আদিপর্ব – অধ্যায় ২১২

আদিপর্ব – অধ্যায় ২১২

॥ শ্রীঃ ॥

১.২১২. অধ্যায়ঃ ২১২

Mahabharata – Adi Parva – Chapter Topics

ইন্দ্রসেনাপরনাম্ন্যা নালায়ন্যা উপাখ্যানারম্ভঃ-নালায়ন্যা স্থবিরস্য পত্যুর্মৌদ্গল্যস্য আরাধনম্॥ ১ ॥ তুষ্টেন মৌদ্গল্যেন নালায়নীপ্রার্থনয়াঽঽত্মনঃ পঞ্চরূপস্বীকারেণ তস্যাং রমণম্॥ ২ ॥ তয়োঃ স্বর্গাদিলোকেষু নানারূপেণ রমণম্॥ ৩ ॥ সৈব নালায়নী তব দুহিতা জাতেতি দ্রুপদং প্রতি ব্যাসস্যোক্তিঃ॥ ৪ ॥

Mahabharata – Adi Parva – Chapter Text

১-২১২-০ (৯২৬৯)
ব্যাস উবাচ। ১-২১২-০x (১১৭৫)
মা ভূদ্রাজংস্তব তাপো মনস্থঃ
পঞ্চানাং ভার্যা দুহিতা মমেতি।
মাতুরেষা প্রার্থিতা স্যাত্তদানীং
পঞ্চানাং ভার্যা দুহিতা মমেতি॥ ১-২১২-১ (৯২৭০)
যাজোপয়াজৌ ধর্মরতৌ তপোভ্যাং
তৌ চক্রতুঃ পঞ্চপতিৎবমস্যাঃ।
তৎপঞ্চভিঃ পাণ্ডুসুতৈরবাপ্তা
ভার্যা কৃষ্ণা মোদতাং বৈ কুলং তে॥ ১-২১২-২ (৯২৭১)
লোকে নান্যো বিদ্যতে ৎবদ্বিশিষ্টঃ
সর্বারীণামপ্রধৃষ্যোঽসি রাজন্।
ভূয়স্ৎবিদং শৃণু মে ৎবং বিশোকো
যথাঽঽগতং পঞ্চপত্নীৎবমস্যাঃ॥ ১-২১২-৩ (৯২৭২)
এষা নালায়নী পূর্বং মৌদ্গল্যং স্থবিরং পতিম্।
আরাধয়ামাস তদা কুষ্ঠিনং তমনিন্দিতা॥ ১-২১২-৪ (৯২৭৩)
ৎবগস্থিভূতং কটুকং লোলমীর্ষ্যুং সুকোপনম্।
সুগন্ধেতরগন্ধাঢ্যং বলীপলিতমূর্ধজম্॥ ১-২১২-৫ (৯২৭৪)
স্থবিরং বিকৃতাকারং শীর্যমাণনখৎবচম্।
উচ্ছিষ্টমুপভুঞ্জানা পর্যুপাস্তে মহামুনিম্॥ ১-২১২-৬ (৯২৭৫)
ততঃ কদাচিদঙ্গুষ্ঠো ভুঞ্জানস্য ব্যশীর্যত।
অন্নাদুদ্ধৃত্য তচ্চান্নমুপভুঙ্ক্তেঽবিশঙ্কিতা॥ ১-২১২-৭ (৯২৭৬)
তেন তস্যাঃ প্রসন্নেন কামব্যাহারিণা তদা।
বরং বৃণীষ্বেত্যসকৃদুক্তা বব্রে বরং তদা॥ ১-২১২-৮ (৯২৭৭)
মৌদ্গল্য উবাচ। ১-২১২-৯x (১১৭৬)
নাহং বৃদ্ধো ন কটুকো নের্ব্যাবান্নৈব কোপনঃ।
ন চ দুর্গন্ধবদনো ন কৃশো ন চ লোলুপঃ॥ ১-২১২-৯ (৯২৭৮)
কথং ৎবাং রময়ামীহ কথং ৎবাং বাসয়াম্যহম্।
বদ কল্যাণি ভদ্রং তে যথা ৎবং মনসেচ্ছসি॥ ১-২১২-১০ (৯২৭৯)
ব্যাস উবাচ। ১-২১২-১১x (১১৭৭)
সা তমক্লিষ্টকর্মাণং বরদং সর্বকামদম্।
ভর্তারমনবদ্যাঙ্গী প্রসন্নং প্রত্যুবাচ হ॥ ১-২১২-১১ (৯২৮০)
নালায়ন্যুবাচ। ১-২১২-১২x (১১৭৮)
পঞ্চধা প্রবিভক্তাত্মা ভগবাংল্লোকবিশ্রুতঃ।
রময় ৎবমচিন্ত্যাত্মন্পুনশ্চৈকৎবমাগতঃ॥ ১-২১২-১২ (৯২৮১)
তাং তথেত্যব্রবীদ্ধীমান্মহর্ষির্বৈ মহাতপাঃ।
স পঞ্চধা তু ভূৎবা তাং রময়ামাস সর্বতঃ॥ ১-২১২-১৩ (৯২৮২)
নালায়নীং সুকেশান্তাং মৌদ্গল্যশ্চারুহাসিনীম্।
আশ্রমেষ্বধিকং চাপি পূজ্যমানো মহর্ষিভিঃ॥ ১-২১২-১৪ (৯২৮৩)
স চচার যথাকামং কামরূপবপুঃ পুনঃ।
যদা যয়ৌ দিবং চাপি তত্র দেবর্ষিভিঃ সহ॥ ১-২১২-১৫ (৯২৮৪)
চচার সোঽমৃতাহারঃ সুরলোকে চচার হ।
পূজ্যমানস্তথা শচ্যা শক্রস্য ভবনেষ্বপি॥ ১-২১২-১৬ (৯২৮৫)
মহেন্দ্রসেনয়া সার্ধং পর্যধাবদ্রিরংসয়া।
সূর্যস্য চ রথং দিব্যমারুহ্য ভগবান্প্রভুঃ॥ ১-২১২-১৭ (৯২৮৬)
পর্যুপেত্য পুনর্মেরু মেরৌ বাসমরোচয়ৎ।
আকাশগঙ্গামাপ্লুত্য তয়া সহ তপোধনঃ॥ ১-২১২-১৮ (৯২৮৭)
রশ্মিজালেষু চন্দ্রস্য উবাচ চ যথাঽনিলঃ।
গিরিরূপধরো যোগী স মহর্ষিস্তদা পুনঃ॥ ১-২১২-১৯ (৯২৮৮)
তৎপ্রভাবেন সা তস্য মধ্যে জজ্ঞে মহানদী।
যদা পুষ্পাকুলঃ সালঃ সংজজ্ঞে ভগবানৃষিঃ॥ ১-২১২-২০ (৯২৮৯)
লতাৎবমনুসংপেদে তমেবাভ্যনুবেষ্টতী।
পুপোষ চ বপুর্যস্য তস্য তস্যানুগং পুনঃ॥ ১-২১২-২১ (৯২৯০)
সা পুপোষ সমং ভর্ত্রা স্কন্ধেনাপি চচার হ।
ততস্তস্য চ তস্যাশ্চ তুল্যা প্রীতিরবর্ধত॥ ১-২১২-২২ (৯২৯১)
তথা সা ভগবাংস্তস্যাঃ প্রসাদাদৃষিসত্তমঃ।
বিররাম চ সা চৈব দৈবয়োগেন ভামিনী॥ ১-২১২-২৩ (৯২৯২)
স চ তাং তপসা দেবীং রময়ামাস যোগতঃ।
একপত্নী তথা ভূৎবা সদৈবাগ্রে যশস্বিনী॥ ১-২১২-২৪ (৯২৯৩)
অরুন্ধতীব সীতেব বভূবাতিপতিব্রতা।
দময়ন্ত্যাশ্চ মাতুঃ স বিশেষমধিকং যয়ৌ॥ ১-২১২-২৫ (৯২৯৪)
এতত্তথ্যং মহারাজ মা তে ভূদ্বুদ্ধিরন্যথা।
সা বৈ নালায়নী জজ্ঞে দৈবয়োগেন কেনচিৎ॥ ১-২১২-২৬ (৯২৯৫)
রাজংস্তবাত্মজা কৃষ্ণা বেদ্যাং তেজস্বিনী শুভা।
তস্মিংস্তস্যা মনঃ সক্তং ন চচাল কদাচন॥ ১-২১২-২৭ (৯২৯৬)
তথা প্রণিহিতো হ্যাত্মা তস্যাস্তস্মিন্দ্বিজোত্তমে॥ ॥ ১-২১২-২৮ (৯২৯৭)

ইতি শ্রীমন্মহাভারতে আদিপর্বণি বৈবাহিকপর্বণি দ্বাদশাধিকদ্বিশততমোঽধ্যায়ঃ॥ ২১২ ॥

Mahabharata – Adi Parva – Chapter Footnotes

১-২১২-১ মাতুঃ মাত্রা। স্যাৎ অভূৎ॥ ১-২১২-১০ কথং কেন প্রকারেণ॥ ১-২১২-২২ স্কন্ধেন মানুষাদিদেহেন॥ দ্বাদশাধিকদ্বিশততমোঽধ্যায়ঃ॥ ২১২ ॥