আদিপর্ব – অধ্যায় ১৭৮

আদিপর্ব – অধ্যায় ১৭৮

॥ শ্রীঃ ॥

১.১৭৮. অধ্যায়ঃ ১৭৮

Mahabharata – Adi Parva – Chapter Topics

বকবধানন্তরং সমাগতানাং তৎপরিবারাণাং ভীমেন সময়করণম্॥ ১ ॥ নগরদ্বারদেশে বকশরীরং নিধায় ব্রাহ্মণগৃহমা গত্য ভীমেন কুন্ত্যাদীন্প্রতি বকবৃত্তান্তকথনম্॥ ২ ॥ মৃতবকদর্শার্থং পৌরাণাং গমনম্॥ ৩ ॥ ব্রহ্মমহোৎসবকরণম্॥ ৪ ॥ বকবধেন পৌরাণাং ভীমসেবনম্॥ ৫ ॥

Mahabharata – Adi Parva – Chapter Text

১-১৭৮-০ (৮০৭৪)
বৈশম্পায়ন উবাচ। ১-১৭৮-০x (১০২৬)
ততঃ স ভগ্নপার্শ্বাঙ্গো নদিৎবা ভৈরবং রবম্।
শৈলরাজপ্রতীকাশো গতাসুরভবদ্বকঃ॥ ১-১৭৮-১ (৮০৭৫)
তেন শব্দেন বিত্রস্তো জনস্তস্যাথ রক্ষসঃ।
নিষ্পপাত গৃহাদ্রাজন্সহৈব পরিচারিভিঃ॥ ১-১৭৮-২ (৮০৭৬)
`বকানুজস্তদা রাজন্ভীমং শরণমেয়িবান্।
ততস্তু নিহতং দৃষ্ট্বা রাক্ষসেন্দ্রং মহাবলম্।
রাক্ষসাঃ পরমত্রস্তা ভীমং শর়ণমায়যুঃ॥’ ১-১৭৮-৩ (৮০৭৭)
তান্ভীতান্বিগতজ্ঞানান্ভীমঃ প্রহরতাং বরঃ।
সাংৎবয়ামাস বলবান্সময়ে চ ন্যবেশয়ৎ॥ ১-১৭৮-৪ (৮০৭৮)
ন হিংস্যা মানুষা ভূয়ো যুষ্মাভিরিতি কর্হিচিৎ।
হিংসতাং হি বধঃ শীঘ্রমেবমেব ভবেদিতি॥ ১-১৭৮-৫ (৮০৭৯)
তস্য তদ্বচনং শ্রুৎবা তানি রক্ষাংসি ভারত।
এবমস্ৎবিতি তং প্রাহুর্জগৃহুঃ সময়ং চ তম্॥ ১-১৭৮-৬ (৮০৮০)
`সগণস্তু বকভ্রাতা প্রাণমৎপাণ্ডবং তদা।’
ততঃ প্রভৃতি রক্ষাংসি তত্র সৌম্যানি ভারত।
নগরে প্রত্যদৃশ্যন্ত নরৈর্নগরবাসিভিঃ॥ ১-১৭৮-৭ (৮০৮১)
ততো ভীমস্তমাদায় গতাসুং পুরুষাদকম্।
`নিষ্কর্ণনেত্রং নির্জিহ্বং নিঃসংজ্ঞং কণ্ঠপীডনাৎ।
কুর্বন্বহুবিধাং চেষ্টাং পুরদ্বারমকর্ষত॥ ১-১৭৮-৮ (৮০৮২)
দ্বারদেশে বিনিক্ষিপ্য পুরমাগাৎস মারুতিঃ।
স এব রাক্ষসো নূনং পুনরায়াতি নঃ পুরীম্॥ ১-১৭৮-৯ (৮০৮৩)
সবালবৃদ্ধাঃ পুরুষা ইতি ভীতাঃ প্রদুদ্রুবুঃ।
ততো ভীমো বকং হৎবা গৎবা ব্রাহ্মণবেশ্ম তৎ॥ ১-১৭৮-১০ (৮০৮৪)
বলীবর্দৌ চ শকটং ব্রাহ্মণায় ন্যবেদয়ৎ।
তূষ্ণীমন্তর্গৃহং গচ্ছেত্যভিধায় দ্বিজোত্তমম্॥ ১-১৭৮-১১ (৮০৮৫)
মাতৃভ্রাতৃসমক্ষং চ গৎবা শয়নমেব চ।
আচচক্ষেঽথ তৎসর্বং রাত্রৌ যুদ্ধমভূদ্যথা॥’ ১-১৭৮-১২ (৮০৮৬)
ততো নরা বিনিষ্ক্রান্তা নগরাৎকল্যমেব তু।
দদৃশুর্নিহতং ভূমৌ রাক্ষসং রুধিরোক্ষিতম্॥ ১-১৭৮-১৩ (৮০৮৭)
তমদ্রিকূটসদৃশং বিনিকীর্ণং ভয়ানকম্।
দৃষ্ট্বা সংহৃষ্টরোমাণো বভূবুস্তত্র নাগরাঃ॥ ১-১৭৮-১৪ (৮০৮৮)
একচক্রাং ততো গৎবা প্রবৃত্তিং প্রদদুঃ পুরে।
