আদিপর্ব – অধ্যায় ১৪০

আদিপর্ব – অধ্যায় ১৪০

॥ শ্রীঃ ॥

১.১৪০. অধ্যায়ঃ ১৪০

Mahabharata – Adi Parva – Chapter Topics

কৃপদ্রোণাশ্বত্থামাচার্যাণামুৎপত্তিঃ॥ ১ ॥ দ্রোণাচার্যস্য পরশুরামাদস্ত্রলাভঃ॥ ২ ॥

Mahabharata – Adi Parva – Chapter Text

১-১৪০-০ (৬২৭০)
জনমেজয় উবাচ। ১-১৪০-০x (৮২২)
কৃপস্যাপি মম ব্রহ্মন্সংভবং বক্তুমর্হসি।
শরস্তম্বাৎকথং জজ্ঞে কথং বাঽস্ত্রাণ্যবাপ্তবান্॥ ১-১৪০-১ (৬২৭১)
বৈশম্পায়ন উবাচ। ১-১৪০-২x (৮২৩)
মহর্ষের্গৌতমস্যাসীচ্ছরদ্বান্নাম গৌতমঃ।
পুত্রঃ কিল মহারাজ জাতঃ সহশরৈর্বিভো॥ ১-১৪০-২ (৬২৭২)
ন তস্য বেদাধ্যযনে তথা বুদ্ধিরজায়ত।
যথাস্য বুদ্ধিরভবদ্ধনুর্বেদে পরন্তপ॥ ১-১৪০-৩ (৬২৭৩)
অধিজগ্মুর্যথা বেদাস্তপসা ব্রহ্মচারিণঃ।
তথা স তপসোপেতঃ সর্বাণ্যস্ত্রাণ্যবাপ হ॥ ১-১৪০-৪ (৬২৭৪)
ধনুর্বেদপরৎবাচ্চ তপসা বিপুলেন চ।
ভৃশং সন্তাপয়ামাস দেবরাজং স গৌতমঃ॥ ১-১৪০-৫ (৬২৭৫)
ততো জালবতীং নাম দেবকন্যাং সুরেশ্বরঃ।
প্রাহিণোত্তপসো বিঘ্নং কুরু তস্যেতি কৌরব॥ ১-১৪০-৬ (৬২৭৬)
সা হি গৎবাঽঽশ্রমং তস্য রমণীয়ং শরদ্বতঃ।
ধনুর্বাণধরং বালা লোভয়ামাস গৌতমম্॥ ১-১৪০-৭ (৬২৭৭)
তামেকবসনাং দৃষ্ট্বা গৌতমোঽপ্সরসং বনে।
লোকেঽপ্রতিমসংস্থানাং প্রোৎফুল্লনয়নোঽভবৎ॥ ১-১৪০-৮ (৬২৭৮)
ধনুশ্চ হি শরাস্তস্য করাভ্যামপতন্ভুবি।
বেপথুশ্চাস্য সহসা শরীরে সমজায়ত॥ ১-১৪০-৯ (৬২৭৯)
স তু জ্ঞানগরীয়স্ৎবাত্তপসশ্চ সমর্থনাৎ।
অবতস্থে মহাপ্রাজ্ঞো ধৈর্যেণ পরমেণ হ॥ ১-১৪০-১০ (৬২৮০)
যস্তস্য সহসা রাজন্বিকারঃ সমদৃশ্যত।
তেন সুস্রাব রেতোঽস্য স চ তন্নান্ববুধ্যত॥ ১-১৪০-১১ (৬২৮১)
ধনুশ্চ সশরং ত্যক্ৎবা তথা কৃষ্ণাজিনানি চ।
স বিহায়াশ্রমং তং চ তাং চৈবাপ্সরসং মুনিঃ॥ ১-১৪০-১২ (৬২৮২)
জগাম রেতস্তত্তস্য শরস্তম্বে পপাত চ।
শরস্তম্বে চ পতিতং দ্বিধা তদভবন্নৃপ॥ ১-১৪০-১৩ (৬২৮৩)
তস্যাথ মিথুং জজ্ঞে গৌতমস্য শরদ্বতঃ।
`মহর্ষের্গৌতমস্যাস্য হ্যাশ্রমস্য সমীপতঃ॥’
মৃগয়াং চরতো রাজ্ঞঃ শান্তনোস্তু যদৃচ্ছয়া॥ ১-১৪০-১৪ (৬২৮৪)
কশ্চিৎসেনাচরোঽরণ্যে মিথুনং তদপশ্যত।
ধনুশ্চ সশরং দৃষ্ট্বা তথা কৃষ্ণাজিনানি চ॥ ১-১৪০-১৫ (৬২৮৫)
জ্ঞাৎবা দ্বিজস্য চাপত্যে ধনুর্বেদান্তগস্য হ।
স রাজ্ঞে দর্শয়ামাস মিথুনং সশরং ধনুঃ॥ ১-১৪০-১৬ (৬২৮৬)
