আদিপর্ব – অধ্যায় ১৬৮

আদিপর্ব – অধ্যায় ১৬৮

॥ শ্রীঃ ॥

১.১৬৮. অধ্যায়ঃ ১৬৮

Mahabharata – Adi Parva – Chapter Topics

হিডিম্বয়া সহ পাণ্ডবানাং শালিহোত্রসরোগমনম্॥ ১ ॥ শালিহোত্রেণ তেষামাতিথ্যকরণম্॥ ২ ॥ সময়করণপূর্বকং ভীমেন হিডিম্ব্যাঃ পরিগ্রহঃ॥ ৩ ॥ রমণীয়েষু প্রদেশেষু ভীমেন সহ ক্রীডিৎবা সায়াহ্নে শালিহোত্রাশ্রমং প্রতি হিডিম্ব্যা নিবর্তনম্॥ ৪ ॥ তত্র ব্যাসাগমনম্॥ ৫ ॥ ব্যাসেন কুন্ত্যা আশ্বাসনম্॥ ৬ ॥ ব্যাসস্য প্রতিনিবর্তনম্॥ ৭ ॥

Mahabharata – Adi Parva – Chapter Text

১-১৬৮-০ (৭৬৬৫)
বৈশম্পায়ন উবাচ। ১-১৬৮-০x (৯৮৫)
যুধিষ্ঠিরবচঃ শ্রুৎবা কুন্তীমঙ্গেঽধিরোপ্য সা।
ভীমার্জুনান্তরগতা যমাভ্যাং চ পুরস্কৃতা॥ ১-১৬৮-১ (৭৬৬৬)
তির্যগ্যুধিষ্ঠিরে যাতি হিডিম্বা ভীমগামিনী।
শালিহোত্রসরো রম্যমাসসাদ জলার্থিনী॥ ১-১৬৮-২ (৭৬৬৭)
বনস্পতিতলং গৎবা পরিমৃজ্য গৃহং যথা।
পাণ্ডবানাং চ বাসং সা কৃৎবা পর্ণময়ং তথা॥ ১-১৬৮-৩ (৭৬৬৮)
আত্মনশ্চ তথা কুন্ত্যা একোদ্দেশে চকার সা।
পাণ্ডবাস্তু ততঃ স্নাৎবা শুদ্ধাঃ সন্ধ্যামুপাস্য চ॥ ১-১৬৮-৪ (৭৬৬৯)
তৃষিতাঃ ক্ষুৎপিপাসার্তা জলমাত্রেণ বর্তয়ন্।
শালিহোত্রস্ততো জ্ঞাৎবা ক্ষুধার্তান্পাণ্ডবাংস্তদা॥ ১-১৬৮-৫ (৭৬৭০)
মনসা চিন্তয়ামাস পানীয়ং ভোজনং মহৎ।
ততস্তে পাণ্ডবাঃ সর্বে বিশ্রান্তাঃ পৃথয়া সহ॥ ১-১৬৮-৬ (৭৬৭১)
যথা জতুগৃহে বৃত্তং রাক্ষসেন কৃতং চ যৎ।
কৃৎবা কথা বহুবিধাঃ কথান্তে পাণ্ডুনন্দনম্॥ ১-১৬৮-৭ (৭৬৭২)
কুন্তী রাজসুতা বাক্যং ভীমসেনমথাব্রবীৎ।
যথা পাণ্ডুস্তথা মান্যস্তব জ্যেষ্ঠো যুধিষ্ঠিরঃ॥ ১-১৬৮-৮ (৭৬৭৩)
অহং ধর্মবিদাঽনেন মান্যা গুরুতরা তব।
তস্মাৎপাণ্ডুহিতার্থং মে যুবরাজ হিতং কুরু॥ ১-১৬৮-৯ (৭৬৭৪)
নিকৃতা ধার্তরাষ্ট্রেণ পাপেনাকৃতবুদ্ধিনা।
দুষ্কৃতস্য প্রতীকারং ন পশ্যামি বৃকোদর॥ ১-১৬৮-১০ (৭৬৭৫)
