আদিপর্ব – অধ্যায় ২৫৫

আদিপর্ব – অধ্যায় ২৫৫

॥ শ্রীঃ ॥

১.২৫৫. অধ্যায়ঃ ২৫৫

Mahabharata – Adi Parva – Chapter Topics

শার্ঙ্গকাণাং মোচনকারণে জনমেজয়েন পৃষ্টে বৈশম্পায়নেন মন্দপালোপাখ্যানকথনারম্ভঃ॥ ১ ॥ তপসা পিতৃলোকং গতস্যাপ্যনবাপ্ততপঃফল়স্য মন্দপালস্য দেবাজ্ঞয়া প্রজোৎপাদনার্থং পুনর্ভূমাবাগমনম্॥ ২ ॥ তত্র শার্ঙ্গ্যাং জরিতায়াং পুত্রচতুষ্টয়োৎপাদনম্॥ ৩ ॥ সপুত্রাং জরিতাং খাণ্ডবে বিসৃজ্য লপিতানাম্ন্যাঽন্যযা শার্ঙ্গ্যা সংগতস্য মন্দপালস্য বিপ্ররূপাগ্নিদর্শনম্॥ ৪ ॥ তস্য খাণ্ডবদিধক্ষাং জ্ঞাৎবা পুত্ররক্ষণার্থং স্তুতাদগ্নের্বরলাভঃ॥ ৫ ॥

