আদিপর্ব – অধ্যায় ২২৩

আদিপর্ব – অধ্যায় ২২৩

॥ শ্রীঃ ॥

১.২২৩. অধ্যায়ঃ ২২৩

Mahabharata – Adi Parva – Chapter Topics

পাণ্ডবাঃ সংবিভাজ্যা ইতি দ্রোণবচনম্॥ ১ ॥ তদ্বিরোধিতয়া কর্ণেন অম্বুবীচবৃত্তান্তকথনম্॥ ২ ॥ মদুক্তং ন ক্রিয়তে চেৎকুরবো বিনঙ্ক্ষ্যন্তীতি দ্রোণেনোক্তিঃ॥ ৩ ॥

Mahabharata – Adi Parva – Chapter Text

১-২২৩-০ (৯৬৭৬)
দ্রোণ উবাচ। ১-২২৩-০x (১২২৪)
মন্ত্রায় সমুপানীতৈর্ধৃতরাষ্ট্র হিতৈর্নৃপ।
ধর্ম্যমর্থ্যং যশস্যং চ বাচ্যমিত্যনুশুশ্রুম॥ ১-২২৩-১ (৯৬৭৭)
মমাপ্যেষা মতিস্তাত যা ভীষ্মস্য মহাত্মনঃ।
সংবিভজ্যাস্তু কৌন্তেয়া ধর্ম এষ সনাতনঃ॥ ১-২২৩-২ (৯৬৭৮)
প্রেষ্যতাং দ্রুপদায়াশু নর়ঃ কশ্চিৎপ্রিয়ংবদঃ।
বহুলং রত্নমাদায় তেষামর্থায় ভারত॥ ১-২২৩-৩ (৯৬৭৯)
মিথঃ কৃত্যং চ তস্মৈ স আদায় বসু গচ্ছতু।
বৃদ্ধিং চ পরমাং ব্রূয়াত্তৎসংয়োগোদ্ভবাং তথা॥ ১-২২৩-৪ (৯৬৮০)
সংপ্রীয়মাণং ৎবাং ব্রূয়াদ্রাজন্দুর্যোধনং তথা।
অসকৃদ্দ্রুপদে চৈব ধৃষ্টদ্যুম্নে চ ভারত॥ ১-২২৩-৫ (৯৬৮১)
উচিতৎবং প্রিয়ৎবং চ যোগস্যাপি চ বর্ণয়েৎ।
পুনঃপুনশ্চ কৌন্যেয়ান্মাদ্রীপুত্রৌ চ সান্ৎবয়ন্॥ ১-২২৩-৬ (৯৬৮২)
হিরণ্ময়ানি শুভ্রাণি বহূন্যাভরণানি চ।
বচনাত্তব রাজেন্দ্র দ্রৌপদ্যাঃ সংপ্রয়চ্ছতু॥ ১-২২৩-৭ (৯৬৮৩)
তথা দ্রুপদপুত্রাণাং সর্বেষাং ভরতর্ষভ।
পাণ্ডবানাং চ সর্বেষাং কুন্ত্যা যুক্তানি যানি চ॥ ১-২২৩-৮ (৯৬৮৪)
`দত্ৎবা তানি মহার্হাণি পাণ্ডবান্সংপ্রহর্ষয়।’
এবং সান্ৎবসমায়ুক্তং দ্রুপদং পাণ্ডবৈঃ সহ।
উক্ৎবা সোঽনন্তরং ব্রূয়াত্তেষামাগমনং প্রতি॥ ১-২২৩-৯ (৯৬৮৫)
অনুজ্ঞাতেষু বীরেষু বলং গচ্ছতু শোভনম্।
দুঃশাসনো বিকর্ণশ্চাপ্যানেতুং পাণ্ডবানিহ॥ ১-২২৩-১০ (৯৬৮৬)
ততস্তে পাণ্ডবাঃ শ্রেষ্ঠাঃ পূজ্যমানাঃ সদা ৎবয়া।
প্রকৃতীনামনুমতে পদে স্থাস্যন্তি পৈতৃকে॥ ১-২২৩-১১ (৯৬৮৭)
এতত্তব মহারাজ তেষু পুত্রেষু চৈব হি।
বৃত্তমৌপয়িকং মন্যে ভীষ্মেণ সহ ভারত॥ ১-২২৩-১২ (৯৬৮৮)
কর্ণ উবাচ। ১-২২৩-১৩x (১২২৫)
যোজিতাবর্থমানাভ্যাং সর্বকার্যেষ্বনন্তরৌ।
ন মন্ত্রয়েতাং ৎবচ্ছ্রেয়ঃ কিমদ্ভুততরং ততঃ॥ ১-২২৩-১৩ (৯৬৮৯)
দুষ্টেন মনসা যো বৈ প্রচ্ছন্নেনান্তরাত্মনা।
ব্রূয়ান্নি)শ্রেয়সং নাম কথং কুর্যাৎসতাং মতম্॥ ১-২২৩-১৪ (৯৬৯০)
