আদিপর্ব – অধ্যায় ১২৪

আদিপর্ব – অধ্যায় ১২৪

॥ শ্রীঃ ॥

১.১২৪. অধ্যায়ঃ ১২৪

Mahabharata – Adi Parva – Chapter Topics

কিন্দমশাপাৎখিন্নস্য পাণ্ডোঃ পত্নীভ্যাং বনে বাসঃ॥ ১ ॥ পাণ্ডোঃ শতশৃঙ্গে তপশ্চরণম্॥ ২ ॥

Mahabharata – Adi Parva – Chapter Text

১-১২৪-০ (৫৪৫৬)
বৈশম্পায়ন উবাচ। ১-১২৪-০x (৭৩৮)
তং ব্যতীতমুপক্রম্য রাজা স্বমিব বান্ধবম্।
সভার্যঃ শোকদুঃখার্তঃ পর্যদেবয়দাতুরঃ॥ ১-১২৪-১ (৫৪৫৭)
পাণ্ডুরুবাচ। ১-১২৪-২x (৭৩৯)
সতামপি কুলে জাতাঃ কর্মণা বত দুর্গতিম্।
প্রাপ্নুবন্ত্যকৃতাত্মানঃ কামজালবিমোহিতাঃ॥ ১-১২৪-২ (৫৪৫৮)
শশ্বদ্ধর্মাত্মনা জাতো বাল এব পিতা মম।
জীবিতান্তমনুপ্রাপ্তঃ কামাত্মৈবেতি নঃ শ্রুতম্॥ ১-১২৪-৩ (৫৪৫৯)
তস্য কামাত্মনঃ ক্ষেত্রে রাজ্ঞঃ সংয়তবাগৃষিঃ।
কৃষ্ণদ্বৈপায়নঃ সাক্ষাদ্ভগবান্মামজীজনৎ॥ ১-১২৪-৪ (৫৪৬০)
তস্যাদ্য ব্যসনে বুদ্ধিঃ সংজাতেয়ং মমাধমা।
ত্যক্তস্য দেবৈরনয়ান্মৃগয়াং পরিধাবতঃ॥ ১-১২৪-৫ (৫৪৬১)
মোক্ষমেব ব্যবস্যামি বন্ধো হি ব্যসনং মহৎ।
সুবৃত্তিমনুবর্তিষ্যে তামহং পিতুরব্যযাম্॥ ১-১২৪-৬ (৫৪৬২)
অতীব তপসাত্মানং যোজয়িষ্যাম্যসংশয়ম্।
তস্মাদেকাহমেকাহমেকৈকস্মিন্বনস্পতৌ॥ ১-১২৪-৭ (৫৪৬৩)
চরন্ভৈক্ষং মুনির্মুণ্ডশ্চরিষ্যাম্যাশ্রমানিমান্।
পাংসুনা সমবচ্ছন্নঃ শূন্যাগারকৃতালয়ঃ॥ ১-১২৪-৮ (৫৪৬৪)
বৃক্ষমূলনিকেতো বা ত্যক্তসর্বপ্রিয়াপ্রিয়ঃ।
ন শোচন্ন প্রহৃষ্যংশ্চ তুল্যনিন্দাত্মসংস্তুতিঃ॥ ১-১২৪-৯ (৫৪৬৫)
নিরাশীর্নির্নমস্কারো নির্দ্বন্দ্বো নিষ্পরিগ্রহঃ।
ন চাপ্যবহসন্কংচিন্ন কুর্বন্ভ্রুকুটীং ক্বচিৎ॥ ১-১২৪-১০ (৫৪৬৬)
প্রসন্নবদনো নিত্যং সর্বভূতহিতে রতঃ।
জঙ্গমাজঙ্গমং সর্বমবিহিংসংশ্চতুর্বিধম্॥ ১-১২৪-১১ (৫৪৬৭)
স্বাসু প্রজাস্বিব সদা সমঃ প্রাণভৃতঃ প্রতি।
এককালং চরন্ভৈক্ষং কুলানি দশ পঞ্চ চ॥ ১-১২৪-১২ (৫৪৬৮)
অসংভবে বা ভৈক্ষস্য চরন্ননশনান্যপি।
অল্পমল্পং চ ভুঞ্জানঃ পূর্বালাভে ন জাতুচিৎ॥ ১-১২৪-১৩ (৫৪৬৯)
অন্যান্যপি চরঁল্লোভাদলাভে সপ্ত পূরয়ন্।
অলাভে যদি বা লাভে সমদর্শী মহাতপাঃ॥ ১-১২৪-১৪ (৫৪৭০)
বাস্যৈকং তক্ষতো বাহুং চন্দনেনৈকমুক্ষতঃ।
নাকল্যাণং ন কল্যাণং চিন্তয়ন্নুভয়োস্তয়োঃ॥ ১-১২৪-১৫ (৫৪৭১)
ন জিজীবিষুবৎকিংচিন্ন মুমূর্ষুবদাচরন্।
জীবিতং মরণং চৈব নাভিন্দন্ন চ দ্বিষন্॥ ১-১২৪-১৬ (৫৪৭২)
