আদিপর্ব – অধ্যায় ১৯৮

আদিপর্ব – অধ্যায় ১৯৮

॥ শ্রীঃ ॥

১.১৯৮. অধ্যায়ঃ ১৯৮

Mahabharata – Adi Parva – Chapter Topics

সৌদাসভার্যায়াং বসিষ্ঠেন পুত্রোৎপাদনকারণং পৃষ্টবন্তমর্জুনংপ্রতি পুনঃ কল্মাষপাদকথাকথনম্॥ ১ ॥ মৈথুনধর্মস্য ব্রাহ্ণং ভক্ষিতবতঃ সৌদাসস্য ব্রাহ্মণ্যা শাপঃ॥ ২ ॥

Mahabharata – Adi Parva – Chapter Text

১-১৯৮-০ (৮৮০২)
`গন্ধর্ব উবাচ। ১-১৯৮-০x (১১২৩)
পুনশ্চৈব মহাতেজা বিশ্বামিত্রজিঘাংসয়া।
অগ্নিং সংভৃতবান্ঘোরং শাক্তেয়ঃ সুমহাতপাঃ॥ ১-১৯৮-১ (৮৮০৩)
বাসিষ্ঠসংভৃতশ্চাগ্নির্বিশ্বামিত্রহিতৈষিণা।
তেজসা বহ্নিতুল্যেন গ্রস্তঃ স্কন্দেন ধীমতা॥’ ১-১৯৮-২ (৮৮০৪)
অর্জুন উবাচ। ১-১৯৮-৩x (১১২৪)
রাজ্ঞা কল্মাষপাদেন গুরৌ ব্রহ্মবিদাং বরে।
কারণং কিং পুরস্কৃত্য ভার্যা বৈ সন্নিয়োজিতা॥ ১-১৯৮-৩ (৮৮০৫)
জানতা বৈ পরং ধর্মং বসিষ্ঠেন মহাত্মনা।
অগম্যাগমনং কস্মাৎকৃতং তেন মহর্ষিণা॥ ১-১৯৮-৪ (৮৮০৬)
অধর্মিষ্ঠং বসিষ্ঠেন কৃতং চাপি পুরা সখে।
এতন্মে সংশয়ং সর্বং ছেত্তুমর্হসি পৃচ্ছতঃ॥ ১-১৯৮-৫ (৮৮০৭)
গন্ধর্ব উবাচ। ১-১৯৮-৬x (১১২৫)
ধনঞ্জয় নিবোধেয়ং যন্মাং ৎবং পরিপৃচ্ছসি।
বসিষ্ঠং প্রতি দুর্ধর্ষ তথা মিত্রসহং নৃপম্॥ ১-১৯৮-৬ (৮৮০৮)
কথিতং তে ময়া সর্বং যথা শপ্তঃ স পার্থিবঃ।
শক্তিনা ভরতশ্রেষ্ঠ বাসিষ্ঠেন মহাত্মনা॥ ১-১৯৮-৭ (৮৮০৯)
স তু শাপবশং প্রাপ্তঃ ক্রোধপর্যাকুলেক্ষণঃ।
নির্জগাম পুরাদ্রাজা সহদারঃ পরন্তপঃ॥ ১-১৯৮-৮ (৮৮১০)
অরণ্যং নির্জনং গৎবা সদারঃ পরিচক্রমে।
নানামৃগগণাকীর্ণং নানাসৎবসমাকুলম্॥ ১-১৯৮-৯ (৮৮১১)
নানাগুল্মলতাচ্ছন্নং নানাদ্রুমসমাবৃতম্।
অরণ্যং ঘোরসন্নাদং শাপগ্রস্তঃ পরিভ্রমন্॥ ১-১৯৮-১০ (৮৮১২)
স কদাচিৎক্ষুধাবিষ্টো মৃগয়ন্ভক্ষ্যমাত্মনঃ।
দদর্শ সুপরিক্লিষ্টঃ কস্মিংশ্চিন্নির্জনে বনে॥ ১-১৯৮-১১ (৮৮১৩)
ব্রাহ্মণং ব্রাহ্মণীং চৈব মিথুনায়োপসংগতৌ।
তৌ তং বীক্ষ্য সুবিত্রস্তাবকৃতার্থৌ প্রধাবিতৌ॥ ১-১৯৮-১২ (৮৮১৪)
তয়োঃ প্রদ্রবতোর্বিপ্রং জগ্রাহ নৃপতির্বলাৎ।