Mahabharata – Adi Parva – Chapter Text

১-২৫৫-০ (১১০৯১)
জনমেজয় উবাচ। ১-২৫৫-০x (১৩৩২)
কিমর্থং শার্ঙ্গকানগ্নির্ন দদাহ তথা গতে।
তস্মিন্বনে দহ্যমানে ব্রহ্মন্নেতৎপ্রচক্ষ্ব মে॥ ১-২৫৫-১ (১১০৯২)
অদাহে হ্যশ্বসেনস্য দানবস্য ময়স্য চ।
কারণং কীর্তিতং ব্রহ্মঞ্শার্ঙ্গকাণাং ন কীর্তিতম্॥ ১-২৫৫-২ (১১০৯৩)
তদেতদদ্ভুতং ব্রহ্মঞ্শার্ঙ্গকাণামনাময়ম্।
কীর্তয়স্বাগ্নিসংমর্দে কথং তে ন বিনাশিতাঃ॥ ১-২৫৫-৩ (১১০৯৪)
বৈশম্পায়ন উবাচ। ১-২৫৫-৪x (১৩৩৩)
যদর্থং শার্ঙ্গকানগ্নির্ন দদাহ তথা গতে।
তত্তে সর্বং প্রবক্ষ্যামি যথা ভূতমরিন্দম॥ ১-২৫৫-৪ (১১০৯৫)
ধর্মজ্ঞানাং মুখ্যতমস্তপস্বী সংশিতব্রতঃ।
আসীন্মহর্ষিঃ শ্রুতবান্মন্দপাল ইতি শ্রুতঃ॥ ১-২৫৫-৫ (১১০৯৬)
স মার্গমাশ্রিতো রাজন্নৃষীণামূর্ধ্বরেতসাম্।
স্বাধ্যায়বান্ধর্মরতস্তপস্বী বিজিতেন্দ্রিয়ঃ॥ ১-২৫৫-৬ (১১০৯৭)
স গৎবা তপসঃ পারং দেহমুৎসৃজ্য ভারত।
জগাম পিতৃলোকায় ন লেভে তত্র তৎফলম্॥ ১-২৫৫-৭ (১১০৯৮)
স লোকানফলান্দৃষ্ট্বা তপসা নির্জিতানপি।
পপ্রচ্ছ ধর্মরাজস্য সমীপস্থান্দিবৌকসঃ॥ ১-২৫৫-৮ (১১০৯৯)
মন্দপাল উবাচ। ১-২৫৫-৯x (১৩৩৪)
কিমর্থমাবৃতা লোকা মমৈতে তপসাঽর্জিতাঃ।
কিং ময়া ন কৃতং তত্র যস্যৈতৎকর্মণঃ ফলম্॥ ১-২৫৫-৯ (১১১০০)
তত্রাহং তৎকরিষ্যামি যদর্থমিদমাবৃতম্।
ফলমেতস্য তপসঃ কথয়ধ্বং দিবৌকসঃ॥ ১-২৫৫-১০ (১১১০১)
দেবা ঊচুঃ। ১-২৫৫-১১x (১৩৩৫)
ঋণিনো মানবা ব্রহ্মঞ্জায়ন্তে যেন তচ্ছৃণু।
ক্রিয়াভির্ব্রহ্মচর্যেণ প্রজয়া চ ন সংশয়ঃ॥ ১-২৫৫-১১ (১১১০২)
তদপাক্রিয়তে সর্বং যজ্ঞেন তপসা সুতৈঃ।
তপস্বী যজ্ঞকৃচ্চাসি ন চ তে বিদ্যতে প্রজা॥ ১-২৫৫-১২ (১১১০৩)
ত ইমে প্রসবস্যার্থে তব লোকাঃ সমাবৃতাঃ।
প্রজায়স্ব ততো লোকানুপভোক্ষ্যসি পুষ্কলান্॥ ১-২৫৫-১৩ (১১১০৪)
পুন্নাম্নো নরকাৎপুত্রস্ত্রায়তে পিতরং শ্রুতিঃ।
তস্মাদপত্যসন্তানে যতস্ব ব্রহ্মসত্তম॥ ১-২৫৫-১৪ (১১১০৫)
বৈশম্পায়ন উবাচ। ১-২৫৫-১৫x (১৩৩৬)
তচ্ছ্রুৎবা মন্দপালস্তু বচস্তেষাং দিবৌকসাম্।
ক্ব নু শীঘ্রমপত্যং স্যাদ্বহুলং চেত্যচিন্তয়ৎ॥ ১-২৫৫-১৫ (১১১০৬)
স চিন্তয়ন্নভ্যগচ্ছৎসুবহুপ্রসবান্খগান্।
শার্ঙ্গিকাং শার্ঙ্গকো ভূৎবা জরিতাং সমুপেয়িবান্॥ ১-২৫৫-১৬ (১১১০৭)
তস্যাং পুত্রানজনয়চ্চতুরো ব্রহ্মবাদিনঃ।
তানপাস্য স তত্রৈব জগাম লপিতাং প্রতি॥ ১-২৫৫-১৭ (১১১০৮)
বালান্স তানণ্ডগতান্সহ মাত্রা মুনির্বনে।