যাঃ কাশ্চিজ্জীবতা শক্যাঃ কর্তুমভ্যুদয়ক্রিয়াঃ।
তাঃ সর্বাঃ সমতিক্রম্য নিমেষাদিব্যবস্থিতঃ॥ ১-১২৪-১৭ (৫৪৭৩)
তাসু চাপ্যনবস্থাসু ত্যক্তসর্বেন্দ্রিয়ক্রিয়ঃ।
সংপরিত্যক্তধর্মার্থঃ সুনির্ণিক্তাত্মকল্মষঃ॥ ১-১২৪-১৮ (৫৪৭৪)
নির্মুক্তঃ সর্বপাপেভ্যো ব্যতীতঃ সর্ববাগুরাঃ।
ন বশে কস্যচিত্তিষ্ঠন্সধর্মা মাতরিশ্বনঃ॥ ১-১২৪-১৯ (৫৪৭৫)
এতয়া সততং বৃত্ত্যা চরন্নেবংপ্রকারয়া।
দেহং সংস্থাপয়িষ্যামি নির্ভয়ং মার্গমাস্থিতঃ॥ ১-১২৪-২০ (৫৪৭৬)
নাহং সুকৃপণে মার্গে স্ববীর্যক্ষয়শোচিতে।
স্বধর্মাৎসততাপেতে চরেয়ং বীর্যবর্জিতঃ॥ ১-১২৪-২১ (৫৪৭৭)
সৎকৃতোঽসৎকৃতো বাঽপি যোঽন্যাং কৃপণচক্ষুষা।
উপৈতি বৃত্তিং কামাত্মা স শুনাং বর্ততে পথি॥ ১-১২৪-২২ (৫৪৭৮)
বৈশম্পায়ন উবাচ। ১-১২৪-২৩x (৭৪০)
এবমুক্ৎবা সুদুঃখার্তো নিঃশ্বাসপরমো নৃপঃ।
অবেক্ষমাণঃ কুন্তীং চ মান্দ্রীং চ সমভাষত॥ ১-১২৪-২৩ (৫৪৭৯)
কৌসল্যা বিদুরঃ ক্ষত্তা রাজা চ সহ বন্ধুভিঃ।
আর্যা সত্যবতী ভীষ্মস্তে চ রাজপুরোহিতাঃ॥ ১-১২৪-২৪ (৫৪৮০)
ব্রাহ্মণাশ্চ মহাত্মানঃ সোমপাঃ সংশিতব্রতাঃ।
পৌরবৃদ্ধাশ্চ যে তত্র নিবসন্ত্যস্মদাশ্রয়াঃ।
প্রসাদ্য সর্বে বক্তব্যাঃ পাণ্ডুঃ প্রব্রাজিতো বনে॥ ১-১২৪-২৫ (৫৪৮১)
নিশম্য বচনং ভর্তুস্ত্যাগধর্মকৃতাত্মনঃ।
তৎসমং বচনং কুন্তী মাদ্রী চ সমভাষতাম্॥ ১-১২৪-২৬ (৫৪৮২)
অন্যেঽপি হ্যাশ্রমাঃ সন্তি যে শক্যা ভরতর্ষভ।
`আবাভ্যাং সহ বস্তুং বৈ ধর্মমাশ্রিত্য চিন্ত্যতাম্।’
আবাভ্যাং ধর্মপত্নীভ্যাং সহ তপ্তুং তপো মহৎ॥ ১-১২৪-২৭ (৫৪৮৩)
শরীরস্যাপি মোক্ষায় ধর্মং প্রাপ্য মহাফলম্।
ৎবমেব ভবিতা ভর্তা স্বর্গস্যাপি ন সংশয়ঃ॥ ১-১২৪-২৮ (৫৪৮৪)
প্রণিধায়েন্দ্রিয়গ্রামং ভর্তৃলোকপরায়ণে।
ত্যক্ৎবা কামসুখে হ্যাবাং তপ্স্যবো বিপুলং তপঃ॥ ১-১২৪-২৯ (৫৪৮৫)
যদি চাবাং মহাপ্রাজ্ঞ ত্যক্ষ্যসি ৎবং বিশাংপতে।
অদ্যৈবাবাং প্রহাস্যাবো জীবিতং নাত্র সংশয়ঃ॥ ১-১২৪-৩০ (৫৪৮৬)
পাণ্ডুরুবাচ। ১-১২৪-৩১x (৭৪১)
যদি ব্যবসিতং হ্যেতদ্যুবয়োর্ধর্মসংহিতম্।
স্ববৃত্তিমনুবর্তিষ্যে তামহং পিতুরব্যযাম্॥ ১-১২৪-৩১ (৫৪৮৭)
ত্যক্ৎবা গ্রাম্যসুখাহারং তপ্যমানো মহত্তপঃ।
বল্কলী ফলমূলাশী চরিষ্যামি মহাবনে॥ ১-১২৪-৩২ (৫৪৮৮)
অগ্নৌ জুহ্বন্নুভৌ কালাবুভৌ কালাবুপস্পৃশন্।