দৃষ্ট্বা গৃহীতং ভর্তারমথ ব্রাহ্মণ্যভাষত॥ ১-১৯৮-১৩ (৮৮১৫)
শৃণু রাজন্মম বচো যত্ৎবাং বক্ষ্যামি সুব্রত।
আদিত্যবংশপ্রভবস্ৎবং হি লোকে পরিশ্রুতঃ॥ ১-১৯৮-১৪ (৮৮১৬)
অপ্রমত্তঃ স্থি ধর্মে গুরুশুশ্রূষণে রতঃ।
শাপোপহত দুর্ধর্ষ ন পাপং কর্তুমর্হসি॥ ১-১৯৮-১৫ (৮৮১৭)
ঋতুকালে তু সংপ্রাপ্তে ভর্তৃব্যসনকর্শিতা।
অকৃতার্থা হ্যহং ভর্ত্রা প্রসবার্থং সমাগতা॥ ১-১৯৮-১৬ (৮৮১৮)
প্রসীদ নৃপতিশ্রেষ্ঠ ভর্তাঽয়ং মে বিসৃজ্যতাম্।
এবং বিক্রোশমানায়াস্তস্যাস্তু ন নৃশংসবৎ॥ ১-১৯৮-১৭ (৮৮১৯)
ভর্তারং ভক্ষয়ামাস ব্যাঘ্রো মৃগমিবেপ্সিতম্।
তস্যাঃ ক্রোধাভিভূতায়া যান্যশ্রূণ্যপতন্ভুবি॥ ১-১৯৮-১৮ (৮৮২০)
সোঽগ্নিঃ সমভবদ্দীপ্তস্তং চ দেশং ব্যদীপয়ৎ।
ততঃ সা শোকসংতপ্তা ভর্তৃব্যসনকর্শিতা॥ ১-১৯৮-১৯ (৮৮২১)
কল্মাষপাদং রাজর্ষিমশপদ্ব্রাহ্মণী রুষা।
যস্মান্মমাকৃতার্থায়াস্ৎবয়া ক্ষুদ্র নৃশংসবৎ॥ ১-১৯৮-২০ (৮৮২২)
প্রেক্ষন্ত্যা ভক্ষিতো মেঽদ্য প্রিয়ো ভর্তা মহায়শাঃ।
তস্মাত্ৎবমপি দুর্বুদ্ধে মচ্ছাপপরিবিক্ষতঃ॥ ১-১৯৮-২১ (৮৮২৩)
পত্নীমৃতাবনুপ্রাপ্য সদ্যস্ত্যক্ষ্যসি জীবিতম্।
`তেন প্রসাদ্যমানা সা প্রসাদমকরোত্তদা।’
যস্য চর্ষের্বসিষ্ঠস্য ৎবয়া পুত্রা বিনাশিতাঃ॥ ১-১৯৮-২২ (৮৮২৪)
তেন সংগম্য তে ভার্যা তনয়ং জনয়িষ্যতি।
সতে বংশকরঃ পুত্রো ভবিষ্যতি নৃপাধম॥ ১-১৯৮-২৩ (৮৮২৫)
এবং শপ্ৎবা তু রাজানং সা তমাঙ্গিরসী শুভা।
তস্যৈব সন্নিধৌ দীপ্তং প্রবিবেশ হুতাশনম্॥ ১-১৯৮-২৪ (৮৮২৬)
বসিষ্ঠশ্চ মহাভাগঃ সর্বমেতদবৈক্ষত।
জ্ঞানয়োগেন মহতা তপসা চ পরন্তপ॥ ১-১৯৮-২৫ (৮৮২৭)
মুক্তশাপশ্চ রাজর্ষিঃ কালেন মহতা ততঃ।
ঋতুকালেঽভিপতিতো মদয়ন্ত্যা নিবারিতঃ॥ ১-১৯৮-২৬ (৮৮২৮)
ন হি সস্মার স নৃপস্তং শাপং কামমোহিতঃ।
দেব্যাঃ সোঽথ বচঃ শ্রুৎবা সংভ্রান্তো নৃপসত্তমঃ॥ ১-১৯৮-২৭ (৮৮২৯)
তং শাপমনুসংস্মৃত্য পর্যতপ্যদ্ভৃশং তদা।
এতস্মাৎকারণাদ্রাজা বসিষ্ঠং সন্যযোজয়ৎ।
স্বদারেষু নরশ্রেষ্ঠ শাপদোষসমন্বিতঃ॥ ॥ ১-১৯৮-২৮ (৮৮৩০)

ইতি শ্রীমন্মহাভারতে আদিপর্বণি চৈত্ররথপর্বণি অষ্টনবত্যধিকশততমোঽধ্যায়ঃ॥ ১৯৮ ॥