আদিপর্ব – অধ্যায় ১২৮

আদিপর্ব – অধ্যায় ১২৮

॥ শ্রীঃ ॥

১.১২৮. অধ্যায়ঃ ১২৮

Mahabharata – Adi Parva – Chapter Topics

উদ্দালককথা॥ ১ ॥ উদ্দালকপুত্রেণ শ্বেতকেতুনা কৃতা স্ত্রীপুরুষমর্যাদা॥ ২ ॥ গুণাধিকাৎ দ্বিজাতেঃ পুত্রোৎপাদনার্থং প্রতি পাণ্ডোরাজ্ঞা॥ ৩ ॥ কুন্ত্যা দুর্বাসসঃ স্বস্য মন্ত্রপ্রাপ্তিকথনম্॥ ৪ ॥

Mahabharata – Adi Parva – Chapter Text

১-১২৮-০ (৫৬০৯)
বৈশম্পায়ন উবাচ। ১-১২৮-০x (৭৫৮)
এবমুক্তস্তয়া রাজা তাং দেবীং পুনরব্রবীৎ।
ধর্মবিদ্ধর্মসংয়ুক্তমিদং বচনমুত্তমম্॥ ১-১২৮-১ (৫৬১০)
পাণ্ডুরুবাচ। ১-১২৮-২x (৭৫৯)
এবমেতৎপুরা কুন্তি ব্যুষিতাশ্বশ্চকার হ।
যথা ৎবয়োক্তং কল্যাণি স হ্যাসীদমরোপমঃ॥ ১-১২৮-২ (৫৬১১)
অথ ৎবিদং প্রবক্ষ্যামি ধর্মতত্ৎবং নিবোধ মে।
পুরাণমৃষিভির্দৃষ্টং ধর্মবিদ্ভির্মহাত্মভিঃ॥ ১-১২৮-৩ (৫৬১২)
অনাবৃতাঃ কিল পুরা স্ত্রিয় আসন্বরাননে।
কামচারবিহারিণ্যঃ স্বতন্ত্রাশ্চারুহাসিনি॥ ১-১২৮-৪ (৫৬১৩)
তাসাং ব্যুচ্চরমাণানাং কৌমারাৎসুভগে পতীন্।
নাধর্মোঽভূদ্বরারোহে স হি ধর্মঃ পুরাঽভবৎ॥ ১-১২৮-৫ (৫৬১৪)
তং চৈব ধর্মং পৌরাণং তির্যগ্যোনিগতাঃ প্রজাঃ।
অদ্যাপ্যনুবিধীয়ন্তে কামক্রোধবিবর্জিতাঃ॥ ১-১২৮-৬ (৫৬১৫)
প্রমাণদৃষ্টো ধর্মোঽয়ং পূজ্যতে চ মহর্ষিভিঃ।
উত্তরেষু চ রম্ভোরু কুরুষ্বদ্যাপি পূজ্যতে।
স্ত্রীণামনুগ্রহকরঃ স হি ধর্মঃ সনাতনঃ॥ ১-১২৮-৭ (৫৬১৬)
`নাগ্নিস্তৃপ্যতি কাষ্ঠানাং নাপগানাং মহোদধিঃ।
নান্তকঃ সর্বভূতানাং ন পুংসাং বামলোচনাঃ॥ ১-১২৮-৮ (৫৬১৭)
এবং তৃষ্ণা তু নারীণাং পুরুষং পুরুষং প্রতি।
অগম্যাগমনং স্ত্রীণাং নাস্তি নিত্যং শুচিস্মিতে॥ ১-১২৮-৯ (৫৬১৮)
পুত্রং বা কিল পৌত্রং বা কাসাংচিদ্ধাতরং তথা।
রহসীহ নরং দৃষ্ট্বা যোনিরুৎক্লিদ্যতে তদা॥ ১-১২৮-১০ (৫৬১৯)
এতৎস্বাভাবিকং স্ত্রীণাং ন নিমিত্তকৃতং শুভে।’
অস্মিংস্তু লোকে নচিরান্মর্যাদেয়ং শুচিস্মিতে॥ ১-১২৮-১১ (৫৬২০)
স্থাপিতা যেন যস্মাচ্চ তন্মে বিস্তরতঃ শৃণু।
বভূবোদ্দালকো নাম মহর্ষিরিতি নঃ শ্রুতম্॥ ১-১২৮-১২ (৫৬২১)
শ্বেতকেতুরিতি খ্যাতঃ পুত্রস্তস্যাভবন্মুনিঃ।
মর্যাদেয়ং কৃতা তেন ধর্ম্যা বৈ শ্বেতকেতুনা॥ ১-১২৮-১৩ (৫৬২২)
কোপাৎকমলপত্রাক্ষি যদর্থং তন্নিবোধ মে॥ ১-১২৮-১৪ (৫৬২৩)
`শ্বেতকেতোঃ পিতা দেবি তপ উগ্রং সমাস্থিতঃ।