তস্মাৎকতিপয়াহেন যোগক্ষেমং ভবিষ্যতি।
ক্ষেমং দুর্গমিমং বাসং বৎস্যাম হি যথা বয়ম্॥ ১-১৬৮-১১ (৭৬৭৬)
ইদমন্যন্মহদুঃখং ধর্মকৃচ্ছ্রং বৃকোদর।
দৃষ্ট্বৈব ৎবাং মহাপ্রাজ্ঞ অনঙ্গাভিপ্রচোদিতা॥ ১-১৬৮-১২ (৭৬৭৭)
যুধিষ্ঠিরং চ মাং চৈব বরয়ামাস ধর্মতঃ।
ধর্মার্থং দেহি পুত্রং ৎবং স নঃ শ্রেয়ঃ করিষ্যতি॥ ১-১৬৮-১৩ (৭৬৭৮)
প্রতিবাক্যং তু নেচ্ছামি আবয়োর্বচনং কুরু। ১-১৬৮-১৪ (৭৬৭৯)
বৈশম্পায়ন উবাচ।
তথেতি তৎপ্রতিজ্ঞায় ভীমসেনোঽব্রবীদিদম্॥ ১-১৬৮-১৪x (৯৮৬)
শাসনং তে করিষ্যামি বেদশাসনমিত্যপি।
সমক্ষং ভ্রাতৃমধ্যে তু তাং চোবাচ স রাক্ষসীম্॥ ১-১৬৮-১৫ (৭৬৮০)
শৃণু রাক্ষসি সত্যেন সময়ং তে বদাম্যহম্।’
যাবৎকালেন ভবতি পুত্রস্যোৎপাদনং শুভে॥ ১-১৬৮-১৬ (৭৬৮১)
তাবৎকালং চরিষ্যামি ৎবয়া সহ সুমধ্যমে।
`বিশেষতো মৎসকাশে মা প্রকাশয় নীচতাম্॥ ১-১৬৮-১৭ (৭৬৮২)
উত্তমস্ত্রীগুণোপেতা ভজেথা বরবর্ণিনি। ১-১৬৮-১৮ (৭৬৮৩)
বৈশম্পায়ন উবাচ।
সা তথেতি প্রতিজ্ঞায় হিডিম্বা রাক্ষসী তথা॥ ১-১৬৮-১৮x (৯৮৭)
গতাঽহনি নিবেশেষু ভোজ্যং রাজার্হমানয়ৎ।
সা কদাচিদ্বিহারার্থং হিডিম্বা কামরূপিণী॥ ১-১৬৮-১৯ (৭৬৮৪)
ভীমসেনমুপাদায় ঊর্ধ্বমাচক্রমং তদা।
শৈলশৃঙ্গেষু রম্যেষু দেবতায়তনেষু চ॥ ১-১৬৮-২০ (৭৬৮৫)
মৃগপক্ষিবিঘৃষ্টেষু রমণীয়েষু সর্বেষু।
কৃৎবা সা পরমং রূপং সর্বাভরণভূষিতা॥ ১-১৬৮-২১ (৭৬৮৬)
সংজল্পন্তী সুমধুরং রময়ামাস পাণ্ডবম্।
তথৈব বনদুর্গেষু পর্বতদ্রুমসানুষু॥ ১-১৬৮-২২ (৭৬৮৭)
সরস্তু রমণীয়েষু পদ্মোৎপলবনেষু চ।
নদীদ্বীপপ্রদেশেষু বৈডূর্যসিকতেষু চ॥ ১-১৬৮-২৩ (৭৬৮৮)
দেবারণ্যেষু পুণ্যেষু তথা পর্বতসানুষু।
সুতীর্থবনতোয়াসু তথা গিরিনদীষু চ॥ ১-১৬৮-২৪ (৭৬৮৯)
সাগরস্য প্রদেশেষু ভণিহেময়ুতেষু চ।
গুহ্যকানাং নিবাসেষু কুলপর্বতসানুষু॥ ১-১৬৮-২৫ (৭৬৯০)
