আদিপর্ব – অধ্যায় ১৫৬

আদিপর্ব – অধ্যায় ১৫৬

॥ শ্রীঃ ॥

১.১৫৬. অধ্যায়ঃ ১৫৬

Mahabharata – Adi Parva – Chapter Topics

দুর্যোধনাদেশাৎ পুরোচনেন বারণাবতে জতুগৃহনির্মাণম্॥ ১ ॥

Mahabharata – Adi Parva – Chapter Text

১-১৫৬-০ (৭১৪১)
বৈশম্পায়ন উবাচ। ১-১৫৬-০x (৯২৩)
ধৃতরাষ্ট্রপ্রয়ুক্তেষু পাণ্ডুপুত্রেষু ভারত।
দুর্যোধনঃ পরং হর্ষমগচ্ছৎস দুরাত্মবান্॥ ১-১৫৬-১ (৭১৪২)
`ততঃ সুবলপুত্রশ্চ কর্ণদুর্যোধনাবপি।
দহনে সহ পুত্রায়াঃ কুন্ত্যা মতিমকুর্বত।
মন্ত্রয়িৎবা স তৈঃ সার্ধং দুরাত্মা ধৃতরাষ্ট্রজঃ॥’ ১-১৫৬-২ (৭১৪৩)
স পুরোচনমেকান্তমানীয় ভরতর্ষভ।
গৃহীৎবা দক্ষিণে পাণৌ সচিবং বাক্যমব্রবীৎ॥ ১-১৫৬-৩ (৭১৪৪)
মমেয়ং বসুসংপূর্ণা পুরোচন বসুন্ধরা।
যথৈব ভবিতা তাত তথা ৎবং দ্রষ্টুমর্হসি॥ ১-১৫৬-৪ (৭১৪৫)
ন হি মে কশ্চিদন্যোঽস্তি বিশ্বাসিকতরস্ৎবয়া।
সহায়ো যেন সন্ধায় মন্ত্রয়েয়ং যথা ৎবয়া॥ ১-১৫৬-৫ (৭১৪৬)
সংরক্ষ তাত মন্ত্রং চ সপত্নাংশ্চ মমোদ্ধর।
নিপুণেনাভ্যুপায়েন যদ্ব্রবীমি তথা কুরু॥ ১-১৫৬-৬ (৭১৪৭)
পাণ্ডবা ধৃতরাষ্ট্রেণ প্রেষিতা বারণাবতম্।
উৎসবে বিহরিষ্যন্তি ধৃতরাষ্ট্রস্য শাসনাৎ॥ ১-১৫৬-৭ (৭১৪৮)
স ৎবং রাসভয়ুক্তেন স্যন্দনেনাশুগামিনা।
বারণাবতমদ্যৈব যথা যাসি তয়া কুরু॥ ১-১৫৬-৮ (৭১৪৯)
তত্র গৎবা চতুঃশালং গৃহং পরমসংবৃতম্।
নগরোপান্তমাশ্রিত্য কারয়েথা মহাধনম্॥ ১-১৫৬-৯ (৭১৫০)
শণসর্জরসাদীনি যানি দ্রব্যাণি কানিচিৎ।
আগ্নেয়ান্যুত সন্তীহ তানি তত্র প্রদাপয়॥ ১-১৫৬-১০ (৭১৫১)
`বল্বজেন চ সংমিশ্রং মধূচ্ছিষ্টেন চৈব হি।’
সর্পিস্তৈলবসাভিশ্চ লাক্ষয়া চাপ্যনল্পয়া।
মৃত্তিকাং মিশ্রয়িৎবা ৎবং লেপং কুড্যেষু দাপয়॥ ১-১৫৬-১১ (৭১৫২)
শণং তৈলং ঘৃতং চৈব জতু দারূণি চৈব হি।
তস্মিন্বেশ্মনি সর্বাণি নিক্ষিপেথাঃ সমন্ততঃ॥ ১-১৫৬-১২ (৭১৫৩)
`লাক্ষাশমমধূচ্ছিষ্টবেষ্টিতানি মৃদাপি চ।
লেপয়িৎবা গুরূণ্যাশু দারুয়ন্ত্রাণি দাপয়॥’ ১-১৫৬-১৩ (৭১৫৪)
যথা চ তন্ন পশ্যেরন্পরীক্ষন্তোঽপি পাণ্ডবাঃ।
আগ্নেয়মিতি তৎকার্যমপি চান্যেঽপি মানবাঃ॥ ১-১৫৬-১৪ (৭১৫৫)
বেশ্মন্যেবং কৃতে তত্র কৃৎবা তান্পরমার্চিতান্।
বাসয়েথাঃ পাণ্ডবেয়ান্কুন্তীং চ সসুহৃজ্জনাম্॥ ১-১৫৬-১৫ (৭১৫৬)
আসনানি চ দিব্যানি যানানি শয়নানি ন।
নিঘাতব্যানি পাণ্ডূনাং যথা তুষ্যেচ্চ মে পিতা॥ ১-১৫৬-১৬ (৭১৫৭)
যথা চ তন্ন জানন্তি নগরে বারণাবতে।
`যথা রমেরন্বিস্রব্ধা নগরে বারণাবতে।’
তথা সর্বং বিধাতব্যং যাবৎকালস্য পর্যযঃ॥ ১-১৫৬-১৭ (৭১৫৮)
জ্ঞাৎবা চ তান্সুবিশ্বস্তাঞ্শয়ানানকুতোভয়ান্।
অগ্নিস্ৎবয়া ততো দেয়ো দ্বারতস্তস্য বেশ্মনঃ॥ ১-১৫৬-১৮ (৭১৫৯)
দগ্ধানেবং স্বকে গেহে দাহিতাঃ পাণ্ডবা ইতি।
ন গর্হয়েয়ুরস্মান্বৈ পাণ্ডবার্থায় কর্হিচিৎ॥ ১-১৫৬-১৯ (৭১৬০)
স তথেতি প্রতিজ্ঞায় কৌরবায় পুরোচনঃ।
প্রায়াদ্রাসভয়ুক্তেন স্যন্দনেনাশুগামিনা॥ ১-১৫৬-২০ (৭১৬১)
স গৎবা ৎবরিতং রাজন্দুর্যোধনমতে স্থিতঃ।
যথোক্তং রাজপুত্রেণ সর্বং চক্রে পুরোচনঃ॥ ১-১৫৬-২১ (৭১৬২)
`তেষাং তু পাণ্ডবেয়ানাং গৃহং রৌদ্রমকল্পয়ৎ॥’ ॥ ১-১৫৬-২২ (৭১৬৩)

ইতি শ্রীমন্মহাভারতে আদিপর্বণি জতুগৃহপর্বণি ষট্পঞ্চাশদধিকশততমোঽধ্যায়ঃ॥ ১৫৬ ॥

Mahabharata – Adi Parva – Chapter Footnotes

১-১৫৬-৬ উদ্ধর উন্মূলয়॥ ১-১৫৬-১০ আগ্নেয়ান্যগ্নিসংদীপকানি॥ ষট্পঞ্চাশদধিকশততমোঽধ্যায়ঃ॥ ১৫৬ ॥