গ্রীষ্মে পঞ্চতপা ভূৎবা বর্ষাস্বাকাশগোঽভবৎ॥ ১-১২৮-১৫ (৫৬২৪)
শিশইরে সলিলস্থায়ী সহ পত্ন্যা মহাতপাঃ।
উদ্দালকং তপস্যন্তং নিয়মেন সমাহিতম্॥ ১-১২৮-১৬ (৫৬২৫)
তস্য পুত্রঃ শ্বেতকেতুঃ পরিচর্যাং চকার হ।
অভ্যাগচ্ছদ্দ্বিজঃ কশ্চিদ্বলীপলিতসংততঃ॥ ১-১২৮-১৭ (৫৬২৬)
তং দৃষ্ট্বৈব মুনিঃ প্রীতঃ পূজয়ামাস শাস্ত্রতঃ।
স্বাগতেন চ পাদ্যেন মৃদুবাক্যৈশ্চ ভারত॥ ১-১২৮-১৮ (৫৬২৭)
শাকমূলফলাদ্যৈশ্চ বন্যৈরন্যৈরপূজয়ৎ।
ক্ষুৎপিপাসাশ্রমেংণার্তঃ পূজিতশ্চ মহর্ষিণা॥ ১-১২৮-১৯ (৫৬২৮)
বিশ্রান্তো মুনিমাসাদ্য পর্যপৃচ্ছদ্দ্বিজস্তদা।
উদ্দালক মহর্ষে ৎবং সত্যং মে ব্রূহি মাঽনৃতম্॥ ১-১২৮-২০ (৫৬২৯)
ঋষিপুত্রঃ কুমারোঽয়ং দর্শনীয়ো বিশেষতঃ।
তব পুত্রমিমং মন্যে কৃতকৃত্যোঽসি তদ্বদ॥ ১-১২৮-২১ (৫৬৩০)
উদ্দালক উবাচ। ১-১২৮-২২x (৭৬০)
মম পত্নী মহাপ্রাজ্ঞ কুশিকস্য সুতা মতা।
মামেবানুগতা পত্নী মম নিত্যমনুব্রতা॥ ১-১২৮-২২ (৫৬৩১)
অরুন্ধতীব পত্নীনাং তপসা কর্শিতস্তনী।
অস্যাং জাতঃ শ্বেতকেতুর্মম পুত্রো মহাতপাঃ॥ ১-১২৮-২৩ (৫৬৩২)
বেদবেদাঙ্গবিদ্বিপ্র মচ্ছাসনপরায়ণঃ।
লোকজ্ঞঃ সর্বলোকেষু বিশ্রুতঃ সত্যবাগ্ঘৃণী॥ ১-১২৮-২৪ (৫৬৩৩)
ব্রাহ্মণ উবাচ। ১-১২৮-২৫x (৭৬১)
অপুত্রী ভার্যযা চার্থী বৃদ্ধোঽহং মন্দচাক্ষুষঃ।
পিত্র্যাদৃণাদনির্মুক্তঃ পূর্বমেবাকৃতস্ত্রিয়ঃ॥ ১-১২৮-২৫ (৫৬৩৪)
প্রজারণিস্তু পত্নী তে কুলশীলসমন্বিতা।
সদৃশী মম গোত্রেণ বহাম্যেনাং ক্ষমস্ব মে॥ ১-১২৮-২৬ (৫৬৩৫)
পাণ্ডুরুবাচ। ১-১২৮-২৭x (৭৬২)
ইত্যুক্ৎবা মৃগশাবাক্ষীং চীরকৃষ্ণাজিনাম্বরাম্।
যষ্ট্যাধারঃ স্রস্তগাত্রো মন্দচক্ষুরবুদ্ধিমান্॥ ১-১২৮-২৭ (৫৬৩৬)
স্বব্যাপারাক্ষমাং শ্রেষ্ঠমচিত্তামাত্মনি দ্বিজঃ।’
শ্বেতকেতোঃ কিল পুরা সমক্ষং মাতরং পিতুঃ॥ ১-১২৮-২৮ (৫৬৩৭)
জগ্রাহ ব্রাহ্মণঃ পাপৌ গচ্ছাব ইতি চাব্রবীৎ।
ঋষিপুত্রস্তদা কোপং চকারামর্ষিতস্তদা॥ ১-১২৮-২৯ (৫৬৩৮)
মাতরং তাং তথা দৃষ্ট্বা নীয়মানাং বলাদিব।
`তপসা দীপ্তবীর্যো হি শ্বেতকেতুর্ন চক্ষমে॥ ১-১২৮-৩০ (৫৬৩৯)
সংগৃহ্য মাতরং হস্তে শ্বেতকেতুরভাষত।
দুর্ব্রাহ্মণ বিমুঞ্চ ৎবং মাতরং মে পতিব্রতাম্॥ ১-১২৮-৩১ (৫৬৪০)
স্বয়ং পিতা মে ব্রহ্মর্ষিঃ ক্ষমাবান্ব্রহ্মবিত্তমঃ।
শাপানুগ্রহয়োঃ শক্তঃ তূষ্ণীংভূতো মহাব্রতঃ॥ ১-১২৮-৩২ (৫৬৪১)
তস্য পত্নী দমোপেতা মম মাতা বিশেষতঃ।
