আদিপর্ব – অধ্যায় ১৫৯

আদিপর্ব – অধ্যায় ১৫৯

॥ শ্রীঃ ॥

১.১৫৯. অধ্যায়ঃ ১৫৯

Mahabharata – Adi Parva – Chapter Topics

খনকেন সুরঙ্গকরণম্॥ ১ ॥

Mahabharata – Adi Parva – Chapter Text

১-১৫৯-০ (৭২৪৮)
বৈশম্পায়ন উবাচ। ১-১৫৯-০x (৯৩১)
বিদুরস্য সুহৃৎকশ্চিৎখনকঃ কুশলঃ ক্বচিৎ।
বিবিক্তে পাণ্ডবান্রাজন্নিদং বচনমব্রবীৎ॥ ১-১৫৯-১ (৭২৪৯)
প্রহিতো বিদুরেণাস্মি খনকঃ কুশলো হ্যহম্।
পাণ্ডবানাং প্রিয়ং কার্যমিতি কিং করবাণি বঃ॥ ১-১৫৯-২ (৭২৫০)
প্রচ্ছন্নং বিদুরেণোক্তং প্রিয়ং যন্ম্লেচ্ছভাষয়া।
ৎবয়া চ তত্তথেত্যুক্তমেতদ্বিশ্বাসকারণম্॥ ১-১৫৯-৩ (৭২৫১)
কৃষ্ণপক্ষে চতুর্দশ্যাং রাত্রাবস্যাং পুরোচনঃ।
ভবনস্য তব দ্বারি প্রদাস্যতি হুতাশনম্॥ ১-১৫৯-৪ (৭২৫২)
মাত্রা সহ প্রদগ্ধব্যাঃ পাণ্ডবাঃ পুরুষর্ষভাঃ।
ইতি ব্যবসিতং তস্য ধার্তরাষ্ট্রস্য দুর্মতেঃ॥ ১-১৫৯-৫ (৭২৫৩)
বৈশম্পায়ন উবাচ। ১-১৫৯-৬x (৯৩২)
উবাচ তং সত্যধৃতিঃ কুন্তীপুত্রো যুধিষ্ঠিরঃ।
অভিজানামি সৌম্য ৎবাং সুহৃদং বিদুরস্য বৈ॥ ১-১৫৯-৬ (৭২৫৪)
শুচিমাপ্তং প্রিয়ং চৈব সদা চ দৃঢভক্তিকম্।
ন বিদ্যতে কবেঃ কিংচিদবিজ্ঞাতং প্রয়োজনম্॥ ১-১৫৯-৭ (৭২৫৫)
যথা তস্য তথা নস্ৎবং নির্বিশেষা বয়ং ৎবয়ি।
ভবতশ্চ যথা তস্য পালয়াস্মান্যথা কবিঃ॥ ১-১৫৯-৮ (৭২৫৬)
ইদং শরণমাগ্নেয়ং মদর্থমিতি মে মতিঃ।
পুরোচনেন বিহিতং ধার্তরাষ্ট্রস্য শাসনাৎ॥ ১-১৫৯-৯ (৭২৫৭)
স পাপঃ কোশবাংশ্চৈব সসহায়শ্চ দুর্মতিঃ।
অস্মানপি চ পাপাত্মা নিত্যকালং প্রবাধতে॥ ১-১৫৯-১০ (৭২৫৮)
স ভবান্ভোক্ষয়ৎবস্মান্যত্নেনাস্মাদ্ধুতাশনাৎ।
অস্মাস্বিহ হি দগ্ধেষু সকামঃ স্যাৎসুয়োধনঃ॥ ১-১৫৯-১১ (৭২৫৯)
সমৃদ্ধমায়ুধাগারমিদং তস্য দুরাত্মনঃ।
বপ্রান্তং নিষ্প্রতীকারমাশ্রিত্যেদং কৃতং মহৎ॥ ১-১৫৯-১২ (৭২৬০)
ইদং তদশুভং নূনং তস্য কর্ম চিকীর্ষিতম্।
প্রাগেব বিদুরো বেদ তেনাস্মানন্ববোধয়ৎ॥ ১-১৫৯-১৩ (৭২৬১)
সেয়মাপদনুপ্রাপ্তা ক্ষত্তা যাং দৃষ্টবান্পুরা।
পুরোচনস্যাবিদিতানস্মাংস্ৎবং প্রতিমোচয়॥ ১-১৫৯-১৪ (৭২৬২)
বৈশম্পায়ন উবাচ। ১-১৫৯-১৫x (৯৩৩)
স তথেতি প্রতিশ্রুত্য খনকো যত্নমাস্থিতঃ।
পরিখামুৎকিরন্নাম চকার চ মহাবিলম্॥ ১-১৫৯-১৫ (৭২৬৩)
চক্রে চ বেশ্মনস্তস্য মধ্যে নাতিমহদ্বিলম্।
কপাটয়ুক্তমজ্ঞাতং সমং ভূম্যাশ্চ ভারত॥ ১-১৫৯-১৬ (৭২৬৪)
পুরোচনভয়াদেব ব্যদধাৎসংবৃতং মুখম্।
স তস্য তু গৃহদ্বারি বসত্যশুভধীঃ সদা।
তত্র তে সায়ুধাঃ সর্বে বসন্তি স্ম ক্ষপাং নৃপ॥ ১-১৫৯-১৭ (৭২৬৫)
দিবা চরন্তি মৃগয়াং পাণ্ডবেয়া বনাদ্বনম্।
বিশ্বস্তবদবিশ্বস্তা বঞ্চয়ন্তঃ পুরোচনম্॥ ১-১৫৯-১৮ (৭২৬৬)
অতুষ্টাস্তুষ্টবদ্রাজন্নূষুঃ পরমবিস্মিতাঃ॥ ১-১৫৯-১৯ (৭২৬৭)
ন চৈনানন্ববুধ্যন্ত নরা নগরবাসিনঃ।
অন্যত্র বিদুরামাত্যাত্তস্মাৎখনকসত্তমাৎ॥ ॥ ১-১৫৯-২০ (৭২৬৮)

