আদিপর্ব – অধ্যায় ১৩৫

আদিপর্ব – অধ্যায় ১৩৫

॥ শ্রীঃ ॥

১.১৩৫. অধ্যায়ঃ ১৩৫

Mahabharata – Adi Parva – Chapter Topics

পাণ্ডবৈঃ সহ ঋষীণাং হস্তিনাপুরগমনম্॥ ১ ॥ পাণ্ডুবৃত্তান্তকথনপূর্বকং পাণ্ডবান্ভীষ্মায় সমর্প্য ঋষীণাং প্রতিনিবর্তনম্॥ ২ ॥

Mahabharata – Adi Parva – Chapter Text

১-১৩৫-০ (৬০৪৭)
বৈশম্পায়ন উবাচ। ১-১৩৫-০x (৮০৯)
পাণ্ডোরুপরমং দৃষ্ট্বা দেবকল্পা মহর্ষয়ঃ।
ততো মন্ত্রবিদঃ সর্বে মন্ত্রয়াংচক্রিরে মিথঃ॥ ১-১৩৫-১ (৬০৪৮)
তাপসা ঊচুঃ। ১-১৩৫-২x (৮১০)
হিৎবা রাজ্যং চ রাষ্ট্রং চ স মহাত্মা মহায়শাঃ।
অস্মিংস্থানে তপস্তপ্ৎবা তাপসাঞ্শরণং গতঃ॥ ১-১৩৫-২ (৬০৪৯)
স জাতমাত্রান্পুত্রাংশ্চ দারাংশ্চ ভবতামিহ।
প্রাদায়োপনিধিং রাজা পাণ্ডুঃ স্বর্গমিতো গতঃ॥ ১-১৩৫-৩ (৬০৫০)
তস্যেমানাত্মজান্দেহং ভার্যাং চ সুমহাত্মনঃ।
স্বরাষ্ট্রং গৃহ্য গচ্ছামো ধর্ম এষ হি নঃ স্মৃতঃ॥ ১-১৩৫-৪ (৬০৫১)
বৈশম্পায়ন উবাচ। ১-১৩৫-৫x (৮১১)
তে পরস্পরমামন্ত্র্য দেবকল্পা মহর্ষয়ঃ।
পাণ্ডোঃ পুত্রান্পুরস্কৃত্য নগরং নাগসাহ্বয়ম্॥ ১-১৩৫-৫ (৬০৫২)
উদারমনসঃ সিদ্ধা গমনে চক্রিরে মনঃ।
ভীষ্মায় পণ্ডবান্দাতুং ধৃতরাষ্ট্রায় চৈব হি॥ ১-১৩৫-৬ (৬০৫৩)
তস্মিন্নেব ক্ষণে সর্বে তানাদায় প্রতস্থিরে।
পাণ্ডোর্দারাংশ্চ পুত্রাংশ্চ শরীরে তে চ তাপসাঃ॥ ১-১৩৫-৭ (৬০৫৪)
সুখিনী সা পুরা ভূৎবা সততং পুত্রবৎসলা।
প্রপন্না দীর্ঘমধ্বানং সংক্ষিপ্তং তদমন্যত॥ ১-১৩৫-৮ (৬০৫৫)
সা ৎবদীর্ঘেণ কালেন সংপ্রাপ্তা কুরুজাঙ্গলম্।
বর্ধমানপুরদ্বারমাসসাদ যশস্বিনী॥ ১-১৩৫-৯ (৬০৫৬)
দ্বারিণং তাপসা ঊচূ রাজানং চ প্রকাশয়।
তে তু গৎবা ক্ষণেনৈব সভায়াং বিনিবেদিতাঃ॥ ১-১৩৫-১০ (৬০৫৭)
তং চারণসহস্রাণাং মুনীনামাগমং তদা।
শ্রুৎবা নাগপুরে নৄণাং বিস্ময়ঃ সমপদ্যত॥ ১-১৩৫-১১ (৬০৫৮)
মুহূর্তোদিত আদিত্যে সর্বে বালপুরস্কৃতাঃ।
সদারাস্তাপসান্দ্রষ্টুং নির্যযুঃ পুরবাসিনঃ॥ ১-১৩৫-১২ (৬০৫৯)
স্ত্রীসঙ্ঘাঃ ক্ষত্রসঙ্ঘাশ্চ যানসঙ্ঘসমাস্থিতাঃ।
ব্রাহ্মণৈঃ সহ নির্জগ্মুর্ব্রাহ্মণানাং চ যোষিতঃ॥ ১-১৩৫-১৩ (৬০৬০)
