আদিপর্ব – অধ্যায় ১২৩

আদিপর্ব – অধ্যায় ১২৩

॥ শ্রীঃ ॥

১.১২৩. অধ্যায়ঃ ১২৩

Mahabharata – Adi Parva – Chapter Topics

সভার্যস্য পাণ্ডোর্মৃগয়ার্থং বনগমনম্॥ ১ ॥ তত্র মৃগরূপস্য মৃগ্যা মৈথুনং চরতঃ কিন্দমস্য মুনের্হননম্॥ ২ ॥ মৈথুনকালে ৎবং মরিষ্যসীতি কিন্দমেন পাণ্ডুং প্রতি শাপঃ॥ ৩ ॥

Mahabharata – Adi Parva – Chapter Text

১-১২৩-০ (৫৪১৪)
বৈশম্পায়ন উবাচ। ১-১২৩-০x (৭৩৩)
ধৃতরাষ্ট্রাভ্যনুজ্ঞাতঃ স্ববাহুবিজিতং ধনম্।
ভীষ্মায় সত্যবত্যৈ চ মাত্রে চোপজহার সঃ॥ ১-১২৩-১ (৫৪১৫)
বিদুরায় চ বৈ পাণ্ডুঃ প্রেষয়ামাস তদ্ধনম্।
সুহৃদশ্চাপি ধর্মাত্মা ধনেন সমতর্পয়ৎ॥ ১-১২৩-২ (৫৪১৬)
ততঃ সত্যবতীং ভীষ্মং কৌসল্যাং চ যশস্বিনীম্।
শুভৈঃ পাণ্ডুর্জিতৈরর্থৈস্তোষয়ামাস ভারত॥ ১-১২৩-৩ (৫৪১৭)
ননন্দ মাতা কৌসল্যা তমপ্রতিমতেজসম্।
জয়ন্তমিব পৌলোমী পরিষ্বজ্য নর্ষভম্॥ ১-১২৩-৪ (৫৪১৮)
তস্য বীরস্য বিক্রান্তৈঃ সহস্রশতদক্ষিণৈঃ।
অশ্বমেধশতৈরীজে ধৃতরাষ্ট্রো মহামখৈঃ॥ ১-১২৩-৫ (৫৪১৯)
সংপ্রয়ুক্তস্তু কুন্ত্যা চ মাদ্র্যা চ ভরতর্ষভ।
জিততন্দ্রিস্তদা পাণ্ডুর্বভূব বনগোচরঃ॥ ১-১২৩-৬ (৫৪২০)
হিৎবা প্রাসাদনিলয়ং শুভানি শয়নানি চ।
অরণ্যনিত্যঃ সততং বভূব মৃগয়াপরঃ॥ ১-১২৩-৭ (৫৪২১)
স চরন্দক্ষিণং পার্শ্বং রম্যং হিমবতো গিরঃ।
উবাস গিরিপৃষ্ঠেষু মহাশালবনেষু চ॥ ১-১২৩-৮ (৫৪২২)
ররাজ কুন্ত্যা মাদ্র্যা চ পাণ্ডুঃ সহ বনে চরন্।
করেণ্বোরিব মধ্যস্থঃ শ্রীমান্পৌরন্দরো গজঃ॥ ১-১২৩-৯ (৫৪২৩)
ভারতং সহ ভার্যাভ্যাং খঙ্গবাণধনুর্ধরম্।
বিচিত্রকবচং বীরং পরমাস্ত্রবিদং নৃপম্।
দেবোঽয়মিত্যমন্যন্ত চরন্তং বনবাসিনঃ॥ ১-১২৩-১০ (৫৪২৪)
তস্য কামাংশ্চ ভোগাংশ্চ নরা নিত্যমতন্দ্রিতাঃ।
উপজহ্রুর্বনান্তেষু ধৃতরাষ্ট্রেণ চোদিতাঃ॥ ১-১২৩-১১ (৫৪২৫)
তদাসাদ্য মহারণ্যং মৃগব্যালনিষেবিতম্।
তত্র মৈথুনকালস্থং দদর্শ মৃগয়ূথপম্॥ ১-১২৩-১২ (৫৪২৬)
ততস্তং চ মৃগীং চৈব রুক্মপুঙ্খৈঃ সুপত্রিভিঃ।
নির্বিভেদ শরৈস্তীক্ষ্ণৈঃ পাণ্ডুঃ পঞ্চভিরাশুগৈঃ॥ ১-১২৩-১৩ (৫৪২৭)
স চ রাজন্মহাতেজা ঋষিপুত্রস্তপোধনঃ।
ভার্যযা সহ তেজস্বী মৃগরূপেণ সঙ্গতঃ॥ ১-১২৩-১৪ (৫৪২৮)
স সংয়ুক্তস্তয়া মৃগ্যা মানুষীং বাচমীরয়ন্।
ক্ষণেন পতিতো ভূমৌ বিললাপাতুরো মৃগঃ॥ ১-১২৩-১৫ (৫৪২৯)
মৃগ উবাচ। ১-১২৩-১৬x (৭৩৪)
কামমন্যুবশং প্রাপ্তা বুদ্ধ্যন্তরগতা অপি।
বর্জয়ন্তি নৃশংসানি পাপেষ্বপি রতা নরাঃ॥ ১-১২৩-১৬ (৫৪৩০)
ন বিধিং গ্রসতে প্রজ্ঞা প্রজ্ঞাং তু গ্রসতে বিধিঃ।
বিধিপর্যাগতানর্থান্প্রজ্ঞাবান্প্রতিপদ্যতে॥ ১-১২৩-১৭ (৫৪৩১)
শস্বদ্ধর্মাত্মনাং মুখ্যে কুলে জাতস্য ভারত।
কামলোভাভিভূতস্য কথং তে চলিতা মতিঃ॥ ১-১২৩-১৮ (৫৪৩২)
পাণ্ডুরুবাচ। ১-১২৩-১৯x (৭৩৫)
শত্রূণাং যা বধে বৃত্তিঃ সা মৃগাণাং বধে স্মৃতা।
রাজ্ঞাং মৃগ ন মাং মোহাত্ৎবং গর্হয়িতুমর্হসি॥ ১-১২৩-১৯ (৫৪৩৩)
