আদিপর্ব – অধ্যায় ১৮৪

আদিপর্ব – অধ্যায় ১৮৪

॥ শ্রীঃ ॥

১.১৮৪. অধ্যায়ঃ ১৮৪

Mahabharata – Adi Parva – Chapter Topics

প্রস্থানসময়াগতে ব্যাসেন পাণ্ডবান্প্রতি দ্রৌপদীবৃত্তান্তকথনপূর্বকং ভবিষ্যদ্দ্রৌপদীলাভকথনম্॥ ১ ॥ ব্যাসস্য প্রতিনিবর্তনম্॥ ২ ॥

Mahabharata – Adi Parva – Chapter Text

১-১৮৪-০ (৮২৬১)
বৈশম্পায়ন উবাচ। ১-১৮৪-০x (১০৫৩)
বসৎসু তেষু প্রচ্ছন্নং পাণ্ডবেষু মহাত্মসু।
আজগামাথ তান্দ্রষ্টুং ব্যাসঃ সত্যবতীসুতঃ॥ ১-১৮৪-১ (৮২৬২)
তমাগতমভিপ্রেক্ষ্য প্রত্যুদ্গম্য পরন্তপাঃ।
প্রণিপত্যাভিবাদ্যৈনং তস্থুঃ প্রাঞ্জলয়স্তদা॥ ১-১৮৪-২ (৮২৬৩)
সমনুজ্ঞাপ্য তান্সর্বানাসীনান্মুনিরব্রবীৎ।
প্রচ্ছন্নং পূজিতঃ পার্থৈঃ প্রীতিপূর্বমিদং বচঃ॥ ১-১৮৪-৩ (৮২৬৪)
অপি ধর্মেণ বর্তধ্বং শাস্ত্রেণ চ পরন্তপাঃ।
অপি বিপ্রেষু পূজা বঃ পূজার্হেষু ন হীয়তে॥ ১-১৮৪-৪ (৮২৬৫)
অথ ধর্মার্থবদ্বাক্যমুক্ৎবা স ভগবানৃষিঃ।
বিচিত্রাশ্চ কথাস্তাস্তাঃ পুনরেবেদমব্রবীৎ॥ ১-১৮৪-৫ (৮২৬৬)
আসীত্তপোবনে কাচিদৃষেঃ কন্যা মহাত্মনঃ।
বিলগ্নমধ্যা সুশ্রোণী সুভ্রূঃ সর্বগুণান্বিতা॥ ১-১৮৪-৬ (৮২৬৭)
কর্মভিঃ স্বকৃতৈঃ সা তু দুর্ভগা সমপদ্যত।
নাধ্যগচ্ছৎপতিং সা তু কন্যা রূপবতী সতী॥ ১-১৮৪-৭ (৮২৬৮)
তপস্তপ্তুমথারেভে পত্যর্থমসুখা ততঃ।
তোষয়ামাস তপসা সা কিলোগ্রেণ শঙ্করম্॥ ১-১৮৪-৮ (৮২৬৯)
তস্যাঃ স ভগবাংস্তুষ্টস্তামুবাচ যশস্বিনীম্।
বরং বরয় ভদ্রং তে বরদোঽস্মীতি শঙ্করঃ॥ ১-১৮৪-৯ (৮২৭০)
অথেশ্বরমুবাচেদমাত্মনঃ সা বচো হিতম্।
পতিং সর্বগুণোপেতমিচ্ছামীতি পুনঃপুনঃ॥ ১-১৮৪-১০ (৮২৭১)
তামথ প্রত্যুবাচেদমীশানো বদতাং বরঃ।
পঞ্চ তে পতয়ো ভদ্রে ভবিষ্যন্তীতি ভারতাঃ॥ ১-১৮৪-১১ (৮২৭২)
এবমুক্তা ততঃ কন্যা দেবং বরদমব্রবীৎ।
একমিচ্ছাম্যহং দেব ৎবৎপ্রসাদাৎপতিং প্রভো॥ ১-১৮৪-১২ (৮২৭৩)
পুনরেবাব্রবীদ্দেব ইদং বচনমুত্তমম্।
পঞ্চকৃৎবস্ৎবয়া হ্যুক্তঃ পতিং দেহীত্যহং পুনঃ॥ ১-১৮৪-১৩ (৮২৭৪)
দেহমন্যং গতায়াস্তে যথোক্তং তদ্ভবিষ্যতি। ১-১৮৪-১৪ (৮২৭৫)
ব্যাস উবাচ।
দ্রুপদস্য কুলে জজ্ঞে সা কন্যা দেবরূপিণী॥ ১-১৮৪-১৪x (১০৫৪)
নির্দিষ্টা ভবতাং পত্নী কৃষ্ণা পার্ষত্যনিন্দিতা।
পাঞ্চালনগরে তস্মান্নিবসধ্বং মহাবলাঃ।
সুখিনস্তামনুপ্রাপ্য ভবিষ্যথ ন সংশয়ঃ॥ ১-১৮৪-১৫ (৮২৭৬)
এবমুক্ৎবা মহাভাগঃ পাণ্ডবান্স পিতামহঃ।
পার্থানামন্ত্র্য কুন্তীং চ প্রাতিষ্ঠত মহাতপাঃ॥ ॥ ১-১৮৪-১৬ (৮২৭৭)

ইতি শ্রীমন্মহাভারতে আদিপর্বণি চৈত্ররথপর্বণি চতুরশীত্যধিকশততমোঽধ্যায়ঃ॥ ১৮৪ ॥

Mahabharata – Adi Parva – Chapter Footnotes

১-১৮৪-৬ বিলগ্নমধ্যা বিলগ্নং সমদেশে শয়নে ভূতলাস্পৃষ্টং মধ্যং শরীরমধ্যভাগো যস্যাঃ সা কৃশমধ্যেতি যাবৎ॥ চতুরশীত্যধিকশততমোঽধ্যায়ঃ॥ ১৮৪ ॥