কৃশঃ পরিমিতাহারশ্চীরচর্মজটাধরঃ॥ ১-১২৪-৩৩ (৫৪৮৯)
শীতবাতাতপসহঃ ক্ষুৎপিপাসানবেক্ষকঃ।
তপসা দুশ্চরেণেদং শরীরমুপশোষয়ন্॥ ১-১২৪-৩৪ (৫৪৯০)
একান্তশীলী বিমৃশন্পক্বাপক্বেন বর্তয়ন্।
পিতৃন্দেবাংশ্চ বন্যেন বাগ্ভিরদ্ভিশ্চ তর্পয়ন্॥ ১-১২৪-৩৫ (৫৪৯১)
বানপ্রস্থজনস্যাপি দর্শনং কুলবাসিনঃ।
নাপ্রিয়াণ্যাচরিষ্যামি কিং পুনর্গ্রামবাসিনাম্॥ ১-১২৪-৩৬ (৫৪৯২)
এবমারণ্যশাস্ত্রাণামুগ্রমুগ্রতরং বিধিম্।
কাঙ্ক্ষমাণোঽহমাস্থাস্যে দেহস্যাস্যাঽঽসমাপনাৎ॥ ১-১২৪-৩৭ (৫৪৯৩)
বৈশম্পায়ন উবাচ। ১-১২৪-৩৮x (৭৪২)
ইত্যেবমুক্ৎবা ভার্যে তে রাজা কৌরবনন্দনঃ।
ততশ্চূডামণিং নিষ্কমঙ্গদে কুণ্ডলানি চ॥ ১-১২৪-৩৮ (৫৪৯৪)
বাসাংসি চ মহার্হাণি স্ত্রীণামাভরণানি চ।
`বাহনানি চ মুখ্যানি শস্ত্রাণি কবচানি চ॥ ১-১২৪-৩৯ (৫৪৯৫)
হেমভাণ্ডানি দিব্যানি পর্যঙ্কাস্তরণানি চ।
মণিমুক্তাপ্রবালানি রত্নানি বিবিধানি চ॥’ ১-১২৪-৪০ (৫৪৯৬)
প্রদায় সর্বং বিপ্রেভ্যঃ পাণ্ডুর্ভৃত্যানভাষত।
গৎবা নাগপুরং বাচ্যং পাণ্ডুঃ প্রব্রাজিতো বনে।
অর্থং কামং সুখং চৈব রতিং চ পরমাত্মিকাম্॥ ১-১২৪-৪১ (৫৪৯৭)
প্রতস্থে সর্বমুৎসৃজ্য সভার্যঃ কুরুনন্দনঃ।
ততস্তস্যানুয়াতারস্তে চৈব পরিচারকাঃ॥ ১-১২৪-৪২ (৫৪৯৮)
শ্রুৎবা ভরতসিংহস্য বিধিধাঃ করুণা গিরঃ।
ভমমার্তস্বরং কৃৎবা হাহেতি পরিচুক্রুশুঃ॥ ১-১২৪-৪৩ (৫৪৯৯)
উষ্ণমশ্রু বিমুঞ্চন্তস্তং বিহায় মহীপতিম্।
যয়ুর্নাগপুরং তূর্ণং সর্বমাদায় তদ্ধনম্॥ ১-১২৪-৪৪ (৫৫০০)
তে গৎবা নগরং রাজ্ঞো যথাবৃত্তং মহাত্মনঃ।
কথয়াংচক্রিরে রাজ্ঞস্তদ্ধনং বিবিধং দদুঃ॥ ১-১২৪-৪৫ (৫৫০১)
শ্রুৎবা তেভ্যস্ততঃ সর্বং যথাবৃত্তং মহাবনে।
ধৃতরাষ্ট্রো নরশ্রেষ্ঠঃ পাণ্ডুমেবান্বশোচত॥ ১-১২৪-৪৬ (৫৫০২)
ন শয়্যাসনভোগেষু রতিং বিন্দতি কর্হিচিৎ।
ভ্রাতৃশোকসমাবিষ্টস্তমেবার্থং বিচিন্তয়ন্॥ ১-১২৪-৪৭ (৫৫০৩)
রাজপুত্রস্তু কৌরব্য পাণ্ডুর্মূলফলাশনঃ।
জগাম সহ পত্নীভ্যাং ততো নাগশতং গিরিম্॥ ১-১২৪-৪৮ (৫৫০৪)
স চৈত্ররথমাসাদ্য কালকূটমতীত্য চ।
হিমবন্তমতিক্রম্য প্রয়যৌ গন্ধমাদনম্॥ ১-১২৪-৪৯ (৫৫০৫)
রক্ষ্যমাণো মহাভূতৈঃ সিদ্ধৈশ্চ পরমর্ষিভিঃ।
উবাস স মহারাজ সমেষু বিষমেষু চ॥ ১-১২৪-৫০ (৫৫০৬)
ইন্দ্রদ্যুম্নসরঃ প্রাপ্য হংসকূটমতীত্য চ।
শতশৃঙ্গে মহারাজ তাপসঃ সমতপ্যত॥ ॥ ১-১২৪-৫১ (৫৫০৭)

