আদিপর্ব – অধ্যায় ০৮০

আদিপর্ব – অধ্যায় ০৮০

॥ শ্রীঃ ॥

১.৮০. অধ্যায়ঃ ০৮০

॥ উত্তরয়ায়াতারভ্যঃ ॥

Mahabharata – Adi Parva – Chapter Topics

যয়াতেঃ স্বর্গগমনম্॥ ১ ॥

Mahabharata – Adi Parva – Chapter Text

১-৮০-০ (৩৬৪১)
বৈশম্পায়ন উবাচ। ১-৮০-০x (৪৮৩)
এবং স নাহুষো রাজা যয়াতিঃ পুত্রমীপ্সিতম্।
রাজ্যেঽভিষিচ্য মুদিতো বানপ্রস্থোঽভবন্মুনিঃ॥ ১-৮০-১ (৩৬৪২)
উষিৎবা চ বনে বাসং ব্রাহ্মণৈঃ সংশিতব্রতঃ।
ফলমূলাশনো দান্তস্ততঃ স্বর্গমিতো গতঃ॥ ১-৮০-২ (৩৬৪৩)
স গতঃ স্বর্নিবাসং তং নিবসন্মুদিতঃ সুখী।
কালেন নাতিমহতা পুনঃ শক্রেণ পাতিতঃ॥ ১-৮০-৩ (৩৬৪৪)
`সাধুভিঃ সংগতিং লব্ধ্বা পুনঃ স্বর্গমুপেয়িবান্। ১-৮০-৪ (৩৬৪৫)
জনমেজয় উবাচ।
স্বর্গতশ্চ পুনর্ব্রহ্মন্নিবসন্দেববেশ্মনি।
কালেন নাতিমহতা কথং শক্রেণ পাতিতঃ’॥ ১-৮০-৪x (৪৮৪)
নিপতন্প্রচ্যুতঃ স্বর্গাদপ্রাপ্তো মেদিনীতলম্।
স্থিত আসীদন্তরিক্ষে স তদেতি শ্রুতং ময়া॥ ১-৮০-৫ (৩৬৪৬)
তত এব পুনশ্চাপি গতঃ স্বর্গমিতি শ্রুতম্।
রাজ্ঞা বসুমতা সার্ধমষ্টকেন চ বীর্যবান্॥ ১-৮০-৬ (৩৬৪৭)
প্রতর্দনেন শিবিনা সমেত্য কিল সংসদি।
কর্মণা কেন স দিবং পুনঃ প্রাপ্তো মহীপতিঃ॥ ১-৮০-৭ (৩৬৪৮)
সর্বমেতদশেষেণ শ্রোতুমিচ্ছামি তত্ৎবতঃ।
কথ্যমানং ৎবয়া বিপ্র বিপ্রর্ষিগণসংনিধৌ॥ ১-৮০-৮ (৩৬৪৯)
দেবরাজসমো হ্যাসীদ্যযাতিঃ পৃথিবীপতিঃ।
বর্ধনঃ কুরুবংশস্য বিভাবসুসমদ্যুতিঃ॥ ১-৮০-৯ (৩৬৫০)
তস্য বিস্তীর্ণয়শসঃ সত্যকীর্তের্মহাত্মনঃ।
চরিতং শ্রোতুমিচ্ছামি দিবি চেহ চ সর্বশঃ॥ ১-৮০-১০ (৩৬৫১)
বৈশম্পায়ন উবাচ। ১-৮০-১১x (৪৮৫)
হন্ত তে কথয়িষ্যামি যয়াতেরুত্তরাং কথাম্।
দিবি চেহ চ পুণ্যার্থাং সর্বপাপপ্রণাশিনীম্॥ ১-৮০-১১ (৩৬৫২)
যয়াতির্নাহুষো রাজা পূরুং পুত্রং কনীয়সম্।
রাজ্যেঽভিষিচ্য মুদিতঃ প্রাবব্রাজ বনং তদা॥ ১-৮০-১২ (৩৬৫৩)
অন্ত্যুষে স বিনিক্ষিপ্য পুত্রান্যদুপুরোগমান্।
ফলমূলাশনো রাজা বনে সংন্যবসচ্চিরম্॥ ১-৮০-১৩ (৩৬৫৪)
শংসিতাত্মা জিতক্রোধস্তর্পয়ন্পিতৃদেবতাঃ।
অগ্নীংশ্চ বিধিবজ্জুহ্বন্বানপ্রস্থবিধানতঃ॥ ১-৮০-১৪ (৩৬৫৫)
অথিতীন্পূজয়ামাস বন্যেন হবিষা বিভুঃ।
শিলোঞ্ছবৃত্তিমাস্থায় শেষান্নকৃতভোজনঃ॥ ১-৮০-১৫ (৩৬৫৬)
পূর্ণং বর্ষসহস্রং চ এবংবৃত্তিরভূন্নৃপঃ।
অব্ভক্ষঃ শরদস্ত্রিংশদাসীন্নিয়তবাঙ্মনাঃ॥ ১-৮০-১৬ (৩৬৫৭)
ততশ্চ বায়ুভক্ষোঽভূৎসংবৎসরমতন্দ্রিতঃ।
তথা পঞ্চাগ্নিমধ্যে চ তপস্তেপে স বৎসরম্॥ ১-৮০-১৭ (৩৬৫৮)
একপাদঃ স্তিতশ্চাসীৎষণ্মাসাননিলাশনঃ।
পুণ্যকীর্তিস্ততঃ স্বর্গে জগামাবৃত্য রোদসী॥ ॥ ১-৮০-১৮ (৩৬৫৯)

ইতি শ্রীমন্মহাভারতে আদিপর্বণি সংভবপর্বণি অশীতিতমোঽধ্যায়ঃ॥ ৮০ ॥

Mahabharata – Adi Parva – Chapter Footnotes

১-৮০-১৩ অন্ত্যেষু ম্লেচ্ছেষু॥ ১-৮০-১৭ পঞ্চাগ্নয়শ্চৎবারোঽগ্নয়ঃ পঞ্চমঃ সূর্যঃ॥ ১-৮০-১৮ আবৃত্য ব্যাপ্য। রোদসী দ্যাবভূমী। পৃথিব্যামিব স্বর্গেপি মুখ্যোঽভূদিত্যর্থঃ॥ অশীতিতমোঽধ্যায়ঃ॥ ৮০ ॥