আদিপর্ব – অধ্যায় ২২৪

আদিপর্ব – অধ্যায় ২২৪

॥ শ্রীঃ ॥

১.২২৪. অধ্যায়ঃ ২২৪

Mahabharata – Adi Parva – Chapter Topics

ভীষ্মদ্রোণাভ্যামুক্তমেবাবশ্যং করণীয়ং পাণ্ডবা জেতুং ন শক্যাঃ দুর্যোধনাদীনাং বচনং মা কুরু ইতি ধৃতরাষ্ট্রংপ্রতি বিদুরস্যোক্তিঃ॥ ১ ॥

Mahabharata – Adi Parva – Chapter Text

১-২২৪-০ (৯৭০৫)
বিদুর উবাচ। ১-২২৪-০x (১২২৭)
রাজন্নিঃসংশয়ং শ্রেয়ো বাচ্যস্ৎবমসি বান্ধবৈঃ।
ন ৎবশুশ্রূষমাণে বৈ বাক্যং সংপ্রতি তিষ্ঠতি॥ ১-২২৪-১ (৯৭০৬)
প্রিয়ং হিতং চ তদ্বাক্যমুক্তবান্কুরুসত্তমঃ।
ভীষ্মঃ শান্তনবো রাজন্প্রতিগৃহ্ণাসি তন্ন চ॥ ১-২২৪-২ (৯৭০৭)
তথা দ্রোণেন বহুধা ভাষিতং হিতমুত্তমম্।
তচ্চ রাধাসুতঃ কর্ণো মন্যতে ন হিতং তব॥ ১-২২৪-৩ (৯৭০৮)
চিন্তয়ংশ্চ ন পশ্যামি রাজংস্তব সুহৃত্তমম্।
আভ্যাং পুরুষসিংহাভ্যাং যো বা স্যাৎপ্রজ্ঞয়াধিকঃ॥ ১-২২৪-৪ (৯৭০৯)
ইমৌ হি বৃদ্ধৌ বয়সা প্রজ্ঞয়া চ শ্রুতেন চ।
সমৌ চ ৎবয়ি রাজেন্ত্র তথা পাণ্ডুসুতেষু চ॥ ১-২২৪-৫ (৯৭১০)
ধর্মে চানবরৌ রাজন্সত্যতায়াং চ ভারত।
রামাদ্দাশরথেশ্চৈব গয়াচ্চৈব ন সংশয়ঃ॥ ১-২২৪-৬ (৯৭১১)
ন চোক্তবন্তাবশ্রেয়ঃ পুরস্তাদপি কিংচন।
ন চাপ্যপকৃতং কিংচিদনয়োর্লক্ষ্যতে ৎবয়ি॥ ১-২২৪-৭ (৯৭১২)
তাবুভৌ পুরুষব্যাঘ্রাবনাগসি নৃপে ৎবয়ি।
ন মন্ত্রয়েতাং ৎবচ্ছ্রেয়ঃ কথং সত্যপরাক্রমৌ॥ ১-২২৪-৮ (৯৭১৩)
প্রজ্ঞাবন্তৌ নরশ্রেষ্ঠাবস্মিঁল্লোকে নরাধিপ।
ৎবন্নিমিত্তমতো নেমৌ কিংচিজ্জিহ্মং বদিষ্যতঃ॥ ১-২২৪-৯ (৯৭১৪)
ইতি মে নৈষ্ঠিকী বুদ্ধির্বর্ততে কুরুনন্দন।
ন চার্থহেতোর্ধর্মজ্ঞৌ বক্ষ্যতঃ পক্ষসংশ্রিতম্॥ ১-২২৪-১০ (৯৭১৫)
এতদ্ধি পরমং শ্রেয়ো মন্যেঽহং তব ভারত।
দুর্যোধনপ্রভৃতয়ঃ পুত্রা রাজন্যথা তব॥ ১-২২৪-১১ (৯৭১৬)
তথৈব পাণ্ডবেয়াস্তে পুত্রা রাজন্ন সংশয়ঃ।
তেষু চেদহিতং কিংচিন্মন্ত্রয়েয়ুরতদ্বিদঃ॥ ১-২২৪-১২ (৯৭১৭)
মন্ত্রিণস্তে ন চ শ্রেয়ঃ প্রপশ্যন্তি বিশেষতঃ।
অথ তে হৃদয়ে রাজন্বিশেষঃ স্বেষু বর্ততে।
অন্তরস্থং বিবৃণ্বানাঃ শ্রেয়ঃ কুর্যুর্ন তে ধ্রুবম্॥ ১-২২৪-১৩ (৯৭১৮)
এতদর্থমিমৌ রাজন্মহাত্মানৌ মহাদ্যুতী।
নোচতুর্বিবৃতং কিংচিন্ন হ্যেষ তব নিশ্চয়ঃ॥ ১-২২৪-১৪ (৯৭১৯)
যচ্চাপ্যশক্যতাং তেষামাহতুঃ পুরুষর্ষভৌ।
তত্তথা পুরুষব্যাঘ্র তব তদ্ভদ্রমস্তু তে॥ ১-২২৪-১৫ (৯৭২০)
কথং হি পাণ্ডবঃ শ্রীমান্সব্যসাচী ধনঞ্জয়ঃ।