ততঃ সহস্রশো রাজন্নরা নগরবাসিনঃ॥ ১-১৭৮-১৫ (৮০৮৯)
তত্রাজগ্মুর্বকং দ্রষ্টুং সস্ত্রীবৃদ্ধকুমারকাঃ।
ততস্তে বিস্মিতাঃ সর্বে কর্ম দৃষ্ট্বাঽতিমানুষম্।
দৈবতান্যর্চয়াঞ্চক্রুঃ প্রার্থিতানি পুরা ভয়াৎ॥ ১-১৭৮-১৬ (৮০৯০)
ততঃ প্রগণয়ামাসুঃ কস্য বারোঽদ্য ভোজনে।
জ্ঞাৎবা চাগম্য তং বিপ্রং পপ্রচ্ছুঃ সর্ব এব তে॥ ১-১৭৮-১৭ (৮০৯১)
এবং পৃষ্টঃ স বহুশো রক্ষমাণশ্চ পাণ্ডবান্।
উবাচ নাগরান্সর্বানিদং বিপ্রর্ষভস্তদা॥ ১-১৭৮-১৮ (৮০৯২)
ব্রাহ্মণ উবাচ। ১-১৭৯-১৯x (১০২৭)
আজ্ঞাপিতং মামশনে রুদন্তং সহ বন্ধুভিঃ।
দদর্শ ব্রাহ্মণঃ কশ্চিন্মন্ত্রসিদ্ধো মহামনাঃ॥ ১-১৭৮-১৯ (৮০৯৩)
পরিপৃচ্ছ্য স মাং পূর্বং পরিক্লেশং পুরস্য চ।
অব্রবীদ্ব্রাহ্মণশ্রেষ্ঠো বিশ্বাস্য প্রহসন্নিব॥ ১-১৭৮-২০ (৮০৯৪)
প্রাপয়িষ্যাম্যহং তস্মা অন্নমেতদ্দুরাত্মনে।
মন্নিমিত্তং ভয়ং চাপি ন কার্যমিতি চাব্রবীৎ॥ ১-১৭৮-২১ (৮০৯৫)
স তদন্নমুপাদায় গতো বকবনং প্রতি।
তেন নূনং ভবেদেতৎকর্ম লোকহিতং কৃতম্॥ ১-১৭৮-২২ (৮০৯৬)
ততস্তে ব্রাহ্মণাঃ সর্বে ক্ষত্রিয়াশ্চ সুবিস্মিতাঃ।
বৈশ্যাঃ শূদ্রাশ্চ মুদিতাশ্চক্রুর্ব্রহ্মমহং তদা॥ ১-১৭৮-২৩ (৮০৯৭)
ততো জানপদাঃ সর্বে আজগ্মুর্নগরং প্রতি।
তমদ্ভুততমং দ্রষ্টুং পার্থাস্তত্রৈব চাবসন্॥ ১-১৭৮-২৪ (৮০৯৮)
বেত্রকীয়গৃহে সর্বে পরিবার্য বৃকোদরম্।
বিস্ময়াদভ্যগচ্ছন্ত ভীমং ভীমপরাক্রমম্॥ ১-১৭৮-২৫ (৮০৯৯)
ন বৈ ন সংভবেৎসর্বং ব্রাহ্মণেষু মহাত্মসু।
ইতি সৎকৃত্য তং পৌরাঃ পরিবব্রুঃ সমন্ততঃ॥ ১-১৭৮-২৬ (৮১০০)
অয়ং ত্রাতা হি খেদানাং পিতেব পরমার্থতঃ।
অস্য শুশ্রূষবঃ পাদৌ পরিচর্য উপাস্মহে॥ ১-১৭৮-২৭ (৮১০১)
পশুমদ্দধিমনচ্চাস্য বারং ভক্তমুপাহরন্।
তস্মিন্হতে তে পুরুষা ভীতাঃ সমনুবোধনাঃ॥ ১-১৭৮-২৮ (৮১০২)
ততঃ সংপ্রাদ্রবন্পার্থাঃ সহ মাত্রা পরন্তপাঃ।
আগচ্ছন্নেকচক্রাং তে গাণ্ডবাঃ সংশিতব্রতাঃ॥ ১-১৭৮-২৯ (৮১০৩)
বৈদিকাধ্যযনে যুক্তা জটিলা ব্রহ্মচারিণঃ।
অবসংস্তে চ তত্রাপি ব্রাহ্মণস্য নিবেশনে।
মাত্রর সহৈকচক্রায়াং দীর্ঘকালং সহোষিতাঃ॥ ॥ ১-১৭৮-৩০ (৮১০৪)

ইতি শ্রীমন্মহাভারতে আদিপর্বণি বকবধপর্বণি অষ্টসপ্তত্যধিকশততমোঽধ্যায়ঃ॥ ১৭৮ ॥ ॥ সমাপ্তং চ বকবধপর্ব ॥

Mahabharata – Adi Parva – Chapter Footnotes

১-১৭৮-১৩ কল্যং প্রাতঃকালে॥ ১-১৭৮-১৯ আজ্ঞাপিতং রাজকীয়ৈরিতি শেষঃ। অশনে রাক্ষসস্য ভোজনার্থম্॥ অষ্টসপ্তত্যধিকশততমোঽধ্যায়ঃ॥ ১৭৮ ॥