আদিপর্ব – অধ্যায় ২১১

আদিপর্ব – অধ্যায় ২১১

॥ শ্রীঃ ॥

১.২১১. অধ্যায়ঃ ২১১

Mahabharata – Adi Parva – Chapter Topics

একস্যাঃ বহুভার্যাৎবে শঙ্কমানান্দ্রুপদাদীন্প্রতি ব্যাসেন স্বস্বাভিপ্রায়কথনানুজ্ঞা॥ ১ ॥ দ্রুপদাদিভিঃ স্বস্বমতে কথিতে ব্যাসেনাস্য বিবাহস্য ধর্ম্যৎবকথনম্॥ ২ ॥

Mahabharata – Adi Parva – Chapter Text

১-২১১-০ (৯২৪৪)
বৈশম্পায়ন উবাচ। ১-২১১-০x (১১৬৭)
ততস্তে পাণ্ডবাঃ সর্বে পাঞ্চাল্যশ্চ মহায়শাঃ।
প্রত্যুথায় মহাত্মানং কৃষ্ণং সর্বেঽভ্যবাদয়ন্॥ ১-২১১-১ (৯২৪৫)
প্রতিনন্দ্য স তাং পূজাং পৃষ্ট্বা কুশলমন্ততঃ।
আসনে কাঞ্চনে শুদ্ধে নিষসাদ মহামনাঃ॥ ১-২১১-২ (৯২৪৬)
অনুজ্ঞাতাস্তু তে সর্বে কৃষ্ণেনামিততেজসা।
আসনেষু মহার্হেষু নিষেদুর্দ্বিপদাং বরাঃ॥ ১-২১১-৩ (৯২৪৭)
ততো মুহূর্তান্মধুরাং বাণীমুচ্চার্য পার্ষতঃ।
পপ্রচ্ছ তং মহাত্মানং দ্রৌপদ্যর্থং বিশাংপতে॥ ১-২১১-৪ (৯২৪৮)
কথমেকা বহূনাং স্যান্ন চ স্যাদ্ধর্মসংকরঃ।
এতন্মে ভগবান্সর্বং প্রব্রবীতু যথাতথম্॥ ১-২১১-৫ (৯২৪৯)
ব্যাস উবাচ। ১-২১১-৬x (১১৬৮)
অস্মিন্ধর্মে বিপ্রলব্ধে লোকবেদবিরোধকে।
যস্য যস্য মতং যদ্যচ্ছ্রোতুমিচ্ছামি তস্য তৎ॥ ১-২১১-৬ (৯২৫০)
দ্রুপদ উবাচ। ১-২১১-৭x (১১৬৯)
অধর্মোঽয়ং মম মতো বিরুদ্ধো লোকবেদয়োঃ।
ন হ্যেকা বিদ্যতে পত্নী বহূনাং দ্বিজসত্তম॥ ১-২১১-৭ (৯২৫১)
ন চাপ্যাচরিতঃ পূর্বৈরয়ং ধর্মো মহাত্মভিঃ।
ন চাপ্যধর্মো বিদ্বদ্ভিশ্চরিতব্যঃ কথংচন॥ ১-২১১-৮ (৯২৫২)
ততোঽহং ন করোম্যেনং ব্যবসায়ং ক্রিয়াং প্রতি।
ধর্মঃ সদৈব সংদিগ্ধঃ প্রতিভাতি হি মে ৎবয়ম্॥ ১-২১১-৯ (৯২৫৩)
ধৃষ্টদ্যুম্ন উবাচ। ১-২১১-১০x (১১৭০)
যবীয়সঃ কথং ভার্যাং জ্যেষ্ঠো ভ্রাতা দ্বিজর্ষভ।
ব্রহ্মন্সমভিবর্তেত সদ্বৃত্তঃ সংস্তপোধন॥ ১-২১১-১০ (৯২৫৪)
ন তু ধর্মস্য সূক্ষ্মৎবাদ্গতিং বিদ্মঃ কথংচন।
অধর্মো ধর্ম ইতি বা ব্যবসায়ো ন শক্যতে॥ ১-২১১-১১ (৯২৫৫)
কর্তুমস্মদ্বিধৈর্ব্রহ্মংস্ততোঽয়ং ন ব্যবস্যতে।
পঞ্চানাং মহিষী কৃষ্ণা ভবৎবিতি কথংচন॥ ১-২১১-১২ (৯২৫৬)
যুধিষ্ঠির উবাচ। ১-২১১-১৩x (১১৭১)
ন মে বাগনৃতং প্রাহ নাধর্মে ধীয়তে মতিঃ।
বর্ততে হি মনো মেঽত্র নৈষোঽধর্মঃ কথংচন॥ ১-২১১-১৩ (৯২৫৭)
শ্রূয়তে হি পুরাণেঽপি জটিলা নাম গৌতমী।
ঋষীনধ্যাসিতবতী সপ্ত ধর্মভৃতাং বরা॥ ১-২১১-১৪ (৯২৫৮)
তথৈব মুনিজা বার্ক্ষী তপোভির্ভাবিতাত্মনঃ।
সংগতাভূদ্দশ ভ্রাতৄনকেন্ম্নঃ প্রচেতসঃ॥ ১-২১১-১৫ (৯২৫৯)
গুরোর্হি বচনং প্রাহুর্ধর্ম্যং ধর্মজ্ঞসত্তম।
গুরূণাং চৈব সর্বেষাং মাতা পরমকো গুরুঃ॥ ১-২১১-১৬ (৯২৬০)
সা চাপ্যুক্তবতী বাচং ভৈক্ষবদ্ভুজ্যতামিতি।
তস্মাদেতদহং মন্যে পরং ধর্মং দ্বিজোত্তম॥ ১-২১১-১৭ (৯২৬১)
কুন্ত্যুবাচ। ১-২১১-১৮x (১১৭২)
এতমেতদ্যথা প্রাহ ধর্মচারী যুধিষ্ঠিরঃ।
ভুজ্যতাং ভ্রাতৃভিঃ সার্ধমিত্যর্জুনমচোদয়ম্।
অনৃতান্মে ভয়ং তীব্রং মুচ্যেঽহমনৃতাৎকথম্॥ ১-২১১-১৮ (৯২৬২)
ব্যাস উবাচ। ১-২১১-১৯x (১১৭৩)
অনৃতান্মোক্ষ্যসে ভদ্রে ধর্মশ্চৈব সনাতনঃ।
ননু বক্ষ্যামি সর্বেষাং পাঞ্চাল শৃমু মে স্বয়ম্॥ ১-২১১-১৯ (৯২৬৩)
যথাঽয়ং বিহিতো ধর্মো যতশ্চায়ং সনাতনঃ।
যথা চ প্রাহ কৌন্তেয়স্তথা ধর্মো ন সংশয়ঃ॥ ১-২১১-২০ (৯২৬৪)
বৈশম্পায়ন উবাচ। ১-২১১-২১x (১১৭৪)
তত উত্থায় ভগবান্ব্যাসো দ্বৈপায়নঃ প্রভুঃ।
করে গৃহীৎবা রাজানং রাজবেশ্ম সমাবিশৎ॥ ১-২১১-২১ (৯২৬৫)
পাণ্ডবাশ্চাপি কুন্তী চ ধৃষ্টদ্যুম্নশ্চ পার্ষতঃ।
বিবিশুস্তেঽপি তত্রৈব প্রতীক্ষন্তে স্ম তাবুভৌ॥ ১-২১১-২২ (৯২৬৬)
ততো দ্বৈপায়নস্ৎসমৈ নরেন্দ্রায় মহাত্মনে।
আচখ্যৌ তদ্যথা ধর্মো বহূনামেকপত্নিতা॥ ১-২১১-২৩ (৯২৬৭)
`যথা চ তে দদুশ্চৈব রাজপুত্র্যাঃ পুরা বরম্।
ধর্মাদ্যাস্তপসা তুষ্টাঃ পঞ্চপত্নীৎবমীশ্বরাঃ॥’ ॥ ১-২১১-২৪ (৯২৬৮)

ইতি শ্রীমন্মহাভারতে আদিপর্বণি বৈবাহিকপর্বণি একাদশাধিকদ্বিশততমোঽধ্যায়ঃ॥ ২১১ ॥