আদিপর্ব – অধ্যায় ০৩৭

আদিপর্ব – অধ্যায় ০৩৭

॥ শ্রীঃ ॥

১.৩৭. অধ্যায়ঃ ০৩৭

Mahabharata – Adi Parva – Chapter Topics

মাতৃশাপপরিহারার্থং সর্পাণাং মন্ত্রালোচনম্॥ ১ ॥

Mahabharata – Adi Parva – Chapter Text

১-৩৭-০ (১৭১০)
সৌতিরুবাচ। ১-৩৭-০x (১৭৩)
মাতুঃ সকাশাত্তং শাপং শ্রুৎবা বৈ পন্নগোত্তমঃ।
বাসুকিশ্চিন্তয়ামাস শাপোঽয়ং ন ভবেৎকথম্॥ ১-৩৭-১ (১৭১১)
ততঃ স মন্ত্রয়ামাস ভ্রাতৃভিঃ সহ সর্বশঃ।
ঐরাবতপ্রভৃতিভিঃ সর্বৈর্ধর্মপরায়ণৈঃ॥ ১-৩৭-২ (১৭১২)
বাসুকিরুবাচ। ১-৩৭-৩x (১৭৪)
অয়ং শাপো যথোদ্দিষ্টো বিদিতং বস্তথাঽনঘাঃ।
তস্য শাপস্য মোক্ষার্থং মন্ত্রয়িৎবা যতামহে॥ ১-৩৭-৩ (১৭১৩)
সর্বেষামেব শাপানাং প্রতিঘাতো হি বিদ্যতে।
ন তু মাত্রাঽভিশপ্তানাং মোক্ষঃ ক্বচন বিদ্যতে॥ ১-৩৭-৪ (১৭১৪)
অব্যযস্যাপ্রমেয়স্য সত্যস্য চ তথাগ্রতঃ।
শপ্তা ইত্যেব মে শ্রুৎবা জায়তে হৃদি বেপথুঃ॥ ১-৩৭-৫ (১৭১৫)
নূনং সর্ববিনাশোঽয়মস্মাকং সমুপাগতঃ।
`শাপঃ সৃষ্টো মহাঘোরো মাত্রা খল্ববিনীতয়া।
ন হ্যেতাং সোঽব্যযো দেবঃ শপত্নীং প্রত্যষেধয়ৎ॥ ১-৩৭-৬ (১৭১৬)
তস্মাৎসংমন্ত্রয়ামোঽদ্য ভুজঙ্গানামনাময়ম্।
যথা ভবেদ্ধি সর্বেষাং মা নঃ কালোঽত্যগাদয়ম্॥ ১-৩৭-৭ (১৭১৭)
সর্ব এব হি নস্তাবদ্বুদ্ধিমন্তো বিচক্ষণাঃ।
অপি মন্ত্রয়মাণা হি হেতুং পশ্যাম মোক্ষণে॥ ১-৩৭-৮ (১৭১৮)
যথা নষ্টং পুরা দেবা গূঢমগ্নিং গুহাগতম্।
যথা স যজ্ঞো ন ভবেদ্যথা বাঽপি পরাভবঃ।
জনমেজয়স্য সর্পাণাং বিনাশকরণায় বৈ॥ ১-৩৭-৯ (১৭১৯)
সৌতিরুবাচ। ১-৩৭-১০x (১৭৫)
তথেত্যুক্ৎবা ততঃ সর্বে কাদ্রবেয়াঃ সমাগতাঃ।
সময়ং চকিরে তত্র মন্ত্রবুদ্ধিবিশারদাঃ॥ ১-৩৭-১০ (১৭২০)
একে তত্রাব্রুবন্নাগা বয়ং ভূৎবা দ্বিজর্ষভাঃ।
জনমেজয়ং তু ভিক্ষামো যজ্ঞস্তে ন ভবেদিতি॥ ১-৩৭-১১ (১৭২১)
অপরে ৎবব্রুবন্নাগাস্তত্র পণ্ডিতমানিনঃ।
মন্ত্রিণোঽস্য বয়ং সর্বে ভবিষ্যামঃ সুসংমতাঃ॥ ১-৩৭-১২ (১৭২২)
স নঃ প্রক্ষ্যতি সর্বেষু কার্যেষ্বর্থবিনিশ্চয়ম্।
তত্র বুদ্ধিং প্রদাস্যামো যথা যজ্ঞো নিবর্ৎস্যতি॥ ১-৩৭-১৩ (১৭২৩)
স নো বহুমতান্রাজা বুদ্ধ্যা বুদ্ধিমতাং বরঃ।
যজ্ঞার্থং প্রক্ষ্যতি ব্যক্তং নেতি বক্ষ্যামহে বয়ম্॥ ১-৩৭-১৪ (১৭২৪)
দর্শয়ন্তো বহূন্দোষান্প্রেত্য চেহ চ দারুণান্।
হেতুভিঃ কারণৈশ্চৈব যথা যজ্ঞো ভবেন্ন সঃ॥ ১-৩৭-১৫ (১৭২৫)
