আদিপর্ব – অধ্যায় ১৬৯

আদিপর্ব – অধ্যায় ১৬৯

॥ শ্রীঃ ॥

১.১৬৯. অধ্যায়ঃ ১৬৯

Mahabharata – Adi Parva – Chapter Topics

ঘটোৎকচোৎপত্তিঃ॥ ১ ॥ স্মৃতিমাত্রাদাগচ্ছাব ইত্যুক্ৎবা হিডিম্বাঘটোৎকচয়োর্গমনম্॥ ২ ॥

Mahabharata – Adi Parva – Chapter Text

১-১৬৯-০ (৭৭১৮)
বৈশম্পায়ন উবাচ। ১-১৬৯-০x (৯৯১)
গতে ভগবতি ব্যাসে পাণ্ডবা বিগতজ্বরাঃ।
ঊষুস্তত্র চ ষণ্মাসান্বটবৃক্ষে যথাসুখম্॥ ১-১৬৯-১ (৭৭১৯)
শাকমূলফলাহারাস্তপঃ কুর্বন্তি পাণ্ডবাঃ।
অনুজ্ঞাতা মহারাজ ততঃ কমলপালিকা॥ ১-১৬৯-২ (৭৭২০)
রময়ন্তী সদা ভীমং তত্রতত্র মনোজবা।
দিব্যাভরণবস্ত্রা হি দিব্যস্রগনুলেপনা॥ ১-১৬৯-৩ (৭৭২১)
এবং ভ্রাতৄন্সপ্ত মাসান্হিডিম্বাঽবাসয়দ্বনে।
পাণ্ডবান্ভীমসেনার্থে রাক্ষসী কামরূপিণী॥ ১-১৬৯-৪ (৭৭২২)
সুখং স বিহরন্ভীমস্তৎকালং পর্যণাময়ৎ।
ততোঽলভত সা গর্ভং রাক্ষসী কামরূপিণী॥ ১-১৬৯-৫ (৭৭২৩)
অতৃপ্তা ভীমসেনেন সপ্তমাসোপসংগতা।’
প্রজজ্ঞে রাক্ষসী পুত্রং ভীমসেনান্মহাবলাৎ॥ ১-১৬৯-৬ (৭৭২৪)
বিরূপাক্ষং মহাবক্ত্রং শঙ্কুকর্ণং বিভীষণম্।
ভীমরূপং সুতাম্রাক্ষং তীক্ষ্ণদংষ্ট্রং মহারথম্॥ ১-১৬৯-৭ (৭৭২৫)
মহেষ্বাসং মহাবীর্যং মহাসৎবং মহাজবম্।
মহাকায়ং মহাকালং মহাগ্রীবং মহাভুজম্॥ ১-১৬৯-৮ (৭৭২৬)
অমানুষং মানুষজং ভীমবেগমরিন্দমম্।
পিশাচকানতীত্যান্যান্বভূবাতি স মানুষান্॥ ১-১৬৯-৯ (৭৭২৭)
বালোঽপি বিক্রমং প্রাপ্তো মানুষেষু বিশাংপতে।
সর্বাস্ত্রেষু বরো বীরঃ প্রকামমভবদ্বলী॥ ১-১৬৯-১০ (৭৭২৮)
সদ্যো হি গর্ভং রাক্ষস্যো লভন্তে প্রসবন্তি চ।
কামরূপধরাশ্চৈব ভবন্তি বহুরূপিকাঃ॥ ১-১৬৯-১১ (৭৭২৯)
প্রণম্য বিকচঃ পাদাবগৃহ্ণাৎস পিতুস্তদা।
মাতুশ্চ পরমেষ্বাসস্তৌ চ নামাস্য চক্রতুঃ॥ ১-১৬৯-১২ (৭৭৩০)
ঘটোহাস্যোৎকচ ইতি মাতা তং প্রত্যভাষত।
অভবত্তেন নামাস্য ঘটোৎকচ ইতি স্ম হ॥ ১-১৬৯-১৩ (৭৭৩১)
অনুরক্তশ্চ তানাসীৎপাণ্ডবান্স ঘটোৎকচঃ।
তেষাং চ দয়িতো নিত্যমাত্মনিত্যো বভূব হ॥ ১-১৬৯-১৪ (৭৭৩২)
ঘটোৎকচো মহাকায়ঃ পাণ্ডবান্পৃথয়া সহ।
অভিবাদ্য যথান্যায়মব্রবীচ্চ প্রভাষ্য তান্॥ ১-১৬৯-১৫ (৭৭৩৩)
কিং করোম্যহমার্যাণাং নিঃশঙ্কং বদতানঘাঃ।
তং ব্রুবন্তং ভৈমসেনিং কুন্তী বচনমব্রবীৎ॥ ১-১৬৯-১৬ (৭৭৩৪)
ৎবং কুরূণাং কুলে জাতঃ সাক্ষাদ্ভীমসমো হ্যসি।
জ্যেষ্ঠঃ পুত্রোসি পঞ্চানাং সাহায়্যং কুরু পুত্রক॥ ১-১৬৯-১৭ (৭৭৩৫)
বৈশম্পায়ন উবাচ। ১-১৬৯-১৮x (৯৯২)
পৃথয়াপ্যেবমুক্তস্তু প্রণম্যৈব বচোঽব্রবীৎ।
যথা হি রাবণো লোকে ইন্দ্রজিচ্চ মহাবলঃ।
বর্ষ্মবীর্যসমো লোকে বিশিষ্টশ্চাভবং নৃষু॥ ১-১৬৯-১৮ (৭৭৩৬)
কৃত্যকাল উপস্থাস্যে পিতৄনিতি ঘটোৎকচঃ।
আমন্ত্র্য রক্ষসাং শ্রেষ্ঠঃ প্রতস্থে চোত্তরাং দিশম্॥ ১-১৬৯-১৯ (৭৭৩৭)
স হি সৃষ্টো ভগবতা শক্তিহেতোর্মহাত্মনা।
বর্ণস্যাপ্রতিবীর্যস্য প্রতিয়োদ্ধা মহারথঃ॥ ১-১৬৯-২০ (৭৭৩৮)
`ভীম উবাচ। ১-১৬৯-২১x (৯৯৩)
সহ বাসো ময়া জীর্ণস্ৎবয়া কমলপালিকে।
পুনর্দ্রক্ষ্যসি রাজ্যস্থানিত্যভাষত তাং তদা॥ ১-১৬৯-২১ (৭৭৩৯)
হিডিম্বোবাচ। ১-১৬৯-২২x (৯৯৪)
পদা মাং সংস্মরেঃ কান্ত রিরংসূ রহসি প্রভো।
তদা তব বশং ভূয় আগন্তাস্ম্যাশু ভারত॥ ১-১৬৯-২২ (৭৭৪০)
ইত্যুক্ৎবা সা জগামাশু ভাবমাসজ্য পাণ্ডবে।
হিডিম্বা সময়ং স্মৃৎবা স্বাং গতিং প্রত্যপদ্যত॥ ॥ ১-১৬৯-২৩ (৭৭৪১)

ইতি শ্রীমন্মহাভারতে আদিপর্বণি হিডিম্ববধপর্বণি ঊনসপ্তত্যুত্তরশততমোঽধ্যায়ঃ॥ ১৬৯ ॥

Mahabharata – Adi Parva – Chapter Footnotes

১-১৬৯-১২ বিকচঃ কেশহীনঃ॥ ১-১৬৯-১৩ ঘটোহং ঘটবদ্বিতর্ক্যং আস্যং তদুপলক্ষিতং শিরঃ যস্য স ঘটোহাস্যঃ সচাসাবুৎকচশ্চ ঘটোহাস্যোৎকচঃ। ঘটোঽহমুৎকচোঽস্মীতি মাতরং সোঽভ্যভাষত ইতি ঘ.ঙ. পাঠঃ॥ ১৩ ॥ ১-১৬৯-১৪ আত্মনিলঃ স্ববশঃ॥ ঊনসপ্তত্যুত্তরশততমোঽধ্যায়ঃ॥ ১৬৯ ॥