আদিপর্ব – অধ্যায় ১২৭

আদিপর্ব – অধ্যায় ১২৭

॥ শ্রীঃ ॥

১.১২৭. অধ্যায়ঃ ১২৭

Mahabharata – Adi Parva – Chapter Topics

কুন্ত্যা পাণ্ডুং প্রতি ব্যুষিতাশ্বকথাকথনম্॥ ১ ॥

Mahabharata – Adi Parva – Chapter Text

১-১২৭-০ (৫৫৭১)
বৈশম্পায়ন উবাচ। ১-১২৭-০x (৭৫৪)
এবমুক্তা মহারাজ কুন্তী পাণ্ডুমভাষত।
কুরূণামৃষভং বীরং তদা ভূমিপতিং পতিম্॥ ১-১২৭-১ (৫৫৭২)
কুন্ত্যুবাচ। ১-১২৭-২x (৭৫৫)
ন মামর্হসি ধর্মজ্ঞ বক্তুমেবং কথংচন।
ধর্মপত্নীমভিরতাং ৎবয়ি রাজীবলোচনে॥ ১-১২৭-২ (৫৫৭৩)
ৎবমেব তু মহাবাহো ময়্যপত্যানি ভারত।
বীর বীর্যোপপন্নানি ধর্মতো জনয়িষ্যসি॥ ১-১২৭-৩ (৫৫৭৪)
স্বর্গং মনুজশার্দূল গচ্ছেয়ং সহিতা ৎবয়া।
অপত্যায় চ মাং গচ্ছ ৎবমেব কুরুনন্দন॥ ১-১২৭-৪ (৫৫৭৫)
ন হ্যহং মনসাপ্যন্যং গচ্ছেয়ং ৎবদৃতে নরম্।
ৎবত্তঃ প্রতি বিশিষ্টশ্চ কোঽন্যোঽস্তি ভুবি মানবঃ॥ ১-১২৭-৫ (৫৫৭৬)
ইমাং চ তাবদ্ধর্মাত্মন্পৌরাণীং শৃণু মে কথাম্।
পরিশ্রুতাং বিশালাক্ষ কীর্তয়িষ্যামি যামহম্॥ ১-১২৭-৬ (৫৫৭৭)
ব্যুষইতাশ্ব ইতি খ্যাতো বভূব কিল পার্থিবঃ।
পুরা পরমধর্মিষ্ঠঃ পূরোর্বংশবিবর্ধনঃ॥ ১-১২৭-৭ (৫৫৭৮)
তস্মিংশ্চ যজমানে বৈ ধর্মাত্মনি মহাভুজে।
উপাগমংস্ততো দেবাঃ সেন্দ্রা দেবর্ষিভিঃ সহ॥ ১-১২৭-৮ (৫৫৭৯)
অমাদ্যদিন্দ্রঃ সোমেন দক্ষিণাভির্দ্বিজাতয়ঃ।
ব্যুষিতাশ্বস্য রাজর্ষেস্ততো যজ্ঞে মহাত্মনঃ॥ ১-১২৭-৯ (৫৫৮০)
দেবা ব্রহ্মর্ষয়শ্চৈব চক্রুঃ কর্ম স্বয়ং তদা।
ব্যুষিতাশ্বস্ততো রাজন্নতি মর্ত্যান্ব্যরোচত॥ ১-১২৭-১০ (৫৫৮১)
সর্বভূতান্প্রতি যথা তপনঃ শিশিরাত্যযে।
স বিজিত্য গৃহীৎবা চ নৃপতীন্রাজসত্তমঃ॥ ১-১২৭-১১ (৫৫৮২)
প্রাচ্যানুদিচ্যান্পাশ্চাত্যান্দাক্ষিণাত্যানকালয়ৎ।
অশ্বমেধে মহায়জ্ঞে ব্যুষিতাশ্বঃ প্রতাপবান্॥ ১-১২৭-১২ (৫৫৮৩)
