আদিপর্ব – অধ্যায় ২১৮
॥ শ্রীঃ ॥
১.২১৮. অধ্যায়ঃ ২১৮
Mahabharata – Adi Parva – Chapter Topics
পাণ্ডবা হন্তব্যা এবেতি কর্ণস্যোক্তিঃ॥ ১ ॥ পাঞ্চালনগরংপ্রতি যুদ্ধার্থং দুর্যোধনাদীনাং গমনম্॥ ২ ॥ তৈঃ সহ যোদ্ধুং সপাণ্ডবস্য দ্রুপদস্যাগমনম্॥ ৩ ॥ কর্ণজয়দ্রথাভ্যাং সুমিত্রপ্রিয়দর্শনয়োর্বধঃ॥ ৪ ॥ অর্জুনেন কর্ণজয়দ্রথপুত্রয়োর্বধঃ॥ ৫ ॥ কর্ণদুর্যোধনাদীনাং পরাজয়ঃ॥ ৬ ॥ পরাজিতানাং তেষাং হাস্তিনপুরগমনম্॥ ৭ ॥ কৃষ্ণবলরাময়োঃ পাঞ্চালপুরে বাসঃ॥ ৮ ॥
Mahabharata – Adi Parva – Chapter Text
১-২১৮-০ (৯৪৯২)
বৈশম্পায়ন উবাচ। ১-২১৮-০x (১২১১)
সৌমদত্তের্বচঃ শ্রুৎবা কর্ণো বৈকর্তনো বৃষা।
উবাচ বচনং কালে কালজ্ঞঃ সর্বকর্মণাম্॥ ১-২১৮-১ (৯৪৯৩)
নীতিপূর্বমিদং সর্বমুক্তং বচনমর্থবৎ।
বচনং নাভ্যসূয়ামি শ্রূয়তাং যদ্বচস্ৎবিতি॥ ১-২১৮-২ (৯৪৯৪)
দ্বৈধীভাবো ন গন্তব্যঃ সর্বকর্মসু মানবৈঃ।
দ্বিধাভূতেন মনসা অন্যৎকর্ম ন সিধ্যতি॥ ১-২১৮-৩ (৯৪৯৫)
সংপ্রয়াণাসনাভ্যাং তু কর্শনেন তথৈব চ।
নৈতচ্ছক্যং পুরং হর্তুমাক্রন্দশ্চাপ্যশোভনঃ॥ ১-২১৮-৪ (৯৪৯৬)
অবমর্দনকালোঽত্র মতশ্চিন্তয়তো মম।
যাবন্নো বৃষ্ণয়ঃ পার্ষ্ণিং ন গৃহ্ণন্তিরণপ্রিয়াঃ॥ ১-২১৮-৫ (৯৪৯৭)
ভবন্তশ্চ তথা হৃষ্টাঃ স্ববাহুবলশালিনঃ।
প্রাকারমবমৃদ্রন্তু পরিঘাঃ পূরয়ন্ৎবপি॥ ১-২১৮-৬ (৯৪৯৮)
প্রস্রাবয়ন্তু সলিলং ক্রিয়তাং বিষমং সমম্।
তৃণকাষ্ঠেন মহতা খাতমস্য প্রপূর্যতাম্॥ ১-২১৮-৭ (৯৪৯৯)
ঘুষ্যতাং রাজমার্গেষু পরেষাং যো হনিষ্যতি।
নাগমশ্বং পদাতিং বা দানমানং স লপ্স্যতি॥ ১-২১৮-৮ (৯৫০০)
নাগে দশসহস্রাণি পঞ্চ চাশ্বপদাতিষু।
রথে বৈ দ্বিগুণং নাগাদ্বসু দাস্যন্তি পার্থিবাঃ॥ ১-২১৮-৯ (৯৫০১)
যশ্চ কামসুখে সক্তো বালশ্চ স্থবিরশ্চ যঃ।
অয়ুদ্ধমনসো যে চ তে তু তিষ্ঠন্তু ভীরবঃ॥ ১-২১৮-১০ (৯৫০২)
প্রদরশ্চ ন দাতব্যো ন গন্তব্যমচোদিতৈঃ।
যশো রক্ষত ভদ্রং বো জেষ্যামো বৈ রিপূন্বয়ম্॥ ১-২১৮-১১ (৯৫০৩)
অনুলোমাশ্চ নো বাতাঃ সততং মৃগপক্ষিণঃ।
অগ্নয়শ্চ বিরাজন্তে শস্ত্রাণি কবচানি চ॥ ১-২১৮-১২ (৯৫০৪)
বৈশম্পায়ন উবাচ। ১-২১৮-১৩x (১২১২)
ততঃ কর্ণবচঃ শ্রুৎবা ধার্তরাষ্ট্রপ্রিয়ৈষিণঃ।
নির্যযুঃ পৃথিবীপালাশ্চালয়ন্তঃ পরান্রণে॥ ১-২১৮-১৩ (৯৫০৫)
ন হি তেষাং মনঃসক্তিরিন্দ্রিয়ার্থেষু সর্বশঃ।
যথা পরিরপুঘ্নানাং প্রসভং যুদ্ধ এব চ॥ ১-২১৮-১৪ (৯৫০৬)
বৈকর্তনপুরোব্রাতঃ সৈন্ধবোর্মিমহাস্বনঃ।
দুঃশাসনমহামৎস্যো দুর্যোধনমহাগ্রহঃ॥ ১-২১৮-১৫ (৯৫০৭)
স রাজসাগরো ভীমো ভীমঘোষপ্রদর্শনঃ।
অভিদুদ্রাব বেগেন পুরং তদপসব্যতঃ॥ ১-২১৮-১৬ (৯৫০৮)
তদনীকমনাধৃষ্যং শস্ত্রাগ্নিব্যালদীপিতম্।
সমুৎকম্পিতমাজ্ঞায় চুক্রুশুর্দ্রুপদাত্মজাঃ॥ ১-২১৮-১৭ (৯৫০৯)
তে মেঘসমনির্ঘোষৈর্বলিনঃ স্যন্দনোত্তমৈঃ।
নির্যযুর্নগরদ্বারাত্ত্রাসয়ন্তঃ পরান্র ১-২১৮-১৮ (৯৫১০)
ধৃষ্টদ্যুম্নঃ শিখণ্ডী চ সুমিত্রঃ প্রিয়দর্শনঃ।
চিত্রকেতুঃ সুকেতুশ্চ ধ্বজকেতুশ্চ বীর্যবান্॥ ১-২১৮-১৯ (৯৫১১)
পুত্রা দ্রুপদরাজস্য বলবন্তো জয়ৈষিণঃ।
দ্রুপদস্য মহাবীর্যঃ পাণ্ডরোষ্ণীষকেতনঃ॥ ১-২১৮-২০ (৯৫১২)
পাণ্ডরব্যজনচ্ছত্রঃ পাণ্ডরধ্বজবাহনঃ।
স পুত্রগণমধ্যস্থঃ শুশুভে রাজসত্তমঃ॥ ১-২১৮-২১ (৯৫১৩)
চন্দ্রমা জ্যোতিষাং মধ্যে পৌর্ণমাস্যামিবোদিতঃ।
অথোদ্ধূতপতাকাগ্রমজিহ্মগতিমব্যযম্॥ ১-২১৮-২২ (৯৫১৪)
দ্রুপদানীকমায়ান্তং কুরুসৈন্যমভিদ্রবৎ।
তয়োরুভয়তো জজ্ঞে তেষাং তু তুমুলঃ স্বনঃ॥ ১-২১৮-২৩ (৯৫১৫)
বলয়োঃ সংপ্রসরতোঃ সরিতাং স্রোতসোরিব।
প্রকীর্ণরথনাগাশ্বৈস্তান্যনীকানি সর্বশঃ॥ ১-২১৮-২৪ (৯৫১৬)
জ্যোতীংষঈব প্রকীর্ণানি সর্বতঃ প্রচকাশিরে।
উৎকৃষ্টভেরীনিনদে সংপ্রবৃত্তে মহারবে॥ ১-২১৮-২৫ (৯৫১৭)
অমর্ষিতা মহাত্মানঃ পাণ্ডবা নির্যযুস্ততঃ।
রথাংশ্চ মেঘনির্ঘোষান্যুক্তান্পরমবাজিভিঃ॥ ১-২১৮-২৬ (৯৫১৮)
ধূন্বন্তো ধ্বজিনঃ শুভ্রানাস্থায় ভরতর্ষভাঃ।
ততঃ পাণ্ডুসুতান্দৃষ্ট্বা রথস্থানাত্তকার্মুকান্॥ ১-২১৮-২৭ (৯৫১৯)
নৃপাণামভবৎকম্পো বেপথুর্হৃদয়েষু চ।
নির্যাতেষ্বথ পার্থেষু দ্রোপদং তদ্বলং রণে॥ ১-২১৮-২৮ (৯৫২০)
আবিশৎপরমো হর্ষঃ প্রমোদশ্চ জয়ং প্রতি।
সুমুহূর্তং ব্যতিকরঃ সৈন্যানামভবদ্ভৃশম্॥ ১-২১৮-২৯ (৯৫২১)
ততো দ্বন্দ্বময়ুধ্যন্ত মৃত্যুং কৃৎবা পুরস্কৃতম্।
জঘ্নতুঃ সমরে তস্মিন্সুমিত্রপ্রিয়দর্শনৌ॥ ১-২১৮-৩০ (৯৫২২)
জয়দ্রথশ্চ কর্ণশ্চ পশ্যতঃ সব্যসাচিনঃ।
অর্জুনঃ প্রেক্ষ্য নিহতৌ সৌমিত্রপ্রিয়দর্শনৌ॥ ১-২১৮-৩১ (৯৫২৩)
জয়দ্রথসুতং তত্র জঘান পিতুরন্তিকে।
বৃষসেনাদবরজং সুদামানং ধনংজয়ঃ॥ ১-২১৮-৩২ (৯৫২৪)
কর্ণপুত্রং মহেষ্বাসং রথনীডাদপাতয়ৎ।
তৌ সুতৌ নিহতৌ দৃষ্ট্বা রাজসিংহৌ তরস্বিনৌ॥ ১-২১৮-৩৩ (৯৫২৫)
নামৃষ্যেতাং মহাবাহূ প্রহারমিব সদ্গজৌ।
তৌ জগ্মতুরসংভ্রান্তৌ ফল্গুনস্য রথংপ্রতি॥ ১-২১৮-৩৪ (৯৫২৬)
প্রতিমুক্ততলত্রাণৌ শপমানৌ পরস্পরম্।
সন্নিপাতস্তয়োরাসীদতিঘোরো মহামৃধে॥ ১-২১৮-৩৫ (৯৫২৭)
বৃত্রশম্বরয়োঃ সঙ্ক্যে বজ্রিণেব মহারণে।
ত্রীনশ্বাঞ্জঘ্নতুস্তস্য ফল্গুনস্য নর্ষভৌ॥ ১-২১৮-৩৬ (৯৫২৮)
ততঃ কিলিকিলাশব্দঃ কুরূণামভবত্তদা।
তান্হয়ান্নিহতান্দৃষ্ট্বা ভীমসেনঃ প্রতাপবান্॥ ১-২১৮-৩৭ (৯৫২৯)
নিমেষান্তরমাত্রেণ রথমশ্বৈরয়োজয়ৎ।
উপয়াতং রথং দৃষ্ট্বা দুর্যোধনপুরঃসরৌ॥ ১-২১৮-৩৮ (৯৫৩০)
সৌবলঃ সৌমদত্তিশ্চ সমেয়াতাং পরন্তপৌ।
তৈঃ পঞ্চভিরদীনাত্মা ভীমসেনো মহাবলঃ॥ ১-২১৮-৩৯ (৯৫৩১)
অয়ুধ্যত তদা বীরৈরিন্দ্রিয়ার্থৈরিবেশ্বরঃ।
তৈর্নিরুদ্ধো ন সংত্রাসং জগাম সমিতিংজয়ঃ॥ ১-২১৮-৪০ (৯৫৩২)
পঞ্চভির্দ্বিরদৈর্মত্তৈর্নিরুদ্ধ ইব কেসরী।
তস্যৈতে যুগপৎপঞ্চ পঞ্চভির্নিশিতৈঃ শরৈঃ॥ ১-২১৮-৪১ (৯৫৩৩)
সারথিং বাজিনশ্চৈব নিন্যুর্বৈবস্বতক্ষয়ম্।
হতাশ্বাৎস্যন্দনশ্রেষ্ঠাদবরুহ্য মহারথঃ॥ ১-২১৮-৪২ (৯৫৩৪)
চচার বিবিধান্মার্গানসিমুদ্যম্য পাণ্ডবঃ।
অশ্বস্কন্ধেষু চক্রেষু যুগেষ্বীষাসু চৈব হি॥ ১-২১৮-৪৩ (৯৫৩৫)
ব্যচরৎপাতয়ঞ্শত্রূন্সুপর্ণ ইব ভোগিনঃ।
বিধনুষ্কং বিকবচং বিরথং চ সমীক্ষ্য তম্॥ ১-২১৮-৪৪ (৯৫৩৬)
অভিপেতুর্নব্যাঘ্রা অর্জুনপ্রমুখা রথাঃ।
ধৃষ্টদ্যুম্নঃ শিখণ্ডী চ যমৌ চ যুধি দুর্জয়ৌ॥ ১-২১৮-৪৫ (৯৫৩৭)
তস্মিন্মহারথে যুদ্ধে প্রবৃত্তে শরবৃষ্টিভিঃ।
রথধ্বজপতাকাশ্চ সবর্মন্তরধীয়ত॥ ১-২১৮-৪৬ (৯৫৩৮)
তৎপ্রবৃত্তং চিরং কালং যুদ্ধং সমমিবাভবৎ।
রথেন তান্মহাবাহুরর্জুনো ব্যধমৎপুনঃ॥ ১-২১৮-৪৭ (৯৫৩৯)
তমাপতন্তং দৃষ্ট্বেব মহাবাহুর্ধনুর্ধরঃ।
কর্ণোঽস্ত্রবিদুষাং শ্রেষ্ঠো বারয়ামাস সায়কৈঃ॥ ১-২১৮-৪৮ (৯৫৪০)
স তেনাভিহতঃ পার্থো বাসবির্বজ্রসন্নিভান্।
ত্রীঞ্শরান্সংদধে ক্রুদ্ধো বধাৎক্রুদ্ধস্য পাণ্ডবঃ॥ ১-২১৮-৪৯ (৯৫৪১)
তৈঃ শরৈরাহতং কর্ণং ধ্বজয়ষ্টিমুপাশ্রিতম্।
অপোবাহ রথাচ্চাশু সূতঃ পরপুরংজয়ম্॥ ১-২১৮-৫০ (৯৫৪২)
ততঃ পরাজিতে কর্ণে ধার্তরাষ্ট্রান্মহাভয়ম্।
বিবেশ সমুদগ্রাংশ্চ পাণ্ডবান্প্রসমীক্ষ্য তু॥ ১-২১৮-৫১ (৯৫৪৩)
তৎপ্রকম্পিতমত্যর্থং তদ্দৃষ্ট্বা সৌবলো বলম্।
গিরা মধুরয়া চাপি সমাশ্বাসয়তাসকৃৎ॥ ১-২১৮-৫২ (৯৫৪৪)
ধার্তরাষ্ট্রৈস্ততঃ সর্বৈর্দুর্যোধনপুরঃসরৈঃ।
ধৃতং তৎপুনরেবাসীদ্বলং পার্থপ্রপীডিতম্॥ ১-২১৮-৫৩ (৯৫৪৫)
ততো দুর্যোধনং দৃষ্ট্বা ভীমো ভীমপরাক্রমঃ।
অক্রুধ্যৎস মহাবাহুরগারং জাতুষং স্মরন্॥ ১-২১৮-৫৪ (৯৫৪৬)
ততঃ সংগ্রামশিরসি দদর্শ বিপুলদ্রুমম্।
আয়ামভূতং তিষ্ঠন্তং স্কন্ধপঞ্চাশদুন্নতম্॥ ১-২১৮-৫৫ (৯৫৪৭)
মহাস্কন্ধং মহোৎসেধং শক্রধ্বজমিবোচ্ছ্রিতম্।
তমুৎপাঠ্য চ পাণিভ্যামুদ্যম্য চরণাবপি॥ ১-২১৮-৫৬ (৯৫৪৮)
অভিপেদে পরান্সঙ্খ্যে বজ্রপাণিরিবাসুরান্।
ভীমসেনভয়ার্তানি ফল্গুনাভিহতানি চ॥ ১-২১৮-৫৭ (৯৫৪৯)
ন শেকুস্তান্যনীকানি ধার্তরাষ্ট্রাণ্যুদীক্ষিতুম্।
তানি সংভ্রান্তয়োধানি শ্রান্তবাজিগজানি চ॥ ১-২১৮-৫৮ (৯৫৫০)
দিশঃ প্রাকালয়দ্ভীমো দিবীবাভ্রাণি মারুতঃ।
তান্নিবৃত্তান্নিরানন্দান্নরবারণবাজিনঃ॥ ১-২১৮-৫৯ (৯৫৫১)
নানুসস্রুর্ন চাজঘ্নুর্নোচুঃ কিংচিচ্চ দারুণম্।
স্বমেব শিবিরং জগ্মুঃ ক্ষত্রিয়াঃ শরবিক্ষতাঃ॥ ১-২১৮-৬০ (৯৫৫২)
পরেঽপ্যভিয়যুর্হৃষ্টাঃ পুরং পৌরসুখাবহাঃ।
মুহূর্তমভবদ্যুদ্ধং তেষাং বৈ পাণ্ডবৈঃ সহ॥ ১-২১৮-৬১ (৯৫৫৩)
যাবত্তদ্যুদ্ধমভবন্মহদ্দেবাসুরোপমম্।
তাবদেবাভবচ্ছান্তং নিবৃত্তা বৈ মহারথাঃ॥ ১-২১৮-৬২ (৯৫৫৪)
সুব্রতং চক্রিরে সর্বে সুবৃতামব্রুবন্বধূম্।
কৃতার্থং দ্রুপদং চোচুর্ধৃষ্টদ্যুম্নং চ পার্ষতম্॥ ১-২১৮-৬৩ (৯৫৫৫)
শকুনিঃ সিন্ধুরাজশ্চ কর্ণদুর্যোধনাবপি।
তেষাং তদাভবদ্দুঃখং হৃদি বাচা তু নাব্রুবন্॥ ১-২১৮-৬৪ (৯৫৫৬)
ততঃ প্রয়াতা রাজানঃ সর্ব এব যথাগতম্।
ধার্তরাষ্ট্রা হি তে সর্বে গতা নাগপুরং তদা॥ ১-২১৮-৬৫ (৯৫৫৭)
প্রাগেব পূর্নিরোধাত্তু পাণ্ডবৈরশ্বসাদিনঃ।
প্রেষিতা গচ্ছতারিষ্টানস্মানাখ্যাত শৌরয়ে॥ ১-২১৮-৬৬ (৯৫৫৮)
তেঽচিরেণৈব কালেন সংপ্রাপ্তা যাদবীং পুরীম্।
ঊচুঃ সংকর্ষণোপেন্দ্রৌ বচনং বচনক্ষমৌ॥ ১-২১৮-৬৭ (৯৫৫৯)
কুশলং পাণ্ডবাঃ সর্বানাহুঃ স্মান্ধকবৃষ্ণয়ঃ।
আত্মনশ্চাহতানাহুর্বিমুক্তাঞ্জাতুষাদ্গৃহাৎ॥ ১-২১৮-৬৮ (৯৫৬০)
সমাজে দ্রৌপদীং লব্ধামাহূ রাজীবলোচনাম্।
আত্মনঃ সদৃশীং সর্বৈঃ শীলবৃত্তসমাধিভিঃ॥ ১-২১৮-৬৯ (৯৫৬১)
তচ্ছ্রুৎবা বচনং কৃষ্ণস্তানুবাচোত্তরং বচঃ।
সর্বমেতদহং জানে বধাত্তস্য তু রক্ষসঃ॥ ১-২১৮-৭০ (৯৫৬২)
তত উদ্যোজয়ামাস মাধবশ্চতুরঙ্গিণীম্।
সেনামুপানয়ত্তূর্ণং পাঞ্চালনগরীং প্রতি॥ ১-২১৮-৭১ (৯৫৬৩)
ততঃ সংকর্ষণশ্চৈব কেশবশ্চ মহাবলঃ।
যাদবৈঃ সহ সর্বৈশ্চ পাণ্ডবানভিজগ্মতুঃ॥ ১-২১৮-৭২ (৯৫৬৪)
পিতৃষ্বসারং সংপূজ্য নৎবা চৈব তু যাদবীম্।
দ্রৌপদীং ভূষণৈঃ শুভ্রৈর্ভূষয়িৎবা যথাবিধি॥ ১-২১৮-৭৩ (৯৫৬৫)
পাণ্ডবান্হর্ষয়িৎবা তু পূজয়ামাসতুশ্চ তান্।
ন্যায়তঃ পূজিতৌ রাজ্ঞা দ্রুপদেন মহাত্মনা॥ ১-২১৮-৭৪ (৯৫৬৬)
যাদবাঃ পূজিতাঃ সর্বে পাণ্ডবৈশ্চ মহাত্মভিঃ।
রেমিরে পাণ্ডবৈঃ সার্ধং তে পাঞ্চালপুরে তদা॥ ॥ ১-২১৮-৭৫ (৯৫৬৭)
ইতি শ্রীমন্মাহাভারতে আদিপর্বণি বিদুরাগমনরাজ্যলাভপর্বণি অষ্টাদশাধিকদ্বিশততমোঽধ্যায়ঃ॥ ২১৮ ॥