আদিপর্ব – অধ্যায় ০৫১

আদিপর্ব – অধ্যায় ০৫১

॥ শ্রীঃ ॥

১.৫১. অধ্যায়ঃ ০৫১

Mahabharata – Adi Parva – Chapter Topics

জনমেজয়স্য সর্পসত্রপ্রতিজ্ঞা॥ ১ ॥ যজ্ঞসামগ্রীসংপাদনম্॥ ২ ॥ দীক্ষাগ্রহণম্॥ ৩ ॥

Mahabharata – Adi Parva – Chapter Text

১-৫১-০ (২১৫৫)
সৌতিরুবাচ। ১-৫১-০x (২৪৮)
এবমুক্ৎবা ততঃ শ্রীমান্মন্ত্রিভিশ্চানুমীদিতঃ।
আরুরোহ প্রতিজ্ঞাং স সর্পসত্রায় পার্থিবঃ॥ ১-৫১-১ (২১৫৬)
ব্রহ্মন্ভরতশার্দূলো রাজা পারিক্ষিতস্তদা।
পুরোহিতমথাহূয় ঋৎবিজো বসুধাধিপঃ॥ ১-৫১-২ (২১৫৭)
অব্রবীদ্বাক্যসংপন্নঃ কার্যসংপৎকরং বচঃ।
যো মে হিংসিতবাংস্তাতং তক্ষকঃ স দুরাত্মবান্॥ ১-৫১-৩ (২১৫৮)
প্রতিকুর্যাং যথা তস্য তদ্ভবন্তো ব্রুবন্তু মে।
অপি তৎকর্ম বিদিতং ভবতাং যেন পন্নগম্॥ ১-৫১-৪ (২১৫৯)
তক্ষকং সংপ্রদীপ্তেঽগ্নৌ প্রক্ষিপেয়ং সবান্ধবম্।
যথা তেন পিতা মহ্যং পূর্বং দগ্ধো বিষাগ্নিনা॥
তথাঽহমপি তং পাপং দগ্ধুমিচ্ছামি পন্নগম্॥ ১-৫১-৫ (২১৬০)
ঋৎবিজ ঊচুঃ। ১-৫১-৬x (২৪৯)
অস্তি রাজন্মহাৎসত্রং ৎবদর্থং দেবনির্মিতম্।
সর্বসত্রমিতি খ্যাতং পুরাণে পরিপঠ্যতে॥ ১-৫১-৬ (২১৬১)
আহর্তা তস্য সত্রস্য ৎবন্নান্যোঽস্তি নরাধিপ।
ইতি পৌরাণিকাঃ প্রাহুরস্মাকং চাস্তি স ক্রতুঃ॥ ১-৫১-৭ (২১৬২)
এবমুক্তঃ স রাজর্ষির্মেনে দগ্ধং হি তক্ষকম্।
হুতাশনমুখে দীপ্তে প্রবিষ্টমিতি সত্তম॥ ১-৫১-৮ (২১৬৩)
ততোঽব্রবীন্মন্ত্রবিদস্তান্রাজা ব্রাহ্মণাংস্তদা।
আহরিষ্যামি তৎসত্রং সংভারাঃ সংভ্রিয়ন্তু মে॥ ১-৫১-৯ (২১৬৪)
সৌতিরুবাচ। ১-৫১-১০x (২৫০)
ততস্ত ঋৎবিজস্তস্য শাস্ত্রতো দ্বিজসত্তম।
তং দেশং মাপয়ামাসুর্যজ্ঞায়তনকারণাৎ॥ ১-৫১-১০ (২১৬৫)
যথাবদ্বেদবিদ্বাংসঃ সর্বে বুদ্ধেঃ পরংগতাঃ।
ঋদ্ধ্যা পরময়া যুক্তমিষ্টং দ্বিজগণৈর্যুতম্॥ ১-৫১-১১ (২১৬৬)
প্রভূতধনধান্যাঢ্যমৃৎবিগ্ভিঃ সুনিষেবিতম্।
নির্মায় চাপি বিধিবদ্যজ্ঞায়তনমীপ্সিতম্॥ ১-৫১-১২ (২১৬৭)
রাজানং দীক্ষয়ামাসুঃ সর্পসত্রাপ্তয়ে তদা।
ইদং চাসীত্তত্র পূর্বং সর্পসত্রে ভবিষ্যতি॥ ১-৫১-১৩ (২১৬৮)
নিমিত্তং মহদুৎপন্নং যজ্ঞবিঘ্নকরং তদা।
যজ্ঞস্যায়তনে তস্মিন্ক্রিয়মাণে বচোঽব্রবীৎ॥ ১-৫১-১৪ (২১৬৯)
স্থপতির্বুদ্ধিসংপন্নো বাস্তুবিদ্যাবিশারদঃ।
ইত্যব্রবীৎসূত্রধারঃ সূতঃ পৌরাণিকস্তদা॥ ১-৫১-১৫ (২১৭০)
যস্মিন্দেশে চ কালে চ মাপনেয়ং প্রবর্তিতা।
ব্রাহ্মণং কারণং কৃৎবা নায়ং সংস্থাস্যতে ক্রতুঃ॥ ১-৫১-১৬ (২১৭১)
এতচ্ছ্রুৎবা তু রাজাসৌ প্রাগ্দীক্ষাকালমব্রবীৎ।
ক্ষত্তারং ন হি মে কশ্চিদজ্ঞাতঃ প্রবিশেদিতি॥ ॥ ১-৫১-১৭ (২১৭২)

ইতি শ্রীমন্মহাভারতে আদিপর্বণি আস্তীকপর্বণি একপঞ্চাশত্তমোঽধ্যায়ঃ॥ ৫১ ॥

Mahabharata – Adi Parva – Chapter Footnotes

১-৫১-৫ মহ্যং মম॥ ১-৫১-৭ ৎবৎ ৎবত্তো নান্যোস্তি॥ ১-৫১-৯ আহরিষ্যামি করিষ্যামি। সংভ্রিয়ন্তু সংভ্রিয়ন্তাম্॥ ১-৫১-১৩ ভবিষ্যতি ভাবিনি॥ ১-৫১-১৫ সূতো জাত্যা পৌরাণিকঃ শিল্পাগমবেত্তা॥ ১-৫১-১৬ নায়ং সংস্থাস্যতে ন সমাপ্স্যতে॥ ১-৫১-১৭ দীক্ষাকালস্য প্রাগিতি প্রাগ্দী ক্ষাকালং ক্ষত্তারং দ্বাস্থম্॥ একপঞ্চাশত্তমোঽধ্যায়ঃ॥ ৫১ ॥