আদিপর্ব – অধ্যায় ১৬২
॥ শ্রীঃ ॥
১.১৬২. অধ্যায়ঃ ১৬২
Mahabharata – Adi Parva – Chapter Topics
পৌরৈঃ প্রাতর্জতুগৃহসমীপমাগত্য পুরোচনসহিতানাং পাণ্ডবানাং দাহং নিশ্চিত্য ধৃতরাষ্ট্রায় দূতমুখেন পাণ্ডবৃত্তান্তনিবেদনম্॥ ১ ॥ তচ্ছ্রবণেন জ্ঞাতিভিঃ সহ ধৃতরাষ্ট্রেণ কুন্ত্যাদীনাং উদকদানম্॥ ২ ॥ ভীষ্মবিদুরয়োঃ সংবাদঃ॥ ৩ ॥
Mahabharata – Adi Parva – Chapter Text
১-১৬২-০ (৭৩২৭)
বৈশম্পায়ন উবাচ। ১-১৬২-০x (৯৪১)
অথ রাত্র্যাং ব্যতীতায়ামশেষো নাগরো জনঃ।
তত্রাজগাম ৎবরিতো দিদৃক্ষুঃ পাণ্ডুনন্দনান্॥ ১-১৬২-১ (৭৩২৮)
নির্বাপয়ন্তো জ্বলনং তে জনা দদৃশুস্ততঃ।
জাতুষং তদ্গৃহং দগ্ধমমাত্যং চ পুরোচনম্॥ ১-১৬২-২ (৭৩২৯)
নূনং দুর্যোধনেনেদং বিহিতং পাপকর্মণা।
পাণ্ডবানাং বিনাশায়েত্যেবং তে চুক্রুশুর্জনাঃ॥ ১-১৬২-৩ (৭৩৩০)
বিদিতে ধৃতরাষ্ট্রস্য ধার্তরাষ্ট্রো ন সংশয়ঃ।
দগ্ধবান্পাণ্ডুদায়াদান্ন হ্যেতৎপ্রতিষিদ্ধবান্॥ ১-১৬২-৪ (৭৩৩১)
নূনং শান্তনবোঽপীহ ন ধর্মনুবর্ততে।
দ্রোণশ্চ বিদুরশ্চৈব কৃপশ্চান্যে চ কৌরবাঃ॥ ১-১৬২-৫ (৭৩৩২)
`নাবেক্ষন্তে হ তং ধর্মং ধর্মাত্মানোঽপ্যহো বিধেঃ।
শ্রুতবন্তোঽপি বিদ্বাংসো ধনবদ্বশগা অহো॥ ১-১৬২-৬ (৭৩৩৩)
সাধূননাথান্ধর্মিষ্ঠাৎসত্যব্রতপরায়ণান্।
নাবেক্ষন্তে মহান্তোঽপি দৈবং তেষাং পরায়ণম্॥ ১-১৬২-৭ (৭৩৩৪)
তে বয়ং ধৃতরাষ্ট্রায় প্রেষয়ামো দুরাত্মনে।
সংবৃত্তস্তে পরঃ কামঃ পাণ্ডবান্দগ্ধবানসি॥ ১-১৬২-৮ (৭৩৩৫)
ততো ব্যপোহমানাস্তে পাণ্ডবার্থে হুতাশনম্।
নিষাদীং দদৃশুর্দগ্ধাং পঞ্চপুত্রামনাগসম্॥ ১-১৬২-৯ (৭৩৩৬)
ইতঃ পশ্যত কুন্তীয়ং দগ্ধা শেতে তপস্বিনী।
পুত্রৈঃ সহৈব বার্ষ্ণেয়ী হন্তেত্যাহুঃ স্ম নাগরাঃ॥ ১-১৬২-১০ (৭৩৩৭)
খনকেন তু তেনৈব বেশ্ম শোধয়তা বিলম্।
পাংসুভিঃ পিহিতং তচ্চ পুরুষৈস্তৈর্ন লক্ষিতম্॥ ১-১৬২-১১ (৭৩৩৮)
