আদিপর্ব – অধ্যায় ১৫৫

আদিপর্ব – অধ্যায় ১৫৫

॥ শ্রীঃ ॥

১.১৫৫. অধ্যায়ঃ ১৫৫

Mahabharata – Adi Parva – Chapter Topics

দুর্যোধনেন দানাদিনা প্রকৃতিবশীকরণম্॥ ১ ॥ পাণ্ডবানাং বারণাবতয়াত্রার্থং ধৃতরাষ্ট্রানুজ্ঞা॥ ২ ॥

Mahabharata – Adi Parva – Chapter Text

১-১৫৫-০ (৭১১৮)
বৈশম্পায়ন উবাচ। ১-১৫৫-০x (৯২০)
ততো দুর্যোধনো রাজা সর্বাস্তু প্রকৃতীঃ শনৈঃ।
অর্থমানপ্রদানাভ্যাং সংজহার সহানুজঃ।
`যুয়ুৎসুমপনীয়ৈকং ধার্তরাষ্ট্রং সহোদরম্॥’ ১-১৫৫-১ (৭১১৯)
ধৃতরাষ্ট্রপ্রয়ুক্তাস্তু কেচিৎকুশলমন্ত্রিণঃ।
কথয়াঞ্চক্রিরে রম্যং নগরং বারণাবতম্॥ ১-১৫৫-২ (৭১২০)
অয়ং সমাজঃ সুমহান্রমণীয়তমো ভুবি।
উপস্থিতঃ পশুপতের্নগরে বারণাবতে॥ ১-১৫৫-৩ (৭১২১)
সর্বরত্নসমাকীর্ণে পুণ্যদেশে মনোরমে।
ইত্যেবং ধৃতরাষ্ট্রস্য বচনাচ্চক্রিরে কথাঃ॥ ১-১৫৫-৪ (৭১২২)
কথ্যমানে তথা রম্যে নগরে বারণাবতে।
গমনে পাণ্ডুপুত্রাণাং জজ্ঞে তত্র মতির্নৃপ॥ ১-১৫৫-৫ (৭১২৩)
যদা ৎবমন্যত নৃপো জাতকৌতূহলা ইতি।
উবাচৈতানেত্য তদা পাণ্ডবানম্বিকাসুতঃ॥ ১-১৫৫-৬ (৭১২৪)
`অধীতানি চ শাস্ত্রাণি যুষ্মাভিরিহ কৃৎস্নশঃ।
অস্ত্রাণি চ তথা দ্রোণাদ্গৌতমাচ্চ শরদ্বতঃ॥ ১-১৫৫-৭ (৭১২৫)
কৃতকৃত্যা ভবন্তস্তু সর্ববিদ্যাবিশারদাঃ।
সোঽহমেবং গতে তাতাশ্চিন্তয়ামি সমন্ততঃ।
রক্ষণে ব্যবহারে চ রাজ্যস্য সততং হিতে॥’ ১-১৫৫-৮ (৭১২৬)
মমৈতে পুরুষা নিত্যং কথয়ন্তি পুনঃপুনঃ।
রমণীয়তমং লোকে নগরং বারণাবতম্॥ ১-১৫৫-৯ (৭১২৭)
তে তাতা যদি মন্যধ্বমুৎসবং বারণাবতে।
সগণাঃ সান্বয়াশ্চৈব বিহরধ্বং যথাঽমরাঃ॥ ১-১৫৫-১০ (৭১২৮)
ব্রাহ্মণেভ্যশ্চ রত্নানি গায়নেভ্যশ্চ সর্বশঃ।
প্রয়চ্ছধ্বং যথাকামং দেবা ইব সুবর্চসঃ॥ ১-১৫৫-১১ (৭১২৯)
কংচিৎকালং বিহৃত্যৈবমনুভূয় পরাং মুদম্।
ইদং বৈ হাস্তিনপুরং সুখিনঃ পুনরেষ্যথ॥ ১-১৫৫-১২ (৭১৩০)
`নিবসধ্বং চ তত্রৈব সংরক্ষণপরায়ণাঃ।
বৈলক্ষণ্যং ন বৈ তত্র ভবিষ্যতি পরংতপাঃ॥’ ১-১৫৫-১৩ (৭১৩১)
বৈশম্পায়ন উবাচ। ১-১৫৫-১৪x (৯২১)
ধৃতরাষ্ট্রস্য তং কামমনুবুধ্য যুধিষ্ঠিরঃ।
আত্মনশ্চাসহায়ৎবং তথেতি প্রত্যুবাচ তম্॥ ১-১৫৫-১৪ (৭১৩২)
ততো ভীষ্মং শান্তনবং বিদুরং চ মহামতিম্।
দ্রোণং চ বাহ্লিকং চৈব সোমদত্তং চ কৌরবম্॥ ১-১৫৫-১৫ (৭১৩৩)
কৃপমাচার্যপুত্রং চ ভূরিশ্রবসমেব চ।
মান্যানন্যানমাত্যাংশ্চ ব্রাহ্মণাংশ্চ তপোধনান্॥ ১-১৫৫-১৬ (৭১৩৪)
পুরোহিতাংশ্চ পৌত্রাংশ্চ গান্ধারীং চ যশস্বিনীম্।
`সর্বা মাতৄরুপস্পৃষ্ট্বা বিদুরস্য চ যোষিতঃ।’
যুধিষ্ঠিরঃ শনৈর্দীন উবাচেদং বচস্তদা॥ ১-১৫৫-১৭ (৭১৩৫)
রমণীয়ে জনাকীর্ণে নগরে বারণাবতে।
সগণাস্তত্র যাস্যামো ধৃতরাষ্ট্রস্য শাসনাৎ॥ ১-১৫৫-১৮ (৭১৩৬)
প্রসন্নমনসঃ সর্বে পুণ্যা বাচো বিমুঞ্চত।
আশীর্ভির্বৃহিতানস্মান্ন পাপং প্রসহিষ্যতে॥ ১-১৫৫-১৯ (৭১৩৭)
বৈশম্পায়ন উবাচ। ১-১৫৫-২০x (৯২২)
এবমুক্তাস্তু তে সর্বে পাণ্ডুপুত্রেণ কৌরবাঃ।
প্রসন্নবদনা ভূৎবা তেঽন্ববর্তন্ত পাণ্ডবান্॥ ১-১৫৫-২০ (৭১৩৮)
স্বস্ত্যস্তু বঃ পথি সদা ভূতেভ্যশ্চৈব সর্বশঃ।
মা চ বোস্ৎবশুভং কিংচিৎসর্বশঃ পাণ্ডুনন্দনাঃ॥ ১-১৫৫-২১ (৭১৩৯)
ততঃ কৃতস্বস্ত্যযনা রাজ্যলাভায় পার্থিবাঃ।
কৃৎবা সর্বাণি কার্যাণি প্রয়যুর্বারণাবতম্॥ ॥ ১-১৫৫-২২ (৭১৪০)

ইতি শ্রীমন্মহাভারতে আদিপর্বণি জতুগৃহপর্বণি পঞ্চপঞ্চাশদধিকশততমোঽধ্যায়ঃ॥ ১৫৫ ॥