অথবা য উপাধ্যায়ঃ ক্রতোস্তস্য ভবিষ্যতি।
সর্পসত্রবিধানজ্ঞো রাজকার্যহিতে রতঃ॥ ১-৩৭-১৬ (১৭২৬)
তং গৎবা দশতাং কশ্চিদ্ভুজঙ্গঃ স মরিষ্যতি।
তস্মিন্মৃতে যজ্ঞকারে ক্রতুঃ স ন ভবিষ্যতি॥ ১-৩৭-১৭ (১৭২৭)
যে চান্যে সর্পসত্রজ্ঞা ভবিষ্যন্ত্যস্য চর্ৎবিজঃ।
তাংশ্চ সর্বান্দশিষ্যামঃ কৃতমেবং ভবিষ্যতি॥ ১-৩৭-১৮ (১৭২৮)
অপরে ৎবব্রুবন্নাগা ধর্মাত্মানো দয়ালবঃ।
অবুদ্ধিরেষা ভবতাং ব্রহ্মহত্যা ন শোভনম্॥ ১-৩৭-১৯ (১৭২৯)
সম্যক্সদ্ধর্মমূলা বৈ ব্যসনে শান্তিরুত্তমা।
অধর্মোত্তরতা নাম কৃৎস্নং ব্যাপাদয়েজ্জগৎ॥ ১-৩৭-২০ (১৭৩০)
অপরে ৎবব্রুবন্নাগাঃ সমিদ্ধং জাতবেদসম্।
বর্ষৈর্নির্বাপয়িষ্যামো মেঘা ভূৎবা সবিদ্যুতঃ॥ ১-৩৭-২১ (১৭৩১)
স্রুগ্ভাণ্ডং নিশি গৎবা চ অপরে ভুজগোত্তমাঃ।
প্রমত্তানাং হরন্ৎবাশু বিঘ্ন এবং ভবিষ্যতি॥ ১-৩৭-২২ (১৭৩২)
যজ্ঞে বা ভুজগাস্তস্মিঞ্শতশোঽথ সহস্রশঃ।
জনান্দশন্তু বৈ সর্বে নৈবং ত্রাসো ভবিষ্যতি॥ ১-৩৭-২৩ (১৭৩৩)
অথবা সংস্কৃতং ভোজ্যং দূষয়ন্তু ভুজঙ্গমাঃ।
স্বেন মূত্রপুরীষেণ সর্বভোজ্যবিনাশিনা॥ ১-৩৭-২৪ (১৭৩৪)
অপরে ৎবব্রুবংস্তত্র ঋৎবিজোঽস্য ভবামহে।
যজ্ঞবিঘ্নং করিষ্যামো দক্ষিণা দীয়তামিতি॥ ১-৩৭-২৫ (১৭৩৫)
বশ্যতাং চ গতোঽসৌ নঃ করিষ্যতি যথেপ্সিতম্।
অপরে ৎবব্রুবংস্তত্র জলে প্রক্রীডিতং নৃপম্॥ ১-৩৭-২৬ (১৭৩৬)
গৃহমানীয় বধ্নীমঃ ক্রতুরেবং ভবেন্ন সঃ।
অপরে ৎবব্রুবংস্তত্র নাগাঃ পণ্ডিতমানিনঃ॥ ১-৩৭-২৭ (১৭৩৭)
দশামস্তং প্রগৃহ্যাশু কৃতপেবং ভবিষ্যতি।
ছিন্নং মূলমনর্থানাং মৃতে তস্মিন্ভবিষ্যতি॥ ১-৩৭-২৮ (১৭৩৮)
এষা নো নৈষ্ঠিকী বুদ্ধিঃ সর্বেষামীক্ষণশ্রবঃ।
অথ যন্মন্যসে রাজন্দ্রুতং তৎসংবিধীয়তাম্॥ ১-৩৭-২৯ (১৭৩৯)
ইত্যুক্ৎবা সমুদৈক্ষন্ত বাসুকিং পন্নগোত্তমম্।
বাসুকিশ্চাপি সংচিন্ত্য তানুবাচ ভুজঙ্গমান্॥ ১-৩৭-৩০ (১৭৪০)
নৈষা বো নৈষ্ঠিকী বুদ্ধির্মতা কর্তুং ভুজঙ্গমাঃ।
সর্বেষামেব মে বুদ্ধিঃ পন্নগানাং ন রোচতে॥ ১-৩৭-৩১ (১৭৪১)
কিং তত্র সংবিধাতব্যং ভবতাং স্যাদ্ধিতং তু যৎ।
শ্রেয়ঃ প্রসাদনং মন্যে কশ্যপশ্য মহাত্মনঃ॥ ১-৩৭-৩২ (১৭৪২)
জ্ঞাতিবর্গস্য সৌহার্দাদাত্মনশ্চ ভুজঙ্গমাঃ।
ন চ জানাতি মে বুদ্ধিঃ কিংচিৎকর্তুং বচো হিবঃ॥ ১-৩৭-৩৩ (১৭৪৩)
ময়া হীদং বিধাতব্যং ভবতাং যদ্ধিতং ভবেৎ।
অনেনাহং ভৃশং তপ্যে গুণদোষৌ মদাশ্রয়ৌ॥ ॥ ১-৩৭-৩৪ (১৭৪৪)