ততস্তে প্রেষয়ামাসুর্ধৃতরাষ্ট্রায় নাগরাঃ।
পাণ্ডবানগ্নিনা দগ্ধানমাত্যং চ পুরোচনম্॥ ১-১৬২-১২ (৭৩৩৯)
শ্রুৎবা তু ধৃতরাষ্ট্রস্তদ্রাজা সুমহদপ্রিয়ম্।
বিনাশং পাণ্ডুপুত্রাণাং বিললাপ সুদুঃখিতঃ॥ ১-১৬২-১৩ (৭৩৪০)
অন্তর্হৃষ্টমনাশ্চাসৌ বহির্দুঃখসমন্বিতঃ।
অন্তঃশীতো বহিশ্চোষ্ণো গ্রীষ্মেঽগাধহ্বদোয়থা॥ ১-১৬২-১৪ (৭৩৪১)
ধৃতরাষ্ট্র উবাচ। ১-১৬২-১৫x (৯৪২)
অদ্য পাণ্ডুর্মৃতো রাজা মম ভ্রাতা মহায়শাঃ।
তেষু বীরেষু দগ্ধেষু মাত্রা সহ বিশেষতঃ॥ ১-১৬২-১৫ (৭৩৪২)
গচ্ছন্তু পুরুষাঃ শীঘ্রং নগরং বারণাবতম্।
সৎকারয়ন্তু তান্বীরান্কুন্তীং রাজসুতাং চ তাম্॥ ১-১৬২-১৬ (৭৩৪৩)
যে চ তত্র মৃতাস্তেষাং সুহৃদঃ সন্তি তানপি।
কারয়ন্তু চ কুল্যানি শুভ্রাণি চ বৃহন্তি চ॥ ১-১৬২-১৭ (৭৩৪৪)
মম দগ্ধা মহাত্মানঃ কুলবংশবিবর্ধনাঃ॥ ১-১৬২-১৮ (৭৩৪৫)
এবং গতে ময়া শক্যং যদ্যৎকারয়িতুং হিতম্।
পাণ্ডবানাং চ কুন্ত্যাশ্চ তৎসর্বং ক্রিয়তাং ধনৈঃ॥ ১-১৬২-১৯ (৭৩৪৬)
`বৈশম্পায়ন উবাচ। ১-১৬২-২০x (৯৪৩)
সমেতাশ্চ ততঃ সর্বে ভীষ্মেণ সহ কৌরবাঃ।
ধৃতরাষ্ট্রঃ সপুত্রশ্চ গঙ্গামভিমুখা যয়ুঃ॥ ১-১৬২-২০ (৭৩৪৭)
একবস্ত্রা নিরানন্দা নিরাভরণবেষ্টনঃ।
উদকং কর্তুকামা বৈ পাণ্ডবানাং মহাত্মনাম্॥’ ১-১৬২-২১ (৭৩৪৮)
এবং গৎবা ততশ্চক্রে জ্ঞাতিভিঃ পরিবারিতঃ।
উদকং পাণ্ডুপুত্রাণাং ধৃতরাষ্ট্রোঽম্বিকাসুতঃ॥ ১-১৬২-২২ (৭৩৪৯)
রুরুদুঃ সহিতাঃ সর্বে ভৃশং শোকপরায়ণাঃ।
হা যুধিষ্ঠির কৌরব্য হা ভীম ইতি চাপরে॥ ১-১৬২-২৩ (৭৩৫০)
হা ফল্গুনেতি চাপ্যন্যে হা যমাবিতি চাপরে।
কুন্তীমার্তাশ্চ শোচন্ত উদকং চক্রিরে জনাঃ॥ ১-১৬২-২৪ (৭৩৫১)
অন্যে পৌরজনাশ্চৈবমন্বশোচন্ত পাণ্ডবান্।
বিদুরস্ৎবল্পশশ্চক্রে শোকং বেদ পরং হি সঃ॥ ১-১৬২-২৫ (৭৩৫২)
বিদুরো ধৃতরাষ্ট্রস্য জানন্সর্বং মনোগতম্।