পতিব্রতাং তপোবৃদ্ধাং সাধ্বাচারৈরলঙ্কৃতাম্॥ ১-১২৮-৩৩ (৫৬৪২)
অপ্রমাদেন তে ব্রহ্মন্মাতৃভূতাং বিমুঞ্চ বৈ॥ ১-১২৮-৩৪ (৫৬৪৩)
এবমুক্ৎবা তু যাচন্তং বিমুঞ্চেতি মুহুর্মুহুঃ।
প্রত্যবোচদ্দ্বিজো রাজন্নপ্রগল্ভমিদং বচঃ॥ ১-১২৮-৩৫ (৫৬৪৪)
ব্রাহ্মণ উবাচ। ১-১২৮-৩৬x (৭৬৩)
অপত্যার্থী শ্বেতকেতো বৃদ্ধোঽহং মন্দচাক্ষুষঃ।
পিতা তে ঋণনির্মুক্তস্ৎবয়া পুত্রেণ কাশ্যপ॥ ১-১২৮-৩৬ (৫৬৪৫)
ঋণাদহমনির্মুক্তো বৃদ্ধোঽহং বিগতস্পৃহঃ।
মম কো দাস্যতি সুতাং কন্যাং সংপ্রাপ্তয়ৌবনাম্॥ ১-১২৮-৩৭ (৫৬৪৬)
প্রজারণিমিমাং পত্নীং বিমুঞ্চ ৎবং মহাতপঃ।
একয়া প্রজয়া প্রীতো মাতরং তে দদাম্যহম্॥ ১-১২৮-৩৮ (৫৬৪৭)
এবমুক্তঃ শ্বেতকেতুর্লজ্জয়া ক্রোধমেয়িবান্।’
ক্রুদ্ধং তং তু পিতা দৃষ্ট্বা শ্বেতকেতুমুবাচ হ॥ ১-১২৮-৩৯ (৫৬৪৮)
মা তাত কোপং কার্ষীস্ৎবমেষ ধর্মঃ সনাতনঃ।
অনাবৃতা হি সর্বেষাং বর্ণানামঙ্গনা ভুবি॥ ১-১২৮-৪০ (৫৬৪৯)
যথা গাবঃ স্থিতাঃ পুত্র স্বেস্বে বর্ণে তথা প্রজাঃ।
`তথৈব চ কুটুম্বেষু ন প্রমাদ্যন্তি কর্হিচিৎ॥ ১-১২৮-৪১ (৫৬৫০)
ঋতুকালে তু সংপ্রাপ্তে ভর্তারং ন জহুস্তদা।’
ঋষিপুত্রোঽথ তং ধর্মং শ্বেতকেতুর্ন চক্ষমে॥ ১-১২৮-৪২ (৫৬৫১)
চকার চৈব মর্যাদামিমাং স্ত্রীপুংসয়োর্ভুবি।
মানুষেষু মহাভাগে ন ৎবেবান্যেষু জন্তুষু॥ ১-১২৮-৪৩ (৫৬৫২)
তদাপ্রভৃতি মর্যাদা স্থিতেয়মিতি নঃ শ্রুতম্।
ব্যুচ্চরন্ত্যাঃ পতিং নার্যা অদ্যপ্রভৃতি পাতকম্॥ ১-১২৮-৪৪ (৫৬৫৩)
ভ্রূণহত্যাসমং ঘোরং ভবিষ্যত্যসুখাবহম্।
`অদ্যাপ্যনুবিধীয়ন্তে কামক্রোধবিবর্জিতাঃ॥ ১-১২৮-৪৫ (৫৬৫৪)
উত্তরেষু মহাভাগে কুরুষ্বেবং যশস্বিনি।
পুরাণদৃষ্টো ধর্মোঽয়ং পূজ্যতে চ মহর্ষিভিঃ॥’ ১-১২৮-৪৬ (৫৬৫৫)
ভার্যাং তথা ব্যুচ্চরতঃ কৌমারব্রহ্মচারিণীম্।
পতিব্রতামেতদেব ভবিতা পাতকং ভুবি॥ ১-১২৮-৪৭ (৫৬৫৬)
নিয়ুক্তা পতিনা ভার্যা যদ্যপত্যস্য কারণাৎ।
ন কুর্যাত্তত্তথা ভীরু সৈনঃ সুমহদাপ্নুয়াৎ।
ইতি তেন পুরা ভীরু মর্যাদা স্থাপিতা বলাৎ॥ ১-১২৮-৪৮ (৫৬৫৭)
উদ্দালকস্য পুত্রেণ ধর্ম্যা বৈ শ্বেতকেতুনা।
সৌদাসেন চ রম্ভোরু নিয়ুক্তা পুত্রজন্মনি॥ ১-১২৮-৪৯ (৫৬৫৮)
মদয়ন্তী জগামর্ষিং বসিষ্ঠমিতি নঃ শ্রুতম্।
তস্মাল্লেভে চ সা পুত্রমশ্মকং নাম ভামিনী॥ ১-১২৮-৫০ (৫৬৫৯)
এবং কৃতবতী সাপি ভর্তুঃ প্রিয়চিকীর্ষয়া।