ইতি শ্রীমন্মহাভারতে আদিপর্বণি সংভবপর্বণি চতুর্বিংশত্যধিকশততমোঽধ্যায়ঃ॥ ১২৪ ॥

Mahabharata – Adi Parva – Chapter Footnotes

১-১২৪-১ ব্যতীতং মারিতম্॥ ১-১২৪-৫ দেবৈস্ত্যক্তস্য অপুত্রতয়া স্বর্গমনানর্হৎবাৎ॥ ১-১২৪-৬ মোক্ষং মোক্ষমার্গং ব্যবস্যামি নিশ্চিনোমি শ্রেয়স্করৎবেন। তত্র হি পুত্রাদ্যনপেক্ষা দৃষ্টা। ইষ্টমেবৈতজ্জাতমিত্যাহ বন্ধো হীতি। বন্ধঃ পুত্রৈষণাদিঃ। সুবৃত্তিং ব্রহ্মচর্যাখ্যাং বৃত্তিম্। পিতুর্ব্যাসস্য॥ ১-১২৪-১০ নিরাশীর্নির্নমস্কারঃ। আশিষং নমস্কারং বা নেচ্ছামীত্যর্থঃ। নির্দ্বন্দ্বঃ সুখদুঃখাদিহীনঃ। নিষ্পরিগ্রহঃ কন্থাপাদুকাদিহীনঃ॥ ১-১২৪-১১ চতুর্বিধং জরায়ুজাদিকম্॥ ১-১২৪-১২ কুলানি গৃহাণি॥ ১-১২৪-১৫ বাস্যা বাস্যেন কাষ্ঠতক্ষণেন॥ ১-১২৪-১৭ অভ্যুদয়ক্রিয়াঃ ইষ্টসাধনক্রিয়াঃ। নিমেষাদিব্যবস্থিতঃ জীবনসাধনকর্মসু ব্যবস্থিতঃ॥ ১-১২৪-১৮ অনবস্থাসু প্রবাহরূপাসু তাসু জীবনসাধনক্রিয়াসু॥ ১-১২৪-২০ সংস্থাপয়িষ্যামি নাশয়িষ্যামি। নির্ভয়ং মার্গং সংসারভয়রহিতম্॥ ১-১২৪-২৫ প্রব্রাজিতঃ সংন্যাসং প্রাপ্তঃ॥ ১-১২৪-২৬ ত্যাগধর্মঃ সংন্যাসঃ॥ ১-১২৪-৩৫ বিমৃশন্ হিংসাদিদোষম্॥ ১-১২৪-৩৮ নিষ্কং গ্রৈবেয়কম্॥ চতুর্বিংশত্যধিকশততমোঽধ্যায়ঃ॥ ১২৪ ॥