আদিপর্ব – অধ্যায় ২০৬
॥ শ্রীঃ ॥
১.২০৬. অধ্যায়ঃ ২০৬
Mahabharata – Adi Parva – Chapter Topics
ভীমার্জুনাশ্যাং দ্রৌপদ্যাঃ ভিক্ষেত্যাবেদনে কুন্ত্যা পঞ্চানাং সহ ভোজনানুজ্ঞা॥ ১ ॥ পশ্চাৎ দ্রৌপদীদর্শনেন চিন্তান্বিতায়াং কুন্ত্যাং যুধিষ্ঠিরার্জুনয়োঃ সংবাদঃ॥ ২ ॥ দ্বৈপায়নবচঃস্মরণেন সর্বেষাং দ্রৌপদী ভার্যেতি যুধিষ্ঠিরনিশ্চয়ঃ॥ ৩ ॥ জনমেজয়েন কৃষ্ণস্য কার্মুকানারোপণে কারণপ্রশ্নে পাণ্ডবার্থমিতি বৈশম্পায়নস্যোত্তরম্॥ ৪ ॥ কুলালশালাংপ্রতি শ্রীকৃষ্ণস্যাগমনম্॥ ৫ ॥
Mahabharata – Adi Parva – Chapter Text
১-২০৬-০ (৯১১১)
বৈশম্পায়ন উবাচ। ১-২০৬-০x (১১৪৪)
গৎবা তু তাং ভার্গবকর্মশালাং
পার্থৌ পৃথাং প্রাপ্য মহানুভাবৌ।
তাং যাজ্ঞসেনীং পরমপ্রতীতৌ
ভিক্ষেত্যথাবেদয়তাং নরাগ্র্যৌ॥ ১-২০৬-১ (৯১১২)
কুটীগতা সা ৎবনবেক্ষ্য পুত্রৌ
প্রোবাচ ভুঙ্ক্তেতি সমেত্য সর্বে।
পশ্চাচ্চ কুন্তী প্রসমীক্ষ্য কৃষ্ণাং
কষ্টং ময়া ভাষিতমিত্যুবাচ॥ ১-২০৬-২ (৯১১৩)
সাঽধর্মভীতা পরিচিন্তয়ন্তী
তাং যাজ্ঞসেনীং পরমপ্রতীতাম্।
পাণৌ গৃহীৎবোপজগাম কুন্তী
যুধিষ্ঠিরং বাক্যমুবাচ চেদম্॥ ১-২০৬-৩ (৯১১৪)
কুন্ত্যুবাচ। ১-২০৬-৪x (১১৪৫)
ইয়ং তু কন্যা দ্রুপদস্য রাজ্ঞ-
স্তবানুজাভ্যাং ময়ি সংনিসৃষ্টা।
যথোচিতং পুত্র ময়াঽপি চোক্তং
সমেত্য ভুঙ্ক্তেতি নৃপ প্রমাদাৎ॥ ১-২০৬-৪ (৯১১৫)
ময়া কথং নানৃতমুক্তমদ্য
ভবেৎকুরূণামৃষভ ব্রবীহি।
পঞ্চালরাজস্য সুতামধর্মো
ন চোপবর্তেত ন বিভ্রমেচ্চ॥ ১-২০৬-৫ (৯১১৬)
বৈশম্পায়ন উবাচ। ১-২০৬-৬x (১১৪৬)
স এবমুক্তো মতিমান্নৃবীরো
মাত্রা মুহূর্তং তু বিচিন্ত্য রাজা।
কুন্তীং সমাশ্বাস্য কুরুপ্রবীরো
ধনঞ্জয়ং বাক্যমিদং বভাষে॥ ১-২০৬-৬ (৯১১৭)
ৎবয়া জিতা ফাল্গুন যাজ্ঞসেনী
ৎবয়ৈব শোভিষ্যতি রাজপুত্রী।
প্রজ্বাল্যতামগ্নিরমিত্রসাহ
গৃহাণ পাণিং বিধিবত্ৎবমস্যাঃ॥ ১-২০৬-৭ (৯১১৮)
অর্জুন উবাচ। ১-২০৬-৮x (১১৪৭)
মা মাং নরেন্দ্র ৎবমধর্মভাজং
কৃথা ন ধর্মোঽয়মশিষ্টদৃষ্টঃ।
ভবান্নিবেশ্যঃ প্রথমং ততোঽয়ং
ভীমো মহাবাহুরচিন্ত্যকর্মা॥ ১-২০৬-৮ (৯১১৯)
অহং ততো নকুলোঽনন্তরং মে
পশ্চাদয়ং সহদেবস্তরস্বী।
বৃকোদরোঽহং চ যমৌ চ রাজ-
ন্নিয়ং চ কন্যা ভবতো নিয়োজ্যাঃ॥ ১-২০৬-৯ (৯১২০)
এবং গতে যৎকরণীয়মত্র
ধর্ম্যং যশস্যং কুরু তদ্বিচিন্ত্য।
পাঞ্চালরাজস্য হিতং চ যৎস্যা-
ৎপ্রশাধি সর্বে স্ম বশে স্থিতাস্তে॥ ১-২০৬-১০ (৯১২১)
বৈশম্পায়ন উবাচ। ১-২০৬-১১x (১১৪৮)
জিষ্ণোর্বচনমাজ্ঞায় ভক্তিস্নেহসমন্বিতম্।
দৃষ্টিং নিবেশয়ামাসুঃ পাঞ্চাল্যাং পাণ্ডুনন্দনাঃ॥ ১-২০৬-১১ (৯১২২)
দৃষ্ট্বা তে তত্র পশ্যন্তীং সর্বে কৃষ্ণাং যশস্বিনীম্।
সংপ্রেক্ষ্যান্যোন্যমাসীনা হৃদয়ৈস্তামধারয়ন্॥ ১-২০৬-১২ (৯১২৩)
তেষাং তু দ্রৌপদীং দৃষ্ট্বা সর্বেষামমিতৌজসাম্।
সংপ্রমথ্যেন্দ্রিয়গ্রামং প্রাদুরাসীন্মনোভবঃ॥ ১-২০৬-১৩ (৯১২৪)
কাম্যং হি রূপং পাঞ্চাল্যা বিধাত্রা বিহিতং স্বয়ম্।
বভূবাধিকমন্যাভ্যঃ সর্বভূতমনোহরম্॥ ১-২০৬-১৪ (৯১২৫)
তেষামাকারভাবজ্ঞঃ কুন্তীপুত্রো যুধিষ্ঠিরঃ।
দ্বৈপায়নবচঃ কৃৎস্নং সস্মার মনুজর্ষভঃ॥ ১-২০৬-১৫ (৯১২৬)
অব্রবীৎসহিতান্ভ্রাতৄন্মিথো ভেদভয়ান্নৃপঃ।
সর্বেষাং দ্রৌপদী ভার্যা ভবিষ্যতি হি নঃ শুভা॥ ১-২০৬-১৬ (৯১২৭)
`জনমেজয় উবাচ। ১-২০৬-১৭x (১১৪৯)
সতাঽপি শক্তেন চ কেশবেন
সজ্যং ধনুস্তন্ন কৃতং কিমর্থম্।
বিদ্ধং চ লক্ষ্যং ন চ কস্য হেতো-
রাচক্ষ্ব তন্মে দ্বিপদাং বরিষ্ঠ॥ ১-২০৬-১৭ (৯১২৮)
বৈশম্পায়ন উবাচ। ১-২০৬-১৮x (১১৫০)
শক্তেন কৃষ্ণেন চ কার্মুকং ত-
ন্নারোপিতং জ্ঞাতুকামেন পার্থান্।
পরিশ্রবাদেব বভূব লোকে
জীবন্তি পার্থা ইতি নিশ্চয়োঽস্য॥ ১-২০৬-১৮ (৯১২৯)
অন্যানশক্তান্নৃপতীন্সমীক্ষ্য
স্বয়ংবরে কার্মুকেণোত্তমেন।
ধনঞ্জয়স্তদ্ধনুরেকবীরঃ
সজ্যং করোতীত্যভিবীক্ষ্য কৃষ্ণঃ॥ ১-২০৬-১৯ (৯১৩০)
ইতি স্বয়ং বাসুদেবো বিচিন্ত্য
পার্থান্বিবিৎসন্বিবিধৈরুপায়ৈঃ।
ন তদ্ধনুঃ সজ্যমিয়েপ কর্তুং
বভূবুরস্যেষ্টতমা হি পার্থাঃ॥’ ১-২০৬-২০ (৯১৩১)
ভ্রাতুর্বচস্তৎপ্রসমীক্ষ্য সর্বে
জ্যেষ্ঠস্য পাণ্ডোস্তনয়াস্তদানীম্।
তমেবার্থং ধ্যায়মানা মনোভিঃ
সর্বে চ তে তস্থুরদীনসৎবাঃ॥ ১-২০৬-২১ (৯১৩২)
বৃষ্ণিপ্রবীরস্তু কুরুপ্রবীরা-
নাশংসমানঃ সহরৌহিণেয়ঃ।
জগাম তাং ভার্গবকর্মশালাং
যত্রাসতে তে পুরুষপ্রবীরাঃ॥ ১-২০৬-২২ (৯১৩৩)
তত্রোপবিষ্টং পৃথুদীর্ঘবাহুং
দদর্শ কৃষ্ণঃ সহরৌহিণেয়ঃ।
অজাতশত্রুং পরিবার্য তাংশ্চা-
প্যুপোপবিষ্টাঞ্জ্বলনপ্রকাশান্॥ ১-২০৬-২৩ (৯১৩৪)
ততোঽব্রবীদ্বাসুদেবোঽভিগম্য
কুন্তীসুতং ধর্মভৃতাং বরিষ্ঠম্।
কৃষ্ণোঽহমস্মীতি নিপীড্য পাদৌ
যুধিষ্ঠিরস্যাজমীঢস্য রাজ্ঞঃ॥ ১-২০৬-২৪ (৯১৩৫)
তথৈব তস্যাপ্যনু রৌহিণেয়-
স্তৌ চাপি হৃষ্টাঃ কুরবোঽভ্যনন্দন।
পিতৃষ্বসুশ্চাপি যদুপ্রবীরা-
বগৃহ্ণতাং ভারতমুখ্য পাদৌ॥ ১-২০৬-২৫ (৯১৩৬)
অজাতশত্রুশ্চ কুরুপ্রবীরঃ
পপ্রচ্ছ কৃষ্ণং কুশলং বিলোক্য।
কথং বয়ং বাসুদেব ৎবয়েহ
গূঢা বসন্তো বিদিতাশ্চ সর্বে॥ ১-২০৬-২৬ (৯১৩৭)
তমব্রবীদ্বাসুদেবঃ প্রহস্য
গূঢোঽপ্যগ্নির্জ্ঞায়ত এব রাজন্।
তং বিক্রমং পাণ্ডবেয়ানতীত্য
কোঽন্যঃ কর্তা বিদ্যতে মানুষেষু॥ ১-২০৬-২৭ (৯১৩৮)
দিষ্ট্যা সর্বে পাবকাদ্বিপ্রমুক্তা
যূয়ং ঘোরাৎপাণ্ডবাঃ শত্রুসাহাঃ।
দিষ্ট্যা পাপো ধৃতরাষ্ট্রস্য পুত্রঃ
সহামাত্যো ন সকামোঽভবিষ্যৎ॥ ১-২০৬-২৮ (৯১৩৯)
ভদ্রং বোঽস্তু নিহিতং যদ্গুহায়াং
বিবর্ধধ্বং জ্বলনা ইবৈধমানাঃ।
মা বো বিদ্যুঃ পার্থিবাঃ কেচিদেব
যাস্যাবহে শিবিরায়ৈব তাবৎ।
সোঽনুজ্ঞাতঃ পাণ্ডবেনাব্যযশ্রীঃ ১-২০৬-২৯ (৯১৪০)
১-২০৬-২৯f”
প্রায়াচ্ছীঘ্রং বলদেবেন সার্ধম্॥ ॥
ইতি শ্রীমন্মহাভারতে আদিপর্বণি স্বয়ংবরপর্বণি ষডধিকদ্বিশততমোঽধ্যায়ঃ॥ ২০৬ ॥
Mahabharata – Adi Parva – Chapter Footnotes
১-২০৬-১২ দৃষ্ট্বা তে তত্র তিষ্ঠন্তী ইতি ঙ. পাঠঃ॥ ১-২০৬-২৯ যদ্ভদ্রং গুহায়াং বুদ্ধৌ বো নিহিতং তদ্বোস্তু॥ ষডধিকদ্বিশততমোঽধ্যায়ঃ॥ ২০৬ ॥