আদিপর্ব – অধ্যায় ০২০

আদিপর্ব – অধ্যায় ০২০

॥ শ্রীঃ ॥

১.২০. অধ্যায়ঃ ০২০

Mahabharata – Adi Parva – Chapter Topics

কদ্রূবিনতয়োঃ পণবন্ধঃ॥ ১ ॥ সর্পাণাং কদ্রূশাপঃ॥ ২ ॥ ব্রহ্মণা কশ্যপায় বিষহরবিদ্যাদানং॥ ৩ ॥

Mahabharata – Adi Parva – Chapter Text

১-২০-০ (১২৬৮)
সৌতিরুবাচ। ১-২০-০x (৮৩)
এতত্তে কথিতং সর্বমমৃতং মথিতং যথা।
যত্র সোঽশ্বঃ সমুৎপন্নঃ শ্রীমানতুলবিক্রমঃ॥ ১-২০-১ (১২৬৯)
তং নিশাম্য তদা কদ্রূর্বিনতামিদমব্রবীৎ।
উচ্চৈঃশ্রবা হি কিংবর্ণো ভদ্রে প্রব্রূহি মা চিরম্॥ ১-২০-২ (১২৭০)
বিনতোবাচ। ১-২০-৩x (৮৪)
শ্বেত এবাশ্বরাজোঽয়ং কিং বা ৎবং মন্যসে শুভে।
ব্রূহি বর্ণং ৎবমপ্যস্য ততোঽত্র বিপণাবহে॥ ১-২০-৩ (১২৭১)
কদ্রূরুবাচ। ১-২০-৪x (৮৫)
কৃষ্ণবালমহং মন্যে হয়মেনং শুচিস্মিতে।
এহি সার্ধং ময়া দীব্য দাসীভাবায় ভামিনি॥ ১-২০-৪ (১২৭২)
সৌতিরুবাচ। ১-২০-৫x (৮৬)
এবং তে সময়ং কৃৎবা দাসীভাবায় বৈ মিথঃ।
জগ্মতুঃ স্বগৃহানেব শ্বো দ্রক্ষ্যাব ইতি স্ম হ॥ ১-২০-৫ (১২৭৩)
ততঃ পুত্রসহস্রং তু কদ্রূর্জিহ্যং চিকীর্ষতী।
আজ্ঞাপয়ামাস তদা বালা ভূৎবাঽঞ্জনপ্রভাঃ॥ ১-২০-৬ (১২৭৪)
আবিশধ্বং হয়ং ক্ষিপ্রং দাসী ন স্যামহং যথা।
নাবপদ্যন্ত যে বাক্যং তাঞ্শশাপ ভুজংগমান্॥ ১-২০-৭ (১২৭৫)
সর্পসত্রে বর্তমানে পাবকো বঃ প্রধক্ষ্যতি।
জনমেজয়স্য রাজর্ষেঃ পাণ্ডবেয়স্য ধীমতঃ॥ ১-২০-৮ (১২৭৬)
শাপমেনং তু শুশ্রাব স্বয়মেব পিতামহঃ।
অতিক্রূরং সমুৎসৃষ্টং কদ্র্বা দৈবাদতীব হি॥ ১-২০-৯ (১২৭৭)
সার্ধং দেবগণৈঃ সর্বৈর্বাচং তামন্বমোদত।
বহুৎবং প্রেক্ষ্য সর্পাণাং প্রজানাং হিতকাম্যযা॥ ১-২০-১০ (১২৭৮)
তিগ্মবীর্যবিষা হ্যেতে দন্দশূকা মহাবলাঃ।
তেষাং তীক্ষ্ণবিষৎবাদ্ধি প্রজানাং চ হিতায় চ॥ ১-২০-১১ (১২৭৯)
যুক্তং মাত্রা কৃতং তেষাং পরপীডোপসর্পিণাম্।
অন্যেষামপি সত্ৎবানাং নিত্যং দোষপরাস্তু যে॥ ১-২০-১২ (১২৮০)
তেষাং প্রাণান্তিকো দণ্ডো দৈবেন বিনিপাত্যতে।
এবং সংভাষ্য দেবস্তু পূজ্য কদ্রূং চ তাং তদা॥ ১-২০-১৩ (১২৮১)
আহূয় কশ্যপং দেব ইদং বচনমব্রবীৎ।
যদেতে দন্দশূকাশ্চ সর্পা জাতাস্ৎবয়ানঘ॥ ১-২০-১৪ (১২৮২)
বিষোল্বণা মহাভোগা মাত্রা শপ্তাঃ পরংতপ।
তত্র মন্যুস্ৎবয়া তাত ন কর্তব্যঃ কথংচন॥ ১-২০-১৫ (১২৮৩)
দৃষ্টং পুরাতনং হ্যেতদ্যজ্ঞে সর্পবিনাশনম্।
ইত্যুক্ৎবা সৃষ্টিকৃদ্দেবস্তং প্রসাদ্য প্রজাপতিম্।
প্রাদাদ্বিষহরীং বিদ্যাং কশ্যপায় মহাত্মনে॥ ১-২০-১৬ (১২৮৪)
`এবং শপ্তেষু নাগেষু কদ্র্বাতু দ্বিজসত্তম।
অদ্বিগ্নঃ শাপতস্তস্যাঃ কদ্রূং কর্কোটকোঽব্রবীৎ॥ ১-২০-১৭ (১২৮৫)
মাতরং পরমপ্রীতস্তথা ভুজগসত্তমঃ।
আবিশ্য বাজিনং মুখ্যং বালো ভূৎবাঞ্জনপ্রভঃ॥ ১-২০-১৮ (১২৮৬)
দর্শয়িষ্যামি তত্রাহমাত্মানং কামমাশ্বস।
এবমস্ৎবিতি সা পুত্রং প্রত্যুবাচ যশস্বিনী’॥ ॥ ১-২০-১৯ (১২৮৭)

ইতি শ্রীমন্মহাভারতে আদিপর্বণি আস্তীকর্পণি বিংশোঽধ্যায়ঃ॥ ২০ ॥

Mahabharata – Adi Parva – Chapter Footnotes

১-২০-৩ বিপণাবহে পণং কুর্বহে॥ ১-২০-৬ জিহ্মং কৌটিল্যং। বালাঃ লোমানি॥ ১-২০-৭ নাবপদ্যন্ত নানুমোদিতবন্তঃ॥ বিংশোঽধ্যায়ঃ॥ ২০ ॥