আদিপর্ব – অধ্যায় ১৪১

আদিপর্ব – অধ্যায় ১৪১

॥ শ্রীঃ ॥

১.১৪১. অধ্যায়ঃ ১৪১

Mahabharata – Adi Parva – Chapter Topics

দ্রুপদসমীপং গৎবা তেন সহ স্বস্য সখিৎবং কথয়তো দ্রোণস্য দ্রুপদকৃতং ভর্ৎসনম্॥ ১ ॥ তেন কুপিতস্য দ্রোণস্য হাস্তিন পুরগমনম্॥ ২ ॥ ক্রীডাকালে কূপপতিতয়োর্বিদাকন্দুকয়োরুদ্ধরণে অশক্নুবতাং কুমারাণাং দ্রোণকৃতোঽধিক্ষেপঃ॥ ৩ ॥ দ্রোণেন বীটামুদ্রিকয়োঃ কূপাদুদ্ধারঃ॥ ৪ ॥ দ্রোণবৃত্তান্তশ্রবণেন ভীষ্মেণ স্বগৃহনিবাসার্থং দ্রোণং প্রতি প্রার্থনম্॥ ৫ ॥

Mahabharata – Adi Parva – Chapter Text

১-১৪১-০ (৬৩৪০)
বৈশম্পায়ন উবাচ। ১-১৪১-০x (৮২৯)
ততো দ্রুপদমাসাদ্য ভারদ্বাজঃ প্রতাপবান্।
অব্রবীৎপার্থিবং রাজন্সখায়ং বিদ্ধি মামিহ॥ ১-১৪১-১ (৬৩৪১)
ইত্যেবমুক্তঃ সখ্যা স প্রীতির্পূর্বং জনেশ্বরঃ।
ভারদ্বাজেন পাঞ্চাল্যো নামৃষ্যত বচোঽস্য তৎ॥ ১-১৪১-২ (৬৩৪২)
স ক্রোধামর্ষজিহ্মভ্রূঃ কষায়ীকৃতলোচনঃ।
ঐশ্বর্যমদসংপন্নো দ্রোণং রাজাঽব্রবীদিদম্॥ ১-১৪১-৩ (৬৩৪৩)
দ্রুপদ উবাচ। ১-১৪১-৪x (৮৩০)
অকৃতেয়ং তব প্রজ্ঞা ব্রহ্মন্নাতিসমঞ্জসা।
যন্মাং ব্রবীষি প্রসভং সখা তেঽহমিতি দ্বিজ॥ ১-১৪১-৪ (৬৩৪৪)
ন হি রাজ্ঞামুদীর্ণানামেবংভূতৈর্নরৈঃ ক্বচিৎ।
সখ্যং ভবতি মন্দাত্মঞ্শ্রিয়া হীনৈর্ধনচ্যুতৈঃ॥ ১-১৪১-৫ (৬৩৪৫)
সৌহৃদান্যপি জীর্যন্তে কালেন পরিজীর্যতঃ।
সৌহৃদং মে ৎবয়া হ্যাসীৎপূর্বং সামর্থ্যবন্ধনম্॥ ১-১৪১-৬ (৬৩৪৬)
ন সখ্যমজরং লোকে হৃদি তিষ্ঠতি কস্যচিৎ।
কামশ্চৈতন্নাশয়তি ক্রোধো বৈনং রহত্যুত॥ ১-১৪১-৭ (৬৩৪৭)
মৈবং জীর্ণমুপাস্স্ব ৎবং সখ্যং ভবদুপাধিকৃৎ।
আসীৎসখ্যং দ্বিজশ্রেষ্ঠ ৎবয়া মেঽর্থনিবন্ধনম্॥ ১-১৪১-৮ (৬৩৪৮)
ন দরিদ্রো বসুমতো নাবিদ্বান্বিদুষঃ সখা।
ন শূরস্য সখা ক্লীবঃ সখিপূর্বং কিমিষ্যতে॥ ১-১৪১-৯ (৬৩৪৯)
যয়োরেব সমং বিত্তং যয়োরেব সমং শ্রুতম্।
তয়োর্বিবাহঃ সখ্যং চ ন তু পুষ্টবিপুষ্টয়োঃ॥ ১-১৪১-১০ (৬৩৫০)
নাশ্রোত্রিয়ঃ শ্রোত্রিয়স্য নারথী রথিনঃ সখা।
নারাজা পার্থিবস্যাপি সখিপূর্বং কিমিষ্যতে॥ ১-১৪১-১১ (৬৩৫১)
বৈশম্পায়ন উবাচ। ১-১৪১-১২x (৮৩১)
দ্রুপদেনৈবমুক্তস্তু ভারদ্বাজঃ প্রতাপবান্।
মুহূর্তং চিন্তয়িৎবা তু মন্যুনাঽভিপরিপ্লুতঃ॥ ১-১৪১-১২ (৬৩৫২)
স বিনিশ্চিত্য মনসা পাঞ্চাল্যং প্রতিবুদ্ধিমান্।
`শিষ্যৈঃ পরিবৃতঃ শ্রীমান্পুত্রেণ সহিতস্তথা॥’ ১-১৪১-১৩ (৬৩৫৩)
জগাম কুরুমুখ্যানাং নাগরং নাগসাহ্বয়ম্।
তাং প্রতিজ্ঞাং প্রতিজ্ঞায় যাং কর্তা নচিরাদিব॥ ১-১৪১-১৪ (৬৩৫৪)
স নাগপুরমাগম্য গৌতমস্য নিবেশনে।
ভারদ্বাজোঽবসত্তত্র প্রচ্ছন্নং দ্বিজসত্তমঃ॥ ১-১৪১-১৫ (৬৩৫৫)
ততোঽস্য তনুজঃ পার্থান্কৃপস্যানন্তরং প্রভুঃ।
অস্ত্রাণি শিক্ষয়ামাস নাবুধ্যন্ত চ তং জনাঃ॥ ১-১৪১-১৬ (৬৩৫৬)
এবং স তত্র গূঢাত্মা কংচিৎকালমুবাস হ।
কুমারাস্ৎবথ নিষ্ক্রম্য সমেতা গজসাহ্বয়াৎ॥ ১-১৪১-১৭ (৬৩৫৭)
ক্রীডন্তো বীটয়া তত্র বীরাঃ পর্যচরন্মুদা।
`তেষাং সংক্রীডমানানামুদপানেঽঙ্গুলীয়কম্॥ ১-১৪১-১৮ (৬৩৫৮)
পপাত ধর্মপুত্রস্য বীটা তত্রৈব চাপতৎ।
গর্তান্বুনা প্রতিচ্ছন্নং তারারূপমিবাম্বরে॥ ১-১৪১-১৯ (৬৩৫৯)
দৃষ্ট্বা চৈতে কুমারাশ্চ তং যত্নাৎপর্যবারয়ন্।’
ততস্তে যত্নমাতিষ্ঠন্বীটামুদ্ধর্তুমাদৃতাঃ।
ন চ তে প্রত্যযদ্যন্ত কর্ম বীটোপলব্ধয়ে॥ ১-১৪১-২০ (৬৩৬০)
ততোঽন্যোন্যমবৈক্ষন্ত ব্রীডয়াবনতাননাঃ।
তস্যা যোগমবিদন্তো ভৃশং চোৎকণ্ঠিতাভবন্॥ ১-১৪১-২১ (৬৩৬১)
তেঽপশ্যন্ব্রাহ্মণং শ্যামমাপন্নং পলিতং কৃশম্।
কৃত্যবন্তমদূরস্থমগ্নিহোত্রপুরস্কৃতম্॥ ১-১৪১-২২ (৬৩৬২)
তে তং দৃষ্ট্বা মহাতমানমুপগম্য কুমারকাঃ।
ভগ্নোৎসাহক্রিয়াত্মানো ব্রাহ্মণং পর্যবারয়ন্॥ ১-১৪১-২৩ (৬৩৬৩)
অথ দ্রোণঃ কুমারাংস্তান্দৃষ্ট্বা কত্যবশস্তদা।
প্রহস্য মন্দং পৈশল্যাদভ্যভাষত বীর্যবান্॥ ১-১৪১-২৪ (৬৩৬৪)
অহো বো ধিগ্বলং ক্ষাত্রং ধিগেতাং বঃ কৃতাস্ত্রতাম্।
ভরতস্যান্বয়ে জাতা যে বীটাং নাধিগচ্ছত॥ ১-১৪১-২৫ (৬৩৬৫)
বীটাং চ মুদ্রিকাং চৈব হ্যহমেতদপি দ্বয়ম্।
উদ্ধরেয়মিষীকাভির্ভোজনং মে প্রদীয়তাম্॥ ১-১৪১-২৬ (৬৩৬৬)
ততোঽব্রবীত্তদা দ্রোণং কুন্তীপুত্রো যুধিষ্ঠিরঃ।
কৃপস্যানুমতে ব্রহ্মন্ভিক্ষামাপ্নুহি শাশ্বতীম্॥ ১-১৪১-২৭ (৬৩৬৭)
এবমুক্তঃ প্রত্যুবাচ প্রহস্য ভরতানিদম্। ১-১৪১-২৮ (৬৩৬৮)
দ্রোণ উবাচ।
এষা মুষ্টিরিষীকাণাং ময়াঽস্ত্রেণাভিমন্ত্রিতা॥ ১-১৪১-২৮x (৮৩২)
অস্যা বীর্যং নিরীক্ষধ্বং যদন্যেষু ন বিদ্যতে।
বেৎস্যামীষিকয়া বীটাং তামিষীকাং তথাঽন্যযা॥ ১-১৪১-২৯ (৬৩৬৯)
তামন্যযা সমায়োগে বীটায়া গ্রহণং মম। ১-১৪১-৩০ (৬৩৭০)
বৈশম্পায়ন উবাচ।
ততো যথোক্তং দ্রোণেন তৎসর্বং কৃতমঞ্জসা॥ ১-১৪১-৩০x (৮৩৩)
তদবেক্ষ্য কুমারাস্তে বিস্ময়োৎফুল্ললোচনাঃ।
আশ্চর্যমিদমত্যন্তমিতি মৎবা বচোঽব্রুবন্॥ ১-১৪১-৩১ (৬৩৭১)
মুদ্রিকামণি বিপ্রর্ষে শীধ্রমেতাং সমুদ্ধরথ ১-১৪১-৩২ (৬৩৭২)
বৈশম্পায়ন উবাচ।
ততঃ শরং সমাদায় ধনুশ্চাপি মহায়শাঃ॥ ১-১৪১-৩২x (৮৩৪)
শরেণ বিদ্ধ্বা মুদ্রাং তামূর্ধ্বমাবাহয়ৎপ্রভুঃ।
স শরং সমুপাদায় কূপাদঙ্গুলিবেষ্টনম্॥ ১-১৪১-৩৩ (৬৩৭৩)
দদৌ ততঃ কুমারাণাং বিস্মিতানামবিস্মিতঃ।
মুদ্রিকামুদ্ধৃতাং দৃষ্ট্বা তমাহুস্তে কুমারকাঃ॥ ১-১৪১-৩৪ (৬৩৭৪)
অভিবন্দামহে ব্রহ্মন্নৈতদন্যেষু বিদ্যতে।
কোঽসি কস্যাসি জানীমো বয়ং কিং করবামহে॥ ১-১৪১-৩৫ (৬৩৭৫)
বৈশম্পায়ন উবাচ। ১-১৪১-৩৬x (৮৩৫)
এবমুক্তস্ততো দ্রোণঃ প্রত্যুবাচ কুমারকান্।
আচক্ষধ্বং চ ভীষ্মায় রূপেণ চ গুণৈশ্চ মাম্॥ ১-১৪১-৩৬ (৬৩৭৬)
স এব সুমহাতেজাঃ সাংপ্রতং প্রতিপৎস্যতে। ১-১৪১-৩৭ (৬৩৭৭)
বৈশম্পায়ন উবাচ।
তথেত্যুক্ৎবা চ গৎবা চ ভীষ্মমূচুঃ কুমারকাঃ॥ ১-১৪১-৩৭x (৮৩৬)
ব্রাহ্মণস্য বচঃ কৃৎস্নং তচ্চ কর্ম তথাবিধম্।
ভীষ্মঃ শ্রুৎবা কুমারাণাং দ্রোণং তং প্রত্যজানত॥ ১-১৪১-৩৮ (৬৩৭৮)
যুক্তরূপঃ স হি গুরুরিত্যেবমনুচিন্ত্য চ।
অথৈনমানীয় তদা স্বয়মেব সুসৎকৃতম্॥ ১-১৪১-৩৯ (৬৩৭৯)
পরিপপ্রচ্ছ নিপুণং ভীষ্মঃ শস্ত্রভৃতাং বরঃ।
হেতুমাগমনে তচ্চ দ্রোণঃ সর্বং ন্যবেদয়ৎ॥ ১-১৪১-৪০ (৬৩৮০)
দ্রোণ উবাচ। ১-১৪১-৪১x (৮৩৭)
মহর্ষেরগ্নিবেশ্যস্য সকাশমহমচ্যুত।
অস্ত্রার্থমগমং পূর্বং ধনুর্বেদজিঘৃক্ষয়া॥ ১-১৪১-৪১ (৬৩৮১)
ব্রহ্মচারী বিনীতাত্মা জটিলো বহুলাঃ সমাঃ।
অবসং সুচিরং তত্র গুরুশুশ্রূষণে রতঃ॥ ১-১৪১-৪২ (৬৩৮২)
পাঞ্চাল্যো রাজপুত্রশ্চ যজ্ঞসেনো মহাবলঃ।
ইষ্বস্ত্রহেতোর্ন্যবসত্তস্মিন্নেব গুরৌ প্রভুঃ॥ ১-১৪১-৪৩ (৬৩৮৩)
স মে তত্র সখা চাসীদুপকারী প্রিয়শ্চ মে।
তেনাহং সহ সংগম্য বর্তয়ন্সুচিরং প্রভো॥ ১-১৪১-৪৪ (৬৩৮৪)
বাল্যাৎপ্রভৃতি কৌরব্য সহাধ্যযনমেব চ।
স মে সখা সদা তত্র প্রিয়বাদী প্রিয়ংকরঃ॥ ১-১৪১-৪৫ (৬৩৮৫)
অব্রবীদিতি মাং ভীষ্ম বচনং প্রীতিবর্ধনম্।
অহং প্রিয়তমঃ পুত্রঃ পিতুর্দ্রোণ মহাত্মনঃ॥ ১-১৪১-৪৬ (৬৩৮৬)
অভিষেক্ষ্যতি মাং রাজ্যে স পাঞ্চাল্যো যদা তদা।
তদ্ভোজ্যং ভবতা রাজ্যমর্ধং সত্যেন তে শপে॥ ১-১৪১-৪৭ (৬৩৮৭)
মম ভোগাশ্চ বিত্তং চ ৎবদধীনং সুখানি চ।
এবমুক্ৎবাঽথ বব্রাজ কৃতাস্ত্রঃ পূজিতো ময়া॥ ১-১৪১-৪৮ (৬৩৮৮)
তচ্চ বাক্যমহং নিত্যং মনসা ধারয়ংস্তদা।
সোঽহং পিতৃনিয়োগেন পুত্রলোভাদ্যশস্বিনীম্॥ ১-১৪১-৪৯ (৬৩৮৯)
শারদ্বতীং মহাপ্রজ্ঞামুপয়েমে মহাব্রতাম্।
অগ্নিহোত্রে চ সত্রে চ দমে চ সততং রতাম্॥ ১-১৪১-৫০ (৬৩৯০)
লেভে চ গৌতমী পুত্রমশ্বত্থামানমৌরসম্।
ভীমবিক্রমকর্মাণমাদিত্যসমতেজসম্॥ ১-১৪১-৫১ (৬৩৯১)
পুত্রেণ তেন প্রীতোঽহং ভরদ্বাজো ময়া যথা।
গোক্ষীরং পিবতো দৃষ্ট্বা ধনিনস্তত্র পুত্রকান্।
অশ্বত্থামারুদদ্বালস্তন্মে সংদেহয়দ্দিশঃ॥ ১-১৪১-৫২ (৬৩৯২)
ন স্নাতকোঽবসীদেত বর্তমানঃ স্বকর্মসু।
ইতি সংচিন্ত্য মনসা তং দেশং বহুশো ভ্রমন্॥ ১-১৪১-৫৩ (৬৩৯৩)
বিশুদ্ধণিচ্ছন্গাঙ্গেয় ধর্মোপেতং প্রতিগ্রহম্।
অন্তাদন্তং পরিক্রম্য নাধ্যগচ্ছং পয়স্বিনীম্॥ ১-১৪১-৫৪ (৬৩৯৪)
যবপিষ্টোদকেনৈনং লোভয়েয়ং কুমারকম্।
পীৎবা পিষ্টরসং বালঃ ক্ষীরং পীতং ময়াঽপি চ॥ ১-১৪১-৫৫ (৬৩৯৫)
ননর্তোত্থায় কৌরব্য হৃষ্টো বাল্যাদ্বিমোহিতঃ।
তং দৃষ্ট্বা নৃত্যমানং তু বালৈঃ পরিবৃতং সুতম্॥ ১-১৪১-৫৬ (৬৩৯৬)
হাস্যতামুপসংপ্রাপ্তং কশ্মলং তত্র মেঽভবৎ।
দ্রোণং ধিগস্ৎবধনিনং যো ধনং নাধিগচ্ছতি॥ ১-১৪১-৫৭ (৬৩৯৭)
পিষ্টোদকং সুতো যস্য পীৎবা ক্ষীরস্য তৃষ্ণয়া।
নৃত্যতিস্ম মুদাবিষ্টঃ ক্ষীরং পীতং ময়াঽপ্যুত॥ ১-১৪১-৫৮ (৬৩৯৮)
ইতি সংভাষতাং বাচং শ্রুৎবা মে বুদ্ধিরচ্যবৎ।
আত্মানং চাত্মনা গর্হন্মনসেদং ব্যচিন্তয়ম্॥ ১-১৪১-৫৯ (৬৩৯৯)
অপি চাহং পুরা বিপ্রৈর্বর্জিতো গর্হিতো বসে।
পরোপসেবাং পাপিষ্ঠাং ন চ কুর্যাং ধনেপ্সয়া॥ ১-১৪১-৬০ (৬৪০০)
ইতি মৎবা প্রিয়ং পুত্রং ভীষ্মাদায় ততো হ্যহম্।
পূর্বস্নেহানুরাগিৎবাৎসদারঃ সৌমকিং গতঃ॥ ১-১৪১-৬১ (৬৪০১)
অভিষিক্তং তু শ্রুৎবৈব কৃতার্থোঽস্মীতি চিন্তয়ন্।
প্রিয়ং সখায়ং সুপ্রীতো রাজ্যস্থং সমুপাগমম্॥ ১-১৪১-৬২ (৬৪০২)
সংস্মরন্সঙ্গমং চৈব বচনং চৈব তস্য তৎ।
ততো দ্রুপদমাগম্য সখইপূর্বমহং প্রভো॥ ১-১৪১-৬৩ (৬৪০৩)
অব্রুবং পুরুষব্যাঘ্র সখায়ং বিদ্ধি মামিতি।
উপস্থিতস্তু দ্রুপদং সখিবচ্চাস্মি সঙ্গতঃ॥ ১-১৪১-৬৪ (৬৪০৪)
স মাং নিরাকারমিব প্রহসন্নিদমব্রবীৎ।
অকৃতেয়ং তব প্রজ্ঞা ব্রহ্মন্নাতিসমঞ্জসা॥ ১-১৪১-৬৫ (৬৪০৫)
যদাত্থ মাং ৎবং প্রসভং সখা তেঽহমিতি দ্বিজ।
সংগতনীহ জীর্যন্তি কালেন পরিজীর্যতঃ॥ ১-১৪১-৬৬ (৬৪০৬)
সৌহৃদং মে ৎবয়া হ্যাসীৎপূর্বং সামর্থ্যবন্ধনম্।
নাশ্রোত্রিয়ঃ শ্রোত্রিয়স্য নারথী রথিনঃ সখা॥ ১-১৪১-৬৭ (৬৪০৭)
সাম্যাদ্ধি সখ্যং ভবতি বৈষম্যান্নোপপদ্যতে।
ন সখ্যমজরং লোকে বিদ্যতে জাতু কস্যচিৎ॥ ১-১৪১-৬৮ (৬৪০৮)
কামো বৈনং বিহরতি ক্রোধো বৈনং রহত্যুত।
মৈবং জীর্ণমুপাস্স্ব ৎবং সখ্যং ভবদুপাধিকৃৎ॥ ১-১৪১-৬৯ (৬৪০৯)
আসীৎসখ্যং দ্বিজশ্রেষ্ঠ ৎবয়া মেঽর্থনিবন্ধনম্।
নহ্যনাঢ্যঃ সখাঽঽঢ্যস্য নাবিদ্বান্বিদুষঃ সখা॥ ১-১৪১-৭০ (৬৪১০)
ন শূরস্য সখা ক্লীবঃ সখিপূর্বং কিমিষ্যতে।
ন হি রাজ্ঞামুদীর্ণানামেবং ভূতৈর্নরৈঃ ক্বচিৎ॥ ১-১৪১-৭১ (৬৪১১)
সখ্যং ভবতি মন্দাত্মঞ্ছ্রিয়া হীনৈর্ধনচ্যুতৈঃ।
নাশ্রোত্রিয়ঃ শ্রোত্রিয়স্য নারথী রথিনঃ সখা॥ ১-১৪১-৭২ (৬৪১২)
নারাজা পার্থিবস্যাপি সখিপূর্বং কিমিষ্যতে।
অহং ৎবয়া ন জানামি রাজ্যার্থে সংবিদং কৃতাম্॥ ১-১৪১-৭৩ (৬৪১৩)
একরাত্রং তু তে ব্রহ্মন্কামং দাস্যামি ভোজনম্।
এবমুক্তস্ৎবহং তেন সদারঃ প্রস্থিতস্তদা॥ ১-১৪১-৭৪ (৬৪১৪)
তাং প্রতিজ্ঞাং প্রতিজ্ঞায় যাং কর্তাঽস্ম্যচিরাদিব।
দ্রুপদেনৈবমুক্তোঽহং মন্যুনাঽভিপরিপ্লুতঃ॥ ১-১৪১-৭৫ (৬৪১৫)
অভ্যাগচ্ছং কুরূন্ভীষ্ম শিষ্যৈরর্থী গুণান্বিতৈঃ।
ততোঽহং ভবতঃ কামং সংবর্ধয়িতুমাগতঃ॥ ১-১৪১-৭৬ (৬৪১৬)
ইদং নাগপুরং রম্যং ব্রূহি কিং করবাণি তে। ১-১৪১-৭৭ (৬৪১৭)
বৈশম্পায়ন উবাচ।
এবমুক্তস্তদা ভীষ্মো ভারদ্বাজমভাষত॥ ১-১৪১-৭৭x (৮৩৮)
ভীষ্ম উবাচ। ১-১৪১-৭৮x (৮৩৯)
অপজ্যং ক্রিয়তাং চাপং সাধ্বস্ত্রং প্রতিপাদয়।
ভুঙ্ক্ষ ভোগান্ভৃশং প্রীতঃ পূজ্যমানঃ কুরুক্ষয়ে॥ ১-১৪১-৭৮ (৬৪১৮)
কুরূণামস্তি যদ্বিত্তং রাজ্যং চেদং সরাষ্ট্রকম্।
ৎবমেব পরমো রাজা সর্বে বাক্যকরাস্তব॥ ১-১৪১-৭৯ (৬৪১৯)
১-১৪১-৮০ (৬৪২০)
যচ্চ তে প্রার্থিতং ব্রহ্মন্কৃতং তদিতি চিন্ত্যতাম্।
দিষ্ট্যা প্রাপ্তোঽসি বিপ্রর্ষে মহান্মেঽনুগ্রহঃ কৃতঃ॥
Mahabharata – Adi Parva – Chapter Footnotes

১-১৪১-৪ অকৃতা অসংস্কৃতা॥ ১-১৪১-৭ রহতি সখ্যাচ্চ্যাবয়তি॥ ১-১৪১-১৩ প্রতিবুদ্ধিমান্ প্রতীবপুদ্ধিমান্॥ ১-১৪১-১৮ বীটয়া কন্দুকেন॥ ১-১৪১-২৪ পৈশল্যাৎ কৌশল্যাৎ॥ ১-১৪১-২৭ গৌতমীং চ মহাতেজা ভিক্ষামশ্নীত মাচিরম্ ইতি পাঠান্তরম্॥ ১-১৪১-৫২ দিশঃ সংদেহয়ৎ দিঙ্মোহমনয়ৎ। অডভাব আর্ষঃ॥ ১-১৪১-৫৩ স্নাতকো যঃ কশ্চিদল্পগোধনঃ স্বধর্মলোপান্নাবসীদেতাতো বহুগোধনবতো ব্রাহ্মণস্য প্রতিগ্রহমিচ্ছন্॥ ১-১৪১-৫৪ অন্তাদন্তং দেশাদ্দেশম্॥ ১-১৪১-৬০ বসে উপবসে॥ ১-১৪১-৭৮ অধিজ্যং কুরুবীরাণাং ইতি পাঠান্তরম্। কুরুক্ষয়ে কুরুগৃহে॥ একচৎবারিংশদধিকশততমোঽধ্যায়ঃ॥ ১৪১ ॥