আদিপর্ব – অধ্যায় ০৭১

আদিপর্ব – অধ্যায় ০৭১

॥ শ্রীঃ ॥

১.৭১. অধ্যায়ঃ ০৭১

Mahabharata – Adi Parva – Chapter Topics

স্বপাণিগ্রহণার্থং প্রার্থিতবত্যা দেবয়ান্যা কচস্য বিবাদঃ॥ ১ ॥ কচদেবয়ান্যোঃ পরস্পরশাপদানম্॥ ২ ॥

Mahabharata – Adi Parva – Chapter Text

১-৭১-০ (৩২৫৮)
বৈশম্পায়ন উবাচ। ১-৭১-০x (৩৫৭)
সমাবৃতব্রতং তং তু বিসৃষ্টং গুরুণা কচম্।
প্রস্থিতং ত্রিদশাবাসং দেবয়ান্যব্রবীদিদম্॥ ১-৭১-১ (৩২৫৯)
ঋষেরঙ্গিরসঃ পৌত্র বৃত্তেনাভিজনেন চ।
ভ্রাজসে বিদ্যযা চৈব তপসা চ দমেন চ॥ ১-৭১-২ (৩২৬০)
ঋষির্যথাঙ্গিরা মান্যঃ পিতুর্মম মহায়শাঃ।
তথা প্রান্যশ্চ পূজ্যশ্চ মম ভূয়ো বৃহস্পতিঃ॥ ১-৭১-৩ (৩২৬১)
এবং জ্ঞাৎবা বিজানীহি যদ্ব্রবীমি তপোধন।
ব্রতস্থে নিয়মোপেতে যথা বর্তাম্যহং ৎবয়ি॥ ১-৭১-৪ (৩২৬২)
স সমাবৃতবিদ্যো মাং ভক্তাং ভজিতুমর্হসি।
গৃহাণ পাণিং বিধিবন্মম মন্ত্রপুরস্কৃতম্॥
কচ উবাচ। ১-৭১-৫ (৩২৬৩)
পূজ্যো মান্যশ্চ ভগবান্যথা তব পিতা মম।
তথা ৎবমনবদ্যাঙ্গি পূজনীয়তরা মম॥ ১-৭১-৬ (৩২৬৪)
প্রাণেভ্যোঽপি প্রিয়তরা ভার্গবস্য মহাত্মনঃ।
ৎবং ভত্রে ধর্মতঃ পূজ্যা গুরুপুত্রী সদা মম॥ ১-৭১-৭ (৩২৬৫)
যথা মম গুরুর্নিত্যং মান্যঃ শুক্রঃ পিতা তব।
দেবয়ানি তথৈব ৎবং নৈবং মাং বক্তুমর্হসি॥ ১-৭১-৮ (৩২৬৬)
দেবয়ান্যুবাচ। ১-৭১-৯x (৩৫৮)
গুরুপুত্রস্য পুত্রো বৈ ন ৎবং পুত্রশ্চ মে পিতুঃ।
তস্মাৎপূজ্যশ্চ মান্যশ্চ মমাপি ৎবং দ্বিজোত্তম॥ ১-৭১-৯ (৩২৬৭)
অসুরৈর্হন্যমানে চ কচ ৎবয়ি পুনঃপুনঃ।
তদাপ্রভৃতি যা প্রীতিস্তাং ৎবমদ্য স্মরস্ব মে॥ ১-৭১-১০ (৩২৬৮)
সৌহার্দে চানুরাগে চ বেত্থ মে ভক্তিমুত্তমাম্।
ন মামর্হসি ধর্মজ্ঞ ত্যক্তুং ভক্তামনাগসম্॥ ১-৭১-১১ (৩২৬৯)
কচ উবাচ। ১-৭১-১২x (৩৫৯)
অনিয়োজ্যে নিয়োক্তুং মাং দেবয়ানি ন চার্হসি।
প্রসীদ সুভ্রু ৎবং মহ্যং গুরোর্গুরুতরা শুভে॥ ১-৭১-১২ (৩২৭০)
