আদিপর্ব – অধ্যায় ২৫৭
॥ শ্রীঃ ॥
১.২৫৭. অধ্যায়ঃ ২৫৭
Mahabharata – Adi Parva – Chapter Topics
পুত্রৈঃ সহ সংবাদানন্তরং জরিতায়াঃ স্থানান্তরগমনম্॥ ১ ॥
Mahabharata – Adi Parva – Chapter Text
১-২৫৭-০ (১১১৫০)
জরিতোবাচ। ১-২৫৭-০x (১৩৪৪)
অস্মাদ্বিলান্নিষ্পতিতমাখুং শ্যেনো জহার তম্।
ক্ষুদ্রং পদ্ভ্যাং গৃহীৎবা চ যাতো নাত্র ভয়ং হি বঃ॥ ১-২৫৭-১ (১১১৫১)
শার্ঙ্গকা ঊচুঃ। ১-২৫৭-২x (১৩৪৫)
ন হৃতং তং বয়ং বিদ্মঃ শ্যেনেনাখুং কথংচন।
অন্যেঽপি ভিতারোঽত্র তেভ্যোঽপি ভমেব নঃ॥ ১-২৫৭-২ (১১১৫২)
সংশয়ো বহ্নিরাগচ্ছেদ্দৃষ্টং বায়োর্নিবর্তনম্।
মৃত্যুর্নো বিলবাসিভ্যো বিলে স্যান্নাত্র সংশয়ঃ॥ ১-২৫৭-৩ (১১১৫৩)
নিঃসংশয়াৎসংশয়িতো মৃত্যুর্মাতর্বিশিষ্যতে।
চর খে ৎবং যথান্যায়ং পুত্রানাপ্স্যসি শোভনান্॥ ১-২৫৭-৪ (১১১৫৪)
জরিতোবাচ। ১-২৫৭-৫x (১৩৪৬)
অহং বেগেন তং যান্তমদ্রাক্ষং পততাং বরম্।
বিলাদাখুং সমাদায় শ্যেনং পুত্রা মহাবলম্॥ ১-২৫৭-৫ (১১১৫৫)
তং পতন্তং মহাবেগা ৎবরিতা পৃষ্ঠতোঽন্বগাম্।
আশিষোঽস্য প্রয়ুঞ্জানা হরতো মূষিকং বিলাৎ॥ ১-২৫৭-৬ (১১১৫৬)
যো নো দ্বেষ্টারমাদায় শ্যেনরাজ প্রধাবসি।
ভব ৎবং দিবমাস্থায় নিরমিত্রো হিরণ্ময়ঃ॥ ১-২৫৭-৭ (১১১৫৭)
স যদা ভক্ষিতস্তেন শ্যেনেনাখুঃ পতত্রিণা।
তদাহং তমনুজ্ঞাপ্য প্রত্যুপায়াং পুনর্গৃহম্॥ ১-২৫৭-৮ (১১১৫৮)
প্রবিশধ্বং বিলং পুত্রা বিশ্রব্ধা নাস্তি বো ভয়ম্।
শ্যেনেন মম পশ্যন্ত্যা হৃত আখুর্মহাত্মনা॥ ১-২৫৭-৯ (১১১৫৯)
শার্ঙ্গকা ঊচুঃ। ১-২৫৭-১০x (১৩৪৭)
ন বিদ্মহে হৃতং মাতঃ শ্যেনৈনাখুং কথংচন।
অবিজ্ঞায় ন শক্যামঃ প্রবেষ্টং বিবরং ভুবঃ॥ ১-২৫৭-১০ (১১১৬০)
জরিতোবাচ। ১-২৫৭-১১x (১৩৪৮)
অহং তমভিজানামি হৃতং শ্যেনেন মূষিকম্।
নাস্তি বোঽত্র ভয়ং পুত্রাঃ ক্রিয়তাং বচনং মম॥ ১-২৫৭-১১ (১১১৬১)
শার্ঙ্গকা ঊচুঃ। ১-২৫৭-১২x (১৩৪৯)
ন ৎবং মিথ্যোপচারেণ মোক্ষয়েথা ভয়াদ্ধি নঃ।
সমাকুলেষু জ্ঞানেষু ন বুদ্ধিকৃতমেব তৎ॥ ১-২৫৭-১২ (১১১৬২)
ন চোপকৃতমস্মাভির্ন চাস্মান্বেত্থ যে বয়ম্।
পীড্যমানা বিভর্ষ্যস্মান্কা সতী কে বয়ং তব॥ ১-২৫৭-১৩ (১১১৬৩)
তরুণী দর্শীয়াঽসি সমর্থা ভর্তুরেষণে।
অনুগচ্ছ পতিং মাতুঃ পুত্রানাপ্স্যসি শোমনান্॥ ১-২৫৭-১৪ (১১১৬৪)
বয়মস্নিং সমাবিশ্য লোকানাপ্স্যাম শোভনান্।
অথাস্মান্ন দহেদগ্নিরায়াস্ৎবং পুনরেব নঃ॥ ১-২৫৭-১৫ (১১১৬৫)
বৈশম্পায়ন উবাচ। ১-২৫৭-১৬x (১৩৫০)
এবমুক্তা ততঃ শার্ঙ্গী পুত্রানুৎসৃজ্য খাণ্ডবে।
জগাম ৎবরিতা দেশং ক্ষেমমগ্নেরনাময়ম্॥ ১-২৫৭-১৬ (১১১৬৬)
ততস্তীক্ষ্ণার্চিরভ্যাগাত্ৎবরিতো হব্যবাহনঃ।
যত্র শার্ঙ্গা বভূবুস্তে মন্দপালস্য পুত্রকাঃ॥ ১-২৫৭-১৭ (১১১৬৭)
ততস্তং জ্বলিতং দৃষ্ট্বা জ্বলনং তে বিহঙ্গমাঃ।
`ব্যথিতাঃ করুণা বাচঃ শ্রাবয়ামাসুরন্তিকাৎ।’
জরিতারিস্ততো বাক্যং শ্রাবয়ামাস পাবকম্॥ ॥ ১-২৫৭-১৮ (১১১৬৮)
ইতি শ্রীমন্মহাভারতে আদিপর্বণি ময়দর্শনপর্বণি সপ্তপঞ্চাশদধিকদ্বিশততমোঽধ্যায়ঃ॥ ২৫৭ ॥
Mahabharata – Adi Parva – Chapter Footnotes
১-২৫৭-৩ বহ্নিরাগচ্ছেদিত্যত্র সংশয়ো যতো বায়োঃ সকাশাদ্বহ্নেতি বর্তনং দৃষ্টম্॥ ১-২৫৭-৫ অহং বৈশ্যেনমায়ান্তং ইতি ঙ. পাঠঃ॥ সপ্তপঞ্চাশদধিকদ্বিশততমোঽধ্যায়ঃ॥ ২৫৭ ॥