আদিপর্ব – অধ্যায় ১৫০

আদিপর্ব – অধ্যায় ১৫০

॥ শ্রীঃ ॥

১.১৫০. অধ্যায়ঃ ১৫০

Mahabharata – Adi Parva – Chapter Topics

দ্রুপদোৎপত্তিঃ॥ ১ ॥

Mahabharata – Adi Parva – Chapter Text

১-১৫০-০ (৬৮৫৩)
জনমেজয় উবাচ। ১-১৫০-০x (৮৯২)
দ্রুপদস্যাপি বিপ্রর্ষে শ্রোতুমিচ্ছামি সংভবম্।
কথং চাপি সমুৎপন্নঃ কথমস্ত্রাণ্যবাপ্তবান্॥’ ১-১৫০-১ (৬৮৫৪)
এতদিচ্ছামি ভগবংস্ৎবত্তঃ শ্রোতুং দ্বিজোত্তম।
কৌতূহলং জন্মসু মে কীর্ত্যমানেষ্বনেকশঃ॥ ১-১৫০-২ (৬৮৫৫)
বৈশম্পায়ন উবাচ। ১-১৫০-৩x (৮৯৩)
রাজা বভূব পাঞ্চালঃ পুত্রার্থী পুত্রকারণাৎ।
বনং গতো মহারাজস্তপস্তেপে সুদারুণম্॥ ১-১৫০-৩ (৬৮৫৬)
আরাধয়ন্প্রয়ত্নেন মহর্ষীন্সংশিতব্রতান্।
তস্য সংতপ্যমানস্য বনে মৃগগণায়ুতে॥ ১-১৫০-৪ (৬৮৫৭)
কালস্তু সুমহান্রাজন্নত্যযাৎসুতকারণাৎ।
স তু রাজা মহাতেজাস্তপস্তীব্রং সমাদদে॥ ১-১৫০-৫ (৬৮৫৮)
কংচিৎকালং বায়ুভক্ষো নিরাহারস্তথৈব চ।
তথৈব তু মহাবাহোর্বর্তমানস্য ভারত॥ ১-১৫০-৬ (৬৮৫৯)
কালস্তস্য মহারাজ যাতো বৈ নৃপসত্তম।
ততো নাতিচিরাৎকালে বসন্তে কামদীপনে॥ ১-১৫০-৭ (৬৮৬০)
ফুল্লাশোকবনে চৈব প্রাণিনাং সুমনোহরে।
নদ্যাস্তীরং ততো গৎবা গঙ্গায়াঃ পদ্মলোচনঃ॥ ১-১৫০-৮ (৬৮৬১)
নিয়মস্থশ্চ রাজাসীত্তদা ভরতসত্তম।
ততো নাতিচিরাৎকালে বনং তন্মনুজেশ্বর॥ ১-১৫০-৯ (৬৮৬২)
সংপ্রাপ্তা হ্যপ্সরা রাজন্মেনকেত্যভিবিশ্রুতা।
পুষ্পদ্রুমান্সজ্জমানা রাজ্ঞো দর্শনমাগমৎ॥ ১-১৫০-১০ (৬৮৬৩)
ন দদর্শ তু সা রাজংস্তত্র স্থানগতং নৃপম্।
দৃষ্ট্বা চাপ্সরসং তাং তু শুক্রং রাজ্ঞোঽপতদ্ভুবি॥ ১-১৫০-১১ (৬৮৬৪)
ততঃ স রাজা রাজেন্দ্র লজ্জয়া নৃপতিঃ স্বয়ম্।
পদ্ভ্যামাক্রমতায়ুষ্মংস্ততস্তু দ্রুপদোঽভবৎ॥ ১-১৫০-১২ (৬৮৬৫)
ততস্তু তপসা তস্য রাজর্ষের্ভাবিতাত্মনঃ।
পুত্রঃ সমভবচ্ছীঘ্রং পদোস্তস্য ক্রমেণ তু॥ ১-১৫০-১৩ (৬৮৬৬)
তেনাস্য ঋষয়ঃ সর্বে সমাগম্য তপোধনাঃ।
নাম চুক্রুর্হি বিদ্বাংসো দ্রুপদোঽস্ৎবিতি ভারত॥ ১-১৫০-১৪ (৬৮৬৭)
স তস্যৈবাশ্রমে রাজন্ভরদ্বাজস্য ভারত।
ববৃধে সুমুখং তত্র কামৈঃ সর্বৈর্নৃপোত্তম॥ ১-১৫০-১৫ (৬৮৬৮)
পাঞ্চালোঽপি হি রাজেন্দ্র স্বরাজ্যং গতবান্প্রভুঃ।
ভরদ্বাজস্য বিদ্যার্থং সুতং দৎবা মহাত্মনঃ॥ ১-১৫০-১৬ (৬৮৬৯)
স কুমারস্ততো রাজন্দ্রোণেন সহিতো বনে।
বেদাংশ্চাধিজগে সাঙ্গান্ধনুর্বেদাংশ্চ ভারত॥ ১-১৫০-১৭ (৬৮৭০)
পরয়া স মুদা যুক্তো বিচচার বনে সুখম্।
তস্যৈবং বর্তমানস্য বনে বনচরৈঃ সহ॥ ১-১৫০-১৮ (৬৮৭১)
কালেনাতিচিরাদ্রাজন্পিতা স্বর্গমুপেয়িবান্।
স সমাগম্য পাঞ্চালৈঃ পাঞ্চালেষ্বভিষেচিতঃ॥ ১-১৫০-১৯ (৬৮৭২)
প্রাপ্তশ্চ রাজ্যং রাজেন্দ্র সুহৃদাং প্রীতিবর্ধনঃ।
রাজ্যং ররক্ষ ধর্মেণ যথা চেন্দ্রস্ত্রিবিষ্টপম্॥ ১-১৫০-২০ (৬৮৭৩)
এতন্ময়া তে রাজেন্দ্র যথাবৎপরিকীর্তিতম্।
দ্রুপদস্য চ রাজর্ষের্ধৃষ্টদ্যুম্নস্য জন্ম চ॥ ॥ ১-১৫০-২১ (৬৮৭৪)

ইতি শ্রীমন্মহাভারতে আদিপর্বণি সংভবপর্বণি পঞ্চাশদধিকশততমোঽধ্যায়ঃ॥ ১৫০ ॥