আদিপর্ব – অধ্যায় ০২৪
॥ শ্রীঃ ॥
১.২৪. অধ্যায়ঃ ০২৪
Mahabharata – Adi Parva – Chapter Topics
রাহুণা কৃতোপদ্রবস্য সূর্যস্য ক্রোধঃ॥ ১ ॥ ব্রহ্মাজ্ঞয়াঽরুণস্য সূর্যসারথ্যকরণম্॥ ২ ॥
Mahabharata – Adi Parva – Chapter Text
১-২৪-০ (১৩৪৮)
সৌতিরুবাচ। ১-২৪-০x (৯৪)
স শ্রুৎবাঽথাত্মনো দেহং সুপর্ণঃ প্রেক্ষ্য চ স্বয়ম্।
শরীরপ্রতিসংহারমাত্মনঃ সংপ্রচক্রমে॥ ১-২৪-১ (১৩৪৯)
সুপর্ণ উবাচ। ১-২৪-২x (৯৫)
ন মে সর্বাণি ভূতানি বিভিয়ুর্দেহদর্শনাৎ।
ভীমরূপাৎসমুদ্বিগ্রাস্তস্মাত্তেজস্তু সংহরে॥ ১-২৪-২ (১৩৫০)
সৌতিরুবাচ। ১-২৪-৩x (৯৬)
ততঃ কামগমঃ পক্ষী কামবীর্যো বিহংগমঃ।
অরুণং চাত্মনঃ পৃষ্ঠমারোপ্য স পিতুর্গৃহাৎ॥ ১-২৪-৩ (১৩৫১)
মাতুরন্তিকমাগচ্ছৎপরং তীরং মহোদধেঃ।
তত্রারুণশ্চ নিক্ষিপ্তো পুরোদেশে মহাদ্যুতেঃ॥ ১-২৪-৪ (১৩৫২)
সূর্যস্তেজোভিরত্যুগ্রৈর্লোকান্দগ্ধুমনা যদা। ১-২৪-৫ (১৩৫৩)
রুরুরুবাচ।
কিমর্থং ভগবান্সূর্যো লোকান্দগ্ধুমনাস্তদা॥ ১-২৪-৫x (৯৭)
কিমস্তাপহৃতং দেবৈর্যেনমং মন্যুরাবিশৎ। ১-২৪-৬ (১৩৫৪)
প্রমতিরুবাচ।
চন্দ্রার্কাভ্যাং যদা রাহুরাখ্যাতো হ্যমৃতং পিবন্॥ ১-২৪-৬x (৯৮)
বৈরানুবন্ধং কৃতবাংশ্চন্দ্রাদিত্যৌ তদাঽনঘ।
বাধ্যমানং গ্রহেণাথ হ্যাদিত্যং মন্যুরাবিশৎ॥ ১-২৪-৭ (১৩৫৫)
সুরার্থায় সমুৎপন্নো রোষো রাহোস্তু মাং প্রতি।
বহ্বনর্থকরং পাপমেকোঽহং সমবাপ্নুয়াম্॥ ১-২৪-৮ (১৩৫৬)
সহায় এব কার্যেষু ন চ কৃচ্ছ্রেষু দৃশ্যতে।
পশ্যন্তি গ্রস্যমানং মাং সহন্তে বৈ দিবৌকসঃ॥ ১-২৪-৯ (১৩৫৭)
তস্মাল্লোকবিনাশার্থং হ্যবতিষ্ঠে ন সংশয়ঃ।
এবং কৃতমতিঃ সূর্যো হ্যস্তমভ্যগমদ্গিরিম্॥ ১-২৪-১০ (১৩৫৮)
তস্মাল্লোকবিনাশায় সংতাপয়ত ভাস্করঃ।
ততো দেবানুপাগম্য প্রোচুরেবং মহর্ষয়ঃ॥ ১-২৪-১১ (১৩৫৯)
আদ্যার্ধরাত্রসময়ে সর্বলোকভয়াবহঃ।
উৎপৎস্যতে মহান্দাহস্ত্রৈলোক্যস্য বিনাশনঃ॥ ১-২৪-১২ (১৩৬০)
ততো দেবাঃ সর্ষিগণা উপগম্য পিতামহম্।
অব্রুবন্কিমিবেহাদ্য মহদ্দাহকৃতং ভয়ম্॥ ১-২৪-১৩ (১৩৬১)
ন তাবদ্দৃশ্যতে সূর্যঃ ক্ষয়োঽয়ং প্রতিভাতি চ।
উদিতে ভগবন্ভানৌ কথনেতদ্ভবিষ্যতি॥ ১-২৪-১৪ (১৩৬২)
পিতামহ উবাচ। ১-২৪-১৫x (৯৯)
এষ লোকবিনাশায় রবিরুদ্যন্তুমুদ্যতঃ।
দৃশ্যন্নেব হি লোকান্স ভস্মরাশীকরিষ্যতি॥ ১-২৪-১৫ (১৩৬৩)
তস্য প্রতিবিধানং চ বিহিতং পূর্বমেব হি।
কশ্যপস্য সুতো ধীমানরুণেত্যভিবিশ্রুতঃ॥ ১-২৪-১৬ (১৩৬৪)
মহাকায়ো মহাতেজাঃ স স্থাস্যতি পুরো রবেঃ।
করিষ্যতি চ সারথ্যং তেজশ্চাস্য হরিষ্যতি॥ ১-২৪-১৭ (১৩৬৫)
লোকানাং স্বস্তি চৈবং স্যাদৃষীণাং চ দিবৌকসাম্। ১-২৪-১৮ (১৩৬৬)
প্রমতিরুবাচ।
ততঃ পিতামহাজ্ঞাতঃ সর্বং চক্রে তদাঽরুণঃ॥ ১-২৪-১৮x (১০০)
উদিতশ্চৈব সবিতা হ্যরুণেন সমাবৃতঃ।
এতত্তে সর্বমাখ্যাতং যৎসূর্যং মন্যুরাবিশৎ॥ ১-২৪-১৯ (১৩৬৭)
অরুণশ্চ যথৈবাস্য সারথ্যমকরোৎপ্রভুঃ।
ভূয় এবাপরং প্রশ্নং শৃণু পূর্বমুদাহৃতম্॥ ॥ ১-২৪-২০ (১৩৬৮)
ইতি শ্রীমন্মহাভারতে আদিপর্বণি আস্তীকপর্বণি চতুর্বিংশোঽধ্যায়ঃ॥ ২৪ ॥
Mahabharata – Adi Parva – Chapter Footnotes
১-২৪-২ সমুদ্বিগ্নাঃ সমুদ্বিগ্নানি॥ ১-২৪-৭ চন্দ্রাদিত্যৌ প্রতীতি শেষঃ॥ ১-২৪-১২ কিমুত সূর্যে উদিতে ইতি শেঃ॥ চতুর্বিংশোঽধ্যায়ঃ॥ ২৪ ॥