আদিপর্ব – অধ্যায় ১৭০

আদিপর্ব – অধ্যায় ১৭০

॥ শ্রীঃ ॥

১.১৭০. অধ্যায়ঃ ১৭০

Mahabharata – Adi Parva – Chapter Topics

বনে চরতাং পাণ্ডবানাং ব্যাসেন সান্ৎবনং একচক্রানগর্যাং ব্রাহ্মণগৃহে স্থাপনং চ॥ ১ ॥

Mahabharata – Adi Parva – Chapter Text

১-১৭০-০ (৭৭৪২)
`বৈশম্পায়ন উবাচ। ১-১৭০-০x (৯৯৫)
ততস্তে পাণ্ডবাঃ সর্বে শালিহোত্রাশ্রমে তদা।
পূজিতাস্তেন বন্যেন তমামন্ত্র্য মহামুনিম্॥ ১-১৭০-১ (৭৭৪৩)
জটাঃ কৃৎবাঽঽত্মনঃ সর্বে বল্কলাজিনবাসসঃ।
কুন্ত্যা সহ মহাত্মানো বিভ্রতস্তাপসং বপুঃ॥ ১-১৭০-২ (৭৭৪৪)
ব্রাহ্মং বেদমধীয়ানা বেদাঙ্গানি চ সর্বশঃ।
নীতিশাস্ত্রং চ ধর্মজ্ঞা ন্যায়জ্ঞানং চ পাণ্ডবাঃ॥ ১-১৭০-৩ (৭৭৪৫)
শালিহোত্রপ্রসাদেন লব্ধ্বা প্রীতিমবাপ্য চ।’
তে বনেন বনং গৎবা ঘ্নন্তো মৃগগণান্বহূন্।
অপক্রম্য যয়ূ রাজংস্ৎবরমাণা মহারথাঃ॥ ১-১৭০-৪ (৭৭৪৬)
মৎস্যাংস্ত্রিগর্তান্পাঞ্চালান্কীচকানন্তরেণ চ।
রমণীয়ান্বনোদ্দেশান্প্রেক্ষমাণাঃ সরাংসি চ॥ ১-১৭০-৫ (৭৭৪৭)
ক্বচিদ্বহন্তো জননীং ৎবরমাণা মহারথাঃ।
`ক্বচিচ্ছ্রান্তাশ্চ কান্তারে ক্বচিত্তিষ্ঠন্তি হর্ষিতাঃ’॥ ১-১৭০-৬ (৭৭৪৮)
ক্বচিচ্ছন্দেন গচ্ছন্তস্তে জগ্মুঃ প্রসভং পুনঃ।
পথি দ্বৈপায়ন সর্বে দদৃশুঃ স্বপিতামহম্॥ ১-১৭০-৭ (৭৭৪৯)
তেঽভিবাদ্য মহাত্মানং কৃষ্ণদ্বৈপায়নং তদা।
তস্থুঃ প্রাঞ্জলয়ঃ সর্বে সহ মাত্রা পরন্তপাঃ॥ ১-১৭০-৮ (৭৭৫০)
ব্যাস উবাচ। ১-১৭০-৯x (৯৯৬)
তদাশ্রমান্নির্গমনং ময়া জ্ঞাতং নরর্ষভাঃ।
ঘটোৎকচস্য চোৎপত্তিং জ্ঞাৎবা প্রীতিরবর্ধত॥ ১-১৭০-৯ (৭৭৫১)
ইদং নগরমভ্যাশে রমণীয়ং নিরাময়ম্।
বসতেহ প্রতিচ্ছন্না মমাগমনকাঙ্ক্ষিণঃ॥ ১-১৭০-১০ (৭৭৫২)
বৈশম্পায়ন উবাচ। ১-১৭০-১১x (৯৯৭)
এবং স তান্সমাশ্বাস্য ব্যাসঃ পার্তানরিন্দমান্।
একচক্রামভিগতাং কুন্তীমাশ্বাসয়ৎপ্রভুঃ॥ ১-১৭০-১১ (৭৭৫৩)
শ্রীব্যাস উবাচ। ১-১৭০-১২x (৯৯৮)
কুর্যান্ন কেবলং ধর্মং দুষ্কৃতং চ তথান নরঃ।
সুকৃতং দুষ্কৃতং লোকে ন কর্তা নাস্তি কশ্চন॥ ১-১৭০-১২ (৭৭৫৪)
অবশ্যং লভতে কর্তা ফলং বৈ পুণ্যপাপয়োঃ।
দুষ্কৃতস্য ফলেনৈব প্রাপ্তং ব্যসনমুত্তমম্॥ ১-১৭০-১৩ (৭৭৫৫)
তস্মান্মাধবি মানার্হে মা চ শোকে মনঃ কৃথাঃ। ১-১৭০-১৪ (৭৭৫৬)
বৈশম্পায়ন উবাচ।
এবমুক্ৎবা নিবেশ্যৈনান্ব্রাহ্মণস্য নিবেশনে॥ ১-১৭০-১৪x (৯৯৯)
জগাম ভগবান্ব্যাসো যতাকামমৃষিঃ প্রভুঃ॥ ॥ ১-১৭০-১৫ (৭৭৫৭)

ইতি শ্রীমন্মহাভারতে আদিপর্বণি হিডিম্ববধপর্বণি সপ্তত্যধিকশততমোঽধ্যায়ঃ॥ ১৭০ ॥ ॥ সমাপ্তং হিডিম্ববধপর্ব ॥