সর্বর্তুফলবৃক্ষেষু মানসেষু বনেষু চ।
বিভ্রতী পরমং রূপং রময়ামাস পাণ্ডবম্॥ ১-১৬৮-২৬ (৭৬৯১)
`যথা সুমোদতে স্বর্গে সুকৃত্যপ্সরসা সহ।
সুতরাং পরমপ্রীতস্তথা রেমে মহাদ্যুতিঃ॥ ১-১৬৮-২৭ (৭৬৯২)
শুভং হি জঘনং তস্যাঃ সবর্ণমণিমেখলম্।
ন ততর্প তদা মৃদ্গন্ভীমসেনো মুহুর্মুহুঃ॥’ ১-১৬৮-২৮ (৭৬৯৩)
রময়ন্তী ততো ভীমং তত্রতত্র মনোজবা।
সা রেমে তেন সংহর্ষাত্তৃপ্যন্তী চ মুহুর্মুহুঃ॥ ১-১৬৮-২৯ (৭৬৯৪)
অহস্সু রময়ন্তী সা নিশাকালেষু পাণ্ডবম্।
আনীয় বৈ স্বকে গেহে দর্শয়ামাস মাতরম্॥ ১-১৬৮-৩০ (৭৬৯৫)
ভ্রাতৃভিঃ সহিতো নিত্যং স্বপতে পাণ্ডবস্তথা।
কুন্ত্যাঃ পরিচরন্তী সা তস্যাঃ পার্শ্বেবসন্নিশাং॥ ১-১৬৮-৩১ (৭৬৯৬)
কামাংশ্চ মুখবাসাদীনানয়িষ্যতি ভোজনম্।
তস্যাং রাত্র্যাং ব্যতীতায়ামাজগাম মহাব্রতঃ॥ ১-১৬৮-৩২ (৭৬৯৭)
পারাশর্যো মহাপ্রাজ্ঞো দিব্যদর্শী মহাতপাঃ।
তেঽভিবাদ্য মহাত্মানং কৃষ্ণদ্বৈপায়নং শুভম্।
তস্থুঃ প্রাঞ্জলয়ঃ সর্বে সস্নুষা চৈব মাধবী॥ ১-১৬৮-৩৩ (৭৬৯৮)
শ্রীব্যাস উবাচ। ১-১৬৮-৩৪x (৯৮৮)
ময়েদং মনসা পূর্বং বিদিতং ভরতর্ষভাঃ।
যথা স্থিতৈরধর্মেণ ধার্তরাষ্ট্রৌর্বিবাসিতাঃ॥ ১-১৬৮-৩৪ (৭৬৯৯)
তদ্বিদিৎবাঽস্মি সংপ্রাপ্তশ্চিকীর্ষ্বৈ পরং হিতম্।
ন বিষাদো হি বঃ কার্যঃ সর্বমেতৎসুখায় বঃ॥ ১-১৬৮-৩৫ (৭৭০০)
সুহৃদ্বিয়োজনং কর্ম পুরাকৃতমরিন্দমাঃ।
তস্য সিদ্ধিরিয়ং প্রাপ্তা মা শোচত পরন্তপাঃ॥ ১-১৬৮-৩৬ (৭৭০১)
সমাপ্তে দুষ্কৃতে চৈব যূয়ং তে বৈ ন সংশয়ঃ।
স্বরাষ্ট্রে বিহরিষ্যন্তো ভবিষ্যথ সবান্ধবাঃ॥ ১-১৬৮-৩৭ (৭৭০২)
দীনতো বালতশ্চৈব স্নেহং কুর্বন্তি বান্ধবাঃ।
তস্মাদভ্যধিকঃ স্নেহো যুষ্মাসু মম সংপ্রতি॥ ১-১৬৮-৩৮ (৭৭০৩)
স্নেহপূর্বং চিকীর্ষামি হিতং যত্তন্নিবোধত।
বসতেহ প্রতিচ্ছন্না মমাগমনকাঙ্ক্ষিণঃ॥ ১-১৬৮-৩৯ (৭৭০৪)
এতদ্বৈ শালিহোত্রস্য তপসা নির্মিতং সরঃ।
