আদিপর্ব – অধ্যায় ১৬৭

আদিপর্ব – অধ্যায় ১৬৭

॥ শ্রীঃ ॥

১.১৬৭. অধ্যায়ঃ ১৬৭

Mahabharata – Adi Parva – Chapter Topics

হিডিম্বাবধে প্রবৃত্তস্য ভীমস্য যুধিষ্ঠিরকৃতং নিবারণং॥ ১ ॥ হিডিম্বয়া স্বস্য ধর্মজ্ঞৎবস্য ভবিষ্যজ্জ্ঞৎবস্য চ প্রকটনম্॥ ২ ॥ হিডিম্বায়া ধর্মিষ্ঠতাং জ্ঞাৎবা তদঙ্গীকরণে ভীমং প্রতি কুন্ত্যা আজ্ঞা॥ ৩ ॥

Mahabharata – Adi Parva – Chapter Text

১-১৬৭-০ (৭৬২৩)
বৈশম্পায়ন উবাচ। ১-১৬৭-০x (৯৭৮)
সা তানেবাপতত্তূর্ণং ভগিনী তস্য রক্ষসঃ।
অব্রুবাণা হিডিম্বা তু রাক্ষসী পাণ্ডবান্প্রতি॥ ১-১৬৭-১ (৭৬২৪)
অভিবাদ্য ততঃ কুন্তীং ধর্মরাজং চ পাণ্ডবম্।
অভিপূজ্য ততঃ সর্বান্ভীমসেনমভাষত॥ ১-১৬৭-২ (৭৬২৫)
অহং তে দর্শাদেব মন্মথস্য বশং গতা।
ক্রূরং ভ্রাতৃবচো হিৎবা সা ৎবামেবানিরুন্ধতী॥ ১-১৬৭-৩ (৭৬২৬)
রাক্ষসে রৌদ্রসঙ্কাশে তবাপশ্যং বিচেষ্টিতম্।
অহং শুশ্রূষুরিচ্ছেয়ং তব গাত্রং নিষেবিতুম্॥’ ১-১৬৭-৪ (৭৬২৭)
ভীমসেন উবাচ। ১-১৬৭-৫x (৯৭৯)
স্মরন্তি বৈরং রক্ষাংসি মায়ামাশ্রিত্য মোহিনীম্।
হিডিম্বে ব্রজ পন্থানং ৎবমিমং ভ্রাতৃসেবিতম্॥ ১-১৬৭-৫ (৭৬২৮)
যুধিষ্ঠির উবাচ। ১-১৬৭-৬x (৯৮০)
ক্রুদ্ধোঽপি পুরুষব্যাঘ্র ভীম মা স্ম স্ত্রিয়ং বধীঃ।
শরীরগুপ্ত্যভ্যধিকং ধর্মং গোপায় পাণ্ডব॥ ১-১৬৭-৬ (৭৬২৯)
বধাভিপ্রায়মায়ান্তমবধীস্ৎবং মহাবলম্।
রক্ষসস্তস্য ভগিনী কিং নঃ ক্রুদ্ধা করিষ্যতি॥ ১-১৬৭-৭ (৭৬৩০)
বৈশম্পায়ন উবাচ। ১-১৬৭-৮x (৯৮১)
হিডিম্বা তু ততঃ কুন্তীমভিবাদ্য কৃতাঞ্জলিঃ।
যুধিষ্ঠিরং তু কৌন্তেয়মিদং বচনমব্রবীৎ॥ ১-১৬৭-৮ (৭৬৩১)
আর্যে জানাসি যদ্দুঃখমিহ স্ত্রীণামনঙ্গজম্।
তদিদং মামনুপ্রাপ্তং ভীমসেনকৃতে শুভে॥ ১-১৬৭-৯ (৭৬৩২)
সোঢং তৎপরমং দুঃখং ময়া কালপ্রতীক্ষয়া।
সোঽয়মভ্যাগতঃ কালো ভবিতা মে সুখোদয়ঃ॥ ১-১৬৭-১০ (৭৬৩৩)
ময়া হ্যুৎসৃজ্য সুহৃদঃ স্বধর্মং স্বজনং তথা।
বৃতোঽয়ং পুরুষব্যাঘ্রস্তব পুত্রঃ পতিঃ শুভে॥ ১-১৬৭-১১ (৭৬৩৪)
বীরেণাঽহং তথাঽনেন ৎবয়া চাপি যশস্বিনী।
প্রত্যাখ্যাতা ন জীবামি সত্যমেতদ্ব্রবীমি তে॥ ১-১৬৭-১২ (৭৬৩৫)
যদর্হসি কৃপাং কর্তুং ময়ি ৎবং বরবর্ণিনি।
মৎবা মূঢেতি তন্মাং ৎবং ভক্তা বাঽনুগতেতি বা॥ ১-১৬৭-১৩ (৭৬৩৬)
ভর্ত্রাঽনেন মহাভাগে সংয়োজয় সুতেন হ।
সমুপাদায় গচ্ছেয়ং যথেষ্টং দেবরূপিণম্।
পুনশ্চৈবানয়িষ্যামি বিস্রম্ভং কুরু মে শুভে॥ ১-১৬৭-১৪ (৭৬৩৭)
`অহং হি সময়ে লপ্স্যে প্রাগ্ভ্রাতুরপর্বজনাৎ।
ততঃ সোঽভ্যপতদ্রাত্রৌ ভীমসেনজিঘাংসয়া॥ ১-১৬৭-১৫ (৭৬৩৮)
যথায়থা বিক্রমতে যথারিমধিতিষ্ঠতি।
তথাতথা সমাসাদ্য পাণ্ডবং কামমোহিতা॥ ১-১৬৭-১৬ (৭৬৩৯)
ন যাতুধান্যহং ৎবার্যে ন চাস্মি রজনীচরী।
ঈশা রক্ষস্স্বসা হ্যস্মি রাজ্ঞি সালকটঙ্কটী॥ ১-১৬৭-১৭ (৭৬৪০)
পুত্রেণ তব সংয়ুক্তা যুবতির্দেববর্ণিনী।
সর্বান্বোঽহমুপস্থাস্যে পুরস্কৃত্য বৃকোদরম্॥ ১-১৬৭-১৮ (৭৬৪১)
অপ্রমত্তা প্রমত্তেষু শুশ্রূষুরসকৃত্ৎবহম্।’
বৃজিনে তারয়িষ্যামি দাসীবচ্চ নরর্ষভাঃ॥ ১-১৬৭-১৯ (৭৬৪২)
পৃষ্ঠেন বো বহিষ্যামি বিমানং সুকৃতানিব।
যূয়ং প্রসাদং কুরুত ভীমসেনো ভজেত মাম্॥ ১-১৬৭-২০ (৭৬৪৩)
`এবং ব্রুবন্তী হ তথা প্রত্যাখ্যাতা ক্রিয়াং প্রতি।
ভূম্যাং দুষ্কৃতিনো লোকান্গমিষ্যেঽহং ন সংশয়ঃ॥ ১-১৬৭-২১ (৭৬৪৪)
অহং হি মনসা ধ্যাৎবা সর্বং বেৎস্যামি সর্বদা।’
আপন্নিস্তরণে প্রাণান্ধারয়িষ্যে ন কেনচিৎ॥ ১-১৬৭-২২ (৭৬৪৫)
সর্বমাবৃত্য কর্তব্যং ধর্মং সমনুপশ্যতা।
আপৎসু যো ধারয়তি স বৈ ধর্মবিদুত্তমঃ॥ ১-১৬৭-২৩ (৭৬৪৬)
ব্যসনং হ্যেব ধর্মস্য ধর্মিণামাপদুচ্যতে।
পুম্যাৎপ্রাণান্ধারয়তি পুণ্যং বৈ প্রাণধারণম্॥ ১-১৬৭-২৪ (৭৬৪৭)
যেন কেনাচরেদ্ধর্মং তস্মিন্গর্হা ন বিদ্যতে।
`মহতোঽত্র স্ত্রিয়ং কামাদ্বাধিতাং ত্রাহি মামপি॥ ১-১৬৭-২৫ (৭৬৪৮)
ধর্মার্থকামমোক্ষেষু দয়াং কুর্বন্তি সাধবঃ।
তত্তু ধর্মমিতি প্রাহুর্মুনয়ো ধর্মবৎসলাঃ॥ ১-১৬৭-২৬ (৭৬৪৯)
দিব্যজ্ঞানেন জানামি ব্যতীতানাগতানহম্।
তস্মাদ্বক্ষ্যামি বঃ শ্রেয় আসন্নং সর উত্তমম্॥ ১-১৬৭-২৭ (৭৬৫০)
অদ্যাসাদ্য সরঃ স্নাৎবা বিশ্রম্য চ বনস্পতৌ।
শ্বঃ প্রভাতে মহদ্ভূতং প্রাদুর্ভূতং জগৎপতিম্॥ ১-১৬৭-২৮ (৭৬৫১)
ব্যাসং কমলপত্রাক্ষং দৃষ্ট্বা শোকং বিহাস্যথ।
ধার্তরাষ্ট্রাদ্বিবাসং চ দহনং বারণাবতে॥ ১-১৬৭-২৯ (৭৬৫২)
ত্রাণং চ বিদুরাত্তুভ্যং বিদিতং জ্ঞানচক্ষুষা।
আবাসে শালিহোত্রস্য স বো বাসং বিধাস্যতি॥ ১-১৬৭-৩০ (৭৬৫৩)
বর্ষবাতাতপসহো হ্যযং পুণ্যো বনস্পতিঃ।
পীতমাত্রে তু পানীয়ে ক্ষুৎপিপাসে বিনশ্যতঃ॥ ১-১৬৭-৩১ (৭৬৫৪)
তপসা শালিহোত্রেণ সরো বৃক্ষশ্চ নির্মিতঃ।
কাদম্বাঃ সারসা হংসাঃ কুরর্যঃ কুররৈঃ সহ॥ ১-১৬৭-৩২ (৭৬৫৫)
রুবন্তি মধুরং গীতং গান্ধর্বস্বনমিশ্রিতম্। ১-১৬৭-৩৩ (৭৬৫৬)
বৈশম্পায়ন উবাচ।
তস্যাস্তদ্বচনং শ্রুৎবা কুন্তী বচনমব্রবীৎ॥ ১-১৬৭-৩৩x (৯৮২)
যুধিষ্ঠিরং মহাপ্রাজ্ঞং সর্বধর্মবিশারদম্। ১-১৬৭-৩৪ (৭৬৫৭)
কুন্ত্যুবাচ।
ৎবং হি ধর্মভৃতাং শ্রেষ্ঠো ময়োক্তং শৃণু ভারত॥ ১-১৬৭-৩৪x (৯৮৩)
রাক্ষস্যেষা হি বাক্যেন ধর্মং বদতি সাধু বৈ।
ভাবেন দুষ্টা ভীমং বৈ কিং করিষ্যতি রাক্ষসী॥ ১-১৬৭-৩৫ (৭৬৫৮)
ভজতাং পাণ্ডবং বীরমপত্যার্থং যদীচ্ছসি।’ ১-১৬৭-৩৬ (৭৬৫৯)
যুধিষ্ঠির উবাচ।
এবমেতদ্যথাঽঽত্থ ৎবং হিডিম্বে নাত্র সংশয়ঃ॥ ১-১৬৭-৩৬x (৯৮৪)
স্থাতব্যং তু ৎবয়া ধর্মে যথা ব্রূয়াং সুমধ্যমে।
`নিত্যং কৃতাহ্নিকা স্নাতা কৃতশৌচা সুরূপিণী॥’ ১-১৬৭-৩৭ (৭৬৬০)
স্নাতং কৃতাহ্নিকং ভদ্রে কৃতকৌতুকমঙ্গলম্।
ভীমসেনং ভজেথাস্ৎবমুদিতে বৈ দিবাকরে॥ ১-১৬৭-৩৮ (৭৬৬১)
অহস্সু বিহরানেন যথাকামং মনোজবা।
অয়ং ৎবানয়িতব্যস্তে ভীমসেনঃ সদা নিশি॥ ১-১৬৭-৩৯ (৭৬৬২)
প্রাক্সন্ধ্যাতো বিমোক্তব্যো রক্ষিতব্যশ্চ নিত্যশঃ।
এবং রমস্ব ভীমেন যাবদ্গর্ভস্য বেদনম্॥ ১-১৬৭-৪০ (৭৬৬৩)
এষ তে সময়ো ভদ্রে শুশ্রূষা চাপ্রমত্তয়া।
নিত্যানুকূলয়া ভূৎবা কর্তব্যং শোভনং ৎবয়া॥ ॥ ১-১৬৭-৪১ (৭৬৬৪)

ইতি শ্রীমন্মহাভারতে আদিপর্বণি হিডিম্ববধপর্বণি সপ্তষষ্ট্যধিকশততমোঽধ্যায়ঃ॥ ১৬৭ ॥

Mahabharata – Adi Parva – Chapter Footnotes

১-১৬৭-৫ ভ্রাতৃসেবিতং পন্থানং মৃত্যুম্॥ সপ্তষষ্ট্যধিকশততমোঽধ্যায়ঃ॥ ১৬৭ ॥