আদিপর্ব – অধ্যায় ২২২

আদিপর্ব – অধ্যায় ২২২

॥ শ্রীঃ ॥

১.২২২. অধ্যায়ঃ ২২২

Mahabharata – Adi Parva – Chapter Topics

ভীষ্মেণ দুর্যোধনাদিসমীপে পাণ্ডবেক্ষ্যোঽর্ধরাজ্যং দাতব্যমিতি স্বাবিপ্রায়কথনম্॥ ১ ॥

Mahabharata – Adi Parva – Chapter Text

১-২২২-০ (৯৬৫৬)
ভীষ্ম উবাচ। ১-২২২-০x (১২২৩)
ন রোচতে বিগ্রহো মে পাণ্ডুপুত্রৈঃ কথংচন।
যথৈব ধৃতরাষ্ট্রো মে তথা পাণ্ডুরসংশয়ম্॥ ১-২২২-১ (৯৬৫৭)
গান্ধার্যাশ্চ যথা পুত্রাস্তথা কুন্তীসুতা মম।
যথা চ মম তে রক্ষ্যা ধৃতরাষ্ট্র তথা তব॥ ১-২২২-২ (৯৬৫৮)
যথা চ মম রাজ্ঞশ্চ তথা দুর্যোধনস্য তে।
তথা কুরূণাং সর্বেষামন্যেষামপি পার্থিব॥ ১-২২২-৩ (৯৬৫৯)
এবং গতে বিগ্রহং তৈর্ন রোচে
সন্ধায় বীরৈর্দীয়তামর্ধভূমিঃ।
তেষামপীদং প্রপিতামহানাং
রাজ্যং পিতুশ্চৈব কুরূত্তমানাম্॥ ১-২২২-৪ (৯৬৬০)
দুর্যোধন যথা র্জায়ং ৎবমিদং তাত পশ্যসি।
মম পৈতৃকমিত্যেবং তেঽপি পশ্যন্তি পাণ্ডবাঃ॥ ১-২২২-৫ (৯৬৬১)
যদি রাজ্যং ন তে প্রাপ্তাঃ পাণ্ডবেয়া যশস্বিনঃ।
কুত এব তবাপীদং ভারতস্যাপি কস্যচিৎ॥ ১-২২২-৬ (৯৬৬২)
অধর্মেণ চ রাজ্যং ৎবং প্রাপ্তবান্ভরতর্ষভ।
তেঽপি রাজ্যমনুপ্রাপ্তাঃ পূর্বমেবেতি মে মতিঃ॥ ১-২২২-৭ (৯৬৬৩)
মধুরেণৈব রাজ্যস্য তেষামর্ধং প্রদীয়তাম্।
এতদ্ধি পুরুষব্যাঘ্র হিতং সর্বজনস্য চ॥ ১-২২২-৮ (৯৬৬৪)
অতোঽন্যথা চেৎক্রিয়তে ন হিতং নো ভবিষ্যতি।
তবাপ্যকীর্তিঃ সকলা ভবিষ্যতি ন সংশয়ঃ॥ ১-২২২-৯ (৯৬৬৫)
কীর্তিরক্ষণমাতিষ্ঠ কীর্তির্হি পরমং বলম্।
নষ্টকীর্তের্মনুষ্যস্য জীবিতং হ্যফল়ং স্মৃতম্॥ ১-২২২-১০ (৯৬৬৬)
যাবৎকীর্তির্মনুষ্যস্য ন প্রণশ্যতি কৌরব।
তাবজ্জীবতি গান্ধরে নষ্টকীর্তিস্তু নশ্যতি॥ ১-২২২-১১ (৯৬৬৭)
তমিমং সমুপাতিষ্ঠ ধর্মং কুরুকুলোচিতম্।
অনুরূপং মহাবাহো পূর্বেষামাত্মনঃ কুরু॥ ১-২২২-১২ (৯৬৬৮)
দিষ্ট্যা ধ্রিয়ন্তে পার্থা হি দিষ্ট্যা জীবতি সা পৃথা।
দিষ্ট্যা পুরোচনঃ পাপো ন সকামোঽত্যযং গতঃ॥ ১-২২২-১৩ (৯৬৬৯)
যদাপ্রভৃতি দগ্ধাস্তে কুন্তিভোজসুতাসুতাঃ।
তদাপ্রভৃতি গান্ধারে ন শক্নোম্যভিবীক্ষিতুম্॥ ১-২২২-১৪ (৯৬৭০)
লোকে প্রাণভৃতাং কিংচিচ্ছ্রুৎবা কুন্তীং তথাগতাম্।
ন চাপি দোষেণ তথা লোকো মন্যেৎপুরোচনম্।
যথা ৎবাং পুরুষব্যাঘ্র লোকো দোষেণ গচ্ছতি॥ ১-২২২-১৫ (৯৬৭১)
তদিদং জীবিতং তেষাং তব কিল্বিষনাশনম্।
সংমন্তব্যং মহারাজ পাণ্ডবানাং চ দর্শনম্॥ ১-২২২-১৬ (৯৬৭২)
ন চাপি তেষাং বীরাণাং জীবতাং কুরুনন্দন।
পিত্র্যোংশঃ শক্য আদাতুমপি বজ্রভৃতা স্বয়ং॥ ১-২২২-১৭ (৯৬৭৩)
তে সর্বেঽবস্থিতা ধর্মে সর্বে চৈবৈকচেতসঃ।
অধর্মেণ নিরস্তাশ্চ তুল্যে রাজ্যে বিশেষতঃ॥ ১-২২২-১৮ (৯৬৭৪)
যদি ধর্মস্ৎবয়া কার্যো যদি কার্যং প্রিয়ং চ মে।
ক্ষেমং চ যদি কর্তব্যং তেষামর্ধং প্রদীয়তাম্॥ ॥ ১-২২২-১৯ (৯৬৭৫)

ইতি শ্রীমন্মহাভারতে আদিপর্বণি বিদুরাগমনরাজ্যলাভপর্বণি দ্বাবিংশত্যধিকদ্বিশততমোঽধ্যায়ঃ॥ ২২২ ॥

Mahabharata – Adi Parva – Chapter Footnotes

১-২২২-৮ মধুরেণ প্রীত্যা॥ ১-২২২-১৩ ধ্রিয়ন্তে জীবন্তি॥ ১-২২২-১৫ গচ্ছতি অবগচ্ছতি॥ দ্বাবিংশত্যধিকদ্বিশততমোঽধ্যায়ঃ॥ ২২২ ॥