অস্মাকমপি তে জন্ম বিদিতং কমলেক্ষণে॥ ১-১২৮-৫১ (৫৬৬০)
কৃষ্ণদ্বৈপায়নাদ্ভীরু কুরূণাং বংশবৃদ্ধয়ে।
অত এতানি সর্বাণি কারণানি সমীক্ষ্য বৈ॥ ১-১২৮-৫২ (৫৬৬১)
মমৈতদ্বচনং ধর্ম্যং কর্তুমর্হস্যনিন্দিতে।
ঋতাবৃতৌ রাজপুত্রি স্ত্রিয়া ভর্তা পতিব্রতে॥ ১-১২৮-৫৩ (৫৬৬২)
নাতিবর্তব্য ইত্যেবং ধর্মং ধর্মবিদো বিদুঃ।
শেষেষ্বন্যেষু কালেষু স্বাতন্ত্র্যং স্ত্রী কিলার্হতি॥ ১-১২৮-৫৪ (৫৬৬৩)
ধর্মমেবং জনাঃ সন্তঃ পুরাণং পরিচক্ষতে।
ভর্তা ভার্যাং রাজপুত্রি ধর্ম্যং বাঽধর্ম্যমেব বা॥ ১-১২৮-৫৫ (৫৬৬৪)
যদ্ব্রূয়াত্তত্তথা কার্যমিতি বেদবিদো বিদুঃ।
বিশেষতঃ পুত্রগৃদ্ধী হীনঃ প্রজননাৎস্বয়ম্॥ ১-১২৮-৫৬ (৫৬৬৫)
যথাঽহমনবদ্যাঙ্গি পুত্রদর্শনলালসঃ।
অয়ং রক্তাঙ্গুলিনখঃ পদ্মপত্রনিভঃ শুভে॥ ১-১২৮-৫৭ (৫৬৬৬)
প্রসাদনার্থং সুশ্রোণি শিরস্যভ্যুদ্যতোঽঞ্জলিঃ।
মন্নিয়োগাৎসুকেশান্তে দ্বিজাতেস্তপসাঽধিকাৎ॥ ১-১২৮-৫৮ (৫৬৬৭)
পুত্রান্গুণসমায়ুক্তানুৎপাদয়িতুমর্হসি।
ৎবৎকৃতেঽহং পৃথুশ্রোণি গচ্ছেয়ং পুত্রিণাং গতিম্॥ ১-১২৮-৫৯ (৫৬৬৮)
বৈশম্পায়ন উবাচ। ১-১২৮-৬০x (৭৬৪)
এবমুক্তা ততঃ কুন্তী পাণ্ডুং পরপুরঞ্জয়ম্।
প্রত্যুবাচ বরারোহা ভর্তুঃ প্রিয়হিতে রতা॥ ১-১২৮-৬০ (৫৬৬৯)
`অধর্মঃ সুমহানেষু স্ত্রীণাং ভরতসত্তম।
যৎপ্রসাদয়তে ভর্তা প্রসাদ্যঃ ক্ষত্রিয়র্ষভ।
শৃণু চেদং মহাবাহো মম প্রীতিকরং চঃ॥’ ১-১২৮-৬১ (৫৬৭০)
পিতৃবেশ্মন্যহং বালা নিয়ুক্তাঽতিথিপূজনে।
উগ্রং পর্যচরং তত্র ব্রাহ্মণং সংশিতব্রতম্॥ ১-১২৮-৬২ (৫৬৭১)
নিগূঢনিশ্চয়ং ধর্মে যং তং দুর্বাসসং বিদুঃ।
তমহং সংশিতাত্মানং সর্বয়ত্নৈরতোষয়ম্॥ ১-১২৮-৬৩ (৫৬৭২)
স মেঽভিচারসংয়ুক্তমাচষ্ট ভগবান্বরম্।
মন্ত্রং ৎবিমং চ মে প্রাদাদব্রবীচ্চৈব মামিদম্॥ ১-১২৮-৬৪ (৫৬৭৩)
যং যং দেবং ৎবমেতেন মন্ত্রেণাবাহয়িষ্যসি।
অকামো বা সকামো বা বশং তে সমুপৈষ্যতি॥ ১-১২৮-৬৫ (৫৬৭৪)
তস্য তস্য প্রসাদাত্তে রাজ্ঞি পুত্রো ভবিষ্যতি।
ইত্যুক্তাঽহং তদা তেন পিতৃবেশ্মনি ভারত॥ ১-১২৮-৬৬ (৫৬৭৫)
ব্রাহ্মণস্য বচস্তথ্যং তস্য কালোঽয়মাগতঃ।
অনুজ্ঞাতা ৎবয়া দেবমাহ্বয়েয়মহং নৃপ॥ ১-১২৮-৬৭ (৫৬৭৬)
`যাং মে বিদ্যাং মহারাজ অদদাৎস মহায়শাঃ।
তয়াঽঽহূতঃ সুরঃ পুত্রং প্রদাস্যতি সুরোপমম্।
অনপত্যকৃতং যস্তে শোকং বীর বিনেষ্যতি॥’ ॥ ১-১২৮-৬৮ (৫৬৭৭)