তেনায়ং বিধিনা সৃষ্টঃ কুটিলঃ কপটাশয়ঃ॥ ১-১৬২-২৬ (৭৩৫৩)
ইত্যেবং চিন্তয়ন্রাজন্বিদুরো বিদুষাং বরঃ।
লোকানাং দর্শয়ন্দুঃখং দুঃখিতৈঃ সহ বান্ধবৈঃ॥ ১-১৬২-২৭ (৭৩৫৪)
মনসাঽচিন্তয়ৎপার্থান্কিয়দ্দূরং গতা ইতি।
সহিতাঃ পাণ্ডবাঃ পুত্রা ইতি চিন্তাপরোঽভবৎ॥ ১-১৬২-২৮ (৭৩৫৫)
ততঃ প্রব্যথিতো ভীষ্মঃ পাণ্ডুরাজসুতান্মৃতান্।
সহ মাত্রেতি তচ্ছ্রুৎবা বিললাপ রুরোদ চ॥ ১-১৬২-২৯ (৭৩৫৬)
ভীষ্ম উবাচ। ১-১৬২-৩০x (৯৪৪)
হা যুধিষ্ঠির হা ভীম হা ধনঞ্জয় হা যমৌ।
হা পৃথে সহ পুত্রৈস্ৎবমেকরাত্রেণ স্বর্গতা॥ ১-১৬২-৩০ (৭৩৫৭)
মাত্রা সহ কুমারাস্তে সর্বে তত্রৈব সংস্থিতাঃ।
ন হি তৌ নোৎসহেয়াতাং ভীমসেনধনঞ্জয়ৌ॥ ১-১৬২-৩১ (৭৩৫৮)
তরসা বেগিতাত্মানৌ নির্ভেত্তুমপি মন্দরম্।
পরাসুৎবং ন পশ্যামি পৃথায়াঃ সহ পাণ্ডবৈঃ॥ ১-১৬২-৩২ (৭৩৫৯)
সর্বথা বিকৃতং তত্তু যদি তে নিধনং গতাঃ।
ধর্মরাজঃ স নির্দিষ্টো ননু বিপ্রৈর্যুধিষ্ঠিরঃ॥ ১-১৬২-৩৩ (৭৩৬০)
পৃথিব্যাং চ রথিশ্রেষ্ঠো ভবিতা স ধনঞ্জয়ঃ।
সত্যব্রতো ধর্মদত্তঃ সত্যবাক্ছুভলক্ষণঃ॥ ১-১৬২-৩৪ (৭৩৬১)
কথং কালবশং প্রাপ্তঃ পাণ্ডবেয়ো যুধিষ্ঠিরঃ।
আত্মানমুপমাং কৃৎবা পরেষাং বর্ততে তু যঃ॥ ১-১৬২-৩৫ (৭৩৬২)
মাত্রা সহৈব কৌরব্যঃ কথং কালবশং গতঃ।
পালিতঃ সুচিরং কালং ফলকালে যথা দ্রুমঃ॥ ১-১৬২-৩৬ (৭৩৬৩)
ভগ্নঃ স্যাদ্বায়ুবেগেন তথা রাজা যুধিষ্ঠিরঃ।
যৌবরাজ্যেঽভিষিক্তেন পিতুর্যেনাহৃতং যশঃ॥ ১-১৬২-৩৭ (৭৩৬৪)
আত্মনশ্চ পিতুশ্চৈব সত্যধর্মপ্রবৃত্তিভিঃ।
যচ্চ সা বনবাসেন তন্মাতা দুঃখভাগিনী॥ ১-১৬২-৩৮ (৭৩৬৫)
কালেন সহ সংমগ্নো ধিক্কৃতান্তমনর্থকম্।
যচ্চ সা বনবাসেন তন্মাতা দুঃখভাগিনী॥ ১-১৬২-৩৯ (৭৩৬৬)
পুত্রগৃধ্নুতয়া কুন্তী ন ভর্তারং মৃতাৎবনু।
অল্পকালং কুলে জাতা ভর্তুঃ প্রীতিমবাপ যা॥ ১-১৬২-৪০ (৭৩৬৭)
দগ্ধাঽদ্য সহ পুত্রৈঃ সা অসংপূর্ণমনোরা।
