আদিপর্ব – অধ্যায় ১৭৫

আদিপর্ব – অধ্যায় ১৭৫

॥ শ্রীঃ ॥

১.১৭৫. অধ্যায়ঃ ১৭৫

Mahabharata – Adi Parva – Chapter Topics

কুন্ত্যা বকং প্রতি স্বপুত্রপ্রেষণবচনম্॥ ১ ॥

Mahabharata – Adi Parva – Chapter Text

১-১৭৫-০ (৭৯৩৫)
কুন্ত্যুবাচ। ১-১৭৫-০x (১০১৩)
ন বিষাদস্ৎবয়া কার্যো ভয়াদস্মাৎকথংচন।
উপায়ঃ পরিদৃষ্টোঽত্র তস্মান্মোক্ষায় রক্ষসঃ॥ ১-১৭৫-১ (৭৯৩৬)
`নৈব স্বয়ং সপুত্রস্য গমনং তত্র রোচয়ে।’
একস্তব সুতো বালঃ কন্যা চৈকা তপস্বিনী।
ন চৈতয়োস্তথা পত্ন্যা গমনং তব রোচয়ে॥ ১-১৭৫-২ (৭৯৩৭)
মম পঞ্চ সুতা ব্রহ্মংস্তেষামেকো গমিষ্যতি।
ৎবদর্থং বলিমাদায় তস্য পাপস্য রক্ষসঃ॥ ১-১৭৫-৩ (৭৯৩৮)
ব্রাহ্মণ উবাচ। ১-১৭৫-৪x (১০১৪)
নাহমেতৎকরিষ্যামি জীবিতার্থী কথংচন।
ব্রাহ্মণস্যাতিথেশ্চৈব স্বার্থে প্রাণান্বিয়োজয়ন্॥ ১-১৭৫-৪ (৭৯৩৯)
ন ৎবেতদকুলীনাসু নাধর্মিষ্ঠাসু বিদ্যতে।
যদ্ব্রাহ্মমার্থং বিসৃজেদাত্মানমপি চাত্মজম্॥ ১-১৭৫-৫ (৭৯৪০)
আত্মনস্তু বধঃ শ্রেয়ো বোদ্ধব্যমিতি রোচতে।
ব্রহম্বধ্যাঽঽত্মবধ্যা বা শ্রেয়ানাত্মবধো মম॥ ১-১৭৫-৬ (৭৯৪১)
ব্রহ্মবধ্যা পরং পাপং নিষ্কৃতির্নাত্র বিদ্যতে।
অবুদ্ধিপূর্বং কৃৎবাপি প্রত্যবায়ো হি বিদ্যতে॥ ১-১৭৫-৭ (৭৯৪২)
ন ৎবহং বধমাকাঙ্ক্ষে স্বয়মেবাত্মনঃ শুভে।
পরৈঃ কৃতে বধে পাপং ন কিংচিন্ময়ি বিদ্যতে॥ ১-১৭৫-৮ (৭৯৪৩)
অভিসংধৌ কৃতে তস্মিন্ব্রাহ্মণস্য বধে ময়া।
নিষ্কৃতিং ন প্রপশ্যামি নৃশংসং ক্ষুদ্রমেব চ॥ ১-১৭৫-৯ (৭৯৪৪)
আগতস্য গৃহং ত্যাগস্তথৈব শরণার্থিনঃ।
যাচমানস্য চ বধো নৃশংসো গর্হিতো বুধৈঃ॥ ১-১৭৫-১০ (৭৯৪৫)
কুর্যান্ন নিন্দিতং কর্ম ন নৃশংসং কথংচন।
ইতি পূর্বে মহাত্মান আপদ্ধর্মবিদো বিদুঃ॥ ১-১৭৫-১১ (৭৯৪৬)
শ্রেয়াংস্তু সহদারস্য বিনাশোঽদ্য মম স্বয়ম্।
ব্রাহ্মণস্য বধং নাহমনুমংস্যে কদাচন॥ ১-১৭৫-১২ (৭৯৪৭)
কুন্ত্যুবাচ। ১-১৭৫-১৩x (১০১৫)
মমাপ্যেষা মতির্ব্রহ্মন্বিপ্রা রক্ষ্যা ইতি স্থিরা।
ন চাপ্যনিষ্টঃ পুত্রো মে যদি পুত্রশতং ভবেৎ॥ ১-১৭৫-১৩ (৭৯৪৮)
ন চাসৌ রাক্ষসঃ শক্তো মম পুত্রবিনাশনে।
বীর্যমন্মন্ত্রসিদ্ধশ্চ তেজস্বী চ সুতো মম॥ ১-১৭৫-১৪ (৭৯৪৯)
রাক্ষসায় চ তৎসর্বং প্রাপয়িষ্যতি ভোজনম্।
মোক্ষয়িষ্যতি চাত্মানমিতি মে নিশ্চিতা মতিঃ॥ ১-১৭৫-১৫ (৭৯৫০)
সমাগতাশ্চ বীরেণ দৃষ্টপূর্বাশ্চ রাক্ষসাঃ।
বলবন্তো মহাকায়া নিহতাশ্চাপ্যনেকশঃ॥ ১-১৭৫-১৬ (৭৯৫১)
ন ৎবিদং কেষুচিদ্ব্রহ্মান্ব্যাহর্তব্যং কথংচন।
বিদ্যার্থিনো হি মে পুত্রান্বিপ্রকুর্যুঃ কুতূহলাৎ॥ ১-১৭৫-১৭ (৭৯৫২)
গুরুণা চাননুজ্ঞাতো গ্রাহয়েদ্যঃ সুতো মম।
ন স কুর্যাত্তথা কার্যং বিদ্যযেতি সতাং মতম্॥ ১-১৭৫-১৮ (৭৯৫৩)
বৈশম্পায়ন উবাচ। ১-১৭৫-১৯x (১০১৬)
এবমুক্তস্তু পৃথয়া স বিপ্রো ভার্যযা সহ।
হৃষ্টঃ সংপূজয়ামাস তদ্বাক্যমমৃতোপমম্॥ ১-১৭৫-১৯ (৭৯৫৪)
ততঃ কুন্তী চ বিপ্রশ্চ সহিতাবনিলাত্মজম্।
তমব্রূতাং কুরুষ্বেতি স তথেত্যব্রবীচ্চ তৌ॥ ॥ ১-১৭৫-২০ (৭৯৫৫)

ইতি শ্রীমন্মহাভারতে আদিপর্বণি পঞ্চসপ্তত্যধিকশততমোঽধ্যায়ঃ॥ ১৭৫ ॥

Mahabharata – Adi Parva – Chapter Footnotes

১-১৭৫-৯ অভিসন্ধৌ অভিপ্রায়ে॥ ১-১৭৫-১৭ বিপ্রকুর্যুর্বাধেরন্॥ পঞ্চসপ্তত্যধিকশততমোঽধ্যায়ঃ॥ ১৭৫ ॥