ন মিত্রাণ্যর্থকৃচ্ছ্রেষু শ্রেয়সে চেতরায় বা।
বিধিপূর্বং হি সর্বস্য দুঃখং বা যদি বা সুখম্॥ ১-২২৩-১৫ (৯৬৯১)
কৃতপ্রজ্ঞোঽকৃতপ্রজ্ঞো বালো বৃদ্ধশ্চ মানবঃ।
সসহায়োঽসহায়শ্চ সর্বং সর্বত্র বিন্দতি॥ ১-২২৩-১৬ (৯৬৯২)
শ্রূয়তে হি পুরা কশ্চিদম্বুবীচ ইতীশ্বরঃ।
আসীদ্রাজগৃহে রাজা মাগধানাং মহীক্ষিতাম্॥ ১-২২৩-১৭ (৯৬৯৩)
স হীনঃ করণৈঃ সর্বৈরুচ্ছ্বাসপরমো নৃপঃ।
অমাত্যসংস্থঃ সর্বেষু কার্যেষ্বেবাভবত্তদা॥ ১-২২৩-১৮ (৯৬৯৪)
তস্যামাত্যো মহাকর্ণির্বভূবৈকেশ্বরস্তদা।
স লব্ধবলমাত্মানং মন্যমানোঽবমন্যতে॥ ১-২২৩-১৯ (৯৬৯৫)
স রাজ্ঞ উপভোগ্যানি স্ত্রিয়ো রত্নধনানি চ।
আদদে সর্বশো মূঢ ঐশ্বর্যং চ স্বয়ং তদা॥ ১-২২৩-২০ (৯৬৯৬)
তদাদায় চ লুব্ধস্য লোভাল্লোভোঽভ্যবর্ধত।
তথাহি সর্বমাদায় রাজ্যমস্য জিহীর্ষতি॥ ১-২২৩-২১ (৯৬৯৭)
হীনস্য করণৈঃ সর্বৈরচ্ছ্বাসপরমস্য চ।
যতমানোঽপি তদ্রাজ্যং ন শশাকেতি নঃ শ্রুতং॥ ১-২২৩-২২ (৯৬৯৮)
কিমন্যদ্বিহিতা নূনং তস্য সা পুরুষেন্দ্রতা।
যদি তে বিহিতং রাজ্যং ভবিষ্যতি বিশাংপতে॥ ১-২২৩-২৩ (৯৬৯৯)
মিষতঃ সর্বলোকস্য স্থাস্যতে ৎবয়ি তদ্ধুবম্।
অতোঽন্যথা চেদ্বিহিতং যতমানো ন লপ্স্যসে॥ ১-২২৩-২৪ (৯৭০০)
এবং বিদ্বন্নুপাদৎস্ব মন্ত্রিণাং সাধ্বসাধুতাম্।
দুষ্টানাং চৈব বোদ্ধব্যমদুষ্টানাং চ ভাষিতম্॥ ১-২২৩-২৫ (৯৭০১)
দ্রোণ উবাচ। ১-২২৩-২৬x (১২২৬)
বিদ্ম তে ভাবদোষেণ যদর্থমিদমুচ্যতে।
দুষ্ট পাণ্ডবহেতোস্ৎবং দোষমাখ্যাপয়স্যুত॥ ১-২২৩-২৬ (৯৭০২)
হিতং তু পরমং কর্ণ ব্রবীমি কুলবর্ধনম্।
অথ ৎবং মন্যসে দুষ্টং ব্হূহি যৎপরমং হিতম্॥ ১-২২৩-২৭ (৯৭০৩)
অতোঽন্যথা চেৎক্রিয়তে যদ্ব্রবীমি পরং হিতম্।
কুরবো বৈ বিনঙ্ক্ষ্যন্তি নচিরেণৈব মে মতিঃ॥ ॥ ১-২২৩-২৮ (৯৭০৪)

ইতি শ্রীমন্মহাভারতে আদিপর্বণি বিদুরাগমনরাজ্যলাভপর্বণি ত্রয়োবিংশত্যধিকদ্বিশততমোঽধ্যায়ঃ॥ ২২৩ ॥

Mahabharata – Adi Parva – Chapter Footnotes

১-২২৩-৪ মিথঃ কৃত্যং সাংবন্ধিকং বরপক্ষীয়ৈর্বধ্বলংকারাদিকন্যাপক্ষীয়ৈর্বরালংকারাদি॥ ১-২২৩-১৫ বিধিপূর্বং অধৃষ্টকারণকম্॥ ১-২২৩-১৭ অম্বুবীর ইতি শ্রুতঃ ইতি ঘ. পাঠঃ। বিনিন্দ ইতি বিতশ্রুঃ ইতি ঙ পাঠঃ। ঈশ্বরঃ সমর্থঃ। রাজগৃহে তন্নামকে নগরে॥ ত্রয়োবিংশত্যধিকদ্বিশততমোঽধ্যায়ঃ॥ ২২৩ ॥