অচ্ছদ্মনাঽমায়যা চ মৃগাণাং বধ ইষ্যতে।
স এব ধর্মো রাজ্ঞাং তু তদ্ধি ৎবং কিং নু গর্হসে॥ ১-১২৩-২০ (৫৪৩৪)
অগস্ত্যঃ সত্রমাসীনশ্চকার মৃগয়ামৃষিঃ।
আরণ্যান্সর্বদৈবত্যান্মৃগান্প্রোক্ষ্য মহাবনে॥ ১-১২৩-২১ (৫৪৩৫)
প্রমাণদৃষ্টধর্মেণ কথমস্মান্বিগর্হসে।
অগস্ত্যস্যাভিচারেণ যুষ্মাকং বিহিতো বধঃ॥ ১-১২৩-২২ (৫৪৩৬)
ন রিপূন্বৈ সমুদ্দিশ্য বিমুঞ্চন্তি নরাঃ শরান্।
রন্ধ্র এষাং বিশেষেণ বধকালঃ প্রশস্যতে॥ ১-১২৩-২৩ (৫৪৩৭)
প্রমত্তমপ্রমত্তং বা বিবৃতং ঘ্নন্তি চৌজসা।
উপায়ৈর্বিবিধৈস্তীক্ষ্ণৈঃ কস্মান্মৃগ বিগর্হসে॥ ১-১২৩-২৪ (৫৪৩৮)
মৃগ উবাচ। ১-১২৩-২৫x (৭৩৬)
নাহং ঘ্ন্তং মৃগন্রাজন্বিগর্হে চাত্মকারণাৎ।
মৈথুনং তু প্রতীক্ষ্যং মে ৎবয়েহাদ্যানৃশংস্যতঃ॥ ১-১২৩-২৫ (৫৪৩৯)
সর্বভূতহিতে কালে সর্বভূতেপ্সিতে তথা।
কো হি বিদ্বান্মৃগং হন্যাচ্চরন্তং মৈথুনং বনে॥ ১-১২৩-২৬ (৫৪৪০)
অস্যাং মৃগ্যাং চ রাজেন্দ্র হর্ষান্মৈথুনমাচরম্।
পুরুষার্থফলং কর্তুং তত্ৎবয়া বিফলীকৃতম্॥ ১-১২৩-২৭ (৫৪৪১)
পৌরবাণাং মহারাজ তেষামক্লিষ্টকর্মণাম্।
বংশে জাতস্য কৌরব্য নানুরূপমিদং তব॥ ১-১২৩-২৮ (৫৪৪২)
নৃশংসং কর্ম সুমহৎসর্বলোকবিগর্হিতম্।
অস্বর্গ্যময়শস্যং চাপ্যধর্মিষ্ঠং চ ভারত॥ ১-১২৩-২৯ (৫৪৪৩)
স্ত্রীভোগানাং বিশেষজ্ঞঃ শাস্ত্রধর্মার্থতত্ৎববিৎ।
নার্হস্ৎবং সুরসঙ্কাশ কর্তুমস্বর্গ্যমীদৃশম্॥ ১-১২৩-৩০ (৫৪৪৪)
ৎবয়া নৃশংসকর্তারঃ পাপাচারাশ্চ মানবাঃ।
নিগ্রাহ্যাঃ পার্থিবশ্রেষ্ঠ ত্রিবর্গপরিবর্জিতাঃ॥ ১-১২৩-৩১ (৫৪৪৫)
কিং কৃতং তে নরশ্রেষ্ঠ মামিহানাগসং ঘ্নতঃ।
মুনিং মূলফলাহারং মৃগবেষধরং নৃপ॥ ১-১২৩-৩২ (৫৪৪৬)
বসমানমরণ্যেষু নিত্যং শমপরায়ণম্।
ৎবয়াঽহং হিংসিতো যস্মাত্তস্মাত্ৎবামপ্যনাগসঃ॥ ১-১২৩-৩৩ (৫৪৪৭)
দ্বয়োর্নৃশংসকর্তারমবশং কামমোহিতম্।
জীবিতান্তকরো ভাবো মৈথুনে সমুপৈষ্যতি॥ ১-১২৩-৩৪ (৫৪৪৮)
অহং হি কিংদমো নাম তপসা ভাবিতো মুনিঃ।
ব্যপত্রপন্মনুষ্যাণাং মৃগ্যাং মৈথুনমাচরম্॥ ১-১২৩-৩৫ (৫৪৪৯)
মৃগো ভৎবা মৃগৈঃ সার্ধং চরামি গহনে বনে।
ন তু তে ব্রহ্মহত্যেয়ং ভবিষ্যত্যবিজানতঃ॥ ১-১২৩-৩৬ (৫৪৫০)
মৃগরূপধরং হৎবা মামেবং কামমোহিতম্।
অস্য তু ৎবং ফলং মূঢ প্রাপ্স্যসীদৃশমেব হি॥ ১-১২৩-৩৭ (৫৪৫১)
প্রিয়যা সহ সংবাসং প্রাপ্য কামবিমোহিতঃ।
ৎবমপ্যস্যামবস্থায়াং প্রেতলোকং গমিষ্যসি॥ ১-১২৩-৩৮ (৫৪৫২)
অন্তকালে হি সংবাসং যয়া গন্তাসি কান্তয়া।
প্রেতরাজপুরং প্রাপ্তং সর্বভূতদুরত্যযম্।
ভক্ত্যা মতিমতাং শ্রেষ্ঠ সৈব ৎবাঽনুগমিষ্যতি॥ ১-১২৩-৩৯ (৫৪৫৩)
বর্তমানঃ সুখে দুঃখং যথাঽহং প্রাপিতস্ৎবয়া।
তথা ৎবাং চ সুখং প্রাপ্তং দুঃখমভ্যাগমিষ্যতি॥ ১-১২৩-৪০ (৫৪৫৪)
বৈশম্পায়ন উবাচ। ১-১২৩-৪১x (৭৩৭)
এবমুক্ৎবা সুদুঃখার্তো জীবিতাৎস ব্যমুচ্যত।
মৃগঃ পাণ্ডুশ্চ দুঃখার্তঃ ক্ষণেন সমপদ্যত॥ ॥ ১-১২৩-৪১ (৫৪৫৫)

