আদিপর্ব – অধ্যায় ০৮৫

আদিপর্ব – অধ্যায় ০৮৫

॥ শ্রীঃ ॥

১.৮৫. অধ্যায়ঃ ০৮৫

Mahabharata – Adi Parva – Chapter Topics

ব্রহ্মচর্যাদ্যাশ্রমবিষয়কাষ্টকয়যাতিপ্রশ্নপ্রতিবচনম্॥ ১ ॥

Mahabharata – Adi Parva – Chapter Text

১-৮৫-০ (৩৭৪৮)
অষ্টক উবাচ। ১-৮৫-০x (৫১৮)
চরন্গৃহস্থঃ কথমেতি ধর্মা-
ন্কথং ভিক্ষুঃ কথমাচার্যকর্মা।
বানপ্রস্থঃ সৎপথে সন্নিবিষ্টো
বহূন্যস্মিন্সংপ্রতি বেদয়ন্তি॥ ১-৮৫-১ (৩৭৪৯)
যয়াতিরুবাচ। ১-৮৫-২x (৫১৯)
আহূতাধ্যায়ী গুরুকর্মস্বচোদ্যঃ
পূর্বোত্থায়ী চরমং চোপশায়ী।
মৃদুর্দান্তো ধৃতিমানপ্রমত্তঃ
স্বাধ্যাশীলঃ সিধ্যতি ব্রহ্মচারী॥ ১-৮৫-২ (৩৭৫০)
ধর্মাগতং প্রাপ্য ধনং যজেত
দদ্যাৎসদৈবাতিথীন্ভোজয়েচ্চ।
অনাদদানশ্চ পরৈরদত্তং
সৈষা গৃহস্থোপনিষৎপুরাণী॥ ১-৮৫-৩ (৩৭৫১)
স্ববীর্যজীবী বৃজিনান্নিবৃত্তো
দাতা পরেভ্যো ন পরোপতাপী।
তাদৃঙ্মুনিঃ সিদ্ধিমুপৈতি মুখ্যাং
বসন্নরণ্যে নিয়তাহারচেষ্টঃ॥ ১-৮৫-৪ (৩৭৫২)
অশিল্পজীবী গুণবাংশ্চৈব নিত্যং
জিতেন্দ্রিয়ঃ সর্বতো বিপ্রয়ুক্তঃ।
অনোকশায়ী লঘুরল্পপ্রসার-
শ্চরন্দেশানেকচরঃ স ভিক্ষুঃ॥ ১-৮৫-৫ (৩৭৫৩)
রাত্র্যা যয়া বাঽভিজিতাশ্চ লোকা
ভবন্তি কামাভিজিতাঃ সুখাশ্চ।
তামেব রাত্রিং প্রয়তেত বিদ্বা-
নরণ্যসংস্থো ভবিতুং যতাত্মা॥ ১-৮৫-৬ (৩৭৫৪)
দশৈব পূর্বান্দশ চাপরাংশ্চ
জ্ঞাতীনথাত্মানমথৈকবিংশম্।
অরণ্যবাসী সুকৃতে দধাতি
বিমুচ্যারণ্যে স্বশরীরধাতূন্॥ ১-৮৫-৭ (৩৭৫৫)
অষ্টক উবাচ। ১-৮৫-৮x (৫২০)
কতিস্বিদেব মুনয়ঃ কতি মৌনানি চাপ্যুত।
ভবন্তীতি তদাচক্ষ্ব শ্রোতুমিচ্ছামহে বয়ম্॥ ১-৮৫-৮ (৩৭৫৬)
যয়াতিরুবাচ। ১-৮৫-৯x (৫২১)
অরণ্যে বসতো যস্য গ্রামো ভবতি পৃষ্ঠতঃ।
গ্রামে বা বসতোঽরণ্যং স মুনিঃ স্যাজ্জনাধিপ॥ ১-৮৫-৯ (৩৭৫৭)
অষ্টক উবাচ। ১-৮৫-১০x (৫২২)
কথংস্বিদ্বসতোঽরণ্যে গ্রামো ভবতি পৃষ্ঠতঃ।
গ্রামে বা বসতোঽরণ্যং কথং ভবতি পৃষ্ঠতঃ॥ ১-৮৫-১০ (৩৭৫৮)
যয়াতিরুবাচ। ১-৮৫-১১x (৫২৩)
ন গ্রাম্যমুপয়ুঞ্জীত য আরণ্যো মুনির্ভবেৎ।
তথাস্য বসতোঽরণ্যে গ্রামো ভবতি পৃষ্ঠতঃ॥ ১-৮৫-১১ (৩৭৫৯)
অনগ্নিরনিকেতশ্চাপ্যগোত্রচরণো মুনিঃ।
কৌপীনাচ্ছাদনং যাবত্তাবদিচ্ছেচ্চ চীবরম্॥ ১-৮৫-১২ (৩৭৬০)
যাবৎপ্রাণাভিসন্ধানং তাবদিচ্ছেচ্চ ভোজনম্।
তথাঽস্য বসতো গ্রামেঽরণ্যং ভবতি পৃষ্ঠতঃ॥ ১-৮৫-১৩ (৩৭৬১)
যস্তু কামান্পরিত্যজ্য ত্যক্তকর্মা জিতেন্দ্রিয়ঃ।
আতিষ্ঠেচ্চ মুনির্মৌনং স লোকে সিদ্ধিমাপ্নুয়াৎ॥ ১-৮৫-১৪ (৩৭৬২)
ধৌতদন্তং কৃত্তনখং সদা স্নাতমলঙ্কৃতম্।
অসিতং সিতকর্মাণং কস্তমর্হতি নার্চিতুম্॥ ১-৮৫-১৫ (৩৭৬৩)
তপসা কর্শিতঃ ক্ষামঃ ক্ষীণমাংসাস্থিশোণিতঃ।
স চ লোকমিমং জিৎবা লোকং বিজয়তে পরম্॥ ১-৮৫-১৬ (৩৭৬৪)
যদা ভবতি নির্দ্বন্দ্বো মুনির্মৌনং সমাস্থিতঃ।
অথ লোকমিমং জিৎবা লোকং বিজয়তে পরম্॥ ১-৮৫-১৭ (৩৭৬৫)
আস্যেন তু যদাঽহারং গোবন্মৃগয়তে মুনিঃ।
অথাস্য লোকঃ সর্বোঽয়ং সোঽমৃতৎবায় কল্পতে॥ ১-৮৫-১৮ (৩৭৬৬)
সামান্যধর্মঃ সর্বেষাং ক্রোধো লোভো দ্রুহাঽক্ষমা।
বিহায় মৎসরং শাঠ্যং দর্পং দম্ভং চ পৈশুনম্।
ক্রোধং লোভং মমৎবং চ যস্য নাস্তি স ধর্মবিৎ॥ ১-৮৫-১৯ (৩৭৬৭)
অষ্টক উবাচ। ১-৮৫-২০x (৫২৪)
নিত্যাশনো ব্রহ্মচারী গৃহস্থো বনগো মুনিঃ।
নাধর্মমশনাৎপ্রাপ্যেৎকথং ব্রূহীহ পৃচ্ছতে॥ ১-৮৫-২০ (৩৭৬৮)
যয়াতিরুবাচ। ১-৮৫-২১x (৫২৫)
অষ্টৌ গ্রাসা মুনেঃ প্রোক্তাঃ ষোডশারণ্যবাসিনঃ।
দ্বাত্রিংশত্তু গৃহস্থস্য অমিতং ব্রহ্মচারিণঃ॥ ১-৮৫-২১ (৩৭৬৯)
ইত্যেবং কারণৈর্জ্ঞেয়মষ্টকৈতচ্ছুভাশুভম্॥ ॥ ১-৮৫-২২ (৩৭৭০)

