আদিপর্ব – অধ্যায় ২০১

আদিপর্ব – অধ্যায় ২০১

॥ শ্রীঃ ॥

১.২০১. অধ্যায়ঃ ২০১

Mahabharata – Adi Parva – Chapter Topics

রঙ্গে আগতানাং রাজ্ঞাং নামকথনম্॥ ১ ॥

Mahabharata – Adi Parva – Chapter Text

১-২০১-০ (৮৯১১)
ধৃষ্টদ্যুম্ন উবাচ। ১-২০১-০x (১১৩২)
দুর্যোধনো দুর্বিষহো দুর্মুখো দুষ্প্রধর্ষণঃ।
বিবিংশতির্বিকর্ণশ্চ সহো দুঃশাসনস্তথা॥ ১-২০১-১ (৮৯১২)
যুয়ুৎসুর্বায়ুবেগশ্চ ভীমবেগরবস্তথা।
উগ্রায়ুধো বলাকী চ করকায়ুর্বিরোচনঃ॥ ১-২০১-২ (৮৯১৩)
কুণ্ডকশ্চিত্রসেনশ্চ সুবর্চাঃ কনকধ্বজঃ।
নন্দকো বাহুশালী চ তুহুণ্ডো বিকটস্তথা॥ ১-২০১-৩ (৮৯১৪)
এতে চান্যে চ বহবো ধার্তরাষ্ট্রা মহাবলাঃ।
কর্ণেন সহিতা বীরাস্ৎবদর্থং সমুপাগতাঃ॥ ১-২০১-৪ (৮৯১৫)
অসঙ্খ্যাতা মহাত্মানঃ পার্থিবাঃ ক্ষত্রিয়র্ষভাঃ।
শকুনিঃ সৌবলশ্চৈব বৃষকোঽথ বৃহদ্বলঃ॥ ১-২০১-৫ (৮৯১৬)
এতে গান্ধাররাজস্য সুতাঃ সর্বে সমাগতাঃ।
অশ্বত্থামা চ ভোজশ্চ সর্বশস্ত্রভৃতাং বরৌ॥ ১-২০১-৬ (৮৯১৭)
সমবেতৌ মহাত্মানৌ ৎবদর্থে সমলঙ্কৃতৌ।
বৃহন্তো মণিমাংশ্চৈব দণ্ডধারশ্চ পার্থিবঃ॥ ১-২০১-৭ (৮৯১৮)
সহদেবজয়ৎসেনৌ মেঘসন্ধিশ্চ পার্থিবঃ।
বিরাটঃ সহ পুত্রাভ্যাং শঙ্খেনৈবোত্তরেণ চ॥ ১-২০১-৮ (৮৯১৯)
বার্ধক্ষেমিঃ সুশর্মা চ সেনাবিন্দুশ্চ পার্থিবঃ।
সুকেতুঃ সহ পুত্রেণ সুনাম্না চ সুবর্চসা॥ ১-২০১-৯ (৮৯২০)
সুচিত্রঃ সুকুমারশ্চ বৃকঃ সত্যধৃতিস্তথা।
সূর্যধ্বজো রোচমানো নীলশ্চিত্রায়ুধস্তথা॥ ১-২০১-১০ (৮৯২১)
অংশুমাংশ্চেকিতানশ্চ শ্রেণিমাংশ্চ মহাবলঃ।
সমুদ্রসেনপুত্রশ্চ চন্দ্রসেনঃ প্রতাপবান্॥ ১-২০১-১১ (৮৯২২)
জলসন্ধঃ পিতাপুত্রৌ বিদণ্ডো দণ্ড এব চ।
পৌণ্ড্রকো বাসুদেবশ্চ ভগদত্তশ্চ বীর্যবান্॥ ১-২০১-১২ (৮৯২৩)
কলিঙ্গস্তাম্রলিপ্তশ্চ পত্তনাধিপতিস্তথা।
মদ্ররাজস্তথা শল্যঃ সহপুত্রো মহারথঃ॥ ১-২০১-১৩ (৮৯২৪)
রুক্মাঙ্গদেন বীরেণ তথা রুক্মরথেন চ।
কৌরব্যঃ সোমদত্তশ্চ পুত্রশ্চাস্য মহারথঃ॥ ১-২০১-১৪ (৮৯২৫)
সমবেতাস্ত্রয়ঃ শূরা ভূরির্ভূরিশ্রবাঃ শলঃ।
সুদক্ষিণশ্চ কাম্ভোজো দৃঢধন্বা চ পৌরবঃ॥ ১-২০১-১৫ (৮৯২৬)
বৃহদ্বলঃ সুষেণশ্চ শিবিরৌশীনস্তথা।
পটচ্চরনিহন্তা চ কারূষাধিপতিস্তথা॥ ১-২০১-১৬ (৮৯২৭)
সঙ্কর্ষণো বাসুদেবো রৌক্মিণেয়শ্চ বীর্যবান্।
সাম্বশ্চ চারুদেষ্ণশ্চ প্রাদ্যুম্নিঃ সগদস্তথা॥ ১-২০১-১৭ (৮৯২৮)
অক্রূরঃ সাত্যকিশ্চৈব উদ্ধবশ্চ মহামতিঃ।
কৃতবর্মা চ হার্দিক্যঃ পৃথুর্বিপৃথুরেব চ॥ ১-২০১-১৮ (৮৯২৯)
বিদূরথশ্চ কঙ্কশ্চ শঙ্কুশ্চ সগবেষণঃ।
আশাবহোঽনিরুদ্ধশ্চ সমীকঃ সারিমেজয়ঃ॥ ১-২০১-১৯ (৮৯৩০)
বীরো বাতপতিশ্চৈব ঝিল্লীপিণ্ডারকস্তথা।
উশীনরশ্চ বিক্রান্তো বৃষ্ণয়স্তে প্রকীর্তিতাঃ॥ ১-২০১-২০ (৮৯৩১)
ভগীরথো বৃহৎক্ষত্রঃ সৈন্ধবশ্চ জয়দ্রথঃ।
বৃহদ্রথো বাহ্লিকশ্চ শ্রউতায়ুশ্চ মহারথঃ॥ ১-২০১-২১ (৮৯৩২)
উলূকঃ কৈতবো রাজা চিত্রাঙ্গদশুভাঙ্গদৌ।
বৎসরাজশ্চ মতিমান্কোসলাধিপতিস্তথা॥ ১-২০১-২২ (৮৯৩৩)
শিশুপালখ্চ বিক্রান্তো জরাসন্ধস্তথৈব চ।
এতে চান্যে চ বহবো নানাজনপদেশ্বরাঃ॥ ১-২০১-২৩ (৮৯৩৪)
ৎবদর্থমাগতা ভদ্রে ক্ষত্রিয়াঃ প্রথিতা ভুবি।
এতে ভেৎস্যন্তি বিক্রান্তাস্ৎবদর্থে লক্ষ্যমুত্তমম্।
বিধ্যতে য ইদং লক্ষ্যং বরয়েথাঃ শুভেঽদ্য তম্॥ ॥ ১-২০১-২৪ (৮৯৩৫)

ইতি শ্রীমন্মহাভারতে আদিপর্বণি স্বয়ংবরপর্বণি একাধিকদ্বিশততমোঽধ্যায়ঃ॥ ২০১ ॥