তথা বিট্শূদ্রসঙ্ঘানাং মহান্যতিকরোঽভবৎ।
ন কশ্চিদকরোদীর্ষ্যামভবন্ধর্মবুদ্ধয়ঃ॥ ১-১৩৫-১৪ (৬০৬১)
তথা ভীষ্মঃ শান্তনবঃ সোমদত্তো।ঞথ বাহ্লিকঃ।
প্রজ্ঞাচক্ষুশ্চ রাজর্ষিঃ ক্ষত্তা চ বিদুরঃ স্বয়ম্॥ ১-১৩৫-১৫ (৬০৬২)
সা চ সত্যবতী দেবী কৌসল্যা চ যশস্বিনী।
রাজদারৈঃ পরিবৃতা গান্ধারী চাপি নির্যযৌ॥ ১-১৩৫-১৬ (৬০৬৩)
ধৃতরাষ্ট্রস্য দায়াদা দুর্যোধনপুরোগমাঃ।
ভূষিতা ভূষণৈশ্চিত্রৈঃ শতসঙ্খ্যা বিনির্যযুঃ॥ ১-১৩৫-১৭ (৬০৬৪)
তান্মহর্ষিগণান্দৃষ্ট্বা শিরোভিরভিবাদ্য চ।
উপোপবিবিশুঃ সর্বে কৌরব্যাঃ সপুরোহিতাঃ॥ ১-১৩৫-১৮ (৬০৬৫)
তথৈব শিরসা ভূমাবভিবাদ্য প্রণম্য চ।
উপোপবিবিশুঃ সর্বে পৌরজানপদা অপি॥ ১-১৩৫-১৯ (৬০৬৬)
তমকূজমভিজ্ঞায় জনৌঘং সর্বশস্তদা।
পূজয়িৎবা যথান্যায়ং পাদ্যেনার্ঘ্যেণ চ প্রভো॥ ১-১৩৫-২০ (৬০৬৭)
ভীষ্মো রাজ্যং চ রাষ্ট্রং চ মহর্ষিভ্যো ন্যবেদয়ৎ।
তেষামথো বৃদ্ধতমঃ প্রত্যুত্থায় জটাজিনী।
ঋষীণাং মতমাজ্ঞায় মহর্ষিরিদমব্রবীৎ॥ ১-১৩৫-২১ (৬০৬৮)
যঃ স কৌরব্যদায়াদঃ পাণ্ডুর্নাম নরাধিপঃ।
কামভোগান্পরিত্যজ্য শতশৃঙ্গমিতো গতঃ॥ ১-১৩৫-২২ (৬০৬৯)
`রাজা ভোগান্পরিত্যজ্য তপস্বী সংবভূব হ।
স যথোক্তং তপস্তেপে পত্রমূলফলাশনঃ॥ ১-১৩৫-২৩ (৬০৭০)
পত্নীভ্যাং সহ ধর্মাত্মা সংচিৎকালমতন্দ্রিতঃ।
তেন বৃত্তসমাচারৈস্তপসা চ তপস্বিনঃ॥ ১-১৩৫-২৪ (৬০৭১)
তোষিতাস্তাপসাস্তত্র শতশৃঙ্গনিবাসিনঃ।
স্বর্গলোকং গন্তুকামং তাপসাঃ সংনিবার্য তম্॥ ১-১৩৫-২৫ (৬০৭২)
উদ্যন্তং সহ পত্নীভ্যাং বিপ্রা বচনমব্রুবন্।
অনপত্যস্য রাজেন্দ্র পুণ্যা লোকা ন সন্তি তে॥ ১-১৩৫-২৬ (৬০৭৩)
তস্মাদ্ধর্মং চ বায়ুং চ মহেন্দ্রং চ তথাঽশ্বিনৌ।
আরাধয়স্ব রাজেন্দ্র পত্নীভ্যাং সহ দেবতাঃ॥ ১-১৩৫-২৭ (৬০৭৪)
প্রীতাঃ পুত্রান্প্রদাস্যন্তি ঋণমুক্তো ভবিষ্যসি।
তপসা দিব্যচক্ষুষ্ট্বাৎপশ্যামস্তে তথা সুতান্॥ ১-১৩৫-২৮ (৬০৭৫)
অস্মাকং বচনং শ্রুৎবা দেবানারাধয়ত্তদা।’
ব্রহ্মচর্যব্রতস্থস্য তস্য দিব্যেন হেতুনা॥ ১-১৩৫-২৯ (৬০৭৬)
সাক্ষাদ্ধর্মাদয়ং পুত্রস্তত্র জাতো যুধিষ্ঠিরঃ।
তথৈনং বলিনাং শ্রেষ্ঠং তস্য রাজ্ঞো মহাত্মনঃ॥ ১-১৩৫-৩০ (৬০৭৭)