স তদাদায় মিথুনং রাজা চ কৃপয়ান্বিতঃ।
আজগাম গৃহানেব মম পুত্রাবিতি ব্রুবন্॥ ১-১৪০-১৭ (৬২৮৭)
ততঃ সংবর্ধয়ামাস সংস্কারৈশ্চাপ্যযোজয়ৎ।
প্রাতিপেয়ো নরশ্রেষ্ঠো মিথুনং গৌতমস্য তৎ॥ ১-১৪০-১৮ (৬২৮৮)
কৃপয়া যন্ময়া বালাবিমৌ সংবর্ধিতাবিতি।
তস্মাত্তয়োর্নাম চক্রে তদেব স মহীপতিঃ।
`তস্মাৎকৃপ ইতি খ্যাতঃ কৃপী কন্যা চ সাঽভবৎ॥’ ১-১৪০-১৯ (৬২৮৯)
পিতাপি গৌতমস্তত্র তপসা তাববন্দিত।
আগত্য তস্মৈ গোত্রাদি সর্বমাখ্যাতবাংস্তদা॥ ১-১৪০-২০ (৬২৯০)
`কৃপোঽপি চ তদা রাজন্ধনুর্বেদপরোঽভবৎ।’
চতুর্বিধং ধনুর্বেদং শাস্ত্রাণি বিবিধানি চ॥ ১-১৪০-২১ (৬২৯১)
নিশিলেনাস্য তৎসর্বং গুহ্যমাখ্যাতবান্পিতা।
সোঽচিরেণৈব কালেন পরমাচার্যতাং গতঃ॥ ১-১৪০-২২ (৬২৯২)
কৃপমাহূয় গাঙ্গেয়স্তব শিষ্যা ইতি ব্রুবন্।
পৌত্রান্পরিসমাধায় কৃপমারাধয়ত্তদা॥ ১-১৪০-২৩ (৬২৯৩)
ততোঽধিজগ্মুঃ সর্বে তে ধনুর্বেদং মহারথাঃ।
ধৃতরাষ্ট্রাত্মজাশ্চৈব পাণ্ডবাঃ সহ যাদবৈঃ॥ ১-১৪০-২৪ (৬২৯৪)
বৃষ্ণয়শ্চ নৃপাশ্চান্যে নানাদেশসমাগতাঃ।
`কৃপমাচার্যমাসাদ্য পরমাস্ত্রজ্ঞতাং গতঃ।’ ১-১৪০-২৫ (৬২৯৫)
বৈশম্পায়ন উবাচ।
বিশেষার্থী ততো ভীষ্মঃ পৌত্রাণাং বিনয়েপ্সয়া॥ ১-১৪০-২৫x (৮২৪)
ইষ্বস্ত্রজ্ঞান্পর্যপৃচ্ছদাচার্যান্বীর্যসংমতান্।
নাল্পধীর্নামহাভাগস্তথা নানস্ত্রকোবিদঃ॥ ১-১৪০-২৬ (৬২৯৬)
নাদেবসৎবো বিনয়েৎকুরূনস্ত্রে মহাবলান্।
ইতি সংচিন্ত্য গাঙ্গেয়স্তদা ভরতসত্তমঃ॥ ১-১৪০-২৭ (৬২৯৭)
দ্রোণায় বেদবিদুষে ভারদ্বাজায় ধমতে।
পাণ্ডবান্কৌরবাংশ্চৈব দদৌ শিষ্যান্নরর্ষভ॥ ১-১৪০-২৮ (৬২৯৮)
শাস্ত্রতঃ পূজিতশ্চৈব সম্যক্তেন মহাত্মনা।
স ভীষ্মেণ মহাভাগস্তুষ্টোঽস্ত্রবিদুষাং বরঃ॥ ১-১৪০-২৯ (৬২৯৯)
প্রতিজগ্রাহ তান্সর্বাঞ্শিষ্যৎবেন মহায়শাঃ।
শিক্ষয়ামাস চ দ্রোণো ধনুর্বেদমশেষতঃ॥ ১-১৪০-৩০ (৬৩০০)
তেঽচিরেণৈব কালেন সর্বশস্ত্রবিশারদাঃ।
বভূবুঃ কৌরবা রাজন্পাণ্ডবাশ্চামিতৌজসঃ॥ ১-১৪০-৩১ (৬৩০১)
জনমেজয় উবাচ। ১-১৪০-৩২x (৮২৫)
কথং সমভবদ্দ্রোণঃ কথং চাস্ত্রাণ্যবাপ্তবান্।
কথং চাগাৎকুরূন্ব্রহ্মন্কস্য পুত্রঃ স বীর্যবান্॥ ১-১৪০-৩২ (৬৩০২)
কথং চাস্য সুতো জাতঃ সোশ্বত্থামাঽস্ত্রবিত্তমঃ।
এতদিচ্ছাম্যহং শ্রোতুং বিস্তরেণ প্রকীর্তয়॥ ১-১৪০-৩৩ (৬৩০৩)