বভূব স হি রাজেন্দ্রো দশনাগবলান্বিতঃ।
অপ্যত্র গাথাং গায়ন্তি যে পুরাণবিদো জনাঃ॥ ১-১২৭-১৩ (৫৫৮৪)
ব্যুষিতাশ্বে যশোবৃদ্ধে মনুষ্যেন্দ্রে কুরূত্তম।
ব্যুষিতাশ্বঃ সমুদ্রান্তাং বিজিত্যেমাং বসুন্ধরাম্॥ ১-১২৭-১৪ (৫৫৮৫)
অপালয়ৎসর্ববর্ণান্পিতা পুত্রানিবৌরসান্।
যজমানো মহায়জ্ঞৈর্ব্রাহ্মণেভ্যো ধনং দদৌ॥ ১-১২৭-১৫ (৫৫৮৬)
অনন্তরত্নান্যাদায় স জহার মহাক্রতূন্।
সুষাব চ বহূন্সোমান্সোমসংস্থাস্ততান চ॥ ১-১২৭-১৬ (৫৫৮৭)
আসীৎকাক্ষীবতী চাস্য ভার্যা পরমসংমতা।
ভদ্রা নাম মনুষ্যেন্দ্র রূপেণাসদৃশী ভুবি॥ ১-১২৭-১৭ (৫৫৮৮)
কাময়ামাসতুস্তৌ চ পরস্পরমিতি শ্রুতম্।
স তস্যাং কামসংপন্নো যক্ষ্মণা সমপদ্যত॥ ১-১২৭-১৮ (৫৫৮৯)
তেনাচিরেণ কালেন জগামাস্তমিবাংশুমান্।
তস্মিন্প্রেতে মনুষ্যেন্দ্রে ভার্যাঽস্য ভৃশদুঃখিতা॥ ১-১২৭-১৯ (৫৫৯০)
অপুত্রা পুরুষব্যাঘ্র বিললাপেতি নঃ শ্রুতম্।
ভদ্রা পরমদুঃখার্তা তন্নিবোধ জনাধিপ॥ ১-১২৭-২০ (৫৫৯১)
ভদ্রোবাচ। ১-১২৭-২১x (৭৫৬)
নারী পরমধর্মজ্ঞ সর্বা ভর্তৃবিনাকৃতা।
পতিং বিনা জীবতি যা ন সা জীবতি দুঃখিতা॥ ১-১২৭-২১ (৫৫৯২)
পতিং বিনা মৃতং শ্রেয়ো নার্যাঃ ক্ষত্রিয়পুংগব॥
ৎবদ্গতিং গন্তুমিচ্ছামি প্রসীদস্বনয়স্বমাম্॥ ১-১২৭-২২ (৫৫৯৩)
ৎবয়া হীনা ক্ষণমপি নাহং জীবিতুমুৎসহে।
প্রসাদং কুরু মে রাজন্নিতস্তূর্ণং নয়স্ব মাম্॥ ১-১২৭-২৩ (৫৫৯৪)
পৃষ্ঠতোঽনুগমিষ্যামি সমেষু বিষমেষু চ।
ৎবামহং নরশার্দূল গচ্ছন্তমনিবর্তিতুম্॥ ১-১২৭-২৪ (৫৫৯৫)
ছায়েবানুগতা রাজন্সততং বশবর্তিনী।
ভবিষ্যামি নরব্যাঘ্র নিত্যং প্রিয়হিতে রতা॥ ১-১২৭-২৫ (৫৫৯৬)
অদ্যপ্রভৃতি মাং রাজন্কষ্টা হৃদয়শোষণাঃ।
আধয়োঽভিভবিষ্যন্তি ৎবামৃতে পুষ্করেক্ষণ॥ ১-১২৭-২৬ (৫৫৯৭)
অভাগ্যযা ময়া নূনং বিয়ুক্তাঃ সহচারিণঃ।