তস্মিন্গতে মহাভাগে লপিতাং প্রতি ভারত॥ ১-২৫৫-১৮ (১১১০৯)
অপত্যস্নেহসংয়ুক্তা জরিতা বহ্বচিন্তয়ৎ।
তেন ত্যক্তানসংত্যাজ্যানৃষীনণ্ডগতান্বনে॥ ১-২৫৫-১৯ (১১১১০)
ন জহৌ পুত্রশোকার্তা জরিতা খাণ্ডবে সুতান্।
বভার চৈতান্সংজাতান্স্ববৃত্ত্যা স্নেহবিক্লবা॥ ১-২৫৫-২০ (১১১১১)
ততোঽগ্নিং খাণ্ডবং দগ্ধুমায়ান্তং দৃষ্টবানৃষিঃ।
মন্দপালশ্চরংস্তস্মিন্বনে লপিতয়া সহ॥ ১-২৫৫-২১ (১১১১২)
তং সংকল্পং বিদিৎবাগ্নের্জ্ঞাৎবা পুত্রাংশ্চ বালকান্।
সোঽভিতুষ্টাব বিপ্রর্ষিব্রার্হ্মণো জাতবেদসম্॥ ১-২৫৫-২২ (১১১১৩)
পুত্রান্প্রতিবদন্ভীতো লোকপালং মহৌজসম্। ১-২৫৫-২৩ (১১১১৪)
মন্দপাল উবাচ।
ৎবমগ্নে সর্বলোকানাং মুখং ৎবমসি হব্যবাট্॥ ১-২৫৫-২৩x (১৩৩৭)
ৎবমন্তঃ সর্বভূতানাং গূঢশ্চরসি পাবক।
ৎবামেকমাহুঃ কবয়স্ৎবামাহুস্ত্রিবিধং পুনঃ॥ ১-২৫৫-২৪ (১১১১৫)
ৎবামষ্টধা কল্পয়িৎবা যজ্ঞবাহমকল্পয়ন্।
ৎবয়া বিশ্বমিদং সৃষ্টং বদন্তি পরমর্ষয়ঃ॥ ১-২৫৫-২৫ (১১১১৬)
ৎবদৃতে হি জগৎকৃৎস্নং সদ্যো নশ্যেদ্ধুতাশন।
তুভ্যং কৃৎবা নমো বিপ্রাঃ স্বকর্মবিজিতাং গতিম্॥ ১-২৫৫-২৬ (১১১১৭)
গচ্ছন্তি সহ পত্নীভিঃ সুতৈরপি চ শাশ্বতীম্।
ৎবামগ্নে জলদানাহুঃ খেবিষক্তান্সবিদ্যুতঃ॥ ১-২৫৫-২৭ (১১১১৮)
দহন্তি সর্বভূতানি ৎবত্তো নিষ্ক্রম্য হেতয়ঃ।
জাতবেদস্ৎবয়ৈবেদং বিশ্বং সৃষ্টং মহাদ্যুতে॥ ১-২৫৫-২৮ (১১১১৯)
তবৈব কর্মবিহিতং ভূতং সর্বং চরাচরম্।
ৎবয়াপো বিহিতাঃ পূর্বং ৎবয়ি সর্বমিদং জগৎ॥ ১-২৫৫-২৯ (১১১২০)
ৎবয়ি হব্যং চ কব্যং চ যথাবৎসংপ্রতিষ্ঠিতম্।
ৎবমেব দহনো দেব ৎবং ধাতা ৎবং বৃহস্পতিঃ॥ ১-২৫৫-৩০ (১১১২১)
ৎবমশ্বিনৌ যমৌ মিত্রঃ সোমস্ৎবমসি চানিলঃ। ১-২৫৫-৩১ (১১১২২)
বৈশম্পায়ন উবাচ।
এবং স্তুতস্তদা তেন মন্দপালেন পাবকঃ॥ ১-২৫৫-৩১x (১৩৩৮)
তুতোষ তস্য নৃপতে মুনেরমিততেজসঃ।
উবাচ চৈনং প্রীতাত্মা কিমিষ্টং করবাণি তে॥ ১-২৫৫-৩২ (১১১২৩)
তমব্রবীন্মন্দপালঃ প্রাঞ্জলির্হব্যবাহনম্।
প্রদহন্খাণ্ডবং দাবং মম পুত্রান্বিসর্জয়॥ ১-২৫৫-৩৩ (১১১২৪)
তথেতি তৎপ্রতিশ্রুত্য ভগবান্হব্যবাহনঃ।
খাণ্ডবে তেন কালে ন প্রজজ্বাল দিদক্ষয়া॥ ॥ ১-২৫৫-৩৪ (১১১২৫)

ইতি শ্রীমন্মহাভারতে আদিপর্বণি ময়দর্শনপর্বণি পঞ্চপঞ্চাশদধিকদ্বিশততমোঽধ্যায়ঃ॥ ২৫৫ ॥

Mahabharata – Adi Parva – Chapter Footnotes

১-২৫৫-২৩ পুত্রাণাং দহনাদ্ভীতো ইতি ঙ. পাঠঃ॥ পঞ্চপঞ্চাশদধিকদ্বিশততমোঽধ্যায়ঃ॥ ২৫৫ ॥