আদিপর্ব – অধ্যায় ১৬১

আদিপর্ব – অধ্যায় ১৬১

॥ শ্রীঃ ॥

১.১৬১. অধ্যায়ঃ ১৬১

Mahabharata – Adi Parva – Chapter Topics

পাণ্ডবানাং বিদুরপ্রেষিতদূতদর্শিতনৌকয়া গঙ্গোত্তরণম্॥ ১ ॥

Mahabharata – Adi Parva – Chapter Text

১-১৬১-০ (৭২৯৮)
বৈশম্পায়ন উবাচ। ১-১৬১-০x (৯৩৭)
এতস্মিন্নেব কালে তু যথাসংপ্রত্যযং কবিঃ।
বিদুরঃ প্রেষয়ামাস তদ্বনং পুরুষং শুচিম্॥ ১-১৬১-১ (৭২৯৯)
`আত্মনঃ পাণ্ডবানাং চ বিশ্বাস্যং জ্ঞাতপূর্বকম্।
গঙ্গাসংতরণার্থায় জ্ঞাতাভিজ্ঞানবাচিকম্॥’ ১-১৬১-২ (৭৩০০)
স গৎবা তু যথোদ্দেশং পাণ্ডবান্দদৃশে বনে।
জনন্যা সহ কৌরব্যাননয়জ্জাহ্নবীতটম্॥ ১-১৬১-৩ (৭৩০১)
বিদিতং তন্মহাবুদ্ধের্বিদুরস্য মহাত্মনঃ।
ততস্ত্রস্যাপি চারেণ চেষ্টিতং পাপচেতসঃ॥ ১-১৬১-৪ (৭৩০২)
ততঃ প্রবাসিতো বিদ্বান্বিদুরেণ নরস্তদা।
পার্থানাং দর্শয়ামাস মনোমারুতগামিনীম্॥ ১-১৬১-৫ (৭৩০৩)
সর্ববাতসহাং নাবং যন্ত্রয়ুক্তাং পতাকিনীম্।
শিবে ভাগীরথীতীরে নরৈর্বিস্রম্ভিভিঃ কৃতাম্॥ ১-১৬১-৬ (৭৩০৪)
ততঃ পুনরথোবাচ জ্ঞাপকং পূর্বচোদিতম্।
যুধিষ্ঠির নিবোধেয়ং সংজ্ঞার্থং বচনং কবেঃ॥ ১-১৬১-৭ (৭৩০৫)
কক্ষঘ্নঃ শিশিরঘ্নশ্চ মহাকক্ষে বিলৌকসঃ।
ন হন্তীত্যেবমাত্মানং যো রক্ষতি স জীবতি।
`বোদ্ধব্যমিতি যৎপ্রাহ বিদুরস্তদিদং তথা॥’ ১-১৬১-৮ (৭৩০৬)
তেন মাং প্রেষিতং বিদিধি বিশ্বস্তং সংজ্ঞয়াঽনয়া।
ভূয়শ্চৈবাহ মাং ক্ষত্তা বিদুরঃ সর্বতোঽর্থবিৎ।
`অধিক্ষিপন্ধার্তরাষ্ট্রং সভ্রাতৃকমুদারধীঃ॥’ ১-১৬১-৯ (৭৩০৭)
কর্ণং দুর্যোধনং চৈব ভ্রাতৃভিঃ সহিতং রণে।
শকুনিং চৈব কৌন্তেয় বিজেতাঽসি ন সংশয়ঃ॥ ১-১৬১-১০ (৭৩০৮)
`বৈশম্পায়ন উবাচ। ১-১৬১-১১x (৯৩৮)
পাণ্ডবাশ্চাপি গৎবাথ গঙ্গায়াস্তীরমুত্তমম্।
নিষাদাধিপতিং বীরং দাশং পরমধার্মিকম্॥ ১-১৬১-১১ (৭৩০৯)
দীপিকাভিঃ কৃতালোকং মার্গমাণং চ পাণ্ডবান্।
দদৃশুঃ পাণ্ডবেয়াস্তে নাবিকং ৎবরয়াঽন্বিতম্॥ ১-১৬১-১২ (৭৩১০)
নিষাদস্তত্র কৌন্তেয়ানভিজ্ঞানং ন্যবেদয়ৎ।
বিদুরস্য মহাবুদ্ধের্ম্লেচ্ছভাষাদি যত্তদা॥ ১-১৬১-১৩ (৭৩১১)
নাবিক উবাচ। ১-১৬১-১৪x (৯৩৯)