তেন মে বিপ্রয়োগোঽয়মুপপন্নস্ৎবয়া সহ॥ ১-১২৭-২৭ (৫৫৯৮)
বিপ্রয়ুক্তা তু যা পত্যা মুহূর্তমপি জীবতি।
দুঃখং জীবতি সা পাপা নরকস্থেব পার্থিব॥ ১-১২৭-২৮ (৫৫৯৯)
সংয়ুক্তা বিপ্রয়ুক্তাশ্চ পূর্বদেহে কৃতা ময়া।
তদিদং কর্মভিঃ পাপৈঃ পূর্বদেহেষু সংচিতম্॥ ১-১২৭-২৯ (৫৬০০)
দুঃখং মামনুসংপ্রাপ্তং রাজংস্ৎবদ্বিপ্রয়োগজম্।
অদ্যপ্রভৃত্যহং রাজন্কুশসংস্তরশায়িনী।
ভবিষ্যাম্যসুখাবিষ্টা ৎবদ্দর্শনপরায়ণা॥ ১-১২৭-৩০ (৫৬০১)
দর্শয়স্ব নরব্যাঘ্র শাধি মামসুখান্বিতাম্।
কৃপণাং চাথ করুণং বিলপত্নীং নরেশ্বর॥ ১-১২৭-৩১ (৫৬০২)
কন্ত্যুবাচ। ১-১২৭-৩২x (৭৫৭)
এবং বহুবিধং তস্যাং বিলপন্ত্যাং পুনঃপুনঃ।
তং শবং সংপরিষ্বজ্য বাক্কিলাঽন্তর্হিতাঽব্রবীৎ॥ ১-১২৭-৩২ (৫৬০৩)
উত্তিষ্ঠ ভদ্রে গচ্ছ ৎবং দদানীহ বরং তব।
জনয়িষ্যাম্যপত্যানি ৎবয়্যহং চারুহাসিনি॥ ১-১২৭-৩৩ (৫৬০৪)
আত্মকীয়ে বরারোহে শয়নীয়ে চতুর্দশীম্।
অষ্টমীং বা ঋতুস্নাতা সংবিশেথা ময়া সহ॥ ১-১২৭-৩৪ (৫৬০৫)
এবমুক্তা তু সা দেবী তথা চক্রে পতিব্রতা।
যথোক্তমেব তদ্বাক্যং ভদ্রা পুত্রার্থিনী তদা॥ ১-১২৭-৩৫ (৫৬০৬)
সা তেন সুষুবে দেবী শবেন ভরতর্ষভ।
ত্রীঞ্শাল্বাংশ্চতুরো মদ্রান্সুতান্ভরতসত্তম॥ ১-১২৭-৩৬ (৫৬০৭)
তথা ৎবমপি ময়্যেবং মনসা ভরতর্ষভ।
শক্তো জনয়িতুং পুত্রাংস্তপোয়োগবলান্বিতঃ॥ ॥ ১-১২৭-৩৭ (৫৬০৮)

ইতি শ্রীমন্মহাভারতে আদিপর্বণি সংভবপর্বণি সপ্তবিংশত্যধিকশততমোঽধ্যায়ঃ॥ ১২৭ ॥

Mahabharata – Adi Parva – Chapter Footnotes

১-১২৭-১২ অকালয়দ্বশীকৃতবান্॥ ১-১২৭-১৬ জহার আহৃতবান্ চকারেত্যর্থঃ। সোমসংস্থাঃ অগ্নিষ্টোমাত্যগ্নিষ্টোমাদয়ঃ সপ্ত॥ ১-১২৭-২২ মৃতং মরা॥ ১-১২৭-৩২ শবং প্রেবশরীরং সংপরিষ্বজ্য বিলপন্ত্যামিত্যন্বয়ঃ॥ সপ্তবিংশত্যধিকশততমোঽধ্যায়ঃ॥ ১২৭ ॥