আদিপর্ব – অধ্যায় ২২১

আদিপর্ব – অধ্যায় ২২১

॥ শ্রীঃ ॥

১.২২১. অধ্যায়ঃ ২২১

Mahabharata – Adi Parva – Chapter Topics

দুর্যোধনং প্রতি কর্ণোনোক্তং শ্রুতবতো ধৃতরাষ্ট্রস্য ভীষ্মাদিভিঃ সহ মন্ত্রণম্॥ ১ ॥

Mahabharata – Adi Parva – Chapter Text

১-২২১-০ (৯৬৩০)
কর্ণ উবাচ। ১-২২১-০x (১২২১)
দুর্যোধন তব প্রজ্ঞা ন সম্যগিতি মে মতিঃ।
ন হ্যুপায়েন তে শক্যাঃ পাণ্ডবাঃ কুরুবর্ধন॥ ১-২২১-১ (৯৬৩১)
পূর্বমেব হি তে সূক্ষ্মৈরুপায়ৈর্যতিতাস্ৎবয়া।
নিগ্রহীতুং তদা বীর ন চৈব শকিতাস্ৎবয়া॥ ১-২২১-২ (৯৬৩২)
ইহৈব বর্তমানাস্তে সমীপে তব পার্থিব।
অজাতপক্ষাঃ শিশবঃ শকিতা নৈব বাধিতুম্॥ ১-২২১-৩ (৯৬৩৩)
জাতপক্ষা বিদেশস্থা বিবৃদ্ধাঃ সর্বশোঽদ্য তে।
নোপায়সাধ্যাঃ কৌন্তেয়া মমৈষা মতিরচ্যুতা॥ ১-২২১-৪ (৯৬৩৪)
ন চ তে ব্যসনৈর্যোক্তুং শক্যা দিষ্টকৃতেন চ।
শকিতাশ্চেপ্সবশ্চৈব পিতৃপৈতামহং পদম্॥ ১-২২১-৫ (৯৬৩৫)
পরস্পরেণ ভেদশ্চ নাধাতুং তেষু শক্যতে।
একস্যাং যে রতাঃ পত্ন্যাং ন ভিদ্যন্তে পরস্পরম্॥ ১-২২১-৬ (৯৬৩৬)
ন চাপি কৃষ্ণা শক্যেত তেভ্যো ভেদয়িতুং পরৈঃ।
পরিদ্যূনান্বৃতবতী কিমুতাদ্য মৃজাবতঃ॥ ১-২২১-৭ (৯৬৩৭)
ঈপ্সিতশ্চ গুণঃ স্ত্রীণামেকস্যা বহুভর্তৃতা।
তং চ প্রাপ্তবতী কৃষ্ণা ন সা ভেদয়িতুং ক্ষমা॥ ১-২২১-৮ (৯৬৩৮)
আর্যব্রতশ্চ পাঞ্চাল্যো ন স রাজা ধনপ্রিয়ঃ।
ন সংত্যক্ষ্যতি কৌন্তেয়ান্রাজ্যদানৈরপি ধ্রুবম্॥ ১-২২১-৯ (৯৬৩৯)
তথাঽস্ম পুত্রো গুণবাননুরক্তশ্চ পাণ্ডবান্।
তস্মান্নোপায়সাধ্যাংস্তানহং মন্যে কথংচন॥ ১-২২১-১০ (৯৬৪০)
ইদং ৎবদ্য ক্ষমং কর্তুমস্মাকং পুরুষর্ষভ।
যাবন্ন কৃতমূলাস্তে পাণ্ডবেয়া বিশাংপতে॥ ১-২২১-১১ (৯৬৪১)
তাবৎপ্রহরণীয়াস্তে তত্তুভ্যং তাত রোচতাম্।
অস্মৎপক্ষো মহান্যাবদ্যাবৎপাঞ্চালকো লঘুঃ।
তাবৎপ্রহরণং তেষাং ক্রিয়তাং মা বিচারয়॥ ১-২২১-১২ (৯৬৪২)
বাহনানি প্রভূতানি মিত্রাণি চ কুলানি চ।