ইতি শ্রীমন্মহাভারতে আদিপর্বণি সংভবপর্বণি ত্রয়োবিংশত্যধিকশততমোঽধ্যায়ঃ॥ ১২৩ ॥

Mahabharata – Adi Parva – Chapter Footnotes

১-১২৩-২৩ রন্ধ্রে বিশস্ত্রৎবব্যসনাক্রান্তৎবাদিসময়ে শরান্ন বিমুঞ্চন্তীতি সংবন্ধঃ। কিংৎবেষাং শত্রূণাং বধকালঃ সর্বলোকপ্রসিদ্ধঃ সঙ্গ্রাম আভিমুখ্যাদিমান্স এব প্রশশ্যতেঽন্যো নিন্দ্যত ইত্যর্থঃ॥ ১-১২৩-২৪ প্রমত্তমসাবধানম্॥ ১-১২৩-৩২ তে ৎবয়া॥ ১-১২৩-৩৪ দ্বয়োঃ স্ত্রীপুংসয়োর্নৃশংসং নিন্দ্যং মৈথুনাসক্তয়োর্বধস্তস্য কর্তারম্॥ ১-১২৩-৩৯ প্রাপ্তং ৎবা ৎবাম্॥ ত্রয়োবিংশত্যধিকশততমোঽধ্যায়ঃ॥ ১২৩ ॥