আদিপর্ব – অধ্যায় ১৩০

আদিপর্ব – অধ্যায় ১৩০

॥ শ্রীঃ ॥

১.১৩০. অধ্যায়ঃ ১৩০

Mahabharata – Adi Parva – Chapter Topics

দুঃশলাজননপ্রকারকথনম্॥ ১ ॥

Mahabharata – Adi Parva – Chapter Text

১-১৩০-০ (৫৭৬৭)
জনমেজয় উবাচ। ১-১৩০-০x (৭৭৪)
ধৃতরাষ্ট্রস্য পুত্রাণামাদিতঃ কথিতং ৎবয়া।
ঋষেঃ প্রসাদাত্তু শতং ন চ কন্যা প্রকীর্তিতা॥ ১-১৩০-১ (৫৭৬৮)
বৈশ্যাপুত্রো যুয়ুৎসুশ্চ কন্যা চৈকা শতাধিকা।
গান্ধাররাজদুহিতা শতপুত্রেতি চানঘ॥ ১-১৩০-২ (৫৭৬৯)
উক্তা মহর্ষিণা তেন ব্যাসেনামিততেজসা।
কথং ৎবিদানীং ভগবন্কন্যাং ৎবং তু ব্রবীষি মে॥ ১-১৩০-৩ (৫৭৭০)
যদি ভাগশতং পেশী কৃতা তেন মহর্ষিণা।
ন প্রজাস্যতি চেদ্ভূয়ঃ সৌবলেয়ী কথংচন॥ ১-১৩০-৪ (৫৭৭১)
কথং তু সংভবস্তস্যা দুঃশলায়া বদস্ব মে।
যথাবদিহ বিপ্রর্ষে পরং মেঽত্র কুতূহলম্॥ ১-১৩০-৫ (৫৭৭২)
বৈশম্পায়ন উবাচ। ১-১৩০-৬x (৭৭৫)
সাধ্বয়ং প্রশ্ন উদ্দিষ্টঃ পাণ্ডবেয় ব্রবীমি তে।
তাং মাংসপেশীং ভগবান্স্বয়মেব মহাতপাঃ॥ ১-১৩০-৬ (৫৭৭৩)
শীতাভিরদ্ভিরাসিচ্য ভাগং ভাগমকল্পয়ৎ।
যো যথা কল্পিতো ভাগস্তংত ধাত্র্যা তথা নৃপ॥ ১-১৩০-৭ (৫৭৭৪)
ঘৃতপূর্ণেষু কুণ্ডেষু একৈকং প্রাক্ষিপত্তদা।
এতস্মিন্নন্তরে সাধ্বী গান্ধারী সুদৃঢব্রতা॥ ১-১৩০-৮ (৫৭৭৫)
দুহিতুঃ স্নেহসংয়োগমনুধ্যায় বরাঙ্গনা।
`নাব্রবীত্তমৃষিং কিংচিদ্গৌরবাচ্চ যশস্বিনী।’
মনসা চিন্তয়দ্দেবী এতৎপুত্রশতং মম॥ ১-১৩০-৯ (৫৭৭৬)
ভবিষ্যতি ন সংদেহো ন ব্রবীত্যন্যথা মুনিঃ।
মমেয়ং পরমা তুষ্টির্দুহিতা মে ভবেদ্যদি॥ ১-১৩০-১০ (৫৭৭৭)
একা শতাধিকা বালা ভবিষ্যতি কনীয়সী।
ততো দৌহিত্রজাল্লোকাদবাহ্যোঽসৌ পতির্মম॥ ১-১৩০-১১ (৫৭৭৮)
অধিকা কিল নারীণাং প্রীতির্জামাতৃজা ভবেৎ।
যদি নাম মমাপি স্যাদ্দুহিতৈকা শতাধিকা॥ ১-১৩০-১২ (৫৭৭৯)
কৃতকৃত্যা ভবেয়ং বৈ পুত্রদৌহিত্রসংবৃতা।
যদি সত্যং তপস্তপ্তং দত্তং বাঽপ্যথবা হুতম্॥ ১-১৩০-১৩ (৫৭৮০)
গুরবস্তোষিতা বাপি তথাঽস্তু দুহিতা মম।
এতস্মিন্নেব কালে তু কৃষ্ণদ্বৈপায়নঃ স্বয়ম্॥ ১-১৩০-১৪ (৫৭৮১)
ব্যভজৎস তদা পেশীং ভগবানৃষিসত্তমঃ।
`গণ্যমানেষু কুণ্ডেষু শতে পূর্ণে মহাত্মনা॥ ১-১৩০-১৫ (৫৭৮২)
অভবচ্চাপরং খণ্ডং বামহস্তে তদা কিল।’
গণয়িৎবা শতং পূর্ণমংশানামাহ সৌবলীম্॥ ১-১৩০-১৬ (৫৭৮৩)
ব্যাস উবাচ। ১-১৩০-১৭x (৭৭৬)
পূর্ণং পুত্রশতং ৎবেতন্ন মিথ্যা বাগুদাহৃতা।
দৈবয়োগাচ্চ ভাগৈকঃ পরিশিষ্টঃ শতাৎপরঃ॥ ১-১৩০-১৭ (৫৭৮৪)
এষা তে সুভগা কন্যা ভবিষ্যতি যতেপ্সিতা। ১-১৩০-১৮ (৫৭৮৫)
বৈশম্পায়ন উবাচ।
ততোঽন্যং ঘৃতকুম্ভং চ সমানায়্য মহাতপাঃ॥ ১-১৩০-১৮x (৭৭৭)
তং চাপি প্রাক্ষিপত্তত্র কন্যাভাগং তপোধনঃ।
`সংভূতা চৈব কালেন সর্বেষাং চ যবীয়সী॥ ১-১৩০-১৯ (৫৭৮৬)
ঐতত্তে কথিতং রাজন্দুঃশলাজন্ম ভারত।
ব্রূহি রাজেন্দ্র কিং ভূয়ো বর্তয়িষ্যামি তেঽনঘ॥ ॥ ১-১৩০-২০ (৫৭৮৭)

ইতি শ্রীমন্মহাভারতে আদিপর্বণি সংভবপর্বণি ত্রিংশদধিকশততমোঽধ্যায়ঃ॥ ১৩০ ॥

Mahabharata – Adi Parva – Chapter Footnotes

১-১৩০-৪ ন প্রজাস্যতি প্রজামাত্মনো নেচ্ছতি॥ ত্রিংশদধিকশততমোঽধ্যায়ঃ॥ ১৩০ ॥