ইতি শ্রীমন্মহাভারতে আদিপর্বণি সংভবপর্বণি পঞ্চাশীতিতমোঽধ্যায়ঃ॥ ৮৫ ॥

Mahabharata – Adi Parva – Chapter Footnotes

১-৮৫-১ অস্মিন্ধর্মে বিষয়ে বহূনি প্রাপ্তিদ্বারাণি বেদয়ন্তি বৈদিকাঃ॥ ১-৮৫-৪ স্ববীর্যজীবী স্বপ্রয়ত্নলব্ধজীবিকঃ॥ ১-৮৫-৫ অনোকশায়ী যত্র ক্বচনশায়ী। লঘুঃ পরিগ্রহশূন্যঃ॥ ১-৮৫-৬ তামেব রাত্রিং তদৈব সর্বপরিগ্রহং সংন্যস্য অরণ্যসংস্থো ভবিতুং প্রয়তেত॥ ১-৮৫-৮ সংন্যাসঃ কতিধেতি পৃচ্ছতি। কতিস্বিদিতি॥ ১-৮৫-৯ সংন্যাসং চতুষ্প্রকারমভিপ্রেত্য প্রথমং কুটীচকবহূদকরূপং ভেদদ্বয়মাহ। অরণ্যেতি॥ ১-৮৫-১০ গ্রামারণ্যযোঃ পৃষ্ঠতঃকরণং কথমিতি পৃচ্ছতি। কথমিতি॥ ১-৮৫-১১ কৃটীচকং বিশিনষ্টি। ন গ্রাম্যমিতি॥ ১-৮৫-১২ বহূদকং বিশিনষ্টি। অনগ্নিরিতি॥ ১-৮৫-১৪ হংসপরমহংসৌ প্রস্তৌতি। যস্ৎবিতি॥ ১-৮৫-১৫ ধৌতদন্তং শুদ্ধাহারম্। কৃত্তনখং ত্যক্তহিংসাসাধনম্। সদা স্নাতং নিত্যং শুদ্ধচিত্তম্। অলংকৃতং শমাদিনা। অসিতং বন্ধরহিতম্। সিতকর্মাণং শুদ্ধকর্মাণম্॥ ১-৮৫-১৮ আস্যস্য যাবদপেক্ষিতং তাবদেব মৃগয়তে নতু পরদিনার্থণার্জয়তীত্যর্থঃ॥ পঞ্চাশীতিতমোঽধ্যায়ঃ॥ ৮৫ ॥