আদিপর্ব – অধ্যায় ২৫০

আদিপর্ব – অধ্যায় ২৫০

॥ শ্রীঃ ॥

১.২৫০. অধ্যায়ঃ ২৫০

Mahabharata – Adi Parva – Chapter Topics

পুনর্নিবেদিতবিঘ্নবৃত্তান্তেন ব্রহ্মণা আজ্ঞুপ্তস্যাগ্নেঃ কৃষ্ণার্জুনৌপ্রতি আগমনম্॥ ১ ॥ বৈশম্পায়নেন জনমেজয়ংপ্রতি খাণ্ডবদাহকারণকথনসমাপনম্॥ ২ ॥ অর্জুনেন দিব্যানাং রথাশ্বধনুরাদীনাং যাচনম্॥ ৩ ॥

Mahabharata – Adi Parva – Chapter Text

১-২৫০-০ (১০৯০৬)
বৈশম্পায়ন উবাচ। ১-২৫০-০x (১৩২১)
স তু নৈরাশ্যমাপন্নঃ সদা গ্লানিসমন্বিতঃ।
পিতামহমুপাগচ্ছৎসংক্রুদ্ধো হব্যবাহনঃ॥ ১-২৫০-১ (১০৯০৭)
তচ্চ সর্বং যথান্যায়ং ব্রহ্মণে সংন্যবেদয়ৎ।
উবাচ চৈবনং ভগবান্মুহূর্তং স বিচিন্ত্য তু॥ ১-২৫০-২ (১০৯০৮)
উপায়ঃ পরিদৃষ্টো মে যথা ৎবং ধক্ষ্যসেঽনঘ।
কালং চ কংচিৎক্ষমতাং ততস্তদ্ধক্ষ্যতে ভবান্॥ ১-২৫০-৩ (১০৯০৯)
ভবিষ্যতঃ সহায়ৌ তে নরনারায়ণৌ তদা।
তাভ্যাং ৎবং সহিতো দাবং ধক্ষ্যসে হব্যবাহন॥ ১-২৫০-৪ (১০৯১০)
এবমস্ৎবিতি তং বহ্নির্ব্রহ্মাণং প্রত্যভাষত।
সংভূতৌ তৌ বিদিৎবা তু নরনারায়ণাবৃষী॥ ১-২৫০-৫ (১০৯১১)
কালস্য মহতো রাজংস্তস্য বাক্যং স্বয়ংভুবঃ।
অনুস্মৃত্য জগামাথ পুনরেব পিতামহম্॥ ১-২৫০-৬ (১০৯১২)
অব্রবীচ্চ তদা ব্রহ্মা যথা ৎবং ধক্ষ্যসেঽনল।
খাণ্ডবং দাবমদ্যৈব মিষতোঽস্য শচীপতেঃ॥ ১-২৫০-৭ (১০৯১৩)
নরনারায়ণৌ যৌ তৌ পূর্বদেবৌ বিভাবসো।
সংপ্রাপ্তৌ মানুষে লোকে কার্যার্থং হি দিবৌকসাম্॥ ১-২৫০-৮ (১০৯১৪)
অর্জুনং বাসুদেবং চ যৌ তৌ লোকোঽভিমন্যতে।
তাবেতৌ সহিতাবেহি খাণ্ডবস্য সমীপতঃ॥ ১-২৫০-৯ (১০৯১৫)
তৌ ৎবং যাচস্ব সাহায়্যে দাহার্থং খাণ্ডবস্য চ।
ততো ধক্ষ্যসি তং দাবং রক্ষিতং ত্রিদশৈরপি॥ ১-২৫০-১০ (১০৯১৬)
তৌ তু সৎবানি সর্বাণি যত্নতো বারয়িষ্যতঃ।
দেবরাজং চ সহিতৌ তত্র মে নাস্তি সংশয়ঃ॥ ১-২৫০-১১ (১০৯১৭)
এতচ্ছ্রুৎবা তু বচনং ৎবরিতো হব্যবাহনঃ।
কৃষ্ণপার্থাবুপাগম্য যমর্থং ৎবভ্যভাষত॥ ১-২৫০-১২ (১০৯১৮)
তং তে কথিতবানস্মি পূর্বমেব নৃপোত্তম।
তচ্ছ্রুৎবা বচনং ৎবগ্নের্বীভৎসুর্জাতবেদসম্॥ ১-২৫০-১৩ (১০৯১৯)
অব্রবীন্নৃপশার্দূল তৎকালসদৃশং বচঃ।
দিধক্ষুং খাণ্ডবং দাবমকামস্য শতক্রতোঃ॥ ১-২৫০-১৪ (১০৯২০)
অর্জুন উবাচ। ১-২৫০-১৫x (১৩২২)
উত্তমাস্ত্রাণি মে সন্তি দিব্যানি চ বহূনি চ।
যৈরহং শক্নুয়াং যোদ্ধুমপি বজ্রধরান্বহূন্॥ ১-২৫০-১৫ (১০৯২১)
ধনুর্মে নাস্তি ভগবন্বাহুবীর্যেণ সংমিতম্।
কুর্বতঃ সমরে যত্নং বেগং যদ্বিষহেন্মম॥ ১-২৫০-১৬ (১০৯২২)
শরৈশ্চ মেঽর্থো বহুভিরক্ষয়ৈঃ ক্ষিপ্রমস্যতঃ।
ন হি বোঢুং রথঃ শক্তঃ শরান্মম যথেপ্সিতান্॥ ১-২৫০-১৭ (১০৯২৩)
অশ্বাংশ্চ দিব্যানিচ্ছেয়ং পাণ্ডুরান্বাতরংহসঃ।
রথং চ মেঘনির্ঘোষং সূর্যপ্রতিমতেজসম্॥ ১-২৫০-১৮ (১০৯২৪)
তথা কৃষ্ণস্য বীর্যেণ নায়ুধং বিদ্যতে সমম্।
যেন নাগান্পিশাচাংশ্চ নিহন্যান্মাধবো রণে॥ ১-২৫০-১৯ (১০৯২৫)
উপায়ং কর্মসিদ্ধৌ চ ভঘবন্বক্তুমর্হসি।
নিবারয়েয়ং যেনেন্দ্রং বর্ষমাণং মহাবনে॥ ১-২৫০-২০ (১০৯২৬)
পৌরুষেণ তু যৎকার্যং তৎকর্তাঽহং স্ম পাবক।
করণানি সমর্থানি ভগবন্দাতুমর্হসি॥ ॥ ১-২৫০-২১ (১০৯২৭)

ইতি শ্রীমন্মহাভারতে আদিপর্বণি খাণ্ডবদাহপর্বণি পঞ্চাশদধিকদ্বিশততমোঽধ্যায়ঃ॥ ২৫০ ॥