ইতি শ্রীমন্মহাভারতে আদিপর্বণি জতুগৃহপর্বণি ঊনষষ্ট্যধিকশততমোঽধ্যায়ঃ॥ ১৫৯ ॥

Mahabharata – Adi Parva – Chapter Footnotes

১-১৫৯-৪ আর্দ্রায়াং চ পুরোচনঃ। ভবনস্য নিশি দ্বারি ইতি ঙ. পাঠঃ॥ ১-১৫৯-৭ কবেঃ সর্বজ্ঞস্য ক্রান্তদর্শিনো বা॥ ১-১৫৯-৮ যথা বয়ং তস্য তথা ভবতশ্চ॥ ১-১৫৯-৯ শরণং গৃহম্॥ ১-১৫৯-১২ বপ্রান্তং প্রাকারমূলম্। নিষ্প্রতীকারং বহির্নির্গমনপ্রকারশূন্যম্॥ ১-১৫৯-১৪ অস্মাংস্ৎবং বিপ্রবাসয় ইতি ঙ. পাঠঃ॥ ১-১৫৯-১৫ পরিখা প্রাকারপরিধিভূতো গর্তস্তাম্। নাম প্রসিদ্ধণ্। উৎকিরন্পরিখাপরিষ্কারব্যাজেন বিলান্মৃদমুৎকিরন্ বহিঃ ক্ষিপন্ মহাবিলং সুরঙ্গাখ্যং চকার॥ ১-১৫৯-১৬ নাতিমহামুখং ইতি ঙ. পাঠঃ॥ ঊনষষ্ট্যধিকশততমোঽধ্যায়ঃ॥ ১৫৯ ॥