আদিপর্ব – অধ্যায় ০২২

আদিপর্ব – অধ্যায় ০২২

॥ শ্রীঃ ॥

১.২২. অধ্যায়ঃ ০২২

Mahabharata – Adi Parva – Chapter Topics

সর্পৌর্মাতৃবচনাদুচ্চৈঃশ্রবঃপুচ্ছবেষ্টনম্॥ ১ ॥

Mahabharata – Adi Parva – Chapter Text

১-২২-০ (১৩০৭)
সৌতিরুবাচ। ১-২২-০x (৮৮)
নাগাশ্চ সংবিদং কৃৎবা কর্তব্যমিতি তদ্বচঃ।
নিঃস্নেহা বৈ দহেন্মাতা অসংপ্রাপ্তমনোরথা॥ ১-২২-১ (১৩০৮)
প্রসন্না মোক্ষয়েদস্মাংস্তস্মাচ্ছাপাচ্চ ভামিনী।
কৃষ্ণং পুচ্ছং করিষ্যামস্তুরগস্য ন সংশয়ঃ॥ ১-২২-২ (১৩০৯)
`ইতি নিশ্চিত্য তে তস্য কৃষ্ণা বালা ইব স্থিতাঃ।’
এতস্মিন্নন্তরে তে তু সপত্ন্যৌ পণিতে তদা॥ ১-২২-৩ (১৩১০)
ততস্তে পণিতং কৃৎবা ভগিন্যৌ দ্বিজসত্তম।
জগ্মতুঃ পরয়া প্রীত্যা পরং পারং মহোদধেঃ॥ ১-২২-৪ (১৩১১)
কদ্রূশ্চ বিনতা চৈব দাক্ষায়ণ্যৌ বিহায়সা।
আলোকয়ন্ত্যাবক্ষোভ্যং সমুদ্রং নিধিমম্ভসাম্॥ ১-২২-৫ (১৩১২)
বায়ুনাঽতীব সহসা ক্ষোভ্যমাণং মহাস্বনম্।
তিমিংগিলসমাকীর্ণং মকরৈরাবৃতং তথা॥ ১-২২-৬ (১৩১৩)
সংয়ুতং বহুসাহস্রৈঃ সৎবৈর্নানাবিধৈরপি।
ঘোরর্ঘোরমনাধৃষ্যং গম্ভীরমতিভৈরবম্॥ ১-২২-৭ (১৩১৪)
আকরং সর্বরত্নানামালয়ং বরুণস্য চ।
নাগানামালয়ং চাপি সুরম্যং সরিতাং পতিম্॥ ১-২২-৮ (১৩১৫)
পাতালজ্বলনাবাসমসুরাণাং তথালয়ম্।
ভয়ংকরাণাং সত্ৎবানাং পয়সো নিধিমব্যযম্॥ ১-২২-৯ (১৩১৬)
শুভ্রং দিব্যমমর্ত্যানামমৃতস্যাকরং পরম্।
অপ্রমেয়মচিন্ত্যং চ সুপুম্যজলসংমিতম্॥ ১-২২-১০ (১৩১৭)
মহানদীভির্বহ্বীভিস্তত্র তত্র সহস্রশঃ।
আপূর্যমাণমত্যর্থং নৃত্যন্তমিব চোর্মিভিঃ॥ ১-২২-১১ (১৩১৮)
ইত্যেবং তরলতরোর্মিসংকুলং তে
গম্ভীরং বিকসিতমম্বরপ্রকাশম্।
পাতালজ্বলনশিখাবিদীপিতাঙ্গং
গর্জন্তং দ্রুতমভিজগ্মতুস্ততস্তে॥ ॥ ১-২২-১২ (১৩১৯)

ইতি শ্রীমন্মহাভারতে আদিপর্বণি আস্তীকপর্বণি দ্বাবিংশোঽধ্যায়ঃ॥ ২২ ॥

Mahabharata – Adi Parva – Chapter Footnotes

১-২২-১ সংবিদং মিথ আলোচনম্॥ ১-২২-৩ পণিতে পণং কৃত বত্যৌ॥ ৩ ॥ দ্বাবিংশোঽধ্যায়ঃ॥ ২২ ॥