মাতরিশ্বা দদৌ পুত্রং ভীমং নাম মহাবলম্।
পুরন্দরাদয়ং জজ্ঞে কুন্ত্যাং সত্যপরাক্রমঃ॥ ১-১৩৫-৩১ (৬০৭৮)
`অস্মিঞ্জাতে মহেষ্বাসে পৃথামিন্দ্রস্তদাঽব্রবীৎ।
মৎপ্রসাদাদয়ং জাতঃ কুন্তি সত্যপরাক্রমঃ॥ ১-১৩৫-৩২ (৬০৭৯)
অজেয়ানপি জেতাঽরীন্দেবতাদীন্ন সংশয়ঃ।’
যস্য কীর্তির্মহেষ্বাসান্সর্বানভিভবিষ্যতি॥ ১-১৩৫-৩৩ (৬০৮০)
`যুধিষ্ঠিরো রাজসূয়ং ভ্রাতৃবীর্যাদবাপ্স্যতি।
এষ জেতা মনুষ্যাংশ্চ সর্বান্গন্ধর্বরাক্ষসান্॥ ১-১৩৫-৩৪ (৬০৮১)
এষ দুর্যোধনাদীনাং কৌরবাণাং চ জেষ্যতি।
বীরস্যৈতস্য বিক্রান্তৈর্ধর্মপুত্রো যুধিষ্ঠিরঃ॥ ১-১৩৫-৩৫ (৬০৮২)
যক্ষ্যতে রাজসূয়াদ্যৈর্ধর্ম এব পরঃ সদা।’
যৌ তু মাদ্রী মহেষ্বাসাবসূত পুরুষোত্তমৌ॥ ১-১৩৫-৩৬ (৬০৮৩)
অশ্বিভ্যাং পুরুষব্যাঘ্রাবিমৌ তাবপি তিষ্ঠতঃ।
`নকুলঃ সহদেবশ্চ তাবপ্যমিততেজসৌ॥’ ১-১৩৫-৩৭ (৬০৮৪)
চরতা ধর্মনিত্যেন বনবাসং যশস্বিনা।
এষ পৈতামহো বংশঃ পাণ্ডুনা পুনরুদ্ধৃতঃ॥ ১-১৩৫-৩৮ (৬০৮৫)
পুত্রাণাং জন্ম বৃদ্ধিং চ বৈদিকাধ্যযনানি চ।
পশ্যন্তঃ সততং পাণ্ডোঃ পরাং প্রীতিমবাপ্স্যথ॥ ১-১৩৫-৩৯ (৬০৮৬)
বর্তমানঃ সতাং বৃত্তে পুত্রলাভমবাপ চ।
পিতৃলোকং গতঃ পাণ্ডুরিতঃ সপ্তদশেঽহনি॥ ১-১৩৫-৪০ (৬০৮৭)
তং চিতাগতমাজ্ঞায় বৈশ্বানরমুখে হুতম্।
প্রবিষ্টা পাবকং মাদ্রী হিৎবা জীবিতমাত্মনঃ॥ ১-১৩৫-৪১ (৬০৮৮)
সা গতা সহ তেনৈব পতিলোকমনুব্রতা।
তস্যাস্তস্য চ যৎকার্যং ক্রিয়তাং তদনন্তরম্॥’ ১-১৩৫-৪২ (৬০৮৯)
পৃথাং চ শরণং প্রাপ্তাং পাণ্ডবাংশ্চ যশস্বিনঃ।
যথাবদনুমন্যন্তাং ধর্মো হ্যেষ সনাতনঃ॥ ১-১৩৫-৪৩ (৬০৯০)
ইমে তয়োঃ শরীরে দ্বে পুত্রাশ্চেমে তয়োর্বরাঃ।
ক্রিয়াভিরনুগৃহ্যন্তাং সহ মাত্রা পরংতপাঃ॥ ১-১৩৫-৪৪ (৬০৯১)
প্রেতকার্যে নিবৃত্তে তু পিতৃমেধং মহায়শাঃ।
লভতাং সর্বধর্মজ্ঞঃ পাণ্ডুঃ কুরুকুলোদ্বহঃ॥ ১-১৩৫-৪৫ (৬০৯২)
বৈশম্পায়ন উবাচ। ১-১৩৫-৪৬x (৮১২)
এবমুক্ৎবা কুরূন্সর্বান্কুরূণামেব পশ্যতাম্।
ক্ষণেনান্তর্হিতাঃ সর্বে তাপসা গুহ্যকৈঃ সহ॥ ১-১৩৫-৪৬ (৬০৯৩)
গন্ধর্বনগরাকারং তথৈবান্তর্হিতং পুনঃ।
ঋষিসিদ্ধগণং দৃষ্ট্বা বিস্ময়ং তে পরং যয়ুঃ॥ ॥ ১-১৩৫-৪৭ (৬০৯৪)