রমণীয়মিদং তোয়ং ক্ষুৎপিপাসাশ্রমাপহম্॥ ১-১৬৮-৪০ (৭৭০৫)
কার্যার্থিনস্তু ষণ্মাসান্বিহরধ্বং যথাসুখম্॥ ১-১৬৮-৪১ (৭৭০৬)
বৈশম্পায়ন উবাচ। ১-১৬৮-৪২x (৯৮৯)
এবং স তান্সমাশ্বাস্য ব্যাসঃ পার্থানরিন্দমান্।
স্নেহাচ্চ সংপরিষ্বজ্য কুন্তীমাশ্বাসয়ৎপ্রভুঃ॥ ১-১৬৮-৪২ (৭৭০৭)
স্নুষে মা রোদ মা রোদেত্যেবং ব্যাসোঽব্রবীদ্বচঃ।
জীবপুত্রে সুতস্তেঽয়ং ধর্মনিত্যো যুধিষ্ঠিরঃ॥ ১-১৬৮-৪৩ (৭৭০৮)
পৃথিব্যাং পার্থইবান্সর্বান্প্রশাসিষ্যতি ধর্মরাট্।
ধর্মেণ জিৎবা পৃথিবীমখিলাং ধর্মকৃদ্বশী॥ ১-১৬৮-৪৪ (৭৭০৯)
স্থাপয়িৎবা বশে সর্বাং সপর্বতবনাং শুভাম্।
ভীমসেনার্জুনবলাদ্ভোক্ষ্যত্যযমসংশয়ম্॥ ১-১৬৮-৪৫ (৭৭১০)
পুত্রাস্তব চ মাদ্র্যাশ্চ পঞ্চৈতে লোকবিশ্রুতাঃ।
স্বরাষ্ট্রে বিহরিষ্যন্তি সুখং সুমনসস্তদা॥ ১-১৬৮-৪৬ (৭৭১১)
যক্ষ্যন্তি চ নরব্যাঘ্রা বিজিত্য পৃথিবীমিমাম্।
রাজসূয়াশ্বমেধাদ্যৈঃ ক্রতুভির্ভূরিদক্ষিণৈঃ॥ ১-১৬৮-৪৭ (৭৭১২)
অনুগৃহ্য সুহৃদ্বর্গং ধনেন চ সুখেন চ।
পিতৃপৈতামহং রাজ্যমহারিষ্যন্তি তে সুতাঃ॥ ১-১৬৮-৪৮ (৭৭১৩)
স্নুষা কমলপত্রাক্ষী নাম্না কমলপালিকা।
বশবর্তিনী তু ভীমস্য পুত্রমেষা জনিষ্যতি॥ ১-১৬৮-৪৯ (৭৭১৪)
তেন পুত্রেণ কৃচ্ছ্রেষু ভবিষ্যথ চ তারিতাঃ।
ইহ মাসং প্রতীক্ষধ্বমাগমিষ্যাম্যহং পুনঃ॥ ১-১৬৮-৫০ (৭৭১৫)
দেশকালৌ বিদিৎবৈবং যাস্যধ্বং পরমাং মুদম্॥ ১-১৬৮-৫১ (৭৭১৬)
বৈশম্পায়ন উবাচ। ১-১৬৮-৫২x (৯৯০)
স তৈঃ প্রাঞ্জলিভিঃ সর্বৈস্তথেত্যুক্তো জনাধিপ।
জগাম ভগবান্ব্যাসো যথাগতমৃষিঃ প্রভুঃ॥ ॥ ১-১৬৮-৫২ (৭৭১৭)

ইতি শ্রীমন্মহাভারতে আদিপর্বণি হিডিম্ববধপর্বণি অষ্টষষ্ট্যধিকশততমোঽধ্যায়ঃ॥ ১৬৮ ॥

Mahabharata – Adi Parva – Chapter Footnotes

১-১৬৮-৩৮ দীনতো বালত ইতি দ্বয়ং ভাবপ্রধানম্॥ অষ্টষষ্ট্যুত্তরশততমোঽধ্যায়ঃ॥ ১৬৮ ॥