যত্রোষিতং বিশালাক্ষি ৎবয়া চন্দ্রনিভাননে।
তত্রাহমুষিতো ভদ্রে কুক্ষৌ কাব্যস্য ভামিনি॥ ১-৭১-১৩ (৩২৭১)
ভগিনী ধর্মতো মে ৎবং মৈবং বোচঃ সুমধ্যমে।
সুখমস্ম্যুষিতো ভদ্রে ন মন্যুর্বিদ্যতে মম॥ ১-৭১-১৪ (৩২৭২)
আপৃচ্ছে ৎবাং গমিষ্যামি শিবমাশংস মে পথি।
অবিরোধেন ধর্মস্য স্মর্তব্যোঽস্মি কথান্তরে।
অপ্রমত্তোত্থিতা নিত্যমারাধয় গুরুং মম॥ ১-৭১-১৫ (৩২৭৩)
দেবয়ান্যুবাচ। ১-৭১-১৬x (৩৬০)
যদি মাং ধর্মকামার্থে প্রত্যাখ্যাস্যসি যাচিতঃ।
ততঃ কচ ন তে বিদ্যা সিদ্ধিমেষা গমিষ্যতি॥ ১-৭১-১৬ (৩২৭৪)
কচ উবাচ। ১-৭১-১৭x (৩৬১)
গুরুপুত্রীতি কৃৎবাঽহং প্রত্যাচক্ষে ন দোষতঃ।
গুরুণা চাননুজ্ঞাতঃ কামমেবং শপস্ব মাম্॥ ১-৭১-১৭ (৩২৭৫)
আর্ষং ধর্মং ব্রুবাণোঽহং দেবয়ানি যথা ৎবয়া।
শপ্তো হ্যনর্হঃ শাপস্য কামতোঽদ্য ন ধর্মতঃ॥ ১-৭১-১৮ (৩২৭৬)
তস্মাদ্ভবত্যা যঃ কামো ন তথা স ভবিষ্যতি।
ঋষিপুত্রো ন তে কশ্চিজ্জাতু পাণিং গ্রহীষ্যতি॥ ১-৭১-১৯ (৩২৭৭)
ফলিষ্যতি ন তে বিদ্যা যত্ৎবং মামাত্থ তত্তথা।
অধ্যাপয়িষ্যামি তু যং তস্য বিদ্যা ফলিষ্যতি॥ ১-৭১-২০ (৩২৭৮)
বৈশম্পায়ন উবাচ। ১-৭১-২১x (৩৬২)
এবমুক্ৎবা দ্বিজশ্রেষ্ঠো দেবয়ানীং কচস্তদা।
ত্রিদশেশালয়ং শীঘ্রং জগাম দ্বিজসত্তমঃ॥ ১-৭১-২১ (৩২৭৯)
তমাগতমভিপ্রেক্ষ্য দেবা ইন্দ্রপুরোগমাঃ।
বৃহস্পতিং সভাজ্যেদং কচং বচনমব্রুবন্॥ ১-৭১-২২ (৩২৮০)
দেবা ঊচুঃ। ১-৭১-২৩x (৩৬৩)
যত্ৎবয়াস্মদ্ধিতং কর্ম কৃতং বৈ পরমাদ্ভুতম্।
ন তে যশঃ প্রণশিতা ভাগভাক্ব ভবিষ্যসি॥ ॥ ১-৭১-২৩ (৩২৮১)

ইতি শ্রীমন্মহাভারতে আদিপর্বণি সংভবপর্বণি একসপ্ততিতমোঽধ্যায়ঃ॥ ৭১ ॥

Mahabharata – Adi Parva – Chapter Footnotes

১-৭১-১ সমাবৃতব্রতং সমাপ্তব্রতম্॥ ১-৭১-৯ গুরুঃ পুত্রো যস্য অঙ্গিরসঃ পুত্রঃ পৌত্রঃ॥ ১-৭১-১৫ উত্থিতা অনলসা॥ ১-৭১-১৭ অননুজ্ঞাতস্ৎবদুক্তকার্যে॥ ১-৭১-২৩ প্রণশিতা প্রণঙ্ক্ষ্যতি॥ একসপ্ততিতমোঽধ্যায়ঃ॥ ৭১ ॥