মৃতো ভীম ইতি শ্রুৎবা মনো ন শ্রদ্দধাতি মে॥ ১-১৬২-৪১ (৭৩৬৮)
এতচ্চ চিন্তয়ানস্য ব্যথিতং বহুধা মনঃ।
অবধূয় চ মে দেহং হৃদয়েন বিদীর্যতে॥ ১-১৬২-৪২ (৭৩৬৯)
পীনস্কন্ধশ্চারুবাহুর্মেরুকূটসমো যুবা।
মৃতো ভীম ইতি শ্রুৎবা মনো ন শ্রদ্দধাতি মে॥ ১-১৬২-৪৩ (৭৩৭০)
অতিত্যাগী চ যোধী চ ক্ষিপ্রহস্তো দৃঢায়ুধঃ।
প্রপত্তিমাঁল্লব্ধলক্ষো রথয়ানবিশারদঃ॥ ১-১৬২-৪৪ (৭৩৭১)
দূরপাতী ৎবসংভ্রান্তো মহাবীর্যো মহাস্ত্রবান্।
অদীনাত্মা নরশ্রেষ্ঠঃ শ্রেষ্ঠঃ সর্বধনুষ্মতাম্॥ ১-১৬২-৪৫ (৭৩৭২)
যেন প্রাচ্যাশ্চ সৌবীরা দাক্ষিণাত্যাশ্চ নির্জিতাঃ।
খ্যাপিতং যেন শূরেণ ত্রিষু লোকেষু পৌরুষম্॥ ১-১৬২-৪৬ (৭৩৭৩)
যস্মিঞ্জাতে বিশোকাঽভূৎকুন্তী পাণ্ডুশ্চ বীর্যবান্।
পুরন্দরসমো জিষ্ণুঃ কথং কালবশং গতঃ॥ ১-১৬২-৪৭ (৭৩৭৪)
কথং তাবৃষভষ্কন্ধৌ সিংহবিক্রান্তগামিনৌ।
মর্ত্যধর্মমনুপ্রাপ্তৌ যমাবরিনিবর্হণৌ॥ ১-১৬২-৪৮ (৭৩৭৫)
বৎসা গতাঃ ক্ব মাং বৃদ্ধং বিহায় ভৃশমাতুরম্।
হা স্নুষে মম বার্ষ্ণেয়ি নিধায় হৃদি মে শুচম্॥ ১-১৬২-৪৯ (৭৩৭৬)
বারণাবতয়াত্রায়াং কে স্যুর্বৈ শকুনাঃ পথি।
এবমল্পায়ুষো লোকে ভবিষ্যন্তি পৃথাসুতাঃ॥ ১-১৬২-৫০ (৭৩৭৭)
সংশপ্তা ইতি কৈর্যূয়ং বৎসান্দর্শয় মে পৃথে।
মমৈব নাথা মন্নাথা মম নেত্রাণি পাণ্ডবাঃ॥ ১-১৬২-৫১ (৭৩৭৮)
হা পাণ্ডবা মে হে বৎসা হা সিংহশিশবো মম।
মাতঙ্গা হা মমোত্তুঙ্গা হা মমানন্দবর্ধনাঃ॥ ১-১৬২-৫২ (৭৩৭৯)
মম হীনস্য যুষ্মাভিঃ সর্বলোকাস্তমোবৃতাঃ।
কদা দ্রষ্টাঽস্মি কৌন্তেয়াংস্তরুণাদিত্যবর্চসঃ॥ ১-১৬২-৫৩ (৭৩৮০)
অদৃষ্ট্বা বো মহাবাহূন্পুত্রবন্মম নন্দনাঃ।
ক্ব গতির্মে ক্ব গচ্ছামি কুতো দ্রক্ষ্যামি মে শিশূন্॥ ১-১৬২-৫৪ (৭৩৮১)
হা যুধিষ্ঠির হা ভীম হা হা ফল্গুন হা যমৌ।
মা গচ্ছত নিবর্তধ্বং ময়ি কোপং বিমুঞ্চত॥ ১-১৬২-৫৫ (৭৩৮২)
বৈশম্পায়ন উবাচ। ১-১৬২-৫৬x (৯৪৫)