ইতি শ্রীমন্মহাভারতে আদিপর্বণি সংভবপর্বণি পঞ্চত্রিংশদধিকশততমোঽধ্যায়ঃ॥ ১৩৫ ॥

Mahabharata – Adi Parva – Chapter Footnotes

১-১৩৫-৪ দেহং দেহয়োরস্থীনি॥ ১-১৩৫-৮ তদ্গমনং সংক্ষিপ্তমমন্যত মুনীনাং যোগপ্রভাবাৎ স্বদেশগমনৌৎকণ্ঠ্যাদ্বা॥ ১-১৩৫-৯ বর্ধমানপুরদ্বারং মুখ্যদ্বারম্॥ ১-১৩৫-১১ আরণ্যানাং সহস্রসংখ্যানাং মুনীনাং চেতি যোজ্যম্॥ ১-১৩৫-১৪ ব্যতিকরঃ সংঘর্ষঃ॥ ১-১৩৫-২০ অকূজং নিঃশব্দম্॥ ১-১৩৫-৪৫ প্রেতকার্যে সপণ্ডীকরণান্তে। পিতৃমেধং যজ্ঞবিশেষম্। বৃষোৎসর্গাদিকং বা॥ ১-১৩৫-৪৭ গন্ধর্বনগরং খপুরম্॥ পঞ্চত্রিংশদধিকশততমোঽধ্যায়ঃ॥ ১৩৫ ॥