আদিপর্ব – অধ্যায় ১৪৬
॥ শ্রীঃ ॥
১.১৪৬. অধ্যায়ঃ ১৪৬
Mahabharata – Adi Parva – Chapter Topics
কর্ণস্য পরীক্ষা॥ ১ ॥ কর্ণার্জুনয়োর্যুদ্ধপ্রসঙ্গঃ॥ ২ ॥ কৃপেণ কর্ণস্যাধিক্ষেপঃ, কর্ণস্য দুর্যোধনেন রাজ্যাভিষেচনং চ॥ ৩ ॥
Mahabharata – Adi Parva – Chapter Text
১-১৪৬-০ (৬৬২০)
বৈশম্পায়ন উবাচ। ১-১৪৬-০x (৮৬৪)
`এতস্মিন্নেব কালে তু তস্মিঞ্জনসমাগমে।’
দত্তেঽবকাশে পুরুষৈর্বিস্ময়োৎফুল্ললোচনঃ।
বিবেশ রঙ্গং বিস্তীর্ণং কর্ণঃ পরপুরঞ্জয়ঃ॥ ১-১৪৬-১ (৬৬২১)
সহজং কবচং বিভ্রৎকুণ্ডলোদ্দ্যোতিতাননঃ।
স ধনুর্বদ্ধনিস্ত্রিংশঃ পাদচারীব পর্বতঃ॥ ১-১৪৬-২ (৬৬২২)
কন্যাগর্ভঃ পৃথুয়শাঃ পৃথায়াঃ পৃথুলোচনঃ।
তীক্ষ্ণাংশোর্ভাস্করস্যাংশঃ কর্ণোঽরিগণসূদনঃ॥ ১-১৪৬-৩ (৬৬২৩)
সিংহর্ষভগজেন্দ্রাণাং বলবীর্যপরাক্রমঃ।
দীপ্তিকান্তিদ্যুতিগুণৈঃ সূর্যেন্দুজ্বলনোপমঃ॥ ১-১৪৬-৪ (৬৬২৪)
প্রাংশুঃ কনকতালাভঃ সিংহসংহননো যুবা।
অসঙ্খ্যেয়গুণঃ শ্রীমান্ভাস্করস্যাত্মসংভবঃ॥ ১-১৪৬-৫ (৬৬২৫)
স নিরীক্ষ্য মহাবাহুঃ সর্বতো রঙ্গমণ্ডলম্।
প্রণামং দ্রোণকৃপয়োর্নাত্যাদৃতমিবাকরোৎ॥ ১-১৪৬-৬ (৬৬২৬)
স সমাজজনঃ সর্বো নিশ্চলঃ স্থিরলোচনঃ।
কোঽয়মিত্যাগতক্ষোভঃ কৌতূহলপরোঽভবৎ॥ ১-১৪৬-৭ (৬৬২৭)
সোঽব্রবীন্মেঘগম্ভীরস্বরেণ বদতাং বরঃ।
ভ্রাতা ভ্রাতরমজ্ঞাতং সাবিত্রঃ পাকশাসনিম্॥ ১-১৪৬-৮ (৬৬২৮)
পার্থ যত্তে কৃতং কর্ম বিশেষবদহং ততঃ।
করিষ্যে পশ্যতাং নৄণাং মাঽঽত্মনা বিস্ময়ং গমঃ॥ ১-১৪৬-৯ (৬৬২৯)
অসমাপ্তে ততস্তস্য বচনে বদতাং বর।
যন্ত্রোৎক্ষিপ্ত ইবোত্তস্থৌ ক্ষিপ্রং বৈ সর্বতো জনঃ॥ ১-১৪৬-১০ (৬৬৩০)
প্রীতিশ্চ মনুজব্যাঘ্র দুর্যোধনমুপাবিশৎ।
হ্রীশ্চ ক্রোধশ্চ বীভৎসুং ক্ষণেনান্বাবিবেশ হ॥ ১-১৪৬-১১ (৬৬৩১)
ততো দ্রোণাভ্যনুজ্ঞাতঃ কর্ণঃ প্রিয়রণঃ সদা।
যৎকৃতং তত্র পার্থেন তচ্চকার মহাবলঃ॥ ১-১৪৬-১২ (৬৬৩২)
অথ দুর্যোধনস্তত্র ভ্রাতৃভিঃ সহ ভারত।
কর্ণং পরিষ্বজ্য মুদা ততো বচনমব্রবীৎ॥ ১-১৪৬-১৩ (৬৬৩৩)
স্বাগতং তে মহাবাহো দিষ্ট্যা প্রাপ্তোঽসি মানদ।
অহং চ কুরুরাজ্যং চ যথেষ্টমুপভুজ্যতাম্॥ ১-১৪৬-১৪ (৬৬৩৪)
কর্ণ উবাচ। ১-১৪৬-১৫x (৮৬৫)
কৃতং সর্বমহং মন্যে সখিৎবং চ ৎবয়া বৃণে।
দ্বন্দ্বয়ুদ্ধং চ পার্থেন কর্তুমিচ্ছাম্যহং প্রভো॥ ১-১৪৬-১৫ (৬৬৩৫)
`বৈশম্পায়ন উবাচ। ১-১৪৬-১৬x (৮৬৬)
এবমুক্তস্তু কর্ণেন রাজন্দুর্যোধনস্তদা।
কর্ণং দীর্ঘাঞ্চিতভুজং পরিষ্বজ্যেদমব্রবীৎ॥’ ১-১৪৬-১৬ (৬৬৩৬)
ভুঙ্ক্ষ্ব ভোগান্ময়া সার্ধং বন্ধূনাং প্রিয়কৃদ্ভব।
দুর্হৃদাং কুরু সর্বেষাং মূর্ধ্নি পাদমরিন্দম॥ ১-১৪৬-১৭ (৬৬৩৭)
বৈশম্পায়ন উবাচ। ১-১৪৬-১৮x (৮৬৭)
ততঃ ক্ষিপ্তমিবাত্মানং মৎবা পার্থোঽভ্যভাষত।
কর্ণং ভ্রাতৃসমূহস্য মধ্যেঽচলমিব স্থিতম্॥ ১-১৪৬-১৮ (৬৬৩৮)
অর্জুন উবাচ। ১-১৪৬-১৯x (৮৬৮)
অনাহূতোপসৃষ্টানামনাহূতোপজল্পিনাম্।
যে লোকাস্তান্হতঃ কর্ণ ময়া ৎবং প্রতিপৎস্যসে॥ ১-১৪৬-১৯ (৬৬৩৯)
কর্ণ উবাচ। ১-১৪৬-২০x (৮৬৯)
রঙ্গোঽয়ং সর্বসামান্যঃ কিমত্র তব ফাল্গুন।
বীর্যশ্রেষ্ঠাশ্চ রাজানো বলং ধর্মোঽনুবর্ততে॥ ১-১৪৬-২০ (৬৬৪০)
কিং ক্ষেপৈর্দুর্বলায়াসৈঃ শরৈঃ কথয় ভারত।
গুরোঃ সমক্ষং যাবত্তে হরাম্যদ্য শিরঃ শরৈঃ॥ ১-১৪৬-২১ (৬৬৪১)
বৈশম্পায়ন উবাচ। ১-১৪৬-২২x (৮৭০)
ততো দ্রোণাভ্যনুজ্ঞাতঃ পার্তঃ পরপুরঞ্জয়ঃ।
ভ্রাতৃভিস্ৎবরয়াশ্লিষ্টো রণায়োপজগাম তম্॥ ১-১৪৬-২২ (৬৬৪২)
ততো দুর্যোধনেনাপি স ভ্রাত্রা সমরোদ্যতঃ।
পরিষ্বক্তঃ স্থিতঃ কর্ণঃ প্রগৃহ্য সশরং ধনুঃ॥ ১-১৪৬-২৩ (৬৬৪৩)
ততঃ সবিদ্যুৎস্তনিতৈঃ সেন্দ্রায়ুধপুরোগমৈঃ।
আবৃতং গগনং মেঘৈর্বলাকাপঙ্ক্তিহাসিভিঃ॥ ১-১৪৬-২৪ (৬৬৪৪)
ততঃ স্নেহাদ্ধরিহয়ং দৃষ্ট্বা রঙ্গাবলোকিনম্।
ভাস্করোঽপ্যনয়ন্নাশং সমীপোপগতান্ঘনান্॥ ১-১৪৬-২৫ (৬৬৪৫)
মেঘচ্ছায়োপগূঢস্তু ততোঽদৃশ্যত ফাল্গুনঃ।
সূর্যাতপপরিক্ষিপ্তঃ কর্ণোঽপি সমদৃশ্যত॥ ১-১৪৬-২৬ (৬৬৪৬)
ধার্তরাষ্ট্রা যতঃ কর্ণস্তস্মিন্দেশে ব্যবস্থিতাঃ।
ভারদ্বাজঃ কৃপো ভীষ্মো যতঃ পার্থস্ততোঽভবন্॥ ১-১৪৬-২৭ (৬৬৪৭)
দ্বিধা রঙ্গঃ সমভবৎস্ত্রীণাং দ্বৈধমজায়ত।
কুন্তিভোজসুতা মোহং বিজ্ঞাতার্থা জগাম হ॥ ১-১৪৬-২৮ (৬৬৪৮)
তাং তথা মোহমাপন্নাং বিদুরঃ সর্বধর্মবিৎ।
কুন্তীমাশ্বাসয়ামাস প্রেষ্যাভিশ্চন্দনোদকৈঃ॥ ১-১৪৬-২৯ (৬৬৪৯)
ততঃ প্রত্যাগতপ্রাণা তাবুভৌ পরিদংশিতৌ।
পুত্রৌ দৃষ্ট্বা সুসংভ্রান্তা নান্বপদ্যত কিংচন॥ ১-১৪৬-৩০ (৬৬৫০)
তাবুদ্যতমহাচাপৌ কৃপঃ শারদ্বতোঽব্রবীৎ।
দ্বন্দ্বয়ুদ্ধসমাচারে কুশলঃ সর্বধর্মবিৎ॥ ১-১৪৬-৩১ (৬৬৫১)
অয়ং পৃথায়াস্তনয়ঃ কনীয়ান্পাণ্ডুনন্দনঃ।
কৌরবো ভবতা সার্ধং দ্বন্দ্বয়ুদ্ধং করিষ্যতি॥ ১-১৪৬-৩২ (৬৬৫২)
ৎবমপ্যেবং মহাবাহো মাতরং পিতরং কুলম্।
কথয়স্ব নরেন্দ্রাণাং যেষাং ৎবং কুলভূষণম্॥ ১-১৪৬-৩৩ (৬৬৫৩)
ততো বিদিৎবা পার্থস্ৎবাং প্রতিয়োৎস্যতি বা ন বা।
বৃথাকুলসমাচারৈর্ন যুধ্যন্তে নৃপাত্মজাঃ॥ ১-১৪৬-৩৪ (৬৬৫৪)
বৈশম্পায়ন উবাচ। ১-১৪৬-৩৫x (৮৭১)
এবমুক্তস্য কর্ণস্য ব্রীডাবনতমাননম্।
বভৌ বর্ষাম্বুবিক্লিন্নং পদ্মমাগলিতং যথা॥ ১-১৪৬-৩৫ (৬৬৫৫)
দুর্যোধন উবাচ। ১-১৪৬-৩৬x (৮৭২)
আচার্য ত্রিবিধা যোনী রাজ্ঞাং শাস্ত্রবিনিশ্চয়ে।
সৎকুলীনশ্চ শূরশ্চ যশ্চ সেনাং প্রকর্ষতি॥ ১-১৪৬-৩৬ (৬৬৫৬)
`অদ্ভ্যোঽগ্নির্ব্রহ্মতঃ ক্ষত্রমশ্মনো লোহমুত্থিতম্।
তেষাং সর্বত্রগং তেজঃ স্বাসু যোনিষু শাম্যতি॥’ ১-১৪৬-৩৭ (৬৬৫৭)
যদ্যযং ফাল্গুনো যুদ্ধে নারাজ্ঞা যোদ্ধুমিচ্ছতি।
তস্মাদেষোঽঙ্গবিষয়ে ময়া রাজ্যেঽভিষিচ্যতে॥ ১-১৪৬-৩৮ (৬৬৫৮)
বৈশম্পায়ন উবাচ। ১-১৪৬-৩৯x (৮৭৩)
`ততো রাজানমামন্ত্র্য গাঙ্গেয়ং চ পিতামহম্।
অভিষেকস্য সংভারান্সমানীয় দ্বিজাতিভিঃ॥ ১-১৪৬-৩৯ (৬৬৫৯)
গোসহস্রায়ুতং দত্ৎবা যুক্তানাং পুণ্যকর্মণাম্।
অর্হোঽয়মঙ্গরাজ্যস্য ইতি বাচ্য দ্বিজাতিভিঃ’॥ ১-১৪৬-৪০ (৬৬৬০)
ততস্তস্মিন্ক্ষণে কর্ণঃ সলাজকুসুমৈর্ঘটৈঃ।
কাঞ্চনৈঃ কাঞ্চনে পীঠে মন্ত্রবিদ্ভির্মহারথঃ॥ ১-১৪৬-৪১ (৬৬৬১)
অভিষিক্তোঽঙ্গরাজে স শ্রিয়া যুক্তো মহাবলঃ।
`স মৌলিহারকেয়ূরঃ সহস্তাভরণাঙ্গদঃ॥ ১-১৪৬-৪২ (৬৬৬২)
রাজলিঙ্গৈস্তথাঽন্যৈশ্চ ভূষিতো ভূষণৈঃ শুভৈঃ।’
সচ্ছত্রবালব্যজনো জয়শব্দোত্তরেণ চ॥ ১-১৪৬-৪৩ (৬৬৬৩)
উবাচ কৌরবং রাজন্বচনং স বৃষস্তদা।
অস্য রাজ্যপ্রদানস্য সদৃশং কিং দদানি তে॥ ১-১৪৬-৪৪ (৬৬৬৪)
প্রব্রূহি রাজশার্দূল কর্তা হ্যস্মি তথা নৃপ।
অত্যন্তং সখ্যমিচ্ছামীত্যাহ তং স সুয়োধনঃ॥ ১-১৪৬-৪৫ (৬৬৬৫)
এবমুক্তস্ততঃ কর্ণস্তথেতি প্রত্যুবাচ তম্।
হর্ষাচ্চোভৌ সমাশ্লিষ্য পরাং মুদমবাপতুঃ॥ ॥ ১-১৪৬-৪৬ (৬৬৬৬)
ইতি শ্রীমন্মহাভারতে আদিপর্বণি সংভবপর্বণি ষট্চৎবারিংশদধিকশততমোঽধ্যায়ঃ॥ ১৪৬ ॥
Mahabharata – Adi Parva – Chapter Footnotes
১-১৪৬-১ দত্তাবকাশ ইতি চপাঠঃ॥ ১-১৪৬-৬ নামপূর্বমথাকরোৎ ইতি পাঠান্তরম্॥ ১-১৪৬-২৬ সূর্যাতপপরিবক্ত ইতি ডপাঠঃ॥ ১-১৪৬-২৮ বিজ্ঞাতার্থা কর্ণস্য স্বপুত্রৎবজ্ঞানবতী। হেতুগর্ভমেতৎ॥ ১-১৪৬-৩৪ বৃথাকুলসমাচারৈঃ অজ্ঞাতকুলাচারৈঃ॥ ১-১৪৬-৪০ বাচ্য বাচয়িৎবা॥ ষট্চৎবারিংশদধিকশততমোঽধ্যায়ঝ॥ ১৪৬ ॥