শ্রুৎবা তৎক্রন্দিতং তস্য তিলোদং চ প্রসিঞ্চতঃ।
দেশং কালং সমাজ্ঞায় বিদুরঃ প্রত্যভাষত॥ ১-১৬২-৫৬ (৭৩৮৩)
মা শোচীস্ৎবং নরব্যাঘ্র জহি শোকং মহাধৃতে।
ন তেষাং বিদ্যতে মৃত্যুঃ প্রাপ্তকালং কৃতং ময়া॥ ১-১৬২-৫৭ (৭৩৮৪)
এতচ্চ তেভ্য উদকং বিপ্রসিঞ্চ ন ভারত।
ক্ষত্তেদমব্রবীদ্ভীষ্মং কৌরবাণামশৃণ্বতাম্॥ ১-১৬২-৫৮ (৭৩৮৫)
ক্ষত্তারমুপসংগম্য বাষ্পোৎপীডকলস্বরঃ।
মন্দংমন্দমুবাচেদং বিদুরং সংগমে নৃপ॥ ১-১৬২-৫৯ (৭৩৮৬)
ভীষ্ম উবাচ। ১-১৬২-৬০x (৯৪৬)
কথং তে তাত জীবন্তি পাণ্ডোঃ পুত্রা মহাবলাঃ।
কথমস্মৎকৃতে পক্ষঃ পাণ্ডোর্ন হি নিপাতিতঃ॥ ১-১৬২-৬০ (৭৩৮৭)
কথং মৎপ্রমুখাঃ সর্বে প্রমুক্তা মহতো ভয়াৎ।
জননী গরুডেনেব কুরবস্তে সমুদ্ধৃতাঃ॥ ১-১৬২-৬১ (৭৩৮৮)
বৈশম্পায়ন উবাচ। ১-১৬২-৬২x (৯৪৭)
এবমুক্তস্তু কৌরব্য কৌরবাণামশৃণ্বতাম্।
আচচক্ষে স ধর্মাত্মা ভীষ্মায়াদ্ভুতকর্মণে॥ ১-১৬২-৬২ (৭৩৮৯)
বিদুর উবাচ। ১-১৬২-৬৩x (৯৪৮)
ধৃতরাষ্ট্রস্য শকুনে রাজ্ঞো দুর্যোধনস্য চ।
বিনাশে পাণ্ডুপুত্রাণাং কৃতো মতিবিনিশ্চয়ঃ॥ ১-১৬২-৬৩ (৭৩৯০)
তত্রাহমপি চ জ্ঞাৎবা তস্য পাপস্য নিশ্চয়ম্।
তং জিঘাংসুরহং চাপি তেষামনুমতে স্থিতঃ॥ ১-১৬২-৬৪ (৭৩৯১)
ততো জতুগৃহং গৎবা দহনেঽস্মিন্নিয়োজিতে।
পৃথায়াশ্চ সপুত্রায়া ধার্তরাষ্ট্রস্য শাসনাৎ॥ ১-১৬২-৬৫ (৭৩৯২)
ততঃ খনকমাহূয় সুরঙ্গং বৈ বিলং তদা।
সুগূঢং কারয়িৎবা তে কুন্ত্যা পাণ্ডুসুতাস্তদা॥ ১-১৬২-৬৬ (৭৩৯৩)
নিষ্ক্রামিতা ময়া পূর্বং মা স্ম শোকে মনঃ কৃথাঃ।
ততস্তু নাবমারোপ্য সহপুত্রাং পৃথামহম্॥ ১-১৬২-৬৭ (৭৩৯৪)
দত্ৎবাঽভয়ং সপুত্রায়ৈ কুন্ত্যৈ গৃহমদাহয়ম্।
তস্মাত্তে মা স্ম ভূদ্দুঃখং মুক্তাঃ পাপাত্তু পাণ্ডবাঃ॥ ১-১৬২-৬৮ (৭৩৯৫)
নির্গতাঃ পাণ্ডবা রাজন্মাত্রা সহ পরন্তপাঃ।
অগ্নিহাদান্মহাঘোরান্ময়া তস্মাদুপায়তঃ॥ ১-১৬২-৬৯ (৭৩৯৬)