বিদুরেণাস্মি সন্দিষ্টো দত্ৎবা বহু ধনং মহৎ।
গঙ্গাতীরে নিবিষ্টস্ৎবং পাণ্ডবাংস্তারয়েতি হ॥ ১-১৬১-১৪ (৭৩১২)
সোঽহং চতুর্দশীমদ্য গঙ্গায়া অবিদূরতঃ।
চারেরন্বেষয়াম্যস্মিন্বনে মৃগগণান্বিতে॥ ১-১৬১-১৫ (৭৩১৩)
প্রভবন্তোঽথ ভদ্রং বো নাবমারুহ্য গম্যতাম্।
যুক্তারিত্রপতাকাং চ নিশ্ছিদ্রাং মন্দিরোপমাম্॥’ ১-১৬১-১৬ (৭৩১৪)
ইয়ং বারিপথে যুক্তা নৌরপ্সু সুখগামিনী।
মোচয়িষ্যতি বঃ সর্বানস্মাদ্দেশান্ন সংশয়ঃ॥ ১-১৬১-১৭ (৭৩১৫)
বৈশম্পায়ন উবাচ। ১-১৬১-১৮x (৯৪০)
অথ তান্ব্যথিতান্দৃষ্ট্বা সহ মাত্রা নরোত্তমান্।
নাবমারোপ্য গঙ্গায়াং প্রস্থিতানব্রবীৎপুনঃ॥ ১-১৬১-১৮ (৭৩১৬)
বিদুরো মূর্ধ্ন্যুপাঘ্রায় পরিষ্বজ্য বচো মুহুঃ।
অরিষ্টং গচ্ছতাব্যগ্রাঃ পন্থানমিতি চাব্রবীৎ॥ ১-১৬১-১৯ (৭৩১৭)
ইত্যুক্ৎবা স তু তান্বীরান্পুমান্বিদুরচোদিতঃ।
তারয়ামাস রাজেন্দ্র গঙ্গাং নাবা নরর্ষভান্॥ ১-১৬১-২০ (৭৩১৮)
তারয়িৎবা ততো গঙ্গাং পারং প্রাপ্তাংশ্চ সর্বশঃ।
জয়াশিষঃ প্রয়ুজ্যাথ যথাগতমগাদ্ধি সঃ॥ ১-১৬১-২১ (৭৩১৯)
পাণ্ডবাশ্চ মহাত্মানঃ প্রতিসন্দিশ্য বৈ কবেঃ।
গঙ্গামুত্তীর্য বেগেন জগ্মুর্গূঢমলক্ষিতাঃ॥ ১-১৬১-২২ (৭৩২০)
`ততস্তে তত্র তীর্ৎবা তু গঙ্গামুত্তুঙ্গবীচিকাম্।
জবেন প্রয়যুর্বীরা দক্ষিণাং দিশমাস্থিতাঃ॥ ১-১৬১-২৩ (৭৩২১)
বিজ্ঞায় নিশি পন্থানং নক্ষত্রৈর্দক্ষিণামুখাঃ।
বনাদ্বনান্তরং রাজন্গহনং প্রতিপেদিরে॥ ১-১৬১-২৪ (৭৩২২)
শ্রান্তাস্ততঃ পিপাসার্তাঃ ক্ষুধিতা ভয়কাতরাঃ।
পুনরূচুর্মহাবীর্যং ভীমসেনমিদং বচঃ॥ ১-১৬১-২৫ (৭৩২৩)
ইতঃ কষ্টতরং কিং নু যদ্বয়ং গহনে বনে।
দিশশ্চ ন প্রজানীমো গন্তুং চৈতেন শক্নুমঃ।
তং চ পাপং ন জানীমো দগ্ধো বাথ পুরোচনঃ॥ ১-১৬১-২৬ (৭৩২৪)
কথং নু বিপ্রমুচ্যেম ভয়াদস্মাদলক্ষিতাঃ।
শীঘ্রমস্মানুপাদায় তথৈব ব্রজ ভারত॥ ১-১৬১-২৭ (৭৩২৫)
ৎবং হি নো বলবানেকো যথা সততগস্তথা।
ইত্যুক্তো ধর্মরাজেন ভীমসেনো মহাবলঃ।
আদায় কুন্তীং ভ্রাতৄংশ্চ জগামাশু স পাবনিঃ’॥ ॥ ১-১৬১-২৮ (৭৩২৬)

ইতি শ্রীমন্মহাভারতে আদিপর্বণি জতুগৃহপর্বণি একষষ্ট্যধিকশততমোঽধ্যায়ঃ॥ ১৬১ ॥