ইতি শ্রীমন্মহাভারতে আদিপর্বণি সংভবপর্বণি অষ্টাবিংশত্যধিকশততমোঽধ্যায়ঃ॥ ১২৮ ॥

Mahabharata – Adi Parva – Chapter Footnotes

১-১২৮-৪ অনাবৃতাঃ সর্বৈর্দ্রষ্টুং যোগ্যাঃ। কামচারো রতিসুখং তদর্থং বিহারিণ্যঃ পর্যটনশীলাঃ। স্বতন্ত্রা ভর্ত্রাদিভিরনিবার্যাঃ॥ ১-১২৮-৫ পতীন্ব্যুচ্চরমাণানাং ব্যভিচরন্তীনাম্॥ ১-১২৮-৬ অনুবিধীয়ন্তে অনুসার্যন্তে ঈশ্বরেণ॥ ১-১২৮-১১ নচিরাদল্পকালতঃ॥ ১-১২৮-৫৫ পুরাণং যুগান্তরীয়ম্॥ ১-১২৮-৫৯ ৎবৎকৃতে ৎবয়া॥ ১-১২৮-৬৪ অভিচারো দেবতাকর্ষণশক্তিঃ॥ অষ্টবিংশত্যধিকশততমোঽধ্যায়ঃ॥ ১২৮ ॥