মা স্ম শোকমিমং কার্ষীর্জীবন্ত্যেব চ পাণ্ডবাঃ।
প্রচ্ছন্না বিচিরিষ্যন্তি যাবৎকালস্য পর্যযঃ॥ ১-১৬২-৭০ (৭৩৯৭)
তস্মিন্যুধিষ্ঠিরং কালে দ্রক্ষ্যন্তি ভুবি মানবাঃ।
বিমলং কৃষ্ণপক্ষান্তে জগচ্চন্দ্রমিবোদিতম্॥ ১-১৬২-৭১ (৭৩৯৮)
ন তস্য নাশং পশ্যামি যস্য ভ্রাতা ধনঞ্জয়ঃ।
ভীমসেনশ্চ দুর্ধর্ষৌ মাদ্রীপুত্রৌ চ তৌ যমৌ॥ ১-১৬২-৭২ (৭৩৯৯)
বৈশম্পায়ন উবাচ। ১-১৬২-৭৩x (৯৪৯)
ততঃ সংহৃষ্টসর্বাঙ্গো ভীষ্মো বিদুরমব্রবীৎ।
দিষ্ট্যাদিষ্ট্যেতি সংহৃষ্টঃ পূজয়ানো মহামতিম্॥ ১-১৬২-৭৩ (৭৪০০)
ভীষ্ম উবাচ। ১-১৬২-৭৪x (৯৫০)
যুক্তং চৈবানুরূপং চ কৃতং তাত শুভং ৎবয়া।
বয়ং বিমোক্ষিতা দুঃখাৎপাণ্ডুপক্ষো ন নাশিতঃ॥ ১-১৬২-৭৪ (৭৪০১)
বৈশম্পায়ন উবাচ। ১-১৬২-৭৫x (৯৫১)
এবমুক্ৎবা বিবেশাথ পুরং জনশতাকুলম্।
কুরুভিঃ সহিতো রাজন্নাগরৈশ্চ পিতামহঃ॥ ১-১৬২-৭৫ (৭৪০২)
অথাম্বিকেয়ঃ সামাত্যঃ সকর্ণঃ সহসৌবলঃ।
সাত্মজঃ পার্থনাশস্য স্মরংস্তথ্যং জর্ষ চ॥ ১-১৬২-৭৬ (৭৪০৩)
ভীষ্মশ্চ রাজন্দুর্ধর্ষো বিদুরশ্চ মহামতিঃ।
জহৃষাতে স্মরন্তৌ তৌ জাতুষাগ্নের্বিমোচনম্॥ ১-১৬২-৭৭ (৭৪০৪)
সত্যশীলগুণাচারৈ রাগৈর্জানপদোদ্ভবৈঃ।
দ্রোণাদয়শ্চ ধর্মৈস্তু তেষাং তান্মোচিতান্বিদুঃ॥ ১-১৬২-৭৮ (৭৪০৫)
শৌর্যলাবণ্যমাহাত্ম্যৈ রূপৈঃ প্রাণবলৈরপি।
স্বস্থান্পার্থানমন্যন্ত পৌরজানপদাস্তথা॥ ১-১৬২-৭৯ (৭৪০৬)
অন্যে জনাঃ প্রাকৃতাশ্চ স্ত্রিয়শ্চ বহুলাস্তদা।
শঙ্কমানা বদন্তি স্ম দগ্ধা জীবন্তি বা ন বা॥ ॥ ১-১৬২-৮০ (৭৪০৭)
ইতি শ্রীমন্মহাভারতে আদিপর্বণি জতুগৃহপর্বণি দ্বিষষ্ট্যধিকশততমোঽধ্যায়ঃ॥ ১৬২ ॥
Mahabharata – Adi Parva – Chapter Footnotes
১-১৬২-১৭ কুল্যানি অস্থীনি কারয়ন্তু সংস্কারয়ন্তু। কুল্যানি চৈত্যানীত্যন্যে॥ ১-১৬২-২৫ বিদুরস্ৎবন্যথা চক্র ইতি ঘ. পাঠঃ॥ দ্বিষষ্ট্যধিকশততমোঽধ্যায়ঃ॥ ১৬২ ॥