বৈশম্পায়ন উবাচ। ১-১৪০-৩৪x (৮২৬)
গঙ্গাদ্বারং প্রতি মহান্বভূব ভগবানৃষিঃ।
ভরদ্বাজ ইতি খ্যাতঃ সততং সংশিতব্রতঃ॥ ১-১৪০-৩৪ (৬৩০৪)
সোঽভিষেক্তুং গতো গঙ্গাং পূর্বমেবাগতাং সতীম্।
মহর্ষিভির্ভরদ্বাজো হবির্ধানে চরন্পুরা॥ ১-১৪০-৩৫ (৬৩০৫)
দদর্শাপ্সরসং সাক্ষাদ্ধৃতাচীমাপ্লুতামৃষিঃ।
রূপয়ৌবনসংপন্নাং মদদৃপ্তাং মদালসাম্॥ ১-১৪০-৩৬ (৬৩০৬)
তস্যা বায়ুর্নদীতীর বসনং পর্যবর্তত।
ব্যপকৃষ্টাম্বরাং দৃষ্ট্বা তামৃষিশ্চকমে ততঃ॥ ১-১৪০-৩৭ (৬৩০৭)
তত্র সংসক্তমনসো ভরদ্বাজস্য ধীমতঃ।
হৃষ্টস্য রেতশ্চস্কন্দ তদৃষির্দ্রোণ আদধে॥ ১-১৪০-৩৮ (৬৩০৮)
ততঃ সমভবদ্দ্রোণঃ কলশে তস্য ধীমতঃ।
অধ্যগীষ্ট স বেদাংশ্চ বেদাঙ্গানি চ সর্বশঃ॥ ১-১৪০-৩৯ (৬৩০৯)
অগ্নেরস্ত্রমুপাদায় যদৃষির্বেদ কাশ্যপঃ।
অধ্যগচ্ছদ্ভরদ্বাজস্তদস্ত্রং দেবকার্যতঃ॥ ১-১৪০-৪০ (৬৩১০)
অগ্নিবেশ্যং মহাভাগং ভরদ্বাজঃ প্রতাপবান্।
প্রত্যপাদয়দাগ্নেয়মস্ত্রমস্ত্রবিদাং বরঃ॥ ১-১৪০-৪১ (৬৩১১)
`কনিষ্ঠজাতং স মুনির্ভ্রাতা ভ্রাতরমন্তিকে।
অগ্নিবেশ্যস্তথা দ্রোণং তদা ভরতসত্তম।’
ভারদ্বাজং তদাগ্নেয়ং মহাস্ত্রং প্রত্যপাদয়ৎ॥ ১-১৪০-৪২ (৬৩১২)
ভরদ্বাজসখা চাসীৎপৃষতো নাম পার্থিবঃ।
তস্যাপি দ্রুপদো নাম তথা সমভবৎসুতঃ॥ ১-১৪০-৪৩ (৬৩১৩)
স নিত্যমাশ্রমং গৎবা দ্রোণেন সহ পার্থিবঃ।
চিক্রীডাধ্যযনং চৈব চকার ক্ষত্রিয়র্ষভঃ॥ ১-১৪০-৪৪ (৬৩১৪)
ততো ব্যতীতে পৃষতে স রাজা দ্রুপদোঽভবৎ।
পঞ্চালেষু মহাবাহুরুত্তরেষু নরেশ্বরঃ॥ ১-১৪০-৪৫ (৬৩১৫)
ভরদ্বাজোঽপি ভগবানারুরোহ দিবং তদা।
তত্রৈব চ বসন্দ্রোণস্তপস্তেপে মহাতপাঃ॥ ১-১৪০-৪৬ (৬৩১৬)
বেদবেদাঙ্গবিদ্বান্স তপসা দগ্ধকিল্বিষঃ।
ততঃ পিতৃনিয়ুক্তাত্মা পুত্রলোভান্মহায়শাঃ॥ ১-১৪০-৪৭ (৬৩১৭)
শারদ্বতীং ততো ভার্যাং কৃপীং দ্রোণোঽন্ববিন্দত।
অগ্নিহোত্রে চ ধর্মে চ দমে চ সতত রতাম্॥ ১-১৪০-৪৮ (৬৩১৮)
অলভদ্গৌতমী পুত্রমশ্বত্থামানমেব চ।
স জাতমাত্রো ব্যনদদ্যথৈবোচ্চৈঃশ্রবা হয়ঃ॥ ১-১৪০-৪৯ (৬৩১৯)
তচ্ছ্রুৎবান্তর্হিতং ভূতমন্তরিক্ষস্থমব্রবীৎ।
অশ্বস্যেবাস্য যৎস্থাম নদতঃ প্রদিশো গতম্॥ ১-১৪০-৫০ (৬৩২০)
অশ্বত্থামৈব বালোঽয়ং তস্মান্নাম্না ভবিষ্যতি।
সুতেন তেন সুপ্রীতো ভারদ্বাজস্ততোঽভবৎ॥ ১-১৪০-৫১ (৬৩২১)
তত্রৈব চ বসন্ধীমান্ধনুর্বেদপরোঽভবৎ।