শক্যো বিজেতুং সংগ্রামে রাজন্মঘবতাপি হি॥ ১-২২৪-১৬ (৯৭২১)
`ভীমসেনো মহাবাহুর্নাগায়ুতবলো মহান্।
রাক্ষসানাং ভয়করো বাহুশালী মহাবলঃ॥ ১-২২৪-১৭ (৯৭২২)
হিডিম্বো নিহতো যেন বাহুয়ুদ্ধেন ভারত।
যো রাবণসমো যুদ্ধে তথা চ বকরাক্ষসঃ॥ ১-২২৪-১৮ (৯৭২৩)
স যুধ্যমানো রাজেন্দ্র ভীমো ভীমপরাক্রমঃ।’
কথং স্ম যুধি শক্যেত বিজেতুমমরৈরপি॥ ১-২২৪-১৯ (৯৭২৪)
তথৈব কৃতিনৌ যুদ্ধে যমৌ যমসুতাবিব।
কথং বিজেতুং শক্যৌ তৌ রণে জীবিতুমিচ্ছতা॥ ১-২২৪-২০ (৯৭২৫)
যস্মিন্ধৃতিরনুক্রোশঃ ক্ষমা সত্যং পরাক্রমঃ।
নিত্যানি পাণ্ডবে জ্যেষ্ঠে স জীয়েত রণে কথম্॥ ১-২২৪-২১ (৯৭২৬)
যেষাং পক্ষধরো রামো যেষাং মন্ত্রী জনার্দনঃ।
কিং নু তৈরজিতং সঙ্খ্যে যেষাং পক্ষে চ সাত্যকিঃ॥ ১-২২৪-২২ (৯৭২৭)
দ্রুপদঃ শ্বশুরো যেষাং যেষাং স্যালাশ্চ পার্ষতাঃ।
ধৃষ্টদ্যুম্নমুখা বীরা ভ্রাতরো দ্রুপদাত্মজাঃ॥ ১-২২৪-২৩ (৯৭২৮)
`চৈদ্যশ্চ যেষাং ভ্রাতা চ শিশুপালো মহারথঃ।’
সোঽশক্যতাং চ বিজ্ঞায় তেষামগ্রে চ ভারত।
দায়াদ্যতাং চ ধর্মেণ সম্যক্তেষু সমাচর॥ ১-২২৪-২৪ (৯৭২৯)
ইদং নির্দিষ্টময়শঃ পুরোচনকৃতং মহৎ।
তেষামনুগ্রহেণাদ্য রাজন্প্রক্ষালয়াত্মনঃ॥ ১-২২৪-২৫ (৯৭৩০)
তেষামনুগ্রহশ্চায়ং সর্বেষাং চৈব নঃ কুলে।
জীবিতং চ পরং শ্রেয়ঃ ক্ষত্রস্য চ বিবর্ধনম্॥ ১-২২৪-২৬ (৯৭৩১)
দ্রুপদোঽপি মহান্রাজা কৃতবৈরশ্চ নঃ পুরা।
তস্য সংগ্রহণং রাজন্স্বপক্ষস্য বিবর্ধনম্॥ ১-২২৪-২৭ (৯৭৩২)
বলবন্তশ্চ দাশার্হা বহবশ্চ বিশাংপতে।
যতঃ কৃষ্ণস্ততঃ সর্বে যতঃ কৃষ্ণস্ততো জয়ঃ॥ ১-২২৪-২৮ (৯৭৩৩)
যচ্চ সাম্নৈব শক্যেত কার্যং সাধয়িতুং নৃপ।
কো দৈবশপ্তস্তৎকার্যং বিগ্রহেণ সমাচরেৎ॥ ১-২২৪-২৯ (৯৭৩৪)
শ্রুৎবা চ জীবতঃ পার্থান্পৌরজানপদা জনাঃ।
বলবদ্দর্শনে হৃষ্টাস্তেষাং রাজন্প্রিয়ং কুরু॥ ১-২২৪-৩০ (৯৭৩৫)
দুর্যোধনশ্চ কর্ণশ্চ শকুনিশ্চাপি সৌবলঃ।
অধর্ময়ুক্তা দুষ্প্রজ্ঞা বালা মৈষাং বচঃ কৃথাঃ॥ ১-২২৪-৩১ (৯৭৩৬)
উক্তমেতৎপুরা রাজন্ময়া গুণবতস্তব।
দুর্যোধনাপরাধেন প্রজেয়ং বৈ বিনঙ্ক্ষ্যতি॥ ॥ ১-২২৪-৩২ (৯৭৩৭)

ইতি শ্রীমন্মহাভারতে আদিপর্বণি বিদুরাগমনরাজ্যলাভপর্বণি চতুর্বিংশত্যধিকদ্বিশততমোঽধ্যায়ঃ॥ ২২৪ ॥

Mahabharata – Adi Parva – Chapter Footnotes

১-২২৪-৬ অনবরৌ শ্রেষ্ঠৌ॥ ১-২২৪-৭ অনয়োঃ আভ্যাম্॥ ১-২২৪-২৪ দায়াদ্যতাং পিতৃধনভোজনার্হতাম্॥ চতুর্বিংশত্যধিকদ্বিশততমোঽধ্যায়ঃ॥ ২২৪ ॥