ইতি শ্রীমন্মহাভারতে আদিপর্বণি আস্তীকপর্বণি সপ্তত্রিংশোঽধ্যায়ঃ॥ ৩৭ ॥

Mahabharata – Adi Parva – Chapter Footnotes

১-৩৭-৫ সত্যস্য সত্যলোকাধিপতের্ব্রহ্মণঃ॥ ১-৩৭-১০ মন্ত্রবুদ্ধিবিশারদাঃ নীতিনিশ্চয়নিপুণাঃ॥ ১-৩৭-১৩ নিবর্ৎস্যতি নিবৃত্তো ভবিষ্যতি॥ ১-৩৭-১৮ কৃতং প্রতিকৃতম্॥ ১-৩৭-২০ ব্যসনে আপদি শান্তিঃ আপন্নাশঃ। সদ্ধর্মমূলা সতাং ধর্মো দেবব্রাহ্মণপ্রার্থনা তন্মূলা॥ ১-৩৭-২৯ নৈষ্ঠিকী আত্যন্তিকী। ঈক্ষণমেব শ্রবঃ শ্রোত্রং যস্য স তথাভূত হে বাসুকে॥ ১-৩৭-৩১ জ্ঞাতিরক্ষানাশনিমিত্তৌ গুণদোষৌ মদাশ্রয়ৌ জ্যেষ্ঠৎবান্মমেত্যর্থঃ॥ সপ্তত্রিংশোঽধ্যায়ঃ॥ ৩৭ ॥