আদিপর্ব – অধ্যায় ২০৮

আদিপর্ব – অধ্যায় ২০৮

॥ শ্রীঃ ॥

১.২০৮. অধ্যায়ঃ ২০৮

(অথ বৈবাহিকপর্ব ॥ ১৩ ॥)

Mahabharata – Adi Parva – Chapter Topics

ধৃষ্টদ্যুম্নবার্তাং শ্রুতবতা দ্রুপদেন তৎববিবিৎসয়া পাণ্ডবান্প্রতি পুরোহিতপ্রেষণম্॥ ১ ॥

Mahabharata – Adi Parva – Chapter Text

১-২০৮-০ (৯১৬০)
বৈশম্পায়ন উবাচ। ১-২০৮-০x (১১৫২)
ততস্তথোক্তঃ পরিহৃষ্টরূপঃ
পিত্রে শশংসাথ স রাজপুত্রঃ।
ধৃষ্টদ্যুম্নঃ সোমকানাং প্রবর্হো
বৃত্তং যথা যেন হৃতা চ কৃষ্ণা॥ ১-২০৮-১ (৯১৬১)
ধৃষ্টদ্যুম্ন উবাচ। ১-২০৮-২x (১১৫৩)
যোঽসৌ যুবা ব্যায়তলোহিতাক্ষঃ
কৃষ্ণাজিনী দেবসমানরূপঃ।
যঃ কার্মুকাগ্র্যং কৃতবানধিজ্যং
লক্ষং চ যঃ পাতিতবান্পৃথিব্যাম্॥ ১-২০৮-২ (৯১৬২)
অসজ্জমানশ্চ ততস্তরস্বী
বৃতো দ্বিজাগ্র্যৈরভিপূজ্যমানঃ।
চক্রাম বজ্রীব দিতেঃ সুতেষু
সর্বৈশ্চ দেবৈর্ঋষিভিশ্চ জুষ্টঃ॥ ১-২০৮-৩ (৯১৬৩)
কৃষ্মা প্রগৃহ্যাজিনমন্বয়াত্তং
নাগং যথা নাগবধূঃ প্রহৃষ্টা।
`শ্যামো যুবা বারণমত্তগামী
কৃৎবা মহৎকর্ম সুদুষ্করং তৎ॥ ১-২০৮-৪ (৯১৬৪)
যঃ সূতপুত্রেণ চকার যুদ্ধং
শঙ্কেঽর্জুনং তং ত্রিদশেশবীর্যম্।’
অমৃষ্যমাণেষু নরাধিপেষু
ক্রুদ্ধেষু বৈ তত্র সমাপতৎসু॥ ১-২০৮-৫ (৯১৬৫)
ততোঽপরঃ পার্থিবসঙ্ঘমধ্যে
প্রবৃদ্ধমারুজ্য মহীপ্ররোহম্।
প্রাকালয়ত্তেন স পার্থিবৌঘান্
ভীমোঽন্তকঃ প্রাণভৃতো যথৈব॥ ১-২০৮-৬ (৯১৬৬)
তৌ পার্থিবানাং মিষতাং নরেন্দ্র
কৃষ্ণামুপাদায় গতৌ নরাগ্র্যৌ।
`বিক্ষোভ্য বিদ্রাব্য চ পার্তিবাংস্তা-
ন্স্বতেজসা দুষ্প্রতিবীক্ষ্যরূপৌ।’
বিভ্রাজমানাবিব চন্দ্রসূর্যৌ
বাহ্যাং পুরাদ্ভার্গবকর্মশালাম্॥ ১-২০৮-৭ (৯১৬৭)
তত্রোপবিষ্টার্চিরিবানলস্য
তেষাং জনিত্রীতি মম প্রতর্কঃ।
তথাবিধৈরেব নরপ্রবীরৈ-
রুপোপবিষ্টৈস্ত্রিবিরগ্নিকল্পৈঃ॥ ১-২০৮-৮ (৯১৬৮)
তস্যাস্ততস্তাবভিবাদ্য পাদা-
বুক্ৎবা চ কৃষ্ণামভিবাদয়েতি।
স্থিতৌ চ তত্রৈব নিবেদ্য কৃষ্ণাং