যাবন্ন তেষাং গান্ধারে তাবদ্বিক্রম পার্থিব॥ ১-২২১-১৩ (৯৬৪৩)
যাবচ্চ রাজা পাঞ্চাল্যো নোদ্যমে কুরুতে মনঃ।
সহ পুত্রৈর্মহাবীর্যৈস্তাবদ্বিক্রম পার্থিব॥ ১-২২১-১৪ (৯৬৪৪)
যাবন্নায়াতি বার্ষ্ণেয়ঃ কর্ষন্যাদববাহিনীম্।
রাজ্যার্থে পাণ্ডবেয়ানাং পাঞ্চাল্যসদনং প্রতি॥ ১-২২১-১৫ (৯৬৪৫)
বসূনি বিবিধান্ভোগান্রাজ্যমেব চ কেবলম্।
নাত্যাজ্যমস্তি কৃষ্ণস্য পাণ্ডবার্থে কথংচন॥ ১-২২১-১৬ (৯৬৪৬)
বিক্রমেণ মহী প্রাপ্তা ভরতেন মহাত্মনা।
বিক্রমেণ চ লোকাংস্ত্রীঞ্জিতবান্পাকশাসনঃ॥ ১-২২১-১৭ (৯৬৪৭)
বিক্রমং চ প্রশংসন্তি ক্ষত্রিয়স্য বিশাংপতে।
স্বকো হি ধর্মঃ শূরাণাং বিক্রমঃ পার্থিবর্ষভ॥ ১-২২১-১৮ (৯৬৪৮)
তে বলেন বয়ং রাজন্মহতা চতুরঙ্গিণা।
প্রমথ্য দ্রুপদং শীঘ্রমানয়ামেহ পাণ্ডবান্॥ ১-২২১-১৯ (৯৬৪৯)
ন হি সাম্না ন দানেন ন ভদেন চ পাণ্ডবাঃ।
শক্যাঃ সাধয়িতুং তস্মাদ্বিক্রমেণৈব তাঞ্জহি॥ ১-২২১-২০ (৯৬৫০)
তান্বিক্রমেণ জিৎবেমামখিলাং ভুঙ্ক্ষ্ব মেদিনীম্।
অতো নান্যং প্রপশ্যামি কার্যোপায়ং জনাধিপ॥ ১-২২১-২১ (৯৬৫১)
বৈশম্পায়ন উবাচ। ১-২২১-২২x (১২২২)
শ্রুৎবা তু রাধেয়বচো ধৃতরাষ্ট্রঃ প্রতাপবান্।
অভিপূজ্য ততঃ পশ্চাদিদং বচনমব্রবীৎ॥ ১-২২১-২২ (৯৬৫২)
উপপন্নং মহাপ্রাজ্ঞে কৃতাস্ত্রে সূতনন্দনে।
ৎবয়ি বিক্রমসংপন্নমিদং বচনমীদৃশম্॥ ১-২২১-২৩ (৯৬৫৩)
ভূয় এব তু ভীষ্মশ্চ দ্রোণো বিদুর এব চ।
যুবাং চ কুরুতং বুদ্ধিং ভবেদ্যা নঃ সুখোদয়া॥ ১-২২১-২৪ (৯৬৫৪)
তত আনায়্য তান্সর্বান্মন্ত্রিণঃ সুমহায়শাঃ।
ধৃতরাষ্ট্রো মহারাজ মন্ত্রয়ামাস বৈ তদা॥ ॥ ১-২২১-২৫ (৯৬৫৫)

ইতি শ্রীমন্মহাভারতে আদিপর্বণি বিদুরাগমনরাজ্যলাভপর্বণি একবিংশত্যধিকদ্বিশততমোঽধ্যায়ঃ॥ ২২১ ॥

Mahabharata – Adi Parva – Chapter Footnotes

১-২২১-৭ পরিদ্যূনান্ শোচ্যান্। মৃজাবতঃ সুবেষান্॥ একবিংশত্যধিকদ্বিশততমোঽধ্যায়ঃ॥ ২২১ ॥