আদিপর্ব – অধ্যায় ২২০

আদিপর্ব – অধ্যায় ২২০

॥ শ্রীঃ ॥

১.২২০. অধ্যায়ঃ ২২০

Mahabharata – Adi Parva – Chapter Topics

ধৃতরাষ্ট্রদুর্যোধনসংবাদঃ॥ ১ ॥

Mahabharata – Adi Parva – Chapter Text

১-২২০-০ (৯৬০৭)
`বৈশম্পায়ন উবাচ। ১-২২০-০x (১২১৮)
দুর্যোধনেনৈবমুক্তঃ কর্ণেন চ বিশাংপতে।
পুত্রং চ সূতপুত্রং চ ধৃতরাষ্ট্রোঽব্রবীদিদম্॥ ‘ ১-২২০-১ (৯৬০৮)
ধৃতরাষ্ট্র উবাচ। ১-২২০-২x (১২১৯)
অহমপ্যেবমেবৈতচ্চিকীর্ষামি যথা যুবাম্।
বিবেক্তুং নাহমিচ্ছামি ৎবাকারং বিদুরং প্রতি॥ ১-২২০-২ (৯৬০৯)
ততস্তেষাং গুণানেব কীর্তয়ামি বিশেষতঃ।
নাববুধ্যেত বিদুরো মমাভিপ্রায়মিঙ্গিতৈঃ॥ ১-২২০-৩ (৯৬১০)
যচ্চ ৎবং মন্যসে প্রাপ্তং তদ্ব্রবীহি সুয়োধন।
রাধেয় মন্যসে যচ্চ প্রাপ্তকালং বদাশু মে॥ ১-২২০-৪ (৯৬১১)
দুর্যোধন উবাচ। ১-২২০-৫x (১২২০)
অদ্য তান্কুশলৈর্বিপ্রৈঃ সুগুপ্তৈরাপ্তকারিভিঃ।
কুন্তীপুত্রান্ভেদয়ামো মাদ্রীপুত্রৌ চ পাণ্ডবৌ॥ ১-২২০-৫ (৯৬১২)
অথবা দ্রুপদো রাজা মহদ্ভির্বিত্তসংচয়ৈঃ।
পুত্রাশ্চাস্য প্রলোভ্যন্তামমাত্যাশ্চৈব সর্বশঃ॥ ১-২২০-৬ (৯৬১৩)
পরিত্যজেদ্যথা রাজা কুন্তীপুত্রং যুধিষ্ঠিরম্।
অথ তত্রৈব বা তেষাং নিবাসং রোচয়ন্তু তে॥ ১-২২০-৭ (৯৬১৪)
ইহৈষাং দোষবদ্বাসং বর্ণয়ন্তু পৃথক্পৃথক্।
তে ভিদ্যমানাস্তত্রৈব মনঃ কুর্বন্তু পাণ্ডবাঃ॥ ১-২২০-৮ (৯৬১৫)
অথবা কুশল়াঃ কেচিদুপায়নিপুণা নরাঃ।
ইতরেতরতঃ পার্থান্ভেদয়ন্ৎবনুরাগতঃ॥ ১-২২০-৯ (৯৬১৬)
ব্যুত্থাপয়ন্তু বা কৃষ্ণাং বহুৎবাৎসুকরং হি তৎ।
অথবা পাণ্ডবাংস্তস্যাং ভেদয়ন্তু ততশ্চ তাম্॥ ১-২২০-১০ (৯৬১৭)
ভীমসেনস্য বা রাজন্নুপায়কুশলৈর্নরৈঃ।
মৃত্যুর্বিধীয়তাং ছন্নৈঃ স হি তেষাং বলাধিকঃ॥ ১-২২০-১১ (৯৬১৮)
তমাশ্রিত্য হি কৌন্তেয়ঃ পুরা চাস্মান্ন মন্যতে।
সহি তীক্ষ্ণশ্চ শূরশ্চ তেষাং চৈব পরায়ণম্॥ ১-২২০-১২ (৯৬১৯)
তস্মিংস্ৎবভিহতে রাজন্হতোৎসাহা হতৌজসঃ।
যতিষ্যন্তে ন রাজ্যায় স হি তেষাং ব্যপাশ্রয়ঃ॥ ১-২২০-১৩ (৯৬২০)
অজেয়ো হ্যর্জুনঃ সঙ্খ্যে পৃষ্ঠগোপে বৃকোদরে।
তমৃতে ফাল্গুনো যুদ্ধে রাধেয়স্য ন পাদভাক্॥ ১-২২০-১৪ (৯৬২১)
তে জানানাস্তু দৌর্বল্যং ভীমসেনমৃতে মহৎ।
অস্মান্বলবতো জ্ঞাৎবা ন যতিষ্যন্তি দুর্বলাঃ॥ ১-২২০-১৫ (৯৬২২)
ইহাগতেষু বা তেষু নিদেশবশবর্তিষু।
প্রবর্তিষ্যামহে রাজন্যথাশাস্ত্রং নিবর্হণম্॥ ১-২২০-১৬ (৯৬২৩)
`দর্পং বা বদতাং তেষাং কেচিদত্র মনস্বিনঃ।
দ্রুপদস্যাত্মজা রাজন্প্রভিদ্যন্তে ততঃ পরৈঃ॥’ ১-২২০-১৭ (৯৬২৪)
অথবা দর্শনীয়াভিঃ প্রমদাভির্বিলোভ্যতাম্।
একৈকস্তত্র কৌন্তেয়স্ততঃ কৃষ্ণা বিরজ্যতাম্॥ ১-২২০-১৮ (৯৬২৫)
প্রেষ্যতাং চৈব রাধেয়স্তেষামাগমনায় বৈ।
তৈস্তৈঃ প্রকারৈঃ সন্নীয় পাত্যন্তামাপ্তকারিভিঃ॥ ১-২২০-১৯ (৯৬২৬)
এতেষামপ্যুপায়ানাং যস্তে নির্দোষবান্মতঃ।
তস্য যপ্রোগমাতিষ্ঠ পুরা কালোঽতিবর্ততে॥ ১-২২০-২০ (৯৬২৭)
যাবদ্ধ্যকৃতবিশ্বাসা দ্রুপদে পার্থিবর্ষভে।
তাবদেব হি তে শক্যা ন শক্যাস্তু ততঃ পরম্॥ ১-২২০-২১ (৯৬২৮)
এষা মম মতিস্তাত নিগ্রহায় প্রবর্ততে।
সাধ্বী বা যদি বাঽসাধ্বী কিং বা রাধেয় মন্যসে॥ ॥ ১-২২০-২২ (৯৬২৯)

ইতি শ্রীমন্মহাভারতে আদিপর্বণি বিদুরাগমনরাজ্যলাভপর্বণি বিংশত্যধিকদ্বিশততমোঽধ্যায়ঃ॥ ২২০ ॥

Mahabharata – Adi Parva – Chapter Footnotes

১-২২০-৩ ইঙ্গিতৈশ্চেষ্টিতৈঃ॥ বিংশত্যধিকদ্বিশততমোঽধ্যায়ঃ॥ ২২০ ॥