আদিপর্ব – অধ্যায় ০৫২

আদিপর্ব – অধ্যায় ০৫২

॥ শ্রীঃ ॥

১.৫২. অধ্যায়ঃ ০৫২

Mahabharata – Adi Parva – Chapter Topics

অগ্নৌ সর্পপতনম্॥ ১ ॥

Mahabharata – Adi Parva – Chapter Text

১-৫২-০ (২১৭৩)
সৌতিরুবাচ। ১-৫২-০x (২৫১)
ততঃ কর্ম প্রববৃতে সর্পসত্রবিধানতঃ।
পর্যক্রামংশ্চ বিদিবৎস্বে স্বে কর্মণি যাজকাঃ॥ ১-৫২-১ (২১৭৪)
প্রাবৃত্য কৃষ্ণবাসাংসি ধূম্রসংরক্তলোচনাঃ।
জুহুবুর্মন্ত্রবচ্চৈব সমিদ্ধং জাতবেদসম্॥ ১-৫২-২ (২১৭৫)
কম্পয়ন্তশ্চ সর্বেষামুরগাণাং মনাংসি চ।
সর্পানাজুহুবুস্তত্র সর্বানগ্নিমুখে তদা॥ ১-৫২-৩ (২১৭৬)
ততঃ সর্পাঃ সমাপেতুঃ প্রদীপ্তে হব্যবাহনে।
বিচেষ্টমানাঃ কৃপণমাহ্বয়ন্তঃ পরস্পরম্॥ ১-৫২-৪ (২১৭৭)
বিস্ফুরন্তঃ শ্বসন্তশ্চ বেষ্টয়ন্তঃ পরস্পরম্।
পুচ্ছৈঃ শিরোভিশ্চ ভৃশং চিত্রভানুং প্রপেদিরে॥ ১-৫২-৫ (২১৭৮)
শ্বেতাঃ কৃষ্ণাশ্চ নীলাশ্চ স্থবিরাঃ শিশবস্তথা।
নদন্তো বিবিধান্নাদান্পেতুর্দীপ্তে বিভাবসৌ॥ ১-৫২-৬ (২১৭৯)
ক্রোশয়োজনমাত্রা হি গোকর্ণস্য প্রমাণতঃ।
পতন্ত্যজস্রং বেগেন বহ্নাবগ্নিমতাং বর॥ ১-৫২-৭ (২১৮০)
এবং শতসহস্রাণি প্রয়ুতান্যর্বুদানি চ।
অবশানি বিনষ্টানি পন্নগানাং তু তত্র বৈ॥ ১-৫২-৮ (২১৮১)
তুরগা ইব তত্রান্যে হস্তিহস্তা ইবাপরে।
মত্তা ইব চ মাতঙ্গা মহাকায়া মহাবলাঃ॥ ১-৫২-৯ (২১৮২)
উচ্চাবচাশ্চ বহবো নানাবর্ণা বিষোল্বণাঃ।
ঘোরাশ্চ পরিঘপ্রখ্যা দন্দশূকা মহাবলাঃ।
প্রপেতুরগ্নাবুরগা মাতৃবাগ্দণ্ডপীডিতাঃ॥ ॥ ১-৫২-১০ (২১৮৩)

ইতি শ্রীমন্মাহাভারতে আদিপর্বণি আস্তীকপর্বণি দ্বিপঞ্চাশত্তমোঽধ্যায়ঃ॥ ৫২ ॥

Mahabharata – Adi Parva – Chapter Footnotes

১-৫২-১ পর্যক্রামন্ পরাক্রান্তবন্তঃ॥ ১-৫২-২ মন্ত্রবন্মন্ত্রয়ুক্তং যথা স্যাত্তথা॥ ১-৫২-৩ আজুহুবুঃ আহূতবন্তঃ॥ ১-৫২-৫ চিত্রভানুমগ্নিম্॥ ১-৫২-৭ প্রমাণতঃ প্রমাণং প্রাপ্য॥ দ্বিপঞ্চাশত্তমোঽধ্যায়ঃ॥ ৫২ ॥