ভিক্ষাপ্রচারায় গতা নরাগ্র্যাঃ॥ ১-২০৮-৯ (৯১৬৯)
তেষাং তু ভৈক্ষং প্রতিগৃহ্য কৃষ্ণা
দৎবা বলিং ব্রাহ্মণসাচ্চ কৃৎবা।
তাং চৈব বৃদ্ধাং পরিবেষ্য তাংশ্চ
নরপ্রবীরান্স্বয়মপ্যভুঙ্ক্ত॥ ১-২০৮-১০ (৯১৭০)
সুপ্তাস্তু তে পার্থিব সর্ব এব
কৃষ্ণা চ তেষাং চরণোপধানে।
আসীৎপৃথিব্যাং শয়নং চ তেষাং
দর্ভাজিনাগ্রাস্তরণোপপন্নম্॥ ১-২০৮-১১ (৯১৭১)
তে নর্দমানা ইব কালমেঘাঃ
কথা বিচিত্রাঃ কথয়াংবভূবুঃ।
ন বৈশ্যশূদ্রৌপয়িকীঃ কথাস্তা
ন চ দ্বিজানাং কথয়ন্তি বীরাঃ॥ ১-২০৮-১২ (৯১৭২)
নিঃসংশয়ং ক্ষত্রিয়পুংগবাস্তে
যথা হি যুদ্ধং কথয়ন্তি রাজন্।
আশা হি নো ব্যক্তমিয়ং সমৃদ্ধা
মুক্তান্হি পার্থাঞ্শৃণুমোঽগ্নিদাহাৎ॥ ১-২০৮-১৩ (৯১৭৩)
যথা হি লক্ষ্যং নিহতং ধনুশ্চ
সজ্যং কৃতং তেন তথা প্রসহ্য।
যথা হি ভাষন্তি পরস্পরং তে
ছন্না ধ্রুবং তে প্রচরন্তি পার্থাঃ॥ ১-২০৮০১৫x বৈশম্পায়ন উবাচ। ১-২০৮-১৪ (৯১৭৪)
ততঃ স রাজা দ্রুপদঃ প্রহৃষ্টঃ
পুরোহিতং প্রেষায়ামাস তেষাম্।
বিদ্যাম যুষ্মানিতি ভাষমাণো
মহাত্মানঃ পাণ্ডুসুতাঃ স্থ কচ্চিৎ॥ ১-২০৮-১৫ (৯১৭৫)
গৃহীতবাক্যো নৃপতেঃ পুরোধা
গৎবা প্রশংসামভিধায় তেষাম্।
বাক্যং সমগ্রং নৃপতের্যথাব-
দুবাচ চানুক্রমবিক্রমেণ॥ ১-২০৮-১৬ (৯১৭৬)
বিজ্ঞাতুমিচ্ছত্যবনীশ্বরো বঃ
পাঞ্চালরাজো বরদো বরার্হাঃ।
লক্ষ্যস্য বেদ্ধারমিমং হি দৃষ্ট্বা
হর্ষস্য নান্তং প্রতিপদ্যতে সঃ॥ ১-২০৮-১৭ (৯১৭৭)
আখ্যাত চ জ্ঞাতিকুলানুপূর্বী
পদং শিরঃসু দ্বিষতাং কুরুধ্বম্।
প্রহ্লাদয়ধ্বং হৃদয়ং মমেদং
পাঞ্চালরাজস্য চ সানুগস্য॥ ১-২০৮-১৮ (৯১৭৮)
পাণ্ডুর্হি রাজা দ্রুপদস্য রাজ্ঞঃ
প্রিয়ঃ সখা চাত্মসমো বভূব।
তস্যৈষ কামো দুহিতা মমেয়ং
স্নুষা যদি স্যাদিহ কৌরবস্য॥ ১-২০৮-১৯ (৯১৭৯)
অয়ং হি কামো দ্রুপদস্য রাজ্ঞো
হৃদি স্থিতো নিত্যমনিন্দিতাঙ্গাঃ।
যদর্জুনো বৈ পৃথুদীর্ঘবাহু-
র্ধর্মেণ বিন্দেত সুতাং মমৈতাম্॥ ১-২০৮-২০ (৯১৮০)
কৃতং হি তৎস্যাৎসুকৃতং মমেদং
যশশ্চ পুণ্যং চ হিতং তদেতৎ।
অথোক্তবাক্যং হি পুরোহিতং স্থিতং
ততো বিনীতং সমুদীক্ষ্য রাজা॥ ১-২০৮-২১ (৯১৮১)
সমীপতো ভীমমিদং শশাস
প্রদীয়তাং পাদ্যমর্ধ্যং তথাঽস্মৈ।
মান্যঃ পুরোধা দ্রুপদস্য রাজ্ঞ-
স্তস্মৈ প্রয়োজ্যাঽভ্যধিকা হি পূজা॥ ১-২০৮-২২ (৯১৮২)
বৈশম্পায়ন উবাচ। ১-২০৮-২৩x (১১৫৪)
ভীমস্ততস্তৎকৃতবান্নরেন্দ্র
তাং চৈব পূজাং প্রতিগৃহ্য হর্ষাৎ।
সুখোপবিষ্টং তু পুরোহিতং তদা
যুধিষ্ঠিরো ব্রাহ্মণমিত্যুবাচ॥ ১-২০৮-২৩ (৯১৮৩)
পাঞ্চালরাজেন সুতা নিসৃষ্টা
স্বধর্মদৃষ্টেন যথা ন কামাৎ।
প্রদিষ্টশুংল্কা দ্রুপদেন রাজ্ঞা
সা তেন বীরেণ তথাঽনুবৃত্তা॥ ১-২০৮-২৪ (৯১৮৪)
ন তত্র বর্ণেষু কৃতা বিবক্ষা
ন চাপি শীলে ন কুলে ন গোত্রে।
কৃতেন সজ্যেন হি কার্মুকেণ
বিদ্ধেন লক্ষ্যেণ হি সা বিসৃষ্টা॥ ১-২০৮-২৫ (৯১৮৫)
সেয়ং তথাঽনেন মহাত্মনেহ
কৃষ্ণা জিতা পার্থিবসঙ্ঘমধ্যে।
নৈবং গতে সৌমকিরদ্য রাজা
সন্তাপমর্হত্যসুখায় কর্তুম্॥ ১-২০৮-২৬ (৯১৮৬)
কামশ্চ যোঽসৌ দ্রুপদস্য রাজ্ঞঃ
স চাপি সংপৎস্যতি পার্থিবস্য।
সংপ্রাপ্যরূপাং হি নরেন্দ্রকন্যা-
মিমামহং ব্রাহ্মণ সাধু মন্যে॥ ১-২০৮-২৭ (৯১৮৭)
ন তদ্ধনুর্মন্দবলেন শক্যং
মৌর্ব্যা সমায়োজয়িতুং তথাহি।
ন চাকৃতাস্ত্রেণ ন হীনজেন
লক্ষ্যং তথা পাতয়িতুং হি শক্যম্॥ ১-২০৮-২৮ (৯১৮৮)
তস্মান্ন তাপং দুহিতুর্নিমিত্তং
পাঞ্চালরাজোঽর্হতি কর্তুমদ্য।
ন চাপি তৎপাতনমন্যথেহ
কর্তুং হি শক্যং ভুবি মানবেন॥ ১-২০৮-২৯ (৯১৮৯)
এবং ব্রুবত্যেব যুধিষ্ঠিরে তু
পাঞ্চালরাজস্য সমীপতোঽন্যঃ।
তত্রাজগামাশু নরো দ্বিতীয়ো
নিবেদয়িষ্যন্নিহ সিদ্ধমন্নম্॥ ॥ ১-২০৮-৩০ (৯১৯০)

ইতি শ্রীমন্মহাভারতে আদিপর্বণি বৈবাহিকপর্বণি অষ্টাধিকদ্বিশততমোঽধ্যায়ঃ॥ ২০৮ ॥

Mahabharata – Adi Parva – Chapter Footnotes

১-২০৮-২৭ সংপ্রাপ্যরূপাসস্মাকং যোগ্যরূপম্॥ অষ্টাধিকদ্বিশততমোঽধ্যায়ঃ॥ ২০৮ ॥