আদিপর্ব – অধ্যায় ১৭৪

আদিপর্ব – অধ্যায় ১৭৪

॥ শ্রীঃ ॥

১.১৭৪. অধ্যায়ঃ ১৭৪

Mahabharata – Adi Parva – Chapter Topics

কুন্ত্যা রোদনকারণপ্রশ্নে ব্রাহ্মণেন বকবৃত্তান্তকথনম্॥ ১ ॥

Mahabharata – Adi Parva – Chapter Text

১-১৭৪-০ (৭৯০৩)
কুন্ত্যুবাচ। ১-১৭৪-০x (১০১১)
কুতোমূলমিদং দুঃখং জ্ঞাতুমিচ্ছামি তত্ৎবতঃ।
বিদিৎবাপ্যপকর্ষেয়ং শক্যং চেদপকর্ষিতুম্॥ ১-১৭৪-১ (৭৯০৪)
ব্রাহ্মণ উবাচ। ১-১৭৪-২x (১০১২)
উপপন্নং সতামেতদ্যদ্ব্রবীপি তপোধনে।
ন তু দুঃখমিদং শক্যং মানুষেণ ব্যপোহিতুম্॥ ১-১৭৪-২ (৭৯০৫)
`তথাপি তত্ৎবমাখ্যাস্যে দুঃখস্যৈতস্য সংভবম্।
শক্যং বা যদি বাঽশক্যং শৃণু ভদ্রে যথাতথম্॥ ১-১৭৪-৩ (৭৯০৬)
সমীপে নগরস্যাস্য বকো বসতি রাক্ষসঃ।
ইতো গব্যূতিমাত্রে।ঞস্তি যমুনাগহ্বরে গুহা॥ ১-১৭৪-৪ (৭৯০৭)
তস্যাং ঘোরঃ স বসতি জিঘাংসুঃ পুরুষাদকঃ।
বকাভিধানো দুষ্টাত্মা রাক্ষসানাং কুলাধমঃ॥ ১-১৭৪-৫ (৭৯০৮)
ঈশো জনপদস্যাস্য পুরস্য চ মহাবলঃ।
পুষ্টো মানুষমাংসেন দুর্বুদ্ধিঃ পুরুষাদকঃ॥ ১-১৭৪-৬ (৭৯০৯)
প্রবলঃ কামরূপী চ রাক্ষসস্তু মহাবলঃ।
তেনোপসৃষ্টা নগরী বর্ষমদ্য ত্রয়োদশম্॥ ১-১৭৪-৭ (৭৯১০)
তৎকৃতে পরচক্রাচ্চ ভূতেভ্যশ্চ ন নো ভয়ম্।
পুরুষাদেন রৌদ্রেণ ভক্ষ্যমাণা দুরাত্মনা॥ ১-১৭৪-৮ (৭৯১১)
অনাথা নগরী নাথং ত্রাতারং নাধিগচ্ছতি।
গুহায়াং চ বসংস্তত্র বাধতে সততং জনম্॥ ১-১৭৪-৯ (৭৯১২)
স্ত্রিয়ো বালাংশ্চ বৃদ্ধাংশ্চ যূনশ্চাপি দুরাত্মবান্।
অত্র মন্ত্রৈশ্চ হোমৈশ্চ ভোজনৈশ্চ স রাক্ষসঃ॥ ১-১৭৪-১০ (৭৯১৩)
ঈডিতো দ্বিজমুখ্যৈশ্চ পূজিতশ্চ দুরাত্মবান্।
যদা চ সকলানেবং প্রসূদয়তি রাক্ষসঃ॥ ১-১৭৪-১১ (৭৯১৪)
অথৈনং ব্রাহ্মণাঃ সর্বে সময়ে সময়োজয়ন্।
মা স্ম কামাদ্বধী রক্ষো দাস্যামস্তে সদা বয়ং॥ ১-১৭৪-১২ (৭৯১৫)
পর্যায়েণ যথাকামমিহ মাংসোদনং প্রভো।
অন্নং মাংসসমায়ুক্তং তিলচূর্ণসমন্বিতম্॥ ১-১৭৪-১৩ (৭৯১৬)
সর্পিষা চ সমায়ুক্তং ব্যঞ্জনৈশ্চ সমন্বিতম্।
সূপাংস্ত্রীন্সতিলান্পিণ্ডাঁল্লাজাপূপসুরাসবান্॥ ১-১৭৪-১৪ (৭৯১৭)
শৃতাশৃতান্পানকুম্ভান্স্থূলমাংসং শৃতাশৃতম্।
বনমাহিষবারাহভাল্লূকং চ শৃতাশৃতম্॥ ১-১৭৪-১৫ (৭৯১৮)
সর্পিঃকুম্ভাংশ্চ বিবিধান্দধিকুম্ভাংস্তথা বহূন্।
সদ্যঃসিদ্ধসমায়ুক্তং তিলচূর্ণৈঃ সমাকুলম্॥ ১-১৭৪-১৬ (৭৯১৯)
কুলাচ্চ পুরুষং চৈকং বলীবর্দৌ চ কালকৌ।
প্রাপ্স্যসি ৎবমসংক্রুদ্ধো রক্ষোভাগং প্রকল্পিতম্॥ ১-১৭৪-১৭ (৭৯২০)
তিষ্ঠেহ সময়েঽস্মাকমিত্যযাচন্ত তং দ্বিজাঃ।
বাঢমিত্যেব তদ্রক্ষস্তদ্বচঃ প্রত্যগৃহ্ণত॥ ১-১৭৪-১৮ (৭৯২১)
পরচক্রাটবীকেভ্যো রক্ষণং স করোতি চ।
তস্মিন্ভাগে সুনির্দিষ্টে স্থিতঃ স সময়ে বলী॥ ১-১৭৪-১৯ (৭৯২২)
একৈকং চৈব পুরুষং সংপ্রয়চ্ছন্তি বেতনম্।
স বারো বহুভির্বর্ষৈর্ভবত্যসুকরো নরৈঃ॥ ১-১৭৪-২০ (৭৯২৩)
তদ্বিমোক্ষায় যে কেচিদ্যতন্তে পুরুষাঃ ক্বচিৎ।
সপুত্রদারাংস্তান্হৎবা তদ্রক্ষো ভক্ষয়ত্যুত॥’ ১-১৭৪-২১ (৭৯২৪)
বেত্রকীয়গৃহে রাজা নায়ং নয়মিহাস্থিতঃ।
উপায়ং তং ন কুরুতে যত্নাদপি স মন্দধীঃ।
অনাময়ং জনস্যাস্য যেন স্যাদদ্য শাশ্বতম্॥ ১-১৭৪-২২ (৭৯২৫)
এতদর্হা বচং নূনং বসামো দুর্বলস্য যে।
বিষয়ে নিত্যবাস্তব্যাঃ কুরাজানমুপাশ্রিতাঃ॥ ১-১৭৪-২৩ (৭৯২৬)
ব্রাহ্মণাঃ কস্য বক্তব্যাঃ কস্য বাচ্ছন্দচারিণঃ।
গুণৈরেতে হি বৎস্যন্তি কামগাঃ পক্ষিণো যথা॥ ১-১৭৪-২৪ (৭৯২৭)
রাজানং প্রথমং বিন্দেত্ততো ভার্যাং ততো ধনম্।
`রাজন্যসতি লোকেঽস্মিন্কুতো ভার্যা কুতো ধনম্।
বয়স্য সংচয়েনাস্য জ্ঞাতীন্পুত্রাংশ্চ তারয়েৎ॥ ১-১৭৪-২৫ (৭৯২৮)
বিপীরতং ময়া চেদং ত্রয়ং সর্বমুপার্জিতম্।
তদিমামাপদং প্রাপ্য ভৃশং তপ্যামহে বয়ম্॥ ১-১৭৪-২৬ (৭৯২৯)
সোঽয়মস্মাননুপ্রাপ্তো বারঃ কুলবিনাশনঃ।
ভোজনং পুরুষশ্চৈকঃ প্রদেয়ং বেতনং ময়া॥ ১-১৭৪-২৭ (৭৯৩০)
ন চ মে বিদ্যতে বিত্তং সংক্রেতুং পুরুষং ক্বচিৎ।
সুহৃজ্জনং প্রদাতুং চ ন শক্ষ্যামি কদাচন॥ ১-১৭৪-২৮ (৭৯৩১)
গতিং চান্যাং ন পশ্যামি তস্মান্মোক্ষায় রক্ষসঃ।
সোঽহং দুঃখার্ণবে মগ্নো মহত্যসুকরে ভৃশম্॥ ১-১৭৪-২৯ (৭৯৩২)
সহৈবৈতৈর্গমিষ্যামি বান্ধবৈরদ্য রাক্ষসম্।
ততো নঃ সহিতান্ক্ষুদ্রঃ সর্বানেবোপভোক্ষ্যতি॥ ১-১৭৪-৩০ (৭৯৩৩)
`দুঃখমূলমিদং ভদ্রে ময়োক্তং প্রশ্নতোঽনঘে॥’ ॥ ১-১৭৪-৩১ (৭৯৩৪)

ইতি শ্রীমন্মহাভারতে আদিপ্রবণি বকবধপর্বণি চতুঃসপ্তত্যধিকশততমোঽধ্যায়ঃ॥ ১৭৪ ॥

Mahabharata – Adi Parva – Chapter Footnotes

১-১৭৪-২২ বেত্রকীয়গৃহে স্থানবিশেষে। ইতোঽদূরে রাজাস্ত্যযমিহ নগরে নয়ং ন আস্থিতঃ। অস্য নগরস্যাবেক্ষাং ন করোতীত্যর্থঃ। স্বয়ং রাক্ষসং হন্তুমশক্তৎবাৎ। নায়ং নায়মিহাস্থিত ইতি খপুস্তকপাঠঃ। নায়ং নায়ং বলিং পুনঃ পুনঃ প্রাপয়্যেত্যর্থঃ। উপায়মপ্যন্যদ্বারা ন কুরুতে যতো মন্দধীঃ॥ ১-১৭৪-২৩ এতদর্হাঃ এতস্য দুঃখস্য যোগ্যাঃ॥ চতুঃসপ্তত্যধিকশততমোঽধ্যায়ঃ॥ ১৭৪ ॥