংদর্শনান্মম॥ ১-২২৭-১০৬ (৯৯১৫)
স্মরস্বৈনান্মহাপ্রাজ্ঞ তেন জীবন্তি পাণ্ডবাঃ॥ ১-২২৭-১০৭ (৯৯১৬)
বৈশম্পায়ন উবাচ। ১-২২৭-১০৮x (১২৫০)
করিষ্যামীতি চামন্ত্র্য অভিবাদ্য পিতৃষ্বসাম্।
গমনায় মতিং চক্রে বাসুদেবঃ সহানুগঃ॥’ ১-২২৭-১০৮ (৯৯১৭)
তান্নিবেশ্য ততো বীরঃ সহ রামেণ কৌরবান্।
যয়ৌ দ্বারবতীং রাজন্পাণ্ডবানুমতে তদা॥ ॥ ১-২২৭-১০৯ (৯৯১৮)

ইতি শ্রীমন্মহাভারতে আদিপর্বণি বিদুরাগমনরাজ্যলাভপর্বণি সপ্তবিংশত্যধিকদ্বিশততমোঽধ্যায়ঃ॥ ২২৭ ॥