স শুশ্রাব মহাত্মানং জামদগ্ন্যং পরংতপম্॥ ১-১৪০-৫২ (৬৩২২)
সর্বজ্ঞানবিদং বিপ্রং সর্বশস্ত্রভৃতাং বরম্।
ব্রাহ্মণেভ্যস্তদা রাজন্দিৎসন্তং বসু সর্বশঃ॥ ১-১৪০-৫৩ (৬৩২৩)
স রামস্য ধনুর্বেদং দিব্যান্যস্ত্রাণি চৈব হ।
শ্রউৎবা তেষু মনশ্চক্রে নীতিশাস্ত্রে তথৈব চ॥ ১-১৪০-৫৪ (৬৩২৪)
ততঃ স ব্রতিভিঃ শিষ্যৈস্তপোয়ুক্তৈর্মহাতপাঃ।
বৃতঃ প্রায়ান্মহাবাহুর্মহেন্দ্রং পর্বতোত্তমম্॥ ১-১৪০-৫৫ (৬৩২৫)
ততো মহেন্দ্রমাসাদ্য ভারদ্বাজো মহাতপাঃ।
ক্ষত্রঘ্নং তমমিত্রঘ্নমপশ্যদ্ভৃগুনন্দনম্॥ ১-১৪০-৫৬ (৬৩২৬)
ততো দ্রোণো বৃতঃ শিষ্যৈরুপগম্য ভৃগূদ্বহম্।
আচখ্যাবাত্মনো নাম জন্ম চাঙ্গিরসঃ কুলে॥ ১-১৪০-৫৭ (৬৩২৭)
নিবেদ্য শিরসা ভূমৌ পাদৌ চৈবাভ্যবাদয়ৎ।
ততস্তং সর্বমুৎসৃজ্য বনং জিগমিষুং তদা॥ ১-১৪০-৫৮ (৬৩২৮)
জামদগ্ন্যং মহাত্মানং ভারদ্বাজোঽব্রবীদিদম্।
ভরদ্বাজাৎসমুৎপন্নং তথা ৎবং মাময়োনিজম্॥ ১-১৪০-৫৯ (৬৩২৯)
আগতং বিত্তকামং মাং বিদ্ধি দ্রোণং দ্বিজোত্তম।
তমব্রবীন্মহাত্মা স সর্বক্ষত্রিয়মর্দনঃ॥ ১-১৪০-৬০ (৬৩৩০)
স্বাগতং তে দ্বিজশ্রেষ্ঠ যদিচ্ছসি বদস্ব মে।
এবমুক্তস্তু রামেণ ভারদ্বাজোঽব্রবীদ্বচঃ॥ ১-১৪০-৬১ (৬৩৩১)
রামং প্রহরতাং শ্রেষ্ঠং দিৎসন্তং বিবিধং বসু।
অহং ধনমনন্তং হি প্রার্থয়ে বিপুলব্রত॥ ১-১৪০-৬২ (৬৩৩২)
রাম উবাচ। ১-১৪০-৬৩x (৮২৭)
হিরণ্যং মম যচ্চান্যদ্বসু কিংচিদিহ স্থিতম্।
ব্রাহ্মণেভ্যো ময়া দত্তং সর্বমেতত্তপোধন॥ ১-১৪০-৬৩ (৬৩৩৩)
তথৈবেয়ং ধরা দেবী সাগরান্তা সপত্তনা।
কশ্যপায় ময়া দত্তা কৃৎস্না নগরমালিনী॥ ১-১৪০-৬৪ (৬৩৩৪)
শরীরমাত্রমেবাদ্য মমেদমবশেষিতম্।
অস্ত্রাণি চ মহার্হাণি শস্ত্রাণি বিবিধানি চ॥ ১-১৪০-৬৫ (৬৩৩৫)
অস্ত্রাণি বা শরীরং বা ব্রহ্মঞ্শস্ত্রাণি বা পুনঃ।
বৃণীষ্ব কিং প্রয়চ্ছামি তুভ্যং দ্রোণ বদাশু তৎ॥ ১-১৪০-৬৬ (৬৩৩৬)
দ্রোণ উবাচ। ১-১৪০-৬৭x (৮২৮)
অস্ত্রাণি মে সমগ্রাণি সসংহারাণি ভার্গব।
স প্রয়োগরহস্যানি দাতুমর্হস্যশেষতঃ॥ ১-১৪০-৬৭ (৬৩৩৭)
`এতদ্বসু বসূনাং হি সর্বেষাং বিপ্রসত্তম।’
তথেত্যুক্ৎবা ততস্তস্মৈ প্রাদাদস্ত্রাণি ভার্গবঃ।
সরহস্যব্রতং চৈব ধনুর্বেদমশেষতঃ॥ ১-১৪০-৬৮ (৬৩৩৮)
প্রতিগৃহ্য তু তৎসর্বং কৃতাস্ত্রে দ্বিজসত্তমঃ।
প্রিয়ং সখায়ং সুপ্রীতো জগাম দ্রুপদং প্রতি॥ ॥ ১-১৪০-৬৯ (৬৩৩৯)

ইতি শ্রীমন্মহাভারতে আদিপর্বণি সংভবপর্বণি চৎবারিংশদধিকশততমোঽধ্যায়ঃ॥ ১৪০ ॥

Mahabharata – Adi Parva – Chapter Footnotes

১-১৪০-২ গৌতমো গৌত্রতঃ॥ ১-১৪০-১০ সমর্থনাৎসামর্থ্যাৎ॥ ১-১৪০-১৮ প্রাতিপেয়ঃ প্রতীপপুত্রঃ॥ ১-১৪০-১৯ সংবর্ধিতাবিতি আলোচ্যেতি শেষঃ॥ ১-১৪০-২৫ বিনয়েপ্সয়া শিক্ষেচ্ছয়া॥ ১-১৪০-২৭ অদেবসৎবঃ নাস্তি দেবস্যেব সৎবং সামর্থ্যং যস্য সঃ॥ ১-১৪০-৩৮ দ্রোণে দ্রোণ কলশাখ্যে যজ্ঞিয়পাত্রবিশেষে॥ ১-১৪০-৫০ স্থামশব্দঃ সকারস্য তৎকারাদেশেঽশ্বত্থামেতি॥ চৎবারিংশদধিকশততমোঽধ